Ko-Dabirɛnu 1
1
Duninya Dan Koe
1Alla ya duninya-dan dabira tumɛ min, 2dugi rakolɔn le nun, a pindi-pandi. Yi min sanɛ dugi wo kuma, pinpi burunnɛ wo kuma nun bɛfu! Kɔnɔ Allata Sɛnbɛ ye firifirila yi wo kuma.
Duninya Dan-Koe Tele Fɔlɔtɛ
3 #
2 Kɔrɛnti 4.6
Nba Alla ko, “Waan ra ni ka.” Waan rakara. 4Wan-takanɛ wo ya Alla hɛnɛ. A ya waan anubɛ pinpi fara anu nyɔgɔn na. 5Alla ya wan-takanɛ wo tɔgɔ sa tele. A ya pinpi wo fanan tɔgɔ sa suyi. Suyi kera, bandɛ kara. Wo mara a tele fɔlɛ la.
Duninya Dan-Koe Tele Fila Nyɔgɛ
6-7 #
2 Pita 3.5
Wo kɔma Alla ko, “Yi ni fara anu nyɔgɔn na. Do ni to san ma, do ni to dugu ma alako gbɛ ni taran yinu tɛma.” Yi farata anu nyɔgɔn na. Do tora san ma, do tora dugu ma. Gbɛ taranta yi wonu tɛma iko a ya a fɔ nya min. 8Alla ya gbɛ wo tɔgɔ sa san-kole. Suyi kera, bandɛ kara. Wo mara a tele fila nyɔgɛ la.
Duninya Dan-Koe Tele Sawa Nyɔgɛ
9Wo kɔma Alla ko, “Yi min bi dugu ma, wo la ni dɛn kan-tina-kelen. Dugu-kole ni bɔ yi wo tɛma.” Wo mara iko a ya a fɔ nya min. 10Alla ya dugi wo tɔgɔ sa dugu-kole. A ya yi ladɛnnɛ wo tɔgɔ sa kɔgɔ-yi. Alla ya dugu-kole anubɛ kɔgɔ-yi mafɛlɛn. Wo ya a hɛnɛ.
11Wo kɔma Alla ko, “Fui-fen wo, ki-fen wo, wo bɛɛ ni fɛrɛn dugu-kole wo kuma ka gbɔ iko anu sunu bi nya min.” A mara iko a ya a fɔ nya min. 12Fan bɛɛ fɛrɛnta dugu-kole wo kuma ka gbɔ iko anu sunu bi nya min. Alla ya wonu mafɛlɛn. Wo ya a hɛnɛ. 13Suyi kera, bandɛ kara. Wo mara a tele sawa nyɔgɛ la.
Duninya Dan-Koe Tele Nani Nyɔgɛ
14Wo kɔma Alla ko, “Fan donu ni taran san-kole rɔ minnu si waan raka alako ka suyi anubɛ tele dan-natɛgɛ lɔn wonu fɛ, anubɛ ka watinu dan-nafarɛ lɔn fanan. 15Fan wonu ni waan raka san-kole anubɛ dugu-kole kuma.” A mara iko a ya a fɔ nya min. 16Alla ya wan-belebele fila dan, tele anubɛ karɛ, kɔni. Wan-kinamɛ ni mansayɛ kɛ tele rɔ. Wan-dɔgɔmɛ ni mansayɛ kɛ suyi rɔ. Wo kɔma, a ya lolenu dan. 17Tele wo, karɛ wo, lole wo, Alla ya wonu sigi san-kole rɔ alako anu ni waan raka dugu-kole kuma 18ka mansayɛ kɛ suyi anubɛ tele kuma ka waan anubɛ pinpi fara. Alla ya wonu mafɛlɛn. Wo ya a hɛnɛ. 19Suyi kera, bandɛ kara. Wo mara a tele nani nyɔgɛ la.
Duninya Dan-Koe Tele Loli Nyɔgɛ
20Wo kɔma Alla ko, “Nima-fannu ni taran yi rɔ. Konanu ni taran san ma.” 21Woletɔ Alla ya nima-fen-kinama-wɛ donu dan yi rɔ anubɛ nima-fen sufa siyamɛ donu. Alla ya kona-su-siyaman dan. Alla ya wonu mafɛlɛn. Wo ya a hɛnɛ. 22Alla ya ala duwɛ layigi anu kuma, a ko, “Wole yirɔ-fannu, wo ni to yirila ka yinu nafa. Wole konanu, wo fanan ni to siyayala.” 23Suyi kera, bandɛ kara. Wo mara a tele loli nyɔgɛ la.
Duninya Dan-Koe Tele Wɔrɔ Nyɔgɛ
24Wo kɔma Alla ko, “Nima-fen-su bɛɛsi ni taran dugu-kole kuma, a bintɔ-sogo wo, a so-tɛma-sogo wo, a dɔgɔma wo, a kinama wo.” Wo mara iko a ya a fɔ nya min. 25Alla ya nima-fan wonu dan. A ya wonu mafɛlɛn. Wo ya a hɛnɛ.
26 #
1 Kɔrɛnti 11.7
Wo kɔma Alla ko, “Ma ni mɔgɔni-gbuyi dan ma nyɛrɛta muninyɛ rɔ minnu si ma iko male. Woletɔ anu si mansayɛ kɛ duninya rɔ anubɛ nima-fan min bɛɛsi ye duninya rɔ, a yɛgɛ wo, a kona wo, a bintɔ-sogo wo, a so-tɛma-sogo wo.”
27 #
Matiyu 19.4; Maraka 10.6 #Ko-Dabirɛnu 5.1-2Woletɔ Alla ya mɔgɔni-gbuyi dan a nyɛrɛta muninyɛ rɔ. A ya kei anubɛ musi dan.
28A ya ata duwɛ layigi anu kuma ko, “Wo ni yiri ka duninya lafa. Fan min bɛɛsi ye duninya rɔ, wonu ni to wola sɛnbɛ kɔrɔ. Wo ni mansayɛ kɛ nima-fan bɛɛsi kuma duninya rɔ, a yɛgɛ wo, a kona wo, a sogo wo.”
29Wo kɔma Alla ko, “Wo ni wo tole masɔ n na. Fui-fan anubɛ ki-fan min bɛɛ si gbɔ dugu-kole kuma, n bara wonu di wo ma ka anu ma wo beli-fan la. 30N bara binyɛ anubɛ yanba-kunyɛ di sogenu anubɛ konanu ma.” Wo mara iko a ya a fɔ nya min.
31Alla ya fan min bɛɛsi dan duninya rɔ, a ya wonu mafɛlɛn. Wo ya a hɛnɛ feu! Suyi kera, bandɛ kara. Wo mara a tele wɔrɔ nyɔgɛ la.
موجودہ انتخاب:
Ko-Dabirɛnu 1: KCLB
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Kuranko Common Language Bible © The Bible Society in Sierra Leone, 2006.
Ko-Dabirɛnu 1
1
Duninya Dan Koe
1Alla ya duninya-dan dabira tumɛ min, 2dugi rakolɔn le nun, a pindi-pandi. Yi min sanɛ dugi wo kuma, pinpi burunnɛ wo kuma nun bɛfu! Kɔnɔ Allata Sɛnbɛ ye firifirila yi wo kuma.
Duninya Dan-Koe Tele Fɔlɔtɛ
3 #
2 Kɔrɛnti 4.6
Nba Alla ko, “Waan ra ni ka.” Waan rakara. 4Wan-takanɛ wo ya Alla hɛnɛ. A ya waan anubɛ pinpi fara anu nyɔgɔn na. 5Alla ya wan-takanɛ wo tɔgɔ sa tele. A ya pinpi wo fanan tɔgɔ sa suyi. Suyi kera, bandɛ kara. Wo mara a tele fɔlɛ la.
Duninya Dan-Koe Tele Fila Nyɔgɛ
6-7 #
2 Pita 3.5
Wo kɔma Alla ko, “Yi ni fara anu nyɔgɔn na. Do ni to san ma, do ni to dugu ma alako gbɛ ni taran yinu tɛma.” Yi farata anu nyɔgɔn na. Do tora san ma, do tora dugu ma. Gbɛ taranta yi wonu tɛma iko a ya a fɔ nya min. 8Alla ya gbɛ wo tɔgɔ sa san-kole. Suyi kera, bandɛ kara. Wo mara a tele fila nyɔgɛ la.
Duninya Dan-Koe Tele Sawa Nyɔgɛ
9Wo kɔma Alla ko, “Yi min bi dugu ma, wo la ni dɛn kan-tina-kelen. Dugu-kole ni bɔ yi wo tɛma.” Wo mara iko a ya a fɔ nya min. 10Alla ya dugi wo tɔgɔ sa dugu-kole. A ya yi ladɛnnɛ wo tɔgɔ sa kɔgɔ-yi. Alla ya dugu-kole anubɛ kɔgɔ-yi mafɛlɛn. Wo ya a hɛnɛ.
11Wo kɔma Alla ko, “Fui-fen wo, ki-fen wo, wo bɛɛ ni fɛrɛn dugu-kole wo kuma ka gbɔ iko anu sunu bi nya min.” A mara iko a ya a fɔ nya min. 12Fan bɛɛ fɛrɛnta dugu-kole wo kuma ka gbɔ iko anu sunu bi nya min. Alla ya wonu mafɛlɛn. Wo ya a hɛnɛ. 13Suyi kera, bandɛ kara. Wo mara a tele sawa nyɔgɛ la.
Duninya Dan-Koe Tele Nani Nyɔgɛ
14Wo kɔma Alla ko, “Fan donu ni taran san-kole rɔ minnu si waan raka alako ka suyi anubɛ tele dan-natɛgɛ lɔn wonu fɛ, anubɛ ka watinu dan-nafarɛ lɔn fanan. 15Fan wonu ni waan raka san-kole anubɛ dugu-kole kuma.” A mara iko a ya a fɔ nya min. 16Alla ya wan-belebele fila dan, tele anubɛ karɛ, kɔni. Wan-kinamɛ ni mansayɛ kɛ tele rɔ. Wan-dɔgɔmɛ ni mansayɛ kɛ suyi rɔ. Wo kɔma, a ya lolenu dan. 17Tele wo, karɛ wo, lole wo, Alla ya wonu sigi san-kole rɔ alako anu ni waan raka dugu-kole kuma 18ka mansayɛ kɛ suyi anubɛ tele kuma ka waan anubɛ pinpi fara. Alla ya wonu mafɛlɛn. Wo ya a hɛnɛ. 19Suyi kera, bandɛ kara. Wo mara a tele nani nyɔgɛ la.
Duninya Dan-Koe Tele Loli Nyɔgɛ
20Wo kɔma Alla ko, “Nima-fannu ni taran yi rɔ. Konanu ni taran san ma.” 21Woletɔ Alla ya nima-fen-kinama-wɛ donu dan yi rɔ anubɛ nima-fen sufa siyamɛ donu. Alla ya kona-su-siyaman dan. Alla ya wonu mafɛlɛn. Wo ya a hɛnɛ. 22Alla ya ala duwɛ layigi anu kuma, a ko, “Wole yirɔ-fannu, wo ni to yirila ka yinu nafa. Wole konanu, wo fanan ni to siyayala.” 23Suyi kera, bandɛ kara. Wo mara a tele loli nyɔgɛ la.
Duninya Dan-Koe Tele Wɔrɔ Nyɔgɛ
24Wo kɔma Alla ko, “Nima-fen-su bɛɛsi ni taran dugu-kole kuma, a bintɔ-sogo wo, a so-tɛma-sogo wo, a dɔgɔma wo, a kinama wo.” Wo mara iko a ya a fɔ nya min. 25Alla ya nima-fan wonu dan. A ya wonu mafɛlɛn. Wo ya a hɛnɛ.
26 #
1 Kɔrɛnti 11.7
Wo kɔma Alla ko, “Ma ni mɔgɔni-gbuyi dan ma nyɛrɛta muninyɛ rɔ minnu si ma iko male. Woletɔ anu si mansayɛ kɛ duninya rɔ anubɛ nima-fan min bɛɛsi ye duninya rɔ, a yɛgɛ wo, a kona wo, a bintɔ-sogo wo, a so-tɛma-sogo wo.”
27 #
Matiyu 19.4; Maraka 10.6 #Ko-Dabirɛnu 5.1-2Woletɔ Alla ya mɔgɔni-gbuyi dan a nyɛrɛta muninyɛ rɔ. A ya kei anubɛ musi dan.
28A ya ata duwɛ layigi anu kuma ko, “Wo ni yiri ka duninya lafa. Fan min bɛɛsi ye duninya rɔ, wonu ni to wola sɛnbɛ kɔrɔ. Wo ni mansayɛ kɛ nima-fan bɛɛsi kuma duninya rɔ, a yɛgɛ wo, a kona wo, a sogo wo.”
29Wo kɔma Alla ko, “Wo ni wo tole masɔ n na. Fui-fan anubɛ ki-fan min bɛɛ si gbɔ dugu-kole kuma, n bara wonu di wo ma ka anu ma wo beli-fan la. 30N bara binyɛ anubɛ yanba-kunyɛ di sogenu anubɛ konanu ma.” Wo mara iko a ya a fɔ nya min.
31Alla ya fan min bɛɛsi dan duninya rɔ, a ya wonu mafɛlɛn. Wo ya a hɛnɛ feu! Suyi kera, bandɛ kara. Wo mara a tele wɔrɔ nyɔgɛ la.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Kuranko Common Language Bible © The Bible Society in Sierra Leone, 2006.