Lukasə 20
20
Pəjus pə́ Pítə Yeso nə́ Alíʼ páʼ Mətɨ Mí mə́ Fɛ́d nə́ Ə́wə́
(Mat 21.23-27; Mag 11.27-33)
1A nə ḿbə́ táʼə alě yətsə̌ Yeso a chîə tə́kɔʼndɛ̂sê ńtə́ ńdzéʼkə ə́sóŋə Anǔəsê, pətə́kɔʼ pə́ ngaŋə́pêsê, ngaŋə́zéʼkə pənoŋkə, ḿbá mətû mə́ aláʼ pó yǐ 2ə́sóŋ nə́ yí ńgə́, “fiʼtə̂ áwə́g nə́ ndú páʼ gho lɔg nə mətɨ ə́wɨ́ ə́faʼ ndɛn mənuə nə ə́wə́, əwə a fɛ̂ nə mətɨ mɨ́d məənə́ á mbô gho?”
3Yeso a kwěe ághɔ́b ńgə́, “maŋ kə́ ńtúgə azéemə apítə, fiʼtə̂ nə mə ńgə́ 4Jɔnə a kə̈ fɛ̂ nkǐ lə́ nə́ mətɨ mə́ lǒo nə́ á nəpó kəənə mbô pɨ pə́ mbîə?”
5Pó tíʼə ńtsəmnə̂ a mə́m pó ə́sóŋə ńgə́, “Mbɔʼ pɛn kwěe ńgə́, á nəpóolə, tə ḿbə́ a yǐ pítə áwɛ́n ńgə́, ‘Akə̂ nə ḿbə́ ńgɛd nə́ kě yí pí pô?’ 6Lə́ mbɔʼ pɛn kə́ ə́sóŋ ńgə́ á mbô pɨ pə́ mbîə, tə ḿbə́ ŋwu məsɔŋə́ nə́ aliʼə́ nə́ ntsəm a yǐ tə́mtə áwɛ́n nə́ məngɔʼə, ńté ńgə́ á pɛ́d tə ńchîə atû pó ńgə́, Jɔnə a nə ḿbə́ lə́ ntûsê.”
7Pó tíʼ ńkwěe ńgə́, “pəg kě jîə aliʼ mə́ nə̈ ńdǒ nə́ ə́wɨ́ pô.”
8Yeso a tíʼ ə́sóŋ ńgə́, “maŋ kě áwɨ́ yǐ kə́ fiʼtə̂ nə́ aliʼ məmá mətɨ mə́ lǒo nə́ ə́wɨ́ maŋ faʼ ndɛn mənuə nə ə́wɨ́ pô.”
Atséebə́nə́múʼ Ńté Ngaŋə́shíʼnə Nkáʼ Mətǐ mə́ Məloʼə
(Mat 21.33-46; Mag 12.1-12)
9Yeso a chúʼə á mə́ zéʼkə nə́ pɨ nə́ yətsə́ atséebə́nə́múʼə́ ńgə́ “Ŋwu tsə̌ a nə ńtúg nkáʼ əyí ńtíʼ ńtsoŋkə̂ nkáʼ yi wɨ́ ḿbǐ mətǐ mə́ məloʼ páʼ mə́ fɛ̂ nə́ mənta pə̈ fóŋə nə́ glebə, ńtíʼ ńnéŋ pɨ ə́wɨ́ ńgə́ pó tə́ ə́faʼə̂ á mbô yə́, ńtíʼ ńgɛnə̂ yə́ atú yi ndaʼ ḿbyádnə ńchî ə́wə́. 10Əghâ ándó ndɛlə akyɛmə́nta mə́ atǐ mə̂ ə́ nə́ ńkoʼ nə́ lə́ a túmə táʼ ngaŋəfaʼ əyǐ ńgə́ a ghɛn ńkwá əyǐ gleb páʼ pə́ kyɛ̂ nə́. Lə́, ngaŋə́shíʼnə nkáʼ zə̂ ə́shúmə yi, ńkəmə̂ yə́ a ghɛn nə́ mbô mə́ kətaŋə. 11A pɨ ńkə́ ńtúmə yitsə̌ ngaŋəfaʼ, ngaŋə́shíʼnə nkáʼ zə̂ ə́ kə́ ḿbɨ ə́shúmə yí, ńnéŋ əsə́ənə atû yí ńkə́ ńkəmə̂ yə́ a pɨ ńkə́ ńgɛn mbô mə́ kətaŋə. 12Ngaŋnkáʼ ə́wə́ a kə́ ḿbɨ ńtúmə a yitsə̌ ngaŋəfaʼə á pə́ pó pɛ́n pə́ teelə́. Nə́ ghɛn lɛ̌ ŋwu, pə́ néŋ məfəŋ nə́ yí, ńchǐə yí ḿmaʼə̂ apeŋə́.”
13“Ngaŋnkáʼ wə̂ a tíʼ ə́sóŋ nə́ mbɨ əjǐ ńgə́, Maŋ yǐ ghɛd lə́ ə́lɛ́ əghâ nə́? Maŋ yǐ tíʼ túmə á ndə̌ móonə mə yi mbyâŋnə páʼ maŋ kɔŋ nə́, əghâ tsə̌ pó ghóʼkə yə́.”
14“Ndzaŋə ándó ngaŋə́shíʼnə nkáʼ zə̂ ə́ nə ńjɨ́ nə́ a mɔ́ yí wə̂ páʼ a kɔŋ nə́ lə́, ńtíʼ ə́sóŋ ńgə́ ‘Lɛ̌ njîndɛ̂ əyǐə, Pɛn jwítə a yí ńjî ńgə́ nkáʼ gleb ghɛn ə́ tíʼ ḿbə́ əwɛ́nə.’ 15Pó fyáalə yí ə́fógə á mə́m nkáʼ ńtíʼ ńjwítə yə́.” Əghâ ándó Yeso a nə́ məgtə̂ nə́ á mə́ tsáb nə́ atséebə́nə́múʼ zɨ lə́ ńtíʼ ḿbítə pɨ pə̂ ńgə́, “Nə́ kwaŋ ńgə́ ngaŋnkáʼ gleb wə̂ a yǐ ghɛd ə́lɛ́ nə́ pɨ pə̂? 16A yǐ jwítə ngaŋə́shíʼnə nkáʼ zə̂ ə́ tíʼ ə́fɛ̂ nkáʼ gleb əyə́ á mbô pɨ pə́ ndaʼə.” Ndzaŋə ándó pɨ pó nə ńdzóʼ nə́ anu zɨ́ lə́ ə́sóŋ ńgə́, “Kɔ Əsê a pí ńgə́ mbô anu zɨ ə́ laŋə̂.”
17Lə́ Yeso a tə́g əmə́g ńnáŋ pɨ pə̂ ńtíʼ sóŋ ńgə́, “Anu zɨ páʼ á chî nə́ á mə́m aŋwaʼlə Əsê ä sóŋə lə́ ńgə́ akə̂? Anu yə ə́wə́ ä sóŋə lə́ ńgə́, ‘Tsɔʼə ngɔʼ ngaŋə́póomə ndɛ̂ ə́ nə ḿmyaʼ nə́ ńgə́ ə́ kě pɔŋ pô ə́ tíʼ ḿbə́ pə́ ngɔʼ nəlwî nə́ ndɛ̂ páʼ ə́ wam nə́ ndɛ̂ ńtsɛ məngɔʼ mətsəmə.’ 18Ŋwu ntsəm páʼ a wǔ nə́ á ndu ngɔʼ zɨ a yǐ pə́ʼkə akəmə akəmə, lə́ ŋwu ntsəm páʼ ngɔʼ yi wɨ́ ə́ wǔ nə́ nə́ yí ə́ yǐ ghɔʼə̂ yə́.”
Pə́ Apítə Yeso nə́ Anu Ńté mə Tû nə́ Nchubə Aláʼə
(Mat 22.15-22; Mag 12.13-17)
19Ngaŋə́zéʼkə pənoŋkə pópə pətə́kɔʼ pə́ ngaŋə́pêsê ə́ jî ńgə́ Yeso a nə ńtséebə atséebə́nə́múʼ zə̂ ə́fɛ̂ lə́ nə́ pó, tsɔʼə əghâ yi wɨ́, pó lɔ ndúmə á mə́ wam nə́ yə́. Lə́ pó nə ńtə́ ḿbɔ́gə pɨ páʼ pó nə ńchî nə́ ə́wə́.
20Pó pɛ́d ńkə́ ńtə́g əmə́g nə́ Yeso, ńtíʼ ńtú məŋkɔ́ʼ ńgə́ pó yǐ ḿbɨ́ʼkə əmə́g ńgə́ pó pɔŋə̂, ḿbə́ ńdoonə̂ lə́ əsêndúmə mə́ wam nə́ Yeso nə́ anu yətsə́ a kə́ sóŋ nə́ ə́ tíʼ fɛ̂ yə́ á mbô nətû zɔ́b mbɔʼ a ghɛlə̂ anuə atsəm nə́ yə́. 21Məŋkɔ́ʼ mə́ pə́ nə ńtú nə́ lə́ mə́ tíʼ ḿbítə Yeso ńgə́, “Ndzéʼkə, pəg jî ńgə́ anu ghö sóŋ nə́ ńkə̈ ńdzéʼkə lə́ á koʼə̂. Pəg jî ńgə́ gho kě ŋwu tsə́ kɔŋ ńtsɛɛlə̂ yitsə́ pô, pəg jî ńgə́ gho zéʼkə lə́ ndə̌ŋdəŋ ńté Əsê á mbô ŋwu məsɔŋə́. 22Tíʼ ə́fiʼtə̂ áwə́g ńgə́, a koʼnə̂ á mə́ tû nə́ nchubə aláʼə á mbô Siza kəənə a kě koʼnə̂?”
23Lə́ Yeso a pə́ ńdeŋ píd pö tə́m nə́ lə́ ńtíʼ ə́sóŋ nə́ pó ńgə́, 24“Nɨd nə́ mə nə́ nkéebə atəənə́, ńgə́ lə́ chî əshî wə́ pó əlɛ́n wə́ á ndú nkáb yi wə́? Pó sóŋ ńgə́,” yí Siza.
25Yeso a tíʼ ə́sóŋ ńgə́, mbɔʼ a pə́ ə́lɨ́d, nə́ fɛ̂ ajúmə Siza á mbô Siza ńkə́ fɛ̂ yə́ Əsê á mbô Əsê.
26Pó tíʼ ńká ńté ńgə́ pó nə ńkě awǔənu yətsə́ nə́ atséebə Yeso zɨ́ pô, akwe zɨ́d zəənə́ á nə ńkɨʼnə̂ ághɔ́b pó tíʼ ńnaʼə̂ ághóobə́.
Apítə Ńté mə Júmnə nə́ Nəwûə
(Mat 22.23-33; Mag 12.18-27)
27Pə Sadusi pətsə́ pó yǐəə á mbô Yeso, páʼ pó nə̈ ə́sóŋ nə́ ńgə́ tə mbɔʼ ŋwunə a kě kwû mbɨ ńjúmnə a nəwû pô, ńtíʼ ḿbítə yí ńgə́, 28“Ndzéʼkə, Mosisə a kə ŋwaʼlə̂ noŋkə ghɛnə́ á mbô pəg ńgə́, Təmbɔʼ ŋwunə a kwû ḿmyaʼə̂ ngwě əyǐ tsɔʼə tə pɔ́, ndim ndú yə a shib ńdɔgə̂ məngyě yi wə́ á əkogə́. Ńjî ńgə́ pó yí tíʼ ḿbî pɔ́ nə́ əlɛ́n ndim əyǐ wə́ páʼ a nə ńkwû nə́ lə̂. 29Mbyâŋnə yitsə́ ə́ kə láʼ ńchîə akɔʼə ndɛ̂ pó pɛ́n asaambɛ̂, ntsɛɛmbi əghoobə́ a zɔ́ʼ ńkwûə yí tsɔʼə tə móonə. 30Azoŋə yə́ a lɔgə̂ nkog əyǐ wə́, 31ńkə́ ńkwû ḿmyaʼ nə́ ajíə azoŋ tə ḿməgə̂ ághóobə́ asaambɛ̂ wə̂ pətsəm tsɔʼə tə móonə. 32Məngyě wə́ a yǐ ńkə́ ḿmegnə̂ ńkwûə ajíə. 33Əghâ nə, pəkwû pə́ lǒo ə́ júmnə lə́ məngyě nə́ a pə́ lə́ ngwě əwə? Ńté ńgə́ pó pətsəm pɛ́nə asaambɛ̂ kə zɔ́ʼə a yə́.”
34Yeso a kwěe ńgə́, pɨ pə́ ngoʼ pɨ pə̈ zɔ́ʼə, ńkə́ fɛ̂ pəənə á ndzɔʼə́ 35lə́ pɨ pə́ yǒ nə́ júmnə á nəwû ə́ kə́ jî nchîntɨ nə́ ndɛd yi wɨ́ pó yǒ kë ə́zɔ́ʼə pô. 36Pó chî lə́ ándó pətseŋpə́ndɛ́pə́sê, təmbɔʼ pó kě pɨ ńkwû pô. Pó lə́ pɔ́ pə́ Əsê ńté ńgə́ pó júmnə nəwûə. 37Lə́ Mosisə nə ḿbə́ ńkyaʼ ńgə́ pəkwû pə̈ yǒ júmnə. Nə́ atsáb ńté akɔb yə kɛ́d nə́ a nə sóŋ ńgə́, Əsê lə́ Əsê Ablaamə, ḿbə́ yi Azigə ńkə́ ḿbə́ yi Jekɔbə. 38Zəənə́ ä nəələ̂ ńgə́ Əsê lə́ Əsê pɨ pə́ chî nə́ á mbîə ńkě pə́ lə́ yi pəkwû pô ńté ńgə́ pɨ páʼ pó chî nə́ á mbô Əsê pó chîə á mbîə.
39Ngaŋə́zéʼkə pənoŋkə pitsə́ pó kwěe ńgə́, “Zə̂ lə́ akwe yə əshîʼnə ḿbə́ Ndzéʼkə.” 40Pó tíʼ ńkě pɨ fiʼə̂ á mə́ pítə nə́ yí nə́ atsáb yətsə́ pô.
Apítə Ńgə́ Nchwádkə lə́ Mɔ́ Əwə
(Mat 22.41-46; Mag 12.35-37)
41Yeso a pítə ághɔ́b ńgə́, “Pə́ sóŋə ńgə́ Nchwádkə lə́ mɔ́ Debid lə́ ńté akə̂? 42Debid a nə sóŋ nə́ ntso yə́ á mə́mə aŋwaʼlə Mənkǐ ńgə́, ‘Mmaʼmbîə a sóŋ nə́ Mmaʼmbîə mə ńgə́, Náanə á əlá apô maŋ yə təənə. 43Tə maŋ yǒ ńdɔg ngaŋkə́pa əzô ńgɛd nətəgnə́ məko mô ə́wə́.’ 44Debilə a nə fóŋə a yi ńgə́ Mmaʼmbî, təmbɔʼ a pɨ ńtíʼ ḿbímə mɔ́ əyǐ lə́ ə́lɛ́.”
Yeso a Kwantə̂ ngaŋə́zoŋə́ndzəm Əjí Ńté Ngaŋə́zéʼkə Pənoŋkə
(Mat 23.1-36; Mag 12.38-40)
45Ndzaŋ ŋwu ntsəmə a nə ḿbɛ́d nə́ ńtə́ ńjwə́ʼtə lə́, Yeso a sóŋə á mbô ngaŋə́zoŋə́ndzəm əjí ńgə́, 46“Lɔg nə́ ndɛd nə́ ngaŋə́zéʼkə pənoŋkə, pó kɔŋə̂ a mə́ nyi nə́ nə́ pətə́sɛ pə́ ətsəʼə́ a mbɨ pó ńkə́ ńkɔŋ ńgə́ pə́ chaʼtə̂ ághóobə́ a ndu məteenə́, ńkə́ ńkɔŋ ńgə́ pətə́kɔʼ pə́ ələŋ ə́ chî nə́ á ndɛ̂sê pəjusə, ḿbá əliʼ dina ətsəm ə́ pə́ əpóobə́. 47Pó kwáalə məláʼ mə́ pəkog pə́ pəngyě ńtíʼə ńdɔgə̂ tə́sɛ achaʼtə́sê ńkə́bkə mənu mɔ́b ə́wə́. Pó yǒ zɨ́ ngə́ʼ páʼ ə́ laŋ nə́ yi wə̂.”
موجودہ انتخاب:
Lukasə 20: azo
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Lukasə 20
20
Pəjus pə́ Pítə Yeso nə́ Alíʼ páʼ Mətɨ Mí mə́ Fɛ́d nə́ Ə́wə́
(Mat 21.23-27; Mag 11.27-33)
1A nə ḿbə́ táʼə alě yətsə̌ Yeso a chîə tə́kɔʼndɛ̂sê ńtə́ ńdzéʼkə ə́sóŋə Anǔəsê, pətə́kɔʼ pə́ ngaŋə́pêsê, ngaŋə́zéʼkə pənoŋkə, ḿbá mətû mə́ aláʼ pó yǐ 2ə́sóŋ nə́ yí ńgə́, “fiʼtə̂ áwə́g nə́ ndú páʼ gho lɔg nə mətɨ ə́wɨ́ ə́faʼ ndɛn mənuə nə ə́wə́, əwə a fɛ̂ nə mətɨ mɨ́d məənə́ á mbô gho?”
3Yeso a kwěe ághɔ́b ńgə́, “maŋ kə́ ńtúgə azéemə apítə, fiʼtə̂ nə mə ńgə́ 4Jɔnə a kə̈ fɛ̂ nkǐ lə́ nə́ mətɨ mə́ lǒo nə́ á nəpó kəənə mbô pɨ pə́ mbîə?”
5Pó tíʼə ńtsəmnə̂ a mə́m pó ə́sóŋə ńgə́, “Mbɔʼ pɛn kwěe ńgə́, á nəpóolə, tə ḿbə́ a yǐ pítə áwɛ́n ńgə́, ‘Akə̂ nə ḿbə́ ńgɛd nə́ kě yí pí pô?’ 6Lə́ mbɔʼ pɛn kə́ ə́sóŋ ńgə́ á mbô pɨ pə́ mbîə, tə ḿbə́ ŋwu məsɔŋə́ nə́ aliʼə́ nə́ ntsəm a yǐ tə́mtə áwɛ́n nə́ məngɔʼə, ńté ńgə́ á pɛ́d tə ńchîə atû pó ńgə́, Jɔnə a nə ḿbə́ lə́ ntûsê.”
7Pó tíʼ ńkwěe ńgə́, “pəg kě jîə aliʼ mə́ nə̈ ńdǒ nə́ ə́wɨ́ pô.”
8Yeso a tíʼ ə́sóŋ ńgə́, “maŋ kě áwɨ́ yǐ kə́ fiʼtə̂ nə́ aliʼ məmá mətɨ mə́ lǒo nə́ ə́wɨ́ maŋ faʼ ndɛn mənuə nə ə́wɨ́ pô.”
Atséebə́nə́múʼ Ńté Ngaŋə́shíʼnə Nkáʼ Mətǐ mə́ Məloʼə
(Mat 21.33-46; Mag 12.1-12)
9Yeso a chúʼə á mə́ zéʼkə nə́ pɨ nə́ yətsə́ atséebə́nə́múʼə́ ńgə́ “Ŋwu tsə̌ a nə ńtúg nkáʼ əyí ńtíʼ ńtsoŋkə̂ nkáʼ yi wɨ́ ḿbǐ mətǐ mə́ məloʼ páʼ mə́ fɛ̂ nə́ mənta pə̈ fóŋə nə́ glebə, ńtíʼ ńnéŋ pɨ ə́wɨ́ ńgə́ pó tə́ ə́faʼə̂ á mbô yə́, ńtíʼ ńgɛnə̂ yə́ atú yi ndaʼ ḿbyádnə ńchî ə́wə́. 10Əghâ ándó ndɛlə akyɛmə́nta mə́ atǐ mə̂ ə́ nə́ ńkoʼ nə́ lə́ a túmə táʼ ngaŋəfaʼ əyǐ ńgə́ a ghɛn ńkwá əyǐ gleb páʼ pə́ kyɛ̂ nə́. Lə́, ngaŋə́shíʼnə nkáʼ zə̂ ə́shúmə yi, ńkəmə̂ yə́ a ghɛn nə́ mbô mə́ kətaŋə. 11A pɨ ńkə́ ńtúmə yitsə̌ ngaŋəfaʼ, ngaŋə́shíʼnə nkáʼ zə̂ ə́ kə́ ḿbɨ ə́shúmə yí, ńnéŋ əsə́ənə atû yí ńkə́ ńkəmə̂ yə́ a pɨ ńkə́ ńgɛn mbô mə́ kətaŋə. 12Ngaŋnkáʼ ə́wə́ a kə́ ḿbɨ ńtúmə a yitsə̌ ngaŋəfaʼə á pə́ pó pɛ́n pə́ teelə́. Nə́ ghɛn lɛ̌ ŋwu, pə́ néŋ məfəŋ nə́ yí, ńchǐə yí ḿmaʼə̂ apeŋə́.”
13“Ngaŋnkáʼ wə̂ a tíʼ ə́sóŋ nə́ mbɨ əjǐ ńgə́, Maŋ yǐ ghɛd lə́ ə́lɛ́ əghâ nə́? Maŋ yǐ tíʼ túmə á ndə̌ móonə mə yi mbyâŋnə páʼ maŋ kɔŋ nə́, əghâ tsə̌ pó ghóʼkə yə́.”
14“Ndzaŋə ándó ngaŋə́shíʼnə nkáʼ zə̂ ə́ nə ńjɨ́ nə́ a mɔ́ yí wə̂ páʼ a kɔŋ nə́ lə́, ńtíʼ ə́sóŋ ńgə́ ‘Lɛ̌ njîndɛ̂ əyǐə, Pɛn jwítə a yí ńjî ńgə́ nkáʼ gleb ghɛn ə́ tíʼ ḿbə́ əwɛ́nə.’ 15Pó fyáalə yí ə́fógə á mə́m nkáʼ ńtíʼ ńjwítə yə́.” Əghâ ándó Yeso a nə́ məgtə̂ nə́ á mə́ tsáb nə́ atséebə́nə́múʼ zɨ lə́ ńtíʼ ḿbítə pɨ pə̂ ńgə́, “Nə́ kwaŋ ńgə́ ngaŋnkáʼ gleb wə̂ a yǐ ghɛd ə́lɛ́ nə́ pɨ pə̂? 16A yǐ jwítə ngaŋə́shíʼnə nkáʼ zə̂ ə́ tíʼ ə́fɛ̂ nkáʼ gleb əyə́ á mbô pɨ pə́ ndaʼə.” Ndzaŋə ándó pɨ pó nə ńdzóʼ nə́ anu zɨ́ lə́ ə́sóŋ ńgə́, “Kɔ Əsê a pí ńgə́ mbô anu zɨ ə́ laŋə̂.”
17Lə́ Yeso a tə́g əmə́g ńnáŋ pɨ pə̂ ńtíʼ sóŋ ńgə́, “Anu zɨ páʼ á chî nə́ á mə́m aŋwaʼlə Əsê ä sóŋə lə́ ńgə́ akə̂? Anu yə ə́wə́ ä sóŋə lə́ ńgə́, ‘Tsɔʼə ngɔʼ ngaŋə́póomə ndɛ̂ ə́ nə ḿmyaʼ nə́ ńgə́ ə́ kě pɔŋ pô ə́ tíʼ ḿbə́ pə́ ngɔʼ nəlwî nə́ ndɛ̂ páʼ ə́ wam nə́ ndɛ̂ ńtsɛ məngɔʼ mətsəmə.’ 18Ŋwu ntsəm páʼ a wǔ nə́ á ndu ngɔʼ zɨ a yǐ pə́ʼkə akəmə akəmə, lə́ ŋwu ntsəm páʼ ngɔʼ yi wɨ́ ə́ wǔ nə́ nə́ yí ə́ yǐ ghɔʼə̂ yə́.”
Pə́ Apítə Yeso nə́ Anu Ńté mə Tû nə́ Nchubə Aláʼə
(Mat 22.15-22; Mag 12.13-17)
19Ngaŋə́zéʼkə pənoŋkə pópə pətə́kɔʼ pə́ ngaŋə́pêsê ə́ jî ńgə́ Yeso a nə ńtséebə atséebə́nə́múʼ zə̂ ə́fɛ̂ lə́ nə́ pó, tsɔʼə əghâ yi wɨ́, pó lɔ ndúmə á mə́ wam nə́ yə́. Lə́ pó nə ńtə́ ḿbɔ́gə pɨ páʼ pó nə ńchî nə́ ə́wə́.
20Pó pɛ́d ńkə́ ńtə́g əmə́g nə́ Yeso, ńtíʼ ńtú məŋkɔ́ʼ ńgə́ pó yǐ ḿbɨ́ʼkə əmə́g ńgə́ pó pɔŋə̂, ḿbə́ ńdoonə̂ lə́ əsêndúmə mə́ wam nə́ Yeso nə́ anu yətsə́ a kə́ sóŋ nə́ ə́ tíʼ fɛ̂ yə́ á mbô nətû zɔ́b mbɔʼ a ghɛlə̂ anuə atsəm nə́ yə́. 21Məŋkɔ́ʼ mə́ pə́ nə ńtú nə́ lə́ mə́ tíʼ ḿbítə Yeso ńgə́, “Ndzéʼkə, pəg jî ńgə́ anu ghö sóŋ nə́ ńkə̈ ńdzéʼkə lə́ á koʼə̂. Pəg jî ńgə́ gho kě ŋwu tsə́ kɔŋ ńtsɛɛlə̂ yitsə́ pô, pəg jî ńgə́ gho zéʼkə lə́ ndə̌ŋdəŋ ńté Əsê á mbô ŋwu məsɔŋə́. 22Tíʼ ə́fiʼtə̂ áwə́g ńgə́, a koʼnə̂ á mə́ tû nə́ nchubə aláʼə á mbô Siza kəənə a kě koʼnə̂?”
23Lə́ Yeso a pə́ ńdeŋ píd pö tə́m nə́ lə́ ńtíʼ ə́sóŋ nə́ pó ńgə́, 24“Nɨd nə́ mə nə́ nkéebə atəənə́, ńgə́ lə́ chî əshî wə́ pó əlɛ́n wə́ á ndú nkáb yi wə́? Pó sóŋ ńgə́,” yí Siza.
25Yeso a tíʼ ə́sóŋ ńgə́, mbɔʼ a pə́ ə́lɨ́d, nə́ fɛ̂ ajúmə Siza á mbô Siza ńkə́ fɛ̂ yə́ Əsê á mbô Əsê.
26Pó tíʼ ńká ńté ńgə́ pó nə ńkě awǔənu yətsə́ nə́ atséebə Yeso zɨ́ pô, akwe zɨ́d zəənə́ á nə ńkɨʼnə̂ ághɔ́b pó tíʼ ńnaʼə̂ ághóobə́.
Apítə Ńté mə Júmnə nə́ Nəwûə
(Mat 22.23-33; Mag 12.18-27)
27Pə Sadusi pətsə́ pó yǐəə á mbô Yeso, páʼ pó nə̈ ə́sóŋ nə́ ńgə́ tə mbɔʼ ŋwunə a kě kwû mbɨ ńjúmnə a nəwû pô, ńtíʼ ḿbítə yí ńgə́, 28“Ndzéʼkə, Mosisə a kə ŋwaʼlə̂ noŋkə ghɛnə́ á mbô pəg ńgə́, Təmbɔʼ ŋwunə a kwû ḿmyaʼə̂ ngwě əyǐ tsɔʼə tə pɔ́, ndim ndú yə a shib ńdɔgə̂ məngyě yi wə́ á əkogə́. Ńjî ńgə́ pó yí tíʼ ḿbî pɔ́ nə́ əlɛ́n ndim əyǐ wə́ páʼ a nə ńkwû nə́ lə̂. 29Mbyâŋnə yitsə́ ə́ kə láʼ ńchîə akɔʼə ndɛ̂ pó pɛ́n asaambɛ̂, ntsɛɛmbi əghoobə́ a zɔ́ʼ ńkwûə yí tsɔʼə tə móonə. 30Azoŋə yə́ a lɔgə̂ nkog əyǐ wə́, 31ńkə́ ńkwû ḿmyaʼ nə́ ajíə azoŋ tə ḿməgə̂ ághóobə́ asaambɛ̂ wə̂ pətsəm tsɔʼə tə móonə. 32Məngyě wə́ a yǐ ńkə́ ḿmegnə̂ ńkwûə ajíə. 33Əghâ nə, pəkwû pə́ lǒo ə́ júmnə lə́ məngyě nə́ a pə́ lə́ ngwě əwə? Ńté ńgə́ pó pətsəm pɛ́nə asaambɛ̂ kə zɔ́ʼə a yə́.”
34Yeso a kwěe ńgə́, pɨ pə́ ngoʼ pɨ pə̈ zɔ́ʼə, ńkə́ fɛ̂ pəənə á ndzɔʼə́ 35lə́ pɨ pə́ yǒ nə́ júmnə á nəwû ə́ kə́ jî nchîntɨ nə́ ndɛd yi wɨ́ pó yǒ kë ə́zɔ́ʼə pô. 36Pó chî lə́ ándó pətseŋpə́ndɛ́pə́sê, təmbɔʼ pó kě pɨ ńkwû pô. Pó lə́ pɔ́ pə́ Əsê ńté ńgə́ pó júmnə nəwûə. 37Lə́ Mosisə nə ḿbə́ ńkyaʼ ńgə́ pəkwû pə̈ yǒ júmnə. Nə́ atsáb ńté akɔb yə kɛ́d nə́ a nə sóŋ ńgə́, Əsê lə́ Əsê Ablaamə, ḿbə́ yi Azigə ńkə́ ḿbə́ yi Jekɔbə. 38Zəənə́ ä nəələ̂ ńgə́ Əsê lə́ Əsê pɨ pə́ chî nə́ á mbîə ńkě pə́ lə́ yi pəkwû pô ńté ńgə́ pɨ páʼ pó chî nə́ á mbô Əsê pó chîə á mbîə.
39Ngaŋə́zéʼkə pənoŋkə pitsə́ pó kwěe ńgə́, “Zə̂ lə́ akwe yə əshîʼnə ḿbə́ Ndzéʼkə.” 40Pó tíʼ ńkě pɨ fiʼə̂ á mə́ pítə nə́ yí nə́ atsáb yətsə́ pô.
Apítə Ńgə́ Nchwádkə lə́ Mɔ́ Əwə
(Mat 22.41-46; Mag 12.35-37)
41Yeso a pítə ághɔ́b ńgə́, “Pə́ sóŋə ńgə́ Nchwádkə lə́ mɔ́ Debid lə́ ńté akə̂? 42Debid a nə sóŋ nə́ ntso yə́ á mə́mə aŋwaʼlə Mənkǐ ńgə́, ‘Mmaʼmbîə a sóŋ nə́ Mmaʼmbîə mə ńgə́, Náanə á əlá apô maŋ yə təənə. 43Tə maŋ yǒ ńdɔg ngaŋkə́pa əzô ńgɛd nətəgnə́ məko mô ə́wə́.’ 44Debilə a nə fóŋə a yi ńgə́ Mmaʼmbî, təmbɔʼ a pɨ ńtíʼ ḿbímə mɔ́ əyǐ lə́ ə́lɛ́.”
Yeso a Kwantə̂ ngaŋə́zoŋə́ndzəm Əjí Ńté Ngaŋə́zéʼkə Pənoŋkə
(Mat 23.1-36; Mag 12.38-40)
45Ndzaŋ ŋwu ntsəmə a nə ḿbɛ́d nə́ ńtə́ ńjwə́ʼtə lə́, Yeso a sóŋə á mbô ngaŋə́zoŋə́ndzəm əjí ńgə́, 46“Lɔg nə́ ndɛd nə́ ngaŋə́zéʼkə pənoŋkə, pó kɔŋə̂ a mə́ nyi nə́ nə́ pətə́sɛ pə́ ətsəʼə́ a mbɨ pó ńkə́ ńkɔŋ ńgə́ pə́ chaʼtə̂ ághóobə́ a ndu məteenə́, ńkə́ ńkɔŋ ńgə́ pətə́kɔʼ pə́ ələŋ ə́ chî nə́ á ndɛ̂sê pəjusə, ḿbá əliʼ dina ətsəm ə́ pə́ əpóobə́. 47Pó kwáalə məláʼ mə́ pəkog pə́ pəngyě ńtíʼə ńdɔgə̂ tə́sɛ achaʼtə́sê ńkə́bkə mənu mɔ́b ə́wə́. Pó yǒ zɨ́ ngə́ʼ páʼ ə́ laŋ nə́ yi wə̂.”
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in