Zaŋ 2
2
Cah macaaca ana masa Yesu ta ŋgiya da Kana
1Manah mamahkar ana, aca ŋgə macunam ta madəmay da gəva ta Kana dapa vavara te Gelile. Mamaŋ te Yesu aŋga dapa faŋga. 2Ac ke zelec Yesu va ndah masasəraka jene tata kad pa macunam ta madəmay ana. 3Yaw, masa wuzam verec ɓasabay sə, Maaray mamaŋ ka gwaɗa, gege: «Wuzam verec ɓasabay.» 4Amaa Yesu ka vahan, gege: «Mma#2.4 Mma Dapa ɗelewer hay mekele sə, mavinda ŋgwaz a wal megweɗey, vara Zuwef hay sə, ta mahahəl yaŋ, amaa kwakwas tandakwa a və cəv te mezel ara na aabay., ka wal vereyey mey? Pas ana taaɗaw ke husek bay heley.» 5Mamaŋ sə, ke gweɗec ndah maŋga mezlər sə, gege: «Jə masa aŋga ta gwaɗakwar fakwanay sə, maŋgaw.» 6Faŋga ana, maŋgam te kekeŋ hay#2.6 Maŋgam te kekeŋ hay Dapa vavara te Zuwef hay sə, aca hwahurakw kekeŋ hay ka maŋgam ara tərekw hay. makwa ɓa, ac mapa te meŋgə kwakwas ta mapan Zuwef hay. Maŋgam ana pal amta sə, a ŋgə liter temere. 7Yesu ke gweɗec ndah maŋga mezlər hay sə, gege: «Manəha maŋgam ana hay nesey ava yam.» Ec ke nəhec pece pece ava yam. 8Yesu gege: «Təlam nesey, magəjaw, mahwadana bay ta macunam ana.» Ac ka hwadana, 9ka caka yam masa ka tərata ka wuzam sə, ka sənaw masa wuzam ana e dek dama sə, bay, masən slam ana sə, ndah maŋga mezlər hay megəjek yam ana, bay ta macunam sə, ka gwaɗa makəsa madəmay ana, 10gege: «Ndana hay fakwan aca və kad ndana hay kamma sə, wuzam masa e cəney, ava dəɓa ana, daha ndah mazala ac ke kwec cay sə, ece vec wuzam masa e cən pahata, amaa takaa sə, sesəker wuzam masa e cəney sə, ka raɓda kasl təlam nesey sə, meemey!» 11Nesey, cah macaaca ana masa Yesu ta ŋgiya da Kana dapa vavara te Gelile. Ke ŋguzdek gədaŋ tata. Ndah masasəraka jene tata ac ka kəs ma tata. 12Ava dəɓa ana, ke dey a gəva ta Kafarnahum ava mamaŋ, malamaŋ va dəmaŋ hay. Asaya, ava ndah masasəraka jene tata, amaa ec ke njehek dərŋga manah kusetke.
Yesu a mbas ndana hay dapa Way ta kwakwas
(Mat 21.12-17; Mar 11.15-17; Luk 19.45-46)
13Macunam te Zuwef hay mezel Pak sə, aŋga hukw cay. Yesu ke də e Zeruzelem. 14Dapa way ta kwakwas faŋga ka ŋgat ndah mahusamda jene hay ara zla hay, təmak hay, mahwɗagwam hay va ndah mayambaɗa səlay hay ac manjaha dapa way ana. 15Ka slaslap ɗuweŋ ka laway, ke mbesec ndah mahumda jene tec hay sə, kad a vəda ava zla hay va təmak tec hay fakwanay dapa Way ta kwakwas ana, ke kwekwececen səlay ta ndah mayambaɗa səlay hay kad fa vara, ke vərekwecen taabəla tec hay kad fa vara. 16Ke gweɗec ndah mahusamda mahwɗagwam hay may, gege: «Mehəlec avəda fakwanay. Akwar ta paɗ way ta Papa ka way ta mahusamda jene hay bay.»
17Ndah masasəraka jene tata aca sənafa ma masa mavinda dapa ma ta Zlav zleezle, gege: «Mawal way takaa sə, e gəɗiyey takwtakw dapa rav ara kwakwaw.» 18Amaa mazlakava hay te Zuwef hay ac ka gwaɗa, gege: «Tərsam ta cah hay wula masa ka ta ŋguzdandanay masa e de ŋguzdek ka ava gədaŋ ɓa ta maŋgiya ara nesey?» 19Yesu ke vehecen, gege: «Mambəɗa Way ta kwakwas ana avəda, da hwaɗ ta manah mahkar, ya lama avəda pa slam ana.» 20Zuwef hay sə, ac ka gwaɗa, gege: «Anda lam Way ta kwakwas ana na mavay kwakwar faɗ dapa yaŋ ana makwa sə, amaa kaa sə, ka gwaɗa ka lama avəda da hwaɗ ta manah mahkar!» 21Amaa aŋga sə, e gweɗec da yaŋ Way ta kwakwas sə, a wal megweɗec da yaŋ vaw tata. 22Maayaŋ kad fəma masa Yesu a ta pərakata dapa maməcay, ndah masasəraka jene tata, aca sənafa ma masa Yesu te gweɗey. Ac ka kəs ma masa mavinda dapa ma ta Zlavay va ma masa Yesu te gweɗ fakwanay.
Makəsparav masa pahata
23Masa Yesu aŋga de Zeruzelem dapa macunam ta Pak te Zuwef hay heley sə, ndana hay gaa ac ka kəs ma tata, afa ac ka wala cah hay masa aŋga ta ŋgiya. 24Amaa Yesu ke kəsec ka ndah mambəla ana aabay, afa e sənec fakwanay, 25a wal kwa ndana da ŋguzdana ma da yaŋ ndana bay, afa a sən mawulak yaŋ ta rav ta ndana.
موجودہ انتخاب:
Zaŋ 2: CUVnt
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2022 CABTAL