Matío 9
9
Yɛɛ́so a á ega ŋghʉ̄ɛ, ŋkeluʼ é tʉɛ
(Mlk 2.1-12; Lúk 5.17-25)
1Yɛɛ́so á zíʼ ŋkó á ntē akɛnūʼ, ńzéŋ ntó ntshi mbīŋ nzem mé tésɔŋ wɔp. 2Ńdɛ ŋgē ekó éwú, mɛ́ lɔk mmɔʼ ŋkeluʼ, é nɔŋ ánɛ akō, éshʉʼ njʉ́ɔ á yí. Yɛɛ́so á jʉ́ɔ ntií zīi wɔ piʼ‑ŋkeluʼ mɛ́t, é lɔk efɛ́ nnɛ̄t ŋgyá á mbū yí épúp, ńdé á mbū ŋkeluʼ mɛ́t ŋ́gɛ: «Esoó ga, kak ete, mefa mú é gɔ́ ndekne lekne. » 3Emɔ̄ʼ wɔ kɛ́ʼte‑mbé Ndém é júʼ, ńzī á lesāŋ á ntɔ̄ŋ pɔ́p ŋ́gɛ: «Ŋiŋ wuɔ a á si nzɔ̄tɛ á Ndém. » 4Yɛɛ́so á zhɛ́ ajū mīi, pɔ́ é ntē pɔ́p esáŋa, ńdé á mbū pɔ́p ŋ́gɛ: «Pɛ é gaá ŋgwɛ̄ ejɔ̄ ntií ekwaŋte tepɔŋ, á ntē pɛ ɛ̄? 5Meŋ á gɛ, mefa ŋiŋ wuɔ é gɔ́ ndekne lekne, á tsya á wɛ́ páʼa, ńzhɛ́ ŋ́gɛ, meŋ gɔ le kūʼ á gá á letswi á mbū yí ŋ́gɛ, a elū á esī nzīŋɛ lɛ̄? 6Táʼ, meŋ á kɔŋ ŋ́gɛ, pɛ ezhɛ́ á légɛ, Méŋ‑Ŋiŋnɔŋ wuɔ, a pɔŋteé á yí á lelekne mefa ŋiŋ, á ndo esī atsetsáʼ ega. » Ńdé épúp, ńdɛ ntswī á mbū ŋkeluʼ ŋ́gɛ: «Lu á esī, ńtswíʼ á akō jú, éswáŋ nnɛ̄t mé mba ju. » 7Ŋiŋ wɔ̄ á lɛ ndū á esī, éswáŋ nnɛ̄t mé mba zi. 8Epuɔ menɔŋ é jʉ́ɔ anu ajʉɔ mɛ́t, ńcɔ̄ʼ tɛʼ, ḿbiŋ ŋgūʼte á Ndém, páʼ a á yá ejʉɔ ntií mete á mbū ŋiŋnɔŋ.
Yɛɛ́so a á ega ntɔ́ŋɔ á Matío ŋ́gɛ, a egɔ́ á ŋiŋ nnɔ yi
(Mlk 2.13-27; Lúk 5.27-32)
9Yɛɛ́so á fhó á ajʉʼ mɛ́t ŋgʉ̄ɔ, ŋ́gē etsia, ńjʉ́ɔ mmɔʼ ŋiŋ á náŋ á ajʉʼ afaʼ yí, á ajʉʼ zīi mɛ́ maʼa ncup alāʼ éwú, lezēŋ tsí é gɔ́ lɛ Matío. Á lé á mbū yí ŋ́gɛ: «Shʉʼɛ̄, ŋ́gɔ́ á nzem meŋ. » Á lɛ ndū á esī, ńtsé á nzem Yɛɛ́so. 10Matío á ghʉ ntɔ́ŋ á Yɛɛ́so á mba yí. Pɔ́ ghʉ nnáŋ á esī, ŋ́gɔ̄ á mpfɛ́t azō, mbɔ Matío a á nzéŋ ntɔ́ŋ wɔ tswí‑ncup Lóma tɛ nzáne, mbɔɔ emɔ̄ʼ epuɔ pīi, mɛ́ gɛ ntónɛ á wɔ́p, ŋ́gɛ epuɔ tepɔŋ. Pɔ́ a Yɛɛ́so mbɔɔ nnɔ yí, é pú nnáŋte á esī mbútɛ etsō mpfɛ́tɛ. 11Epuɔ Falísia é jʉ́ɔ épúp, ńdé á mbū nnɔ Yɛɛ́so ŋ́gɛ: «Melaʼ akɔ̄, mɔʼɔ́ wɛ a á ega, pɔ́ a wɔ tswí‑ncup Lóma mbɔɔ emɔ̄ʼ epuɔ tepɔŋ, é pútɛ etsō mpfɛ́tɛ ɛ́?» 12Yɛɛ́so á júʼ anu zīi pɔ́ é zɛ́ttɛ, ńdé á mbū pɔ́p ŋ́gɛ: «Ŋiŋ a gɔ le gɔ́ nte‑nté, ńtsɔ́ʼ akhu mbɛt‑megɔ ɔ́, megaŋ agɔ mé tsɔɔ́ʼ akhu zí. 13Pɛ ekímte páʼ mɛ́ leé á ntē aŋwaʼne Ndém ŋ́gɛ: “Meŋ á si ŋkɔ̄ŋɔ ŋ́gɛ, epuɔ menɔŋ e ewɛ̄ atsāmezeŋɛ, ńtɔ́k á leyā azō, ńdɔk ŋgūʼte á gá.”» Yɛɛ́so á zéŋ ndé ŋ́gɛ: «Á épúp melaʼ mīi, meŋ kɛɛ́ te eshʉ̄ʼɛ á ŋgɔŋ, á efaāʼ epuɔ pīi, pɔ́ méŋwɛ̄t é si ndʉ́ɛ́ ŋ́gɛ, pɔ́ gɛ te efāa ā. Meŋ kɛɛ́ eshʉʼɛ, á efaāʼ megaŋ mefa. »
Yɛɛ́so a á ega eshúŋɔ anu, ánɛ lekɔŋ nnáŋ nzi melaʼ Ndém
(Mlk 2.18-22; Lúk 5.33-39)
14Nnɔ Jáaŋ nnoʼ‑epuɔ á ntshi é ghʉ eshʉ̄ʼ mé lezēŋ Yɛɛ́so, ńzɛ́tte á yí ŋ́gɛ: «Pek, mbɔɔ epuɔ Falísia é si ŋkɔ̄ŋɔ nnáŋa nzi melaʼ Ndém. Nnɔ wú é piŋ nnɔ̄ŋ te ŋghʉ̄ɛ épúp ɔ́ melaʼ akɔ̄?» 15Yɛɛ́so á pwɛt á mbū pɔ́p ŋ́gɛ: «Pɛ é kwaŋ ŋ́gɛ, ŋiŋ a gɔ etɔ́ŋ lekāk alaá‑ŋgyā tsí, ŋ́kó nzɛ́t á nnɔ mege nnáŋ, pɔ́ zi á lemek e? Táʼ, afʉʼ a ké eshʉʼ ekuʼe, mɛ́ efhó á nnɔ pɔ́p, éfók á tɛnzwí ŋge, ńdɔk ŋgʉ̄ɔ. Ajɔ̄ afʉʼ, pɔ́ ecʉ́ʼ ndúŋ, ŋ́kɔŋ nnáŋ nzi melaʼ Ndém.
16«Ŋiŋ a gɔ le lɔ̄k ajūɔ nzhó eswhī, ḿvhō á nzwiŋ nzhó ɔ́. A ghʉɛ épúp, mbɔ ajūɔ nzhó eswhī, á taŋ, ésia á nzwiŋ nzhó, lephʉ̄ e piŋ mbú ntswiʼne efáŋ. 17Ŋiŋ a gɔ le néŋ meluʼ meswhī á ntē nzwiŋ ntūʼ zīi, mɛ́ le lɔ̄k ŋgup ncūŋte ɛ́#9.17 Mɛ́ lɛ á Islaɛl, éswɛ̄t ŋgup na, tɛ́ ndɔk ncūŋte ntií ntūʼ jʉɔ mɛ́t.. A ghʉɛ épúp, mbɔ meluʼ meswhī é fuʼe, éghʉ nzwiŋ ntūʼ e evɛ́t, meluʼ e egʉ̄ɔ á esī, a epiŋ mbí ntūʼ. Á pɔŋ ŋ́gɛ mɛ́ enéŋ meluʼ meswhī, áa ntē ntūʼ eswhī. Púp, meluʼ pɔ́ ntūʼ e epú ntswɛ́t. »
Yɛɛ́so a á ega ŋghʉ̄ɛ, mmɔʼ menzwí á tʉɛ, mmɔʼ mɔ́ ŋgɔ á zímɛ
(Mlk 5.21-43; Lúk 8.40-56)
18Yɛɛ́so á zɛ́t eshúŋnɛ á mbū pɔ́p shúŋne, mmɔʼ ŋkém epuɔ Yúda á lɛ eshʉ̄ʼ, ńtshóte nnɛ̄t mé lezēŋ tsí, ńtswíʼte á mvhɔ yí, ńdé mé yí ŋ́gɛ: «Méŋ agáʼ méŋ ga eyi menzwí a á mba, ńdɛ nzɛ́t ŋkwhʉ́ɛ. Ké eshʉ̄ʼ ndɛ nzápa apū ánɛ yí, a egɔ́ éwú. » 19Yɛɛ́so á júʼ épúp, ńdū á esī, pɔ́ a nnɔ yí é lɛ nzhɛ̄ne á yí.
20Pɔ́ nɔŋ ŋgʉ̄ɔ, mmɔʼ menzwí, mbɔ mɛ́sɔ̄ a á náŋ ánɛ yí ŋguʼ ntsɔp pīa mé legēm, á fhó mé nzem, ńnā apū zí, ḿpfēŋ lepap nzhó Yɛɛ́so. 21Mbɔ a á ndáʼ nnéŋ á ntē yí á légɛ, yí lɛ mpfēŋ áa nzhó zi ndaʼ, mbɔ yí e te. 22Ḿpfēŋ épúp, Yɛɛ́so á pekne nnɛ̄t, ńcʉ̄ á yí, ńdé á mbū yí ŋ́gɛ: «Maá, kak ete, agɔ jú á mi páʼā, melaʼ mīi o ó fɛ́ nnɛ̄t ju ŋgyá á mbū meŋ. » Menzwí wɔ̄ á lɛ mbú ntē efʉʼ mɛ́t, efʉʼ mɛ́t.
23Yɛɛ́so á gʉɔ tɛ ŋkó á mba ŋkém wɔ̄, ńjʉ́ɔ mbɔ wɔ púʼ‑etsō ndɔk ndā lewhʉ̄, é ndáʼ eshʉʼ tɛ ntshíte. Alāʼ á nɔŋ nzāpa nnɛ̄t, Yɛɛ́so á lé ŋ́gɛ: 24«Pɛ efhó á ŋgyā ntóte. Mɔ́ a ka kwhʉ́ ɛ́, a á si ndí lií. » Epuɔ é júʼ épúp, ńcʉ́ʼɛ nzwī á yí zwi. 25Alāʼ zīi á ŋgɔ́ á ŋgyā, á tó tɛ mmī, Yɛɛ́so á kó á ŋgyā, ńtá apū mɔ́ ŋkímne, mɔ́ á lɛ nzīɛ. 26Mɛ́ pú ndɔ̄k anu jʉɔ mɛ́t, ésāŋ aziɛ́ akap alāʼ.
Yɛɛ́so a á ega ŋghʉ̄ɛ, wɔ efʉʉ́‑menēk mémpīa é jʉ́ɔ ejʉʼ
27Yɛɛ́so á ghʉ efhó á ajʉʼ mɛ́t, ńnɔŋ ŋgʉ̄ɔ, emɔ̄ʼ wɔ efʉʉ́‑menēk mémpīa é nɔŋ nzhɛ̄nɛ á yí, ńnɔŋ ŋgāʼtɛ mé ŋghi teté ŋ́gɛ: «Yɛɛ́so méŋ Efɔ Ndavít, lɛ ntsá mezeŋɛ mék. » 28Yɛɛ́so á gʉɔ tɛ nzíʼ ŋkó á ŋgyā, wɔ efʉʉ́‑menēk pwɔ̄ é kó azɔ́p, ńtshóte nnɛ̄t mé lezēŋ tsí. Á lé á mbū pɔ́p ŋ́gɛ: «Pɛ é kwaŋ ŋ́gɛ, meŋ gɔ eghʉ̄ʉ, pɛ jʉ́ɔ ejʉʼ lɛ́?» Pɔ́ pwɛt ŋ́gɛ: «Ŋŋ me Ndi, o kuūʼ á leghʉ épúp. » 29Á lɛ ŋgē epfeŋ menēk mɔ́p, ńnɔŋ ndʉ́ɛ́ ŋ́gɛ: «Ndém a elɛ ŋghʉ̄, akʉ̄ɛ zīi pɛ é néŋ á ntē pɛ ŋ́gɛ, á gɔ egɔ́ épúp, a egɔ́ épúp. » 30Menēk mɔ́p é lɛ njʉ́ɔ ejʉʼ. Yɛɛ́so á chʉ́ nnɛ̄t ŋkāk á wɔ́p á mbɔŋɔ́ ŋ́gɛ, pɔ́ epá á wɔ́p á leghʉ tɛ ŋiŋ á zhɛ́. 31Pɔ́ lɛ mbīŋ ŋgē etó, ńzī á lelɔk ajū mīi, Yɛɛ́so a á ghʉ ánɛ pɔ́p, ésāŋ aziɛ́ akap alāʼ.
Yɛɛ́so a á ega ŋghʉ̄ɛ, mbúʼ‑nchu á shúŋnɛ
(Lúk 11.14-15)
32Wɔ efʉʉ́‑menēk pwɔ̄ é lɛ ŋgē etó, mɛ́ lɛ ndɔ̄k mmɔʼ ŋiŋ eshʉ̄ʼ njʉ́ɔ á Yɛɛ́so, mbɔ esī e lē ŋgɔ á yí, ńtsɛ́t nchu yí. 33Yɛɛ́so á juŋ esī mɛ́t, tɛ mbúʼ‑nchu wɔ̄ á zi á leshūŋne. Alāʼ á jʉ́ɔ épúp, á pú ŋkʉ̄ʼne á wɔ́p tɛʼ, pɔ́ lé ŋ́gɛ: «Mɛ́ laá ŋgɔ́ aleʼé, ńjʉ́ɔ ntií anu páʼa á ntē Islaɛl ɛ́. » 34Epuɔ Falísia é piŋ ŋgɔ́ si ndʉ́ɛ́ azɔ́p ŋghʉ̄ áa lɛ: «Efɔ mesī mé yáa á yí mete, tɛ́ á lɔkɔ njūŋɔ mesī ánɛ epuɔ. »
Yɛɛ́so a á ega ntswī á légɛ, yí é tsá‑melaʼ
(Mlk 6.6, 34; Lúk 10.2)
35Yɛɛ́so á nɔŋ ntɔ́ktɛ ánɛ metésɔŋ ntsem, mbɔɔ á ntē mekap alāʼ, ńzíʼnɛ epuɔ anu Ndém, á ntē meŋgyā aswiŋte pɔ́p, ńzéŋ nnɔŋ ntswīi ŋke mbɔŋ, ésáʼa eshúŋɔ páʼ Lefɔ Ndém é épúp. Ńnɔŋ ŋghʉ̄ɛ, ŋiŋ yīi a á ŋgwɛ̄ eziɛ́ ntií agɔ lɛ́, mbɔɔ ŋiŋ yīi, a á ŋgwɛ̄ eziɛ́ ntií alɔʼ lɛ́, á tʉɛ. 36Ńjʉ́ɔ páʼ alāʼ á kɔ́ʼ nzá épúp, mezeŋɛ mɔ́p é kú á yí, melaʼ mīi pɔ́ le naŋté á esī, ńnɔŋ mbúu ŋkáa mbwɛ́tɛ, páʼ memvhō mīi, é té á mpfɛnne wɛ̄ɛ lā. 37Á jʉ́ɔ épúp, ńdé á mbū nnɔ yí ŋ́gɛ: «Etsō é atswɛt tɛ nzáne tsīi, é kuʼ á lefaʼ. Wɔ faʼa é piŋ ŋkʉɔ́k. 38Púp, pɛ elɛ mbúʼ mbū, éswíŋte á ŋgaŋ ŋkāʼ, a etó megaŋ afaʼ, pɔ́ egʉɔ efāʼ etsō tsí mɛ́t. »
موجودہ انتخاب:
Matío 9: ybb
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Matío 9
9
Yɛɛ́so a á ega ŋghʉ̄ɛ, ŋkeluʼ é tʉɛ
(Mlk 2.1-12; Lúk 5.17-25)
1Yɛɛ́so á zíʼ ŋkó á ntē akɛnūʼ, ńzéŋ ntó ntshi mbīŋ nzem mé tésɔŋ wɔp. 2Ńdɛ ŋgē ekó éwú, mɛ́ lɔk mmɔʼ ŋkeluʼ, é nɔŋ ánɛ akō, éshʉʼ njʉ́ɔ á yí. Yɛɛ́so á jʉ́ɔ ntií zīi wɔ piʼ‑ŋkeluʼ mɛ́t, é lɔk efɛ́ nnɛ̄t ŋgyá á mbū yí épúp, ńdé á mbū ŋkeluʼ mɛ́t ŋ́gɛ: «Esoó ga, kak ete, mefa mú é gɔ́ ndekne lekne. » 3Emɔ̄ʼ wɔ kɛ́ʼte‑mbé Ndém é júʼ, ńzī á lesāŋ á ntɔ̄ŋ pɔ́p ŋ́gɛ: «Ŋiŋ wuɔ a á si nzɔ̄tɛ á Ndém. » 4Yɛɛ́so á zhɛ́ ajū mīi, pɔ́ é ntē pɔ́p esáŋa, ńdé á mbū pɔ́p ŋ́gɛ: «Pɛ é gaá ŋgwɛ̄ ejɔ̄ ntií ekwaŋte tepɔŋ, á ntē pɛ ɛ̄? 5Meŋ á gɛ, mefa ŋiŋ wuɔ é gɔ́ ndekne lekne, á tsya á wɛ́ páʼa, ńzhɛ́ ŋ́gɛ, meŋ gɔ le kūʼ á gá á letswi á mbū yí ŋ́gɛ, a elū á esī nzīŋɛ lɛ̄? 6Táʼ, meŋ á kɔŋ ŋ́gɛ, pɛ ezhɛ́ á légɛ, Méŋ‑Ŋiŋnɔŋ wuɔ, a pɔŋteé á yí á lelekne mefa ŋiŋ, á ndo esī atsetsáʼ ega. » Ńdé épúp, ńdɛ ntswī á mbū ŋkeluʼ ŋ́gɛ: «Lu á esī, ńtswíʼ á akō jú, éswáŋ nnɛ̄t mé mba ju. » 7Ŋiŋ wɔ̄ á lɛ ndū á esī, éswáŋ nnɛ̄t mé mba zi. 8Epuɔ menɔŋ é jʉ́ɔ anu ajʉɔ mɛ́t, ńcɔ̄ʼ tɛʼ, ḿbiŋ ŋgūʼte á Ndém, páʼ a á yá ejʉɔ ntií mete á mbū ŋiŋnɔŋ.
Yɛɛ́so a á ega ntɔ́ŋɔ á Matío ŋ́gɛ, a egɔ́ á ŋiŋ nnɔ yi
(Mlk 2.13-27; Lúk 5.27-32)
9Yɛɛ́so á fhó á ajʉʼ mɛ́t ŋgʉ̄ɔ, ŋ́gē etsia, ńjʉ́ɔ mmɔʼ ŋiŋ á náŋ á ajʉʼ afaʼ yí, á ajʉʼ zīi mɛ́ maʼa ncup alāʼ éwú, lezēŋ tsí é gɔ́ lɛ Matío. Á lé á mbū yí ŋ́gɛ: «Shʉʼɛ̄, ŋ́gɔ́ á nzem meŋ. » Á lɛ ndū á esī, ńtsé á nzem Yɛɛ́so. 10Matío á ghʉ ntɔ́ŋ á Yɛɛ́so á mba yí. Pɔ́ ghʉ nnáŋ á esī, ŋ́gɔ̄ á mpfɛ́t azō, mbɔ Matío a á nzéŋ ntɔ́ŋ wɔ tswí‑ncup Lóma tɛ nzáne, mbɔɔ emɔ̄ʼ epuɔ pīi, mɛ́ gɛ ntónɛ á wɔ́p, ŋ́gɛ epuɔ tepɔŋ. Pɔ́ a Yɛɛ́so mbɔɔ nnɔ yí, é pú nnáŋte á esī mbútɛ etsō mpfɛ́tɛ. 11Epuɔ Falísia é jʉ́ɔ épúp, ńdé á mbū nnɔ Yɛɛ́so ŋ́gɛ: «Melaʼ akɔ̄, mɔʼɔ́ wɛ a á ega, pɔ́ a wɔ tswí‑ncup Lóma mbɔɔ emɔ̄ʼ epuɔ tepɔŋ, é pútɛ etsō mpfɛ́tɛ ɛ́?» 12Yɛɛ́so á júʼ anu zīi pɔ́ é zɛ́ttɛ, ńdé á mbū pɔ́p ŋ́gɛ: «Ŋiŋ a gɔ le gɔ́ nte‑nté, ńtsɔ́ʼ akhu mbɛt‑megɔ ɔ́, megaŋ agɔ mé tsɔɔ́ʼ akhu zí. 13Pɛ ekímte páʼ mɛ́ leé á ntē aŋwaʼne Ndém ŋ́gɛ: “Meŋ á si ŋkɔ̄ŋɔ ŋ́gɛ, epuɔ menɔŋ e ewɛ̄ atsāmezeŋɛ, ńtɔ́k á leyā azō, ńdɔk ŋgūʼte á gá.”» Yɛɛ́so á zéŋ ndé ŋ́gɛ: «Á épúp melaʼ mīi, meŋ kɛɛ́ te eshʉ̄ʼɛ á ŋgɔŋ, á efaāʼ epuɔ pīi, pɔ́ méŋwɛ̄t é si ndʉ́ɛ́ ŋ́gɛ, pɔ́ gɛ te efāa ā. Meŋ kɛɛ́ eshʉʼɛ, á efaāʼ megaŋ mefa. »
Yɛɛ́so a á ega eshúŋɔ anu, ánɛ lekɔŋ nnáŋ nzi melaʼ Ndém
(Mlk 2.18-22; Lúk 5.33-39)
14Nnɔ Jáaŋ nnoʼ‑epuɔ á ntshi é ghʉ eshʉ̄ʼ mé lezēŋ Yɛɛ́so, ńzɛ́tte á yí ŋ́gɛ: «Pek, mbɔɔ epuɔ Falísia é si ŋkɔ̄ŋɔ nnáŋa nzi melaʼ Ndém. Nnɔ wú é piŋ nnɔ̄ŋ te ŋghʉ̄ɛ épúp ɔ́ melaʼ akɔ̄?» 15Yɛɛ́so á pwɛt á mbū pɔ́p ŋ́gɛ: «Pɛ é kwaŋ ŋ́gɛ, ŋiŋ a gɔ etɔ́ŋ lekāk alaá‑ŋgyā tsí, ŋ́kó nzɛ́t á nnɔ mege nnáŋ, pɔ́ zi á lemek e? Táʼ, afʉʼ a ké eshʉʼ ekuʼe, mɛ́ efhó á nnɔ pɔ́p, éfók á tɛnzwí ŋge, ńdɔk ŋgʉ̄ɔ. Ajɔ̄ afʉʼ, pɔ́ ecʉ́ʼ ndúŋ, ŋ́kɔŋ nnáŋ nzi melaʼ Ndém.
16«Ŋiŋ a gɔ le lɔ̄k ajūɔ nzhó eswhī, ḿvhō á nzwiŋ nzhó ɔ́. A ghʉɛ épúp, mbɔ ajūɔ nzhó eswhī, á taŋ, ésia á nzwiŋ nzhó, lephʉ̄ e piŋ mbú ntswiʼne efáŋ. 17Ŋiŋ a gɔ le néŋ meluʼ meswhī á ntē nzwiŋ ntūʼ zīi, mɛ́ le lɔ̄k ŋgup ncūŋte ɛ́#9.17 Mɛ́ lɛ á Islaɛl, éswɛ̄t ŋgup na, tɛ́ ndɔk ncūŋte ntií ntūʼ jʉɔ mɛ́t.. A ghʉɛ épúp, mbɔ meluʼ meswhī é fuʼe, éghʉ nzwiŋ ntūʼ e evɛ́t, meluʼ e egʉ̄ɔ á esī, a epiŋ mbí ntūʼ. Á pɔŋ ŋ́gɛ mɛ́ enéŋ meluʼ meswhī, áa ntē ntūʼ eswhī. Púp, meluʼ pɔ́ ntūʼ e epú ntswɛ́t. »
Yɛɛ́so a á ega ŋghʉ̄ɛ, mmɔʼ menzwí á tʉɛ, mmɔʼ mɔ́ ŋgɔ á zímɛ
(Mlk 5.21-43; Lúk 8.40-56)
18Yɛɛ́so á zɛ́t eshúŋnɛ á mbū pɔ́p shúŋne, mmɔʼ ŋkém epuɔ Yúda á lɛ eshʉ̄ʼ, ńtshóte nnɛ̄t mé lezēŋ tsí, ńtswíʼte á mvhɔ yí, ńdé mé yí ŋ́gɛ: «Méŋ agáʼ méŋ ga eyi menzwí a á mba, ńdɛ nzɛ́t ŋkwhʉ́ɛ. Ké eshʉ̄ʼ ndɛ nzápa apū ánɛ yí, a egɔ́ éwú. » 19Yɛɛ́so á júʼ épúp, ńdū á esī, pɔ́ a nnɔ yí é lɛ nzhɛ̄ne á yí.
20Pɔ́ nɔŋ ŋgʉ̄ɔ, mmɔʼ menzwí, mbɔ mɛ́sɔ̄ a á náŋ ánɛ yí ŋguʼ ntsɔp pīa mé legēm, á fhó mé nzem, ńnā apū zí, ḿpfēŋ lepap nzhó Yɛɛ́so. 21Mbɔ a á ndáʼ nnéŋ á ntē yí á légɛ, yí lɛ mpfēŋ áa nzhó zi ndaʼ, mbɔ yí e te. 22Ḿpfēŋ épúp, Yɛɛ́so á pekne nnɛ̄t, ńcʉ̄ á yí, ńdé á mbū yí ŋ́gɛ: «Maá, kak ete, agɔ jú á mi páʼā, melaʼ mīi o ó fɛ́ nnɛ̄t ju ŋgyá á mbū meŋ. » Menzwí wɔ̄ á lɛ mbú ntē efʉʼ mɛ́t, efʉʼ mɛ́t.
23Yɛɛ́so á gʉɔ tɛ ŋkó á mba ŋkém wɔ̄, ńjʉ́ɔ mbɔ wɔ púʼ‑etsō ndɔk ndā lewhʉ̄, é ndáʼ eshʉʼ tɛ ntshíte. Alāʼ á nɔŋ nzāpa nnɛ̄t, Yɛɛ́so á lé ŋ́gɛ: 24«Pɛ efhó á ŋgyā ntóte. Mɔ́ a ka kwhʉ́ ɛ́, a á si ndí lií. » Epuɔ é júʼ épúp, ńcʉ́ʼɛ nzwī á yí zwi. 25Alāʼ zīi á ŋgɔ́ á ŋgyā, á tó tɛ mmī, Yɛɛ́so á kó á ŋgyā, ńtá apū mɔ́ ŋkímne, mɔ́ á lɛ nzīɛ. 26Mɛ́ pú ndɔ̄k anu jʉɔ mɛ́t, ésāŋ aziɛ́ akap alāʼ.
Yɛɛ́so a á ega ŋghʉ̄ɛ, wɔ efʉʉ́‑menēk mémpīa é jʉ́ɔ ejʉʼ
27Yɛɛ́so á ghʉ efhó á ajʉʼ mɛ́t, ńnɔŋ ŋgʉ̄ɔ, emɔ̄ʼ wɔ efʉʉ́‑menēk mémpīa é nɔŋ nzhɛ̄nɛ á yí, ńnɔŋ ŋgāʼtɛ mé ŋghi teté ŋ́gɛ: «Yɛɛ́so méŋ Efɔ Ndavít, lɛ ntsá mezeŋɛ mék. » 28Yɛɛ́so á gʉɔ tɛ nzíʼ ŋkó á ŋgyā, wɔ efʉʉ́‑menēk pwɔ̄ é kó azɔ́p, ńtshóte nnɛ̄t mé lezēŋ tsí. Á lé á mbū pɔ́p ŋ́gɛ: «Pɛ é kwaŋ ŋ́gɛ, meŋ gɔ eghʉ̄ʉ, pɛ jʉ́ɔ ejʉʼ lɛ́?» Pɔ́ pwɛt ŋ́gɛ: «Ŋŋ me Ndi, o kuūʼ á leghʉ épúp. » 29Á lɛ ŋgē epfeŋ menēk mɔ́p, ńnɔŋ ndʉ́ɛ́ ŋ́gɛ: «Ndém a elɛ ŋghʉ̄, akʉ̄ɛ zīi pɛ é néŋ á ntē pɛ ŋ́gɛ, á gɔ egɔ́ épúp, a egɔ́ épúp. » 30Menēk mɔ́p é lɛ njʉ́ɔ ejʉʼ. Yɛɛ́so á chʉ́ nnɛ̄t ŋkāk á wɔ́p á mbɔŋɔ́ ŋ́gɛ, pɔ́ epá á wɔ́p á leghʉ tɛ ŋiŋ á zhɛ́. 31Pɔ́ lɛ mbīŋ ŋgē etó, ńzī á lelɔk ajū mīi, Yɛɛ́so a á ghʉ ánɛ pɔ́p, ésāŋ aziɛ́ akap alāʼ.
Yɛɛ́so a á ega ŋghʉ̄ɛ, mbúʼ‑nchu á shúŋnɛ
(Lúk 11.14-15)
32Wɔ efʉʉ́‑menēk pwɔ̄ é lɛ ŋgē etó, mɛ́ lɛ ndɔ̄k mmɔʼ ŋiŋ eshʉ̄ʼ njʉ́ɔ á Yɛɛ́so, mbɔ esī e lē ŋgɔ á yí, ńtsɛ́t nchu yí. 33Yɛɛ́so á juŋ esī mɛ́t, tɛ mbúʼ‑nchu wɔ̄ á zi á leshūŋne. Alāʼ á jʉ́ɔ épúp, á pú ŋkʉ̄ʼne á wɔ́p tɛʼ, pɔ́ lé ŋ́gɛ: «Mɛ́ laá ŋgɔ́ aleʼé, ńjʉ́ɔ ntií anu páʼa á ntē Islaɛl ɛ́. » 34Epuɔ Falísia é piŋ ŋgɔ́ si ndʉ́ɛ́ azɔ́p ŋghʉ̄ áa lɛ: «Efɔ mesī mé yáa á yí mete, tɛ́ á lɔkɔ njūŋɔ mesī ánɛ epuɔ. »
Yɛɛ́so a á ega ntswī á légɛ, yí é tsá‑melaʼ
(Mlk 6.6, 34; Lúk 10.2)
35Yɛɛ́so á nɔŋ ntɔ́ktɛ ánɛ metésɔŋ ntsem, mbɔɔ á ntē mekap alāʼ, ńzíʼnɛ epuɔ anu Ndém, á ntē meŋgyā aswiŋte pɔ́p, ńzéŋ nnɔŋ ntswīi ŋke mbɔŋ, ésáʼa eshúŋɔ páʼ Lefɔ Ndém é épúp. Ńnɔŋ ŋghʉ̄ɛ, ŋiŋ yīi a á ŋgwɛ̄ eziɛ́ ntií agɔ lɛ́, mbɔɔ ŋiŋ yīi, a á ŋgwɛ̄ eziɛ́ ntií alɔʼ lɛ́, á tʉɛ. 36Ńjʉ́ɔ páʼ alāʼ á kɔ́ʼ nzá épúp, mezeŋɛ mɔ́p é kú á yí, melaʼ mīi pɔ́ le naŋté á esī, ńnɔŋ mbúu ŋkáa mbwɛ́tɛ, páʼ memvhō mīi, é té á mpfɛnne wɛ̄ɛ lā. 37Á jʉ́ɔ épúp, ńdé á mbū nnɔ yí ŋ́gɛ: «Etsō é atswɛt tɛ nzáne tsīi, é kuʼ á lefaʼ. Wɔ faʼa é piŋ ŋkʉɔ́k. 38Púp, pɛ elɛ mbúʼ mbū, éswíŋte á ŋgaŋ ŋkāʼ, a etó megaŋ afaʼ, pɔ́ egʉɔ efāʼ etsō tsí mɛ́t. »
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in