Matias 9
9
Yesus si-la ngowa'a ḇolo matengo
(Mrk. 2:1-12; Luk. 5:17-26)
1Dadi Yesus 'o mabalene toma oti, kara 'o masala da'a talaga kaci moi re 'o maḏibo Tai gamu Kapernaum. 2Toma gamu gena-ge ngowa'a nga muḏuo i'a 'aḏi gasa ino ngowa'a ḇolo matengo ga'a 'u sigare toma 'usungana. Wakutu Yesus 'o oḏi'i ananga manga ngo-ngaku lai te'e, Unanga 'o kanau i'a toma ngowa'a ḇolo gena-ge, “ 'Ari ngowa'a, awa 'ani 'akala re sinyingara 'i rapo'o, 'ani ḏosa-ḏosa 'i singi-ngiranga ḏua.”
3'Age rema guru-guru 'agama nga muḏuo i'a ga'a 'aḏi 'isene Yesus 'ai demo-demo gena-ge re 'aḏi makanau tamanga 'akala re sinyingara ma dara, “Ngowa'a nena-ne 'o je-jengere Ma Jou'ongu Madutu!”
4Yesus 'a waro ananga manga fikirana, dadi 'O kanau, “I'a sa'olo ni mafikiri 'ori i'a ma jira taninga 'akala re sinyingara ma dara? 5Le'a lebe gapanga si'a'a: Ngoi nyengara to kanau, ‘ 'Ani ḏosa ta singi-ngiranga ḏua’ bolo, nyengara to kanau, ‘Momi'i ie, re no tagi’? 6Mada'a nange-ne Ngoi ta sibukiti ra ngini mangale Ngoi, Manusia ma Ngowa'a Nau'u masiretene rari kuasa nga'unu ta singi-ngiranga ngowa-ngowa'a manga ḏosa toma dungia nena-ne.” Gena ḏua, Yesus 'o kanau i'a toma ngowa'a ḇolo gena-ge, “Momi'i ie, na tede 'ani 'usungana re no maḏibo!”
7Ḏua ngowa'a ḇolo gena-ge 'o te'oso re 'o maḏibo tai wala. 8Wakutu ngowa'a repe 'aḏi oḏi'i so'o gena, ananga 'aḏi mojongo re 'aḏi puji re silamo'o Ma Jou'ongu Madutu, sababu Unanga ro pula'a 'Ai kuasa lamo'o masala toma manusia.
Yesus 'o 'aro'o Matius dadi Unanga 'ai me-mete'e
(Mrk. 2:13-17; Luk. 5:27-32)
9Gena ḏua, Yesus 'o sisoi'i tala ngi'i gena-ge. Tai ḏo-ḏagi ma dara 'o oḏi'i ngowa'a golo-golo'o balastengi matengo 'ai lomanga Matius 'o madi-dirini tai kantor. Yesus kanau i'a ra unanga, “Ino mete'e Ngoi.” Ḏua Matius ro te'oso, kara 'o mete'e Yesus.
10Wakutu Yesus 'o oromo ra Matius 'ai wala, ngowa'a golo-golo'o balastengi manga repe 'aḏi sapolo, mamete'e reo ngowa'a ga'a si'aro'o ngowa'a baraḏosa. Ananga mo-moini 'aḏi oromo mamete'e rea Yesus re 'Ai me-mete'e. 11'Age rema ngowa'a Farisi ga'a 'aḏi oḏi'i i'a so'o gena, ananga 'aḏi sano ra Yesus 'ai me-mete'e, “I'a sa'olo ninga guru Unanga 'o oromo mamete'e reo ngowa-ngowa'a golo-golo'o balastengi re ngowa'a baraḏosa?”#Luk. 15:1-2, 15:1-2
12Yesus 'a 'isene so'o gena re 'O kanau, “Ngowa'a kamanga si-siḏi ua 'aḏi paralu dotere ua. Pa'i ngowa'a remanga si-siḏi ḇato, ananga 'aḏi paralu dotere. 13So'o gena ḏi'i, Ngoi to sapolo ua di'a 'aro'o ngowa'a loasa re banari mada'a to sapolo di'a 'aro'o ngowa'a baraḏosa. Dadi ngini ni disa waro toma Boku 'Ofi-'Ofi ma dara bu-bula'a nena-ne ma ngale: ‘Ngoi to mau ngowa'a 'aḏi sijumu manga 'akala re sinyingara ma la-la toma ngowa'a lelegu, awa pa'i 'aḏi pula'a jou-jou haiwani ra Ngoi!’ ”#Hos. 6:6; Mat. 12:7
Wakutu Yesus 'age Tai me-mete'e sigolona moju, 'Ai me-mete'e 'aḏi puasa ua
(Mrk. 2:18-22; Luk. 5:33-39)
14Togumu i'a, 'a Yohanes tukanga baptis, unanga gena-ge 'ai me-mete'e 'aḏi sapolo ra Yesus. Ananga 'aḏi sano, “I'a sa'olo 'Ani me-mete'e 'aḏi puasa ua, mada'a ngomi re ngowa'a Farisi, mi puasa?”
15Yesus 'a sangoro, “Sanga ua, ioro re nongoḏu toma molo'ara ma laya ananga 'aḏi garura, na'o geri molo'ara na-nau'u 'age tamanga sigolona moju. Mada'a ḏuanga i'a ma 'orasa 'i ngadolo na'o geri molo'ara gena-ge ananga 'u 'oro tamanga sigolona. Toma 'orasa gena-ge, ananga ḏuanga i'a 'aḏi puasa.”
Awa capuru Yesus 'ai do-doto'o reo ngowa'a Yahudi manga 'atoranga
16“Matengo ua 'o pata 'ai baju ma siḏa reo ba-bata ma su-sungi. Sababu ba-bata ma su-sungi 'i taunu singadolo baju ma siḏa gena-ge 'i 'acingi lebe lamo'o i'a. 17So'o gena ḏi'i, 'anggur ma su-sungi sidai'i ua toma 'anggur ma ngi'i ma siḏa.#9:17 'anggur ma ngi'i si'a'a reo haiwani ma 'eno'o. Sababu ngi'i ma siḏa gena-ge 'i 'acingi, kara 'anggur 'i pa'ala re 'anggur ma ngi'i ri cira ḏi'i! 'Anggur ma su-sungi balasu sidai'i toma 'anggur ma ngi'i ma su-sungi, la bae 'anggur bae ma ngi'i, enanga 'i la-la mo-moini.”
Wala puji ma sae'e 'ai ngowa'a were'a re we-were'a ga'a macigi Yesus 'ai juba
(Mrk. 5:21-43; Luk. 8:40-56)
18Wakutu Yesus 'o ka-kanau moju ra Yohanes 'ai me-mete'e, wala puji ma sae'e 'o sapolo ra Yesus. Unanga 'o maḏipolono ra Yesus 'ai biono re 'o kanau, “ 'Ari ngowa'a were'a aro mo sengene i'a, na'o nyengara gari'a No sapolo re Nimi cigi, la munanga dadunu mo 'ahu.”
19Yesus 'o te'oso re 'o tagi mamete'e reo wala puji ma sae'e gena-ge re 'Ai me-mete'e mamete'e ḏi'i.
20-21Toma ngo'omo ma golona we-were'a matengo mo siḏi, 'ami ngaunu pa'ala ma di'ara ri musungu nyagi moi re romoḏiḏi ḏua sa'olo mo maoḏi'i, munanga mo sapolo re mo maco-cori'i i'a ra Yesus, kara ma cigi Yesus 'ai juba ma dere da'a ḏuḏunu ino. Tami 'ulungu ma dara, “Na'o ta cigi 'Ai juba ḇato, ngoi to la.”
22Toma 'orasa gena-ge Yesus 'o magelelo re 'o oḏi'i we-were'a gena-ge. Ḏua Yesus 'o kanau, “ 'Ari ngowa'a na site'e tala 'ani 'akala re sinyingara, sababu ngana 'ani ngo-ngaku ra Ngoi, ngana no la.” Toma 'orasa gena-ge ḏua, we-were'a gena-ge mo la.
23Gena ḏua, Yesus 'o ngadolo toma wala puji ma sae'e 'ai wala. I'a da'a, Unanga 'o oḏi'i ngowa-ngowa'a ga'a ḇisa serulingi di'a palihara mayeti re ngowa'a repe ya rerese ma gaḏi. 24Unanga 'o kanau ra ananga, “Ngini ni supu mo-moini. Ngowa 'olo nena-ne mo sengene ua munanga pa'i mo otu ḇato.”#9:24 Yesus 'ai maksudu so'o ne: Kalaha ngowa 'olo gena-ge mo sengene Unanga nyengara dadunu 'o si'ahu moju munanga ma tero sa'olo manusia nyengara 'aḏi simomi'i ngowa'a ga'a 'o otu ḏua. Ananga mo-moini 'aḏi nye-nyelo'o Unanga.
25Dadi ananga mo-moini 'aḏi matai supu. Ḏua, Yesus 'o osama toma ngowa 'olo gena-ge 'ami kamara kara 'a gu'u 'ami giama. Toma 'orasa gena-ge ḏua, ngowa 'olo were'a gena-ge dadunu mo 'ahu moju re mo momi'i. 26Habari gena-ge ananga ya sihabari toma daeraha gena-ge mo-moini.
Yesus 'o si-la ngowa'a nga muḏiḏi manga la'o hafu
27Yesus 'o tagi sisoi'i tala ngi'i gena-ge re 'a dowanga 'ai ḏo-ḏagi. Toma ngo'omo ma golona, ngowa'a hafu nga muḏiḏi 'aḏi tutu'u ra Unanga 'ai ḏuḏunu. Ananga 'aḏi poa'a, “Jou, 'Olana Daud 'ai ju'uda,#9:27 'Olana Daud 'ai ju'uda ma tero sa'olo: Daud 'ai Ngowa'a Nau'u. no sijumu 'Ani 'akala re sinyingara ma la-la ra ngomi!”
28Wakutu Yesus 'o osama toma wala, ngowa'a hafu nga muḏiḏi gena-ge 'aḏi sapolo ra Unanga. Yesus 'O sano ra ananga, “ 'Oru ngini ni ngaku mangale Ngoi nga'unu to si-la ngini?”
Ananga 'aḏi sangoro, “Jou, ngomi ngaku gena-ge!”
29Ḏua Yesus 'a cigi ananga manga la'o re 'O kanau, “Sababu ninga ngo-ngaku, 'oru ga'a ngini ni mau, enanga 'i dadi.” 30Toma 'orasa gena-ge ḏua, ananga raḏi oḏi'i. Unanga 'o sipo-poma ananga, “Awa ni siajele hali nena-ne ra guna ḇato.” 31Mada'a ananga 'aḏi tagi re ya sihabari mangale Yesus toma daeraha sitabi donga.
Yesus 'o si-la ngowa'a mou matengo
32Wakutu ananga nga muḏiḏi gena-ge ga'a aro raḏi la 'aḏi tagi, 'age rema ngowa'a 'aḏi gasa ino ra Yesus ngowa'a mou matengo ga'a roh ma jira 'u dungosama. 33Yesus 'a dusu'u roh ma jira gena-ge. Re toma 'orasa gena-ge ḏua, ngowa'a mou nga'unu ro kanau. Ngowa'a repe 'aḏi matai heranga re 'aḏi kanau, “Soi moi nyangu, ngomi oḏi'i ga'a hera-heranga ma duhu so'o nena-ne toma Israel!”
34Mada'a ngowa-ngowa'a Farisi 'aḏi kanau, “Roh ma Jira ma 'Olana#9:34 “Roh ma Jira ma 'Olana” ma ngale 'Iblisi ri pula'a kuasa ra Unanga nena-ne di'a dusu'u roh-roh ma jira.”#Mat. 10:25, 12:24; Mrk. 3:22; Luk. 11:15
Yesus 'o basono dadalara wakutu 'O oḏi'i ngowa'a repe
35Yesus 'o tagi 'o tuḏu limau-limau, re gamu-gamu toma daeraha sitabi donga. Unanga 'o doto'o toma wala-wala puji re singadolo Habari Roanga mangale Soroga ma Pareta.#9:35 “Soroga ma Pareta” ma tero Ma Jou'ongu Madutu 'ai Pareta. Unanga 'o si-la ngowa-ngowa'a mo-moini remanga si-siḏi ma rupa 'oru ḇato.#Mat. 4:23; Mrk. 1:39; Luk. 4:44 36Wakutu Yesus 'o oḏi'i ngowa'a repe Tai 'akala re sinyingara ma dara 'i baolo dadalara, sababu ananga manga susa re sangisara ma repe re ya riono manga diri nga'unu ua. Ananga gena-ge ma tero sa'olo doba kama sowohi ua.#Nyo. 27:17; 1'Oln. 22:17; 2Taw. 18:16; Yeh. 34:5; Za. 10:2; Mrk. 6:34 37Dadi Yesus 'o kanau Tai me-mete'e, “Ngowa-ngowa'a nena-ne ma tero sa'olo guḏa ma hasili lai lamo'o 'i 'utu'u nyangu, mada'a ngowa'a 'utu-'utu'u 'u 'aḏi repe ua. 38Sababu gena-ge, ngini ni golo'o toma guḏa ma dutu, la Unanga 'o siḏingoto ngowa'a 'utu-'utu'u di'a ya lomu guḏa ma hasili.”#Luk. 10:2
موجودہ انتخاب:
Matias 9: SNT
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
2015 © Indonesian Bible Society
Matias 9
9
Yesus si-la ngowa'a ḇolo matengo
(Mrk. 2:1-12; Luk. 5:17-26)
1Dadi Yesus 'o mabalene toma oti, kara 'o masala da'a talaga kaci moi re 'o maḏibo Tai gamu Kapernaum. 2Toma gamu gena-ge ngowa'a nga muḏuo i'a 'aḏi gasa ino ngowa'a ḇolo matengo ga'a 'u sigare toma 'usungana. Wakutu Yesus 'o oḏi'i ananga manga ngo-ngaku lai te'e, Unanga 'o kanau i'a toma ngowa'a ḇolo gena-ge, “ 'Ari ngowa'a, awa 'ani 'akala re sinyingara 'i rapo'o, 'ani ḏosa-ḏosa 'i singi-ngiranga ḏua.”
3'Age rema guru-guru 'agama nga muḏuo i'a ga'a 'aḏi 'isene Yesus 'ai demo-demo gena-ge re 'aḏi makanau tamanga 'akala re sinyingara ma dara, “Ngowa'a nena-ne 'o je-jengere Ma Jou'ongu Madutu!”
4Yesus 'a waro ananga manga fikirana, dadi 'O kanau, “I'a sa'olo ni mafikiri 'ori i'a ma jira taninga 'akala re sinyingara ma dara? 5Le'a lebe gapanga si'a'a: Ngoi nyengara to kanau, ‘ 'Ani ḏosa ta singi-ngiranga ḏua’ bolo, nyengara to kanau, ‘Momi'i ie, re no tagi’? 6Mada'a nange-ne Ngoi ta sibukiti ra ngini mangale Ngoi, Manusia ma Ngowa'a Nau'u masiretene rari kuasa nga'unu ta singi-ngiranga ngowa-ngowa'a manga ḏosa toma dungia nena-ne.” Gena ḏua, Yesus 'o kanau i'a toma ngowa'a ḇolo gena-ge, “Momi'i ie, na tede 'ani 'usungana re no maḏibo!”
7Ḏua ngowa'a ḇolo gena-ge 'o te'oso re 'o maḏibo tai wala. 8Wakutu ngowa'a repe 'aḏi oḏi'i so'o gena, ananga 'aḏi mojongo re 'aḏi puji re silamo'o Ma Jou'ongu Madutu, sababu Unanga ro pula'a 'Ai kuasa lamo'o masala toma manusia.
Yesus 'o 'aro'o Matius dadi Unanga 'ai me-mete'e
(Mrk. 2:13-17; Luk. 5:27-32)
9Gena ḏua, Yesus 'o sisoi'i tala ngi'i gena-ge. Tai ḏo-ḏagi ma dara 'o oḏi'i ngowa'a golo-golo'o balastengi matengo 'ai lomanga Matius 'o madi-dirini tai kantor. Yesus kanau i'a ra unanga, “Ino mete'e Ngoi.” Ḏua Matius ro te'oso, kara 'o mete'e Yesus.
10Wakutu Yesus 'o oromo ra Matius 'ai wala, ngowa'a golo-golo'o balastengi manga repe 'aḏi sapolo, mamete'e reo ngowa'a ga'a si'aro'o ngowa'a baraḏosa. Ananga mo-moini 'aḏi oromo mamete'e rea Yesus re 'Ai me-mete'e. 11'Age rema ngowa'a Farisi ga'a 'aḏi oḏi'i i'a so'o gena, ananga 'aḏi sano ra Yesus 'ai me-mete'e, “I'a sa'olo ninga guru Unanga 'o oromo mamete'e reo ngowa-ngowa'a golo-golo'o balastengi re ngowa'a baraḏosa?”#Luk. 15:1-2, 15:1-2
12Yesus 'a 'isene so'o gena re 'O kanau, “Ngowa'a kamanga si-siḏi ua 'aḏi paralu dotere ua. Pa'i ngowa'a remanga si-siḏi ḇato, ananga 'aḏi paralu dotere. 13So'o gena ḏi'i, Ngoi to sapolo ua di'a 'aro'o ngowa'a loasa re banari mada'a to sapolo di'a 'aro'o ngowa'a baraḏosa. Dadi ngini ni disa waro toma Boku 'Ofi-'Ofi ma dara bu-bula'a nena-ne ma ngale: ‘Ngoi to mau ngowa'a 'aḏi sijumu manga 'akala re sinyingara ma la-la toma ngowa'a lelegu, awa pa'i 'aḏi pula'a jou-jou haiwani ra Ngoi!’ ”#Hos. 6:6; Mat. 12:7
Wakutu Yesus 'age Tai me-mete'e sigolona moju, 'Ai me-mete'e 'aḏi puasa ua
(Mrk. 2:18-22; Luk. 5:33-39)
14Togumu i'a, 'a Yohanes tukanga baptis, unanga gena-ge 'ai me-mete'e 'aḏi sapolo ra Yesus. Ananga 'aḏi sano, “I'a sa'olo 'Ani me-mete'e 'aḏi puasa ua, mada'a ngomi re ngowa'a Farisi, mi puasa?”
15Yesus 'a sangoro, “Sanga ua, ioro re nongoḏu toma molo'ara ma laya ananga 'aḏi garura, na'o geri molo'ara na-nau'u 'age tamanga sigolona moju. Mada'a ḏuanga i'a ma 'orasa 'i ngadolo na'o geri molo'ara gena-ge ananga 'u 'oro tamanga sigolona. Toma 'orasa gena-ge, ananga ḏuanga i'a 'aḏi puasa.”
Awa capuru Yesus 'ai do-doto'o reo ngowa'a Yahudi manga 'atoranga
16“Matengo ua 'o pata 'ai baju ma siḏa reo ba-bata ma su-sungi. Sababu ba-bata ma su-sungi 'i taunu singadolo baju ma siḏa gena-ge 'i 'acingi lebe lamo'o i'a. 17So'o gena ḏi'i, 'anggur ma su-sungi sidai'i ua toma 'anggur ma ngi'i ma siḏa.#9:17 'anggur ma ngi'i si'a'a reo haiwani ma 'eno'o. Sababu ngi'i ma siḏa gena-ge 'i 'acingi, kara 'anggur 'i pa'ala re 'anggur ma ngi'i ri cira ḏi'i! 'Anggur ma su-sungi balasu sidai'i toma 'anggur ma ngi'i ma su-sungi, la bae 'anggur bae ma ngi'i, enanga 'i la-la mo-moini.”
Wala puji ma sae'e 'ai ngowa'a were'a re we-were'a ga'a macigi Yesus 'ai juba
(Mrk. 5:21-43; Luk. 8:40-56)
18Wakutu Yesus 'o ka-kanau moju ra Yohanes 'ai me-mete'e, wala puji ma sae'e 'o sapolo ra Yesus. Unanga 'o maḏipolono ra Yesus 'ai biono re 'o kanau, “ 'Ari ngowa'a were'a aro mo sengene i'a, na'o nyengara gari'a No sapolo re Nimi cigi, la munanga dadunu mo 'ahu.”
19Yesus 'o te'oso re 'o tagi mamete'e reo wala puji ma sae'e gena-ge re 'Ai me-mete'e mamete'e ḏi'i.
20-21Toma ngo'omo ma golona we-were'a matengo mo siḏi, 'ami ngaunu pa'ala ma di'ara ri musungu nyagi moi re romoḏiḏi ḏua sa'olo mo maoḏi'i, munanga mo sapolo re mo maco-cori'i i'a ra Yesus, kara ma cigi Yesus 'ai juba ma dere da'a ḏuḏunu ino. Tami 'ulungu ma dara, “Na'o ta cigi 'Ai juba ḇato, ngoi to la.”
22Toma 'orasa gena-ge Yesus 'o magelelo re 'o oḏi'i we-were'a gena-ge. Ḏua Yesus 'o kanau, “ 'Ari ngowa'a na site'e tala 'ani 'akala re sinyingara, sababu ngana 'ani ngo-ngaku ra Ngoi, ngana no la.” Toma 'orasa gena-ge ḏua, we-were'a gena-ge mo la.
23Gena ḏua, Yesus 'o ngadolo toma wala puji ma sae'e 'ai wala. I'a da'a, Unanga 'o oḏi'i ngowa-ngowa'a ga'a ḇisa serulingi di'a palihara mayeti re ngowa'a repe ya rerese ma gaḏi. 24Unanga 'o kanau ra ananga, “Ngini ni supu mo-moini. Ngowa 'olo nena-ne mo sengene ua munanga pa'i mo otu ḇato.”#9:24 Yesus 'ai maksudu so'o ne: Kalaha ngowa 'olo gena-ge mo sengene Unanga nyengara dadunu 'o si'ahu moju munanga ma tero sa'olo manusia nyengara 'aḏi simomi'i ngowa'a ga'a 'o otu ḏua. Ananga mo-moini 'aḏi nye-nyelo'o Unanga.
25Dadi ananga mo-moini 'aḏi matai supu. Ḏua, Yesus 'o osama toma ngowa 'olo gena-ge 'ami kamara kara 'a gu'u 'ami giama. Toma 'orasa gena-ge ḏua, ngowa 'olo were'a gena-ge dadunu mo 'ahu moju re mo momi'i. 26Habari gena-ge ananga ya sihabari toma daeraha gena-ge mo-moini.
Yesus 'o si-la ngowa'a nga muḏiḏi manga la'o hafu
27Yesus 'o tagi sisoi'i tala ngi'i gena-ge re 'a dowanga 'ai ḏo-ḏagi. Toma ngo'omo ma golona, ngowa'a hafu nga muḏiḏi 'aḏi tutu'u ra Unanga 'ai ḏuḏunu. Ananga 'aḏi poa'a, “Jou, 'Olana Daud 'ai ju'uda,#9:27 'Olana Daud 'ai ju'uda ma tero sa'olo: Daud 'ai Ngowa'a Nau'u. no sijumu 'Ani 'akala re sinyingara ma la-la ra ngomi!”
28Wakutu Yesus 'o osama toma wala, ngowa'a hafu nga muḏiḏi gena-ge 'aḏi sapolo ra Unanga. Yesus 'O sano ra ananga, “ 'Oru ngini ni ngaku mangale Ngoi nga'unu to si-la ngini?”
Ananga 'aḏi sangoro, “Jou, ngomi ngaku gena-ge!”
29Ḏua Yesus 'a cigi ananga manga la'o re 'O kanau, “Sababu ninga ngo-ngaku, 'oru ga'a ngini ni mau, enanga 'i dadi.” 30Toma 'orasa gena-ge ḏua, ananga raḏi oḏi'i. Unanga 'o sipo-poma ananga, “Awa ni siajele hali nena-ne ra guna ḇato.” 31Mada'a ananga 'aḏi tagi re ya sihabari mangale Yesus toma daeraha sitabi donga.
Yesus 'o si-la ngowa'a mou matengo
32Wakutu ananga nga muḏiḏi gena-ge ga'a aro raḏi la 'aḏi tagi, 'age rema ngowa'a 'aḏi gasa ino ra Yesus ngowa'a mou matengo ga'a roh ma jira 'u dungosama. 33Yesus 'a dusu'u roh ma jira gena-ge. Re toma 'orasa gena-ge ḏua, ngowa'a mou nga'unu ro kanau. Ngowa'a repe 'aḏi matai heranga re 'aḏi kanau, “Soi moi nyangu, ngomi oḏi'i ga'a hera-heranga ma duhu so'o nena-ne toma Israel!”
34Mada'a ngowa-ngowa'a Farisi 'aḏi kanau, “Roh ma Jira ma 'Olana#9:34 “Roh ma Jira ma 'Olana” ma ngale 'Iblisi ri pula'a kuasa ra Unanga nena-ne di'a dusu'u roh-roh ma jira.”#Mat. 10:25, 12:24; Mrk. 3:22; Luk. 11:15
Yesus 'o basono dadalara wakutu 'O oḏi'i ngowa'a repe
35Yesus 'o tagi 'o tuḏu limau-limau, re gamu-gamu toma daeraha sitabi donga. Unanga 'o doto'o toma wala-wala puji re singadolo Habari Roanga mangale Soroga ma Pareta.#9:35 “Soroga ma Pareta” ma tero Ma Jou'ongu Madutu 'ai Pareta. Unanga 'o si-la ngowa-ngowa'a mo-moini remanga si-siḏi ma rupa 'oru ḇato.#Mat. 4:23; Mrk. 1:39; Luk. 4:44 36Wakutu Yesus 'o oḏi'i ngowa'a repe Tai 'akala re sinyingara ma dara 'i baolo dadalara, sababu ananga manga susa re sangisara ma repe re ya riono manga diri nga'unu ua. Ananga gena-ge ma tero sa'olo doba kama sowohi ua.#Nyo. 27:17; 1'Oln. 22:17; 2Taw. 18:16; Yeh. 34:5; Za. 10:2; Mrk. 6:34 37Dadi Yesus 'o kanau Tai me-mete'e, “Ngowa-ngowa'a nena-ne ma tero sa'olo guḏa ma hasili lai lamo'o 'i 'utu'u nyangu, mada'a ngowa'a 'utu-'utu'u 'u 'aḏi repe ua. 38Sababu gena-ge, ngini ni golo'o toma guḏa ma dutu, la Unanga 'o siḏingoto ngowa'a 'utu-'utu'u di'a ya lomu guḏa ma hasili.”#Luk. 10:2
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
2015 © Indonesian Bible Society