Lukaji 21
21
Yovelela ya makwele mmohi wa muhiyana
Markuji 12:41-44
1Yesu ohaonaga atu orayela kahelaga jovaha jiwa mukaxani mwa jovelela. 2Ohomuonaga eto makwele mmohi wa muhiyana osimela avelelaga kobiri mbinli da momba, da valori ing'ining'inive. 3Evale liye ohowonga, liye ira: <<Na ibaribari nnouwandelani ira muhiyanola, wenna uli makwele osimela, uhuvelela kobiri ilukulu akwaranya atenene kavelenle. 4Mwasiwa atu amohiwa kavelenle muwari mokana jimohi jiwa vande viwa. Mbwenye muhiyanola muwari mosimela mwaye uvelenle kobiri yatene yanna liye, yenno yafuna mukalihawo ingumi yaye.>>
Yesu ohowonga zela jionihedo ja malambo ogomiheda
Matewuji 24:1-2; Markuji 13:1-2
5Atu amohiwa kohoromaga wonga keraga: <<Nyumba ya Yehova ila ihiriya pama na mwasa wa mabwe oriya na jovelela joriya karihedilena atu!>> Evale Yesu ohowongaga, liye ira: 6<<Anoza kafiye malambo ira jatene jinaona nyo ji jibwanyuliwevo. Kavali nibwe nnafuna za kala vazulu va nibwe nfwaye.>> 7Evale aliwa kohofukaga, aliwa ira: <<Namafundjiha, kaniwandeleni siku nnafuna za ireya jatene ejo. Kodi ionihedo tchivi inafuna za jejo jafunaga ireya?>> 8Yesu ohawandelaga eraga: <<Polre polre tawiha ira munaze munyengiwe. Mwasiwa atu adjindji anerege za kavikalihege nnga miyo, kawongege kerege: <Miyo dili Kiristu>, nari kawongege ira: <Tempuwa ihiwandamela.> Mbwenye nyo mwaaona atu anno, kamwahare. 9Nyo kamuove mwavwa atu kawongaga zela ja kondo nari jowanawana jimohi jiwa. Tchoira inafwanela ira jengo jejo jiireye miyo dahanaze. Mbwenye jaireyaga ejo kahi ira magomelo kohowandamela, nari.>>
10Yesu ohowongagave eraga: <<Nlogo nimohi nnoza nivenye ira niwanege na nlogo nimohi niwa. Eto umwene umohi unoza uvenye uwanege na umwene umohiwa. 11Mamburo madjindji munoza mukale vindarandara johokala ja masika, na ndala, na marenda owopiha. Jinoza jiireyege jengo jokatamiha eto zulu unoza ukumelege jionihedo jidjindji. 12Mbwenye jatene eji jahanaireye, na mwasa wa nzina naga nyo munoza muhindiwe, muireliwe makalelo abure, muveleliwe ira mwatongiwe munyumbani dofundjamo mazu. Eto munoza mutatileliwe mukadeya eto munoza mutukuliwe mudowiwena mmandani mwa amwene na mmandani mwa agovernadore ira mwatongiwe. 13Jatene eji jinafuna uireyelani jinalaba ira muwande dihidedela umboni. 14Kauhindagani mulimbe murima ira mwahakukumuwe zela yenno inafuna nyo wakula mwatongiwaga. 15Mwasiwa miyo nnoza duvaheni mazu no onelramo wewo amwidaninyu kahanawande atu runiha nne konda.
16<<Ababinyu, adibilinyu, na abali amohiwa anna nyo na afwinyu, anoza kauveleleni ira muhindiwe. Eto muwari mwa nyo, amohiwa anofiyeda piwa. 17Atu atene anerege uidani nyo na mwasa wa nzina naga. 18Mbwenye mwa jatene jinafuna nyo ona, nne nsisi ninyu nimohi kaniza nidimela. 19Eto nyo mwakalave ovilela muwari mwa eji, munoza mukayena ingumi.
20<<Nyo mwaza muona sidadi ya Jeruzalemu yagarindjiwe na makuru a anyakondo, muiziwe ira ora inafuna sidadiyo ibwanyuliwe ihifiya. 21Mbwenye sidadiyo yagarindjiwe, atu anne anakale Judeya, inafwanela katawelege mmwangoni. Mutu wenno unafwanyeye musidadi, atawe mobaranya. Eto mutu wenno unafwanyeye unde wa sidadi, kawelele musidadi mwakoka mwene. 22Mwasiwa malambo anno anaza kakale malambo oweliha kunyakunya ira jikwakwanele jatene jilrembiwe mMazuni.#21:22 ira jikwakwanele jatene jilrembiwe mMazuni: Kohokalawo mazu pwi anafwanyeya mBibiliyani owonga zela uwali wa Mulugu unafuna za oneya sogolro muwari moatonga atu abure. Nione Detoronomiyo 29:19-28; Izaiya 65:12-15; Daniyeli 9:26; Malakiya 4:1. 23Udilu zela ahiyana okana vambani na ahiyana okana ahima ang'onong'ono owamwa matempu anno! Mwasiwa unoza ukale goyi ilukulu mwilamboni ya vati na uwali wa Mulugu zela nlogo neni. 24Atu adjindji anoza kapiwege na masupada eto amohiwa anoza kahindiwe, katukuleliwege vilambo datene dene. Eto atu a unde anoza kamunyingalelege Jeruzalemu fiyeda tempu yewa imale.
25<<Unoza ukale jionihedo nzuwani, mwedini na nyenyedini. Eto mwilamboni ya vati munoza mukale goyi, na makatamiho zela atu a malogo matene, anerege kala okukumuwene na mwasa okukuma wa mahindje a bara na mahindje omanganyeya. 26Atu oindjiva anoza kahileyege na mwasa oova kaumbuwelaga zela jejo jinafuna ireya mwilamboni ya vati. Tchoira kopolo datene da zulu nnoza ditikinyeyege. 27Mwa enne anoza kamuone Mwana wa Mutu azelaga mmiramboni na kopolo na undimuwa wohokala wa masika. 28Jengo jeji jaza jiroma ireya, nyo mukale olimba mirima eto muvenyihe kove dinyu mwasiwa vulusiwa wenyu uhuwandamela.>>
29Nowonga enne Yesu ohawandelaga yofwalrafwaniha imohi, liye ira: <<Kaing'anani mutengo wa mufigera owu nari mutengo uli watene. 30Nyo mwaona matakuruwale karoma puwa, munovayela iziwa ira tempu ya muzongwe ihiwandamela.#21:30 mwaona matakuruwale karoma puwa, munovayela iziwa ira tempu ya muzongwe ihiwandamela: Tempu yenno yawonga Yesu mazwala, ilambo yafwanyeya atu, tempu ya ilimwe yali tempu yarumbwa muzongwe. Mwilamboni muno, ilimwe yamalaga, muzongwe awandamelaga tchi tempu inapweta nantambu. Ku wonga mutengo oroma okana matakuru maxa gu nantambu. Masiki muzongwe akala ahanarome rumbwa, mwedi wa Setemburu, mitengo didjindji dagali dovareya dene, unamuona nantambu uroma pweta matakuru maxa. Ku wonga wamuona nantambu apwetaga, umala iziwa ira tempu ya muzongwe ihiwandamela. 31Sawasawa mwaona jeji jiireyaga inafwanela muiziwe ira Umwene wa Mulugu uhuwandamela. 32Na ibaribari nnouwandelani ira jatene eji jinokwakwanela atu okalawo malambo anne kahanamale kwa. 33Zulu na ilambo ya vati jinoza jivire, mbwenye mazwaga kiza kamala.
34<<Inafwanela muving'anege pama nyokave zela jinaira nyo. Tawiha ira mmirimani mwinyu munazale jofuna ira mudjege bure,#21:34 mudjege bure: Dja bure unawongiwa ku wonga mutu agarumbanleve liye kanyihedagave, hiya uwa so jodja jile jifiyede mala. Na izugu anaitana glutonaria. nari jong'wa, nari makatamiho a ingumi ninna hiyo. Tawiha ira siku neno nnaze nuzeleni morurumutcha nnga mutu amangaga ratuwero. 35Tchoira siku niwa nazaga nnaazela atu atene anafwanyeya mwilamboni ya vati. 36Mwa eno, inafwanela muing'anelege tempu datene, mulobelegeve ira mukayena kopolo dotawa jatene jinafuna ireya eto muwande imela vamentoni va Mwana wa Mutu aza azaga.>>
37Mwa malambo anne Yesu ofundjiha vatando va Nyumba ya Yehova na ntana. Mbwenye nzuwa naviraga, odowetcha mwango unaitaniwa Mitengo da Azeti. 38Eto na mabebehene, mwindji wa atu kodowetcha Nyumba ya Yehova ira kavuruwane jofundjiha jaye.
موجودہ انتخاب:
Lukaji 21: iLolo
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2018 Visão Integral
Lukaji 21
21
Yovelela ya makwele mmohi wa muhiyana
Markuji 12:41-44
1Yesu ohaonaga atu orayela kahelaga jovaha jiwa mukaxani mwa jovelela. 2Ohomuonaga eto makwele mmohi wa muhiyana osimela avelelaga kobiri mbinli da momba, da valori ing'ining'inive. 3Evale liye ohowonga, liye ira: <<Na ibaribari nnouwandelani ira muhiyanola, wenna uli makwele osimela, uhuvelela kobiri ilukulu akwaranya atenene kavelenle. 4Mwasiwa atu amohiwa kavelenle muwari mokana jimohi jiwa vande viwa. Mbwenye muhiyanola muwari mosimela mwaye uvelenle kobiri yatene yanna liye, yenno yafuna mukalihawo ingumi yaye.>>
Yesu ohowonga zela jionihedo ja malambo ogomiheda
Matewuji 24:1-2; Markuji 13:1-2
5Atu amohiwa kohoromaga wonga keraga: <<Nyumba ya Yehova ila ihiriya pama na mwasa wa mabwe oriya na jovelela joriya karihedilena atu!>> Evale Yesu ohowongaga, liye ira: 6<<Anoza kafiye malambo ira jatene jinaona nyo ji jibwanyuliwevo. Kavali nibwe nnafuna za kala vazulu va nibwe nfwaye.>> 7Evale aliwa kohofukaga, aliwa ira: <<Namafundjiha, kaniwandeleni siku nnafuna za ireya jatene ejo. Kodi ionihedo tchivi inafuna za jejo jafunaga ireya?>> 8Yesu ohawandelaga eraga: <<Polre polre tawiha ira munaze munyengiwe. Mwasiwa atu adjindji anerege za kavikalihege nnga miyo, kawongege kerege: <Miyo dili Kiristu>, nari kawongege ira: <Tempuwa ihiwandamela.> Mbwenye nyo mwaaona atu anno, kamwahare. 9Nyo kamuove mwavwa atu kawongaga zela ja kondo nari jowanawana jimohi jiwa. Tchoira inafwanela ira jengo jejo jiireye miyo dahanaze. Mbwenye jaireyaga ejo kahi ira magomelo kohowandamela, nari.>>
10Yesu ohowongagave eraga: <<Nlogo nimohi nnoza nivenye ira niwanege na nlogo nimohi niwa. Eto umwene umohi unoza uvenye uwanege na umwene umohiwa. 11Mamburo madjindji munoza mukale vindarandara johokala ja masika, na ndala, na marenda owopiha. Jinoza jiireyege jengo jokatamiha eto zulu unoza ukumelege jionihedo jidjindji. 12Mbwenye jatene eji jahanaireye, na mwasa wa nzina naga nyo munoza muhindiwe, muireliwe makalelo abure, muveleliwe ira mwatongiwe munyumbani dofundjamo mazu. Eto munoza mutatileliwe mukadeya eto munoza mutukuliwe mudowiwena mmandani mwa amwene na mmandani mwa agovernadore ira mwatongiwe. 13Jatene eji jinafuna uireyelani jinalaba ira muwande dihidedela umboni. 14Kauhindagani mulimbe murima ira mwahakukumuwe zela yenno inafuna nyo wakula mwatongiwaga. 15Mwasiwa miyo nnoza duvaheni mazu no onelramo wewo amwidaninyu kahanawande atu runiha nne konda.
16<<Ababinyu, adibilinyu, na abali amohiwa anna nyo na afwinyu, anoza kauveleleni ira muhindiwe. Eto muwari mwa nyo, amohiwa anofiyeda piwa. 17Atu atene anerege uidani nyo na mwasa wa nzina naga. 18Mbwenye mwa jatene jinafuna nyo ona, nne nsisi ninyu nimohi kaniza nidimela. 19Eto nyo mwakalave ovilela muwari mwa eji, munoza mukayena ingumi.
20<<Nyo mwaza muona sidadi ya Jeruzalemu yagarindjiwe na makuru a anyakondo, muiziwe ira ora inafuna sidadiyo ibwanyuliwe ihifiya. 21Mbwenye sidadiyo yagarindjiwe, atu anne anakale Judeya, inafwanela katawelege mmwangoni. Mutu wenno unafwanyeye musidadi, atawe mobaranya. Eto mutu wenno unafwanyeye unde wa sidadi, kawelele musidadi mwakoka mwene. 22Mwasiwa malambo anno anaza kakale malambo oweliha kunyakunya ira jikwakwanele jatene jilrembiwe mMazuni.#21:22 ira jikwakwanele jatene jilrembiwe mMazuni: Kohokalawo mazu pwi anafwanyeya mBibiliyani owonga zela uwali wa Mulugu unafuna za oneya sogolro muwari moatonga atu abure. Nione Detoronomiyo 29:19-28; Izaiya 65:12-15; Daniyeli 9:26; Malakiya 4:1. 23Udilu zela ahiyana okana vambani na ahiyana okana ahima ang'onong'ono owamwa matempu anno! Mwasiwa unoza ukale goyi ilukulu mwilamboni ya vati na uwali wa Mulugu zela nlogo neni. 24Atu adjindji anoza kapiwege na masupada eto amohiwa anoza kahindiwe, katukuleliwege vilambo datene dene. Eto atu a unde anoza kamunyingalelege Jeruzalemu fiyeda tempu yewa imale.
25<<Unoza ukale jionihedo nzuwani, mwedini na nyenyedini. Eto mwilamboni ya vati munoza mukale goyi, na makatamiho zela atu a malogo matene, anerege kala okukumuwene na mwasa okukuma wa mahindje a bara na mahindje omanganyeya. 26Atu oindjiva anoza kahileyege na mwasa oova kaumbuwelaga zela jejo jinafuna ireya mwilamboni ya vati. Tchoira kopolo datene da zulu nnoza ditikinyeyege. 27Mwa enne anoza kamuone Mwana wa Mutu azelaga mmiramboni na kopolo na undimuwa wohokala wa masika. 28Jengo jeji jaza jiroma ireya, nyo mukale olimba mirima eto muvenyihe kove dinyu mwasiwa vulusiwa wenyu uhuwandamela.>>
29Nowonga enne Yesu ohawandelaga yofwalrafwaniha imohi, liye ira: <<Kaing'anani mutengo wa mufigera owu nari mutengo uli watene. 30Nyo mwaona matakuruwale karoma puwa, munovayela iziwa ira tempu ya muzongwe ihiwandamela.#21:30 mwaona matakuruwale karoma puwa, munovayela iziwa ira tempu ya muzongwe ihiwandamela: Tempu yenno yawonga Yesu mazwala, ilambo yafwanyeya atu, tempu ya ilimwe yali tempu yarumbwa muzongwe. Mwilamboni muno, ilimwe yamalaga, muzongwe awandamelaga tchi tempu inapweta nantambu. Ku wonga mutengo oroma okana matakuru maxa gu nantambu. Masiki muzongwe akala ahanarome rumbwa, mwedi wa Setemburu, mitengo didjindji dagali dovareya dene, unamuona nantambu uroma pweta matakuru maxa. Ku wonga wamuona nantambu apwetaga, umala iziwa ira tempu ya muzongwe ihiwandamela. 31Sawasawa mwaona jeji jiireyaga inafwanela muiziwe ira Umwene wa Mulugu uhuwandamela. 32Na ibaribari nnouwandelani ira jatene eji jinokwakwanela atu okalawo malambo anne kahanamale kwa. 33Zulu na ilambo ya vati jinoza jivire, mbwenye mazwaga kiza kamala.
34<<Inafwanela muving'anege pama nyokave zela jinaira nyo. Tawiha ira mmirimani mwinyu munazale jofuna ira mudjege bure,#21:34 mudjege bure: Dja bure unawongiwa ku wonga mutu agarumbanleve liye kanyihedagave, hiya uwa so jodja jile jifiyede mala. Na izugu anaitana glutonaria. nari jong'wa, nari makatamiho a ingumi ninna hiyo. Tawiha ira siku neno nnaze nuzeleni morurumutcha nnga mutu amangaga ratuwero. 35Tchoira siku niwa nazaga nnaazela atu atene anafwanyeya mwilamboni ya vati. 36Mwa eno, inafwanela muing'anelege tempu datene, mulobelegeve ira mukayena kopolo dotawa jatene jinafuna ireya eto muwande imela vamentoni va Mwana wa Mutu aza azaga.>>
37Mwa malambo anne Yesu ofundjiha vatando va Nyumba ya Yehova na ntana. Mbwenye nzuwa naviraga, odowetcha mwango unaitaniwa Mitengo da Azeti. 38Eto na mabebehene, mwindji wa atu kodowetcha Nyumba ya Yehova ira kavuruwane jofundjiha jaye.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2018 Visão Integral