Judit 3
3
1Che' jiñi tsi' ichokoyob majlel xñusat'añob ti' tojlel Nabucodonosor yik'ot ili t'añ cha'añ mi' yajñelob ti ñäch'tälel:
«K'ax ñukbä yumäl Nabucodonosor:
2»Ñukbä kyum lojoñ, ti kpejtelel lojoñ ayaj e'teloñäch wäle, jiñ cha'añ mux kajñel lojoñ ti' atojlel. Jiñi jkuxtälel lojoñ añix ti ak'äb. 3-4Pejtelel jiñi kchu'bä añ lojoñ, acha'añächix wäle: Jiñi klumtak lojoñ, kwakaxtak lojoñ, yik'ot ba' päk'bil kcha'añ lojoñ jiñi trigo yik'ot jiñi tejklumtak ja'el temel yik'ot xchumtälob. Jiñi ñukbä yumäl la' imel chuki yom imel ti' pejtelel iliyi».
5-8Jiñi xñusat'añob tsi' su'beyob ili t'añ ti' itojlel Holofernes iyum xjisayajob. Che' jiñi, Holofernes tsa' kaji ti ñumel majlel ya' ti tejklumtak ambä ti iti' kolem ñajb. Ya'i jiñi xchumtälob bombomñaj ilajte'tak yik'ot soñ tsa' lok'iyob ik'el. Che' ja'el tsi' ch'älbeyob ijol jiñi Holofernes yik'ot ti uts'atakaxbä ñichte'. Awilañ, jiñi Holofernes tsa' kaji ijem jiñi ch'ujulbä ajñibäl ambä ya' ti tejklumtak, kome che'äch tsa' su'beñtiyob, cha'añ mi' laj jisañob jiñi ch'ujulo'bä. Cha'añ che' jiñi pejtelel wiñikob x-ixikob mi' ch'ujutesañob jiñi Nabucodonosor yik'ot ti jujunchajpbä it'añob ti' joytälel pañämil mi' ch'ujutesañob che' bajche' juñtikil ch'ujulbä.
Che'bä tsa' lok'i majlel Holofernes ya' ti jujump'ejl tejklum, tsi' käyä juñmojt xjisayajob cha'añ mi' chäkä k'elob jiñi tejklum, che' ja'el tsi' yajka cha'tikil uxtikil xchumtälob cha'añ mi' yotsañob ti' xjisayajob.
9Ti wi'il tsa' majli ya' ti joktäl ik'aba' Esdrelón, ambä ya' ti t'ejl Dotán, ti' itojlel jiñi witstak icha'añbä Judea. 10Tsi' iwa'choko ilejchempattak ti' t'ejl tejklum Gabá yik'ot Escitópolis, jump'ejl uw tsa' käle ya'i, cha'añ mi' itempañ bälñäk'äl yik'ot iye'tijib icha'añ xjisayajob.
موجودہ انتخاب:
Judit 3: CholDc
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© Biblia Chol de estudio con DC- Derechos reservados por SBM