Salm 149
149
Emyn o fawl
1Haleliwia!
Canwch gân newydd i’r ARGLWYDD,
Rhowch foliant iddo yn y gynulleidfa o’i bobl ffyddlon.
2Boed i Israel lawenhau yn ei Chrëwr!
Boed i blant Seion gael eu gwefreiddio gan eu Brenin!
3Boed iddyn nhw ei addoli gyda dawns;
ac ar y drwm a’r delyn fach.
4Achos mae’r ARGLWYDD wrth ei fodd gyda’i bobl!
Mae’n gwisgo’r rhai sy’n cael eu gorthrymu gyda buddugoliaeth.
5Boed i’r rhai sydd wedi profi ei gariad ffyddlon ddathlu,
a gweiddi’n llawen wrth orffwys ar eu clustogau.
6Canu mawl i Dduw
gyda chleddyfau miniog yn eu dwylo,
7yn barod i gosbi’r cenhedloedd,
a dial ar y bobloedd.
8Gan rwymo’u brenhinoedd â chadwyni,
a’u pobl bwysig mewn hualau haearn.
9Dyma’r ddedfryd gafodd ei chyhoeddi arnyn nhw;
a’r fraint fydd i’r rhai sydd wedi profi ei gariad ffyddlon.
Haleliwia!
موجودہ انتخاب:
Salm 149: bnet
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© Cymdeithas y Beibl 2023