ᤋᤥᤗᤡᤱᤛᤥᤔᤢ 5
5
ᤀᤠᤍᤶᤔᤧᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹
1ᤁᤱᤃ ᤀᤠᤍᤶᤔᤡᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤖᤧ ᤂᤢᤏᤡ᤹ ᤔᤡᤱᤛᤪᤠ ᤛᤠᤵᤐᤴᤗᤥ॥
ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤴᤇᤠᤶ ᤕᤠᤵᤔᤡᤴ ᤏᤠᤘᤠᤃᤧᤴ ᤆᤀᤡ᤺ᤳ ᤆᤥᤃᤢᤸᤗᤧ ᤂᤧᤴ ᤀᤠᤒᤠᤅᤣ ᤁᤢᤏᤠᤖᤢᤶᤓᤢᤱ ᤁᤢᤈᤀᤡ᤺ᤳᤋᤥ ᤆᤥᤃᤢᤖᤥ॥ #ᤔᤳᤋᤡ ᥇᥏:᥊; ᤔᤷᤁᤢ ᥇᥆:᥌ #᥇ ᤛᤠᤵᤔᤢ ᥇:᥇-᥊ 2ᤂᤢᤏᤧ᤹ ᤂᤧᤱᤜᤠ᤹ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠ ᤏᤠᤘᤠᤃᤧᤴ ᤆᤀᤡ᤺ᤳ ᤆᤥᤃᤢᤛᤡᤀᤠᤱ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤌᤠᤛᤢ ᤐᤡᤖᤢᤛᤡ॥ ᤜᤧᤰᤁᤩᤠᤱ ᤆᤥᤃᤢᤛᤡᤒᤠ ᤕᤧᤴᤏᤥ ᤂᤧᤱᤜᤠ᤹ ᤂᤢᤏᤧ᤹ “ᤔᤧᤴᤇᤠᤶ ᤕᤠᤵᤔᤡ” ᤔᤡᤱ ᤘᤠ᤺ᤳᤋᤢᤛᤡ॥ #ᤔᤳᤋᤡ ᥇᥏:᥊; ᤔᤷᤁᤢ ᥇᥆:᥌
3ᤀᤠᤍᤶᤔᤧᤴ ᤁᤡᤵ ᤌᤡᤰᤁᤠᤱ ᤛᤢᤶᤒᤥᤱ ᤋᤱᤒᤣ ᤁᤧᤖᤧᤸᤗᤧ. ᤂᤧᤸᤗᤧ ᤀᤠᤒᤠᤅᤣ ᤁᤢᤏᤠᤖᤢᤶᤓᤢᤱ ᤁᤢᤈᤀᤡ᤺ᤳᤋᤥ ᤕᤧᤶᤒᤡᤳᤇᤠ ᤛᤠᤎᤡᤰ ᤁᤳᤋᤢ. ᤜᤧᤰᤁᤩᤠᤱ ᤂᤧᤴ ᤛᤣᤋ ᤔᤡᤱ ᤘᤠ᤺ᤳᤋᤢ॥ 4ᤛᤣ᤺ᤳᤋᤧᤴ ᤛᤠᤘᤠ᤺ᤴᤇᤡᤱ ᤜᤧᤰᤁᤩᤠᤱ ᤂᤧᤴ ᤀᤣᤃᤠᤱ ᤀᤠᤍᤶᤔᤧᤴ ᤁᤡᤵ ᤕᤧᤳᤇᤡ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤜᤧᤰᤁᤩᤠᤱ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ 5ᤀᤠᤍᤶᤔᤧᤴ ᤁᤡᤵ ᤑᤠᤱᤛᤡᤀᤠᤱ ᤛᤢᤶᤒᤥᤱ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤜᤧᤰᤁᤩᤠᤱ ᤂᤧᤴ ᤔᤠᤛᤡᤱ॥
6ᤛᤣ᤺ᤳᤋᤧᤴ ᤁᤡᤵ ᤌᤡᤰᤁᤠᤱ ᤅᤠᤛᤡ ᤋᤱᤒᤣ ᤁᤧᤖᤧᤸᤗᤧ ᤁᤢᤛ᤻ᤛᤠ ᤀᤣᤏᤥᤛᤧᤴ ᤘᤕᤧ॥ 7ᤁᤢᤛ᤻ᤛᤠ ᤀᤣᤏᤥᤛᤧᤴ ᤘᤕᤧᤀᤠᤱ ᤛᤣ᤺ᤳᤋᤧᤴ ᤁᤡᤵ ᤕᤧᤳᤇᤡᤀᤠᤱ ᤏᤢᤛᤡ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤜᤧᤰᤁᤩᤠᤱ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ 8ᤛᤣ᤺ᤳᤋᤧᤴ ᤁᤡᤵ ᤑᤠᤱᤛᤡᤀᤠᤱ ᤌᤡᤒᤥᤱᤅᤠᤱ ᤏᤧᤳᤇᤡ ᤋᤱᤒᤣ ᤜᤡᤅᤧ. ᤜᤧᤰᤁᤩᤠᤱ ᤂᤢᤏᤧ᤹ ᤔᤠᤛᤡᤱ॥
9ᤀᤣᤏᤥᤛᤧᤴ ᤑᤠᤱᤒᤥᤱ ᤋᤱᤒᤣ ᤁᤧᤖᤧᤸᤗᤧ ᤂᤧᤸᤗᤧ ᤁᤏᤠᤏᤧᤴ ᤁᤳᤋᤢ॥ 10ᤁᤣᤏᤠᤏᤧᤴ ᤘᤕᤧᤀᤠᤱ ᤀᤣᤏᤥᤛᤧᤴ ᤁᤡᤵ ᤕᤧᤳᤇᤡᤀᤠᤱ ᤌᤡᤒᤥᤱᤅᤠᤱ ᤅᤠᤛᤡ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤜᤧᤰᤁᤩᤠᤱ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ 11ᤀᤣᤏᤥᤛᤧᤴ ᤁᤡᤵ ᤑᤠᤱᤛᤡᤀᤠᤱ ᤅᤠᤛᤡ ᤋᤱᤒᤣ ᤜᤡᤅᤧ. ᤜᤧᤰᤁᤩᤠᤱ ᤂᤢᤏᤧ᤹ ᤔᤠᤛᤡᤱ॥
12ᤁᤣᤏᤠᤏᤧᤴ ᤏᤢᤒᤥᤱ ᤋᤱᤒᤣ ᤁᤧᤖᤧᤸᤗᤧ ᤂᤧᤸᤗᤧ ᤔᤜᤗᤠᤗᤧᤴ ᤁᤳᤋᤢ॥ 13ᤔᤜᤗᤠᤗᤧᤴ ᤘᤕᤧᤀᤠᤱ ᤁᤣᤏᤠᤏᤧᤴ ᤁᤡᤵ ᤕᤧᤳᤇᤡᤀᤠᤱ ᤌᤡᤒᤥᤱ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤜᤧᤰᤁᤩᤠᤱ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ 14ᤁᤣᤏᤠᤏᤧᤴ ᤁᤡᤵ ᤑᤠᤱᤛᤡᤀᤠᤱ ᤌᤡᤒᤥᤱ ᤋᤱᤒᤣ ᤜᤡᤅᤧ. ᤜᤧᤰᤁᤩᤠᤱ ᤂᤢᤏᤧ᤹ ᤔᤠᤛᤡᤱ॥
15ᤔᤜᤗᤠᤗᤧᤴ ᤋᤢᤰᤐᤥᤱᤅᤠᤱ ᤅᤠᤛᤡ ᤋᤱᤒᤣ ᤁᤧᤖᤧᤸᤗᤧ ᤂᤧᤸᤗᤧ ᤕᤧᤖᤣᤍᤧᤴ ᤁᤳᤋᤢ॥ 16ᤕᤧᤖᤣᤍᤧᤴ ᤘᤕᤧᤀᤠᤱ ᤔᤜᤗᤠᤗᤧᤴ ᤁᤡᤵ ᤕᤧᤳᤇᤡᤀᤠᤱ ᤛᤢᤶᤒᤥᤱ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤜᤧᤰᤁᤩᤠᤱ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ 17ᤔᤜᤗᤠᤗᤧᤴ ᤁᤡᤵ ᤕᤧᤳᤇᤡᤀᤠᤱ ᤑᤠᤱᤒᤥᤱᤅᤠᤱ ᤅᤠᤛᤡ ᤋᤱᤒᤣ ᤜᤡᤅᤧ. ᤜᤧᤰᤁᤩᤠᤱ ᤂᤧᤴ ᤔᤠᤛᤡᤱ॥
18ᤕᤧᤖᤣᤍᤧᤴ ᤁᤡᤵ ᤌᤡᤰᤁᤠᤱ ᤋᤢᤰᤐᤥᤱᤅᤠᤱ ᤏᤧᤳᤇᤡ ᤋᤱᤒᤣ ᤁᤧᤖᤧᤸᤗᤧ ᤂᤧᤸᤗᤧ ᤁᤢᤛ᤻ᤛᤠ ᤜᤏᤥᤰᤁᤧᤴ ᤘᤕᤧ॥ 19ᤜᤏᤥᤰᤁᤧᤴ ᤘᤕᤧᤀᤠᤱ ᤕᤧᤖᤣᤍᤧᤴ ᤁᤡᤵ ᤕᤧᤳᤇᤡ ᤋᤱᤒᤣ ᤜᤡᤅᤧ॥ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ 20ᤕᤧᤖᤣᤍᤧᤴ ᤁᤡᤵ ᤑᤠᤱᤛᤡᤀᤠᤱ ᤋᤢᤰᤐᤥᤱᤅᤠᤱ ᤏᤧᤳᤇᤡ ᤋᤱᤒᤣ ᤜᤡᤅᤧ. ᤜᤧᤰᤁᤩᤠᤱ ᤂᤧᤴ ᤔᤠᤛᤡᤱ॥
21ᤜᤏᤥᤰᤁᤧᤴ ᤋᤢᤰᤐᤥᤱᤅᤠᤱ ᤅᤠᤛᤡ ᤋᤱᤒᤣ ᤁᤧᤖᤧᤸᤗᤧ ᤂᤧᤸᤗᤧ ᤁᤢᤛ᤻ᤛᤠ ᤔᤋᤢᤛᤣᤗᤜᤴ ᤘᤕᤧ॥ 22ᤔᤋᤢᤛᤣᤗᤜᤴ ᤘᤕᤧᤀᤠᤱ ᤜᤏᤥᤰᤁᤧᤴ ᤁᤡᤵ ᤛᤢᤶᤛᤡ ᤋᤱᤒᤣ ᤌᤠᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤛᤥᤛᤥᤖᤡᤰ ᤗᤠᤱᤄᤣᤃᤧᤖ ᤘᤕᤧ॥ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ 23ᤜᤏᤥᤰᤁᤧᤴ ᤁᤡᤵ ᤛᤢᤶᤛᤡᤀᤠᤱ ᤋᤢᤰᤐᤥᤱᤅᤠᤱ ᤅᤠᤛᤡ ᤋᤱᤒᤣ ᤁᤧᤖᤧᤀᤠᤱ ᤘᤕᤧ॥ 24ᤜᤏᤥᤰᤁᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤛᤥᤛᤥᤖᤡᤰ ᤘᤕᤧ ᤜᤧᤰᤁᤩᤠᤱ ᤂᤢᤏᤧ᤹ ᤔᤕᤧᤒᤣ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤑᤥ᤺ᤰᤛᤢᤍᤣ᤹ᤖᤢ॥ #ᤜᤡᤒᤪᤢ ᥇᥇:᥋; ᤕᤢᤜᤢ ᥇᥊
25ᤔᤋᤢᤛᤣᤗᤜᤴ ᤁᤡᤵ ᤌᤡᤰᤁᤠᤱ ᤕᤧᤵᤐᤥᤱᤅᤠᤱ ᤏᤢᤛᤡ ᤋᤱᤒᤣ ᤁᤧᤖᤧᤸᤗᤧ ᤂᤧᤸᤗᤧ ᤁᤢᤛ᤻ᤛᤠ ᤗᤧᤔᤧᤰᤁᤧᤴ ᤘᤕᤧ॥ 26ᤗᤧᤔᤧᤰᤁᤧᤴ ᤘᤕᤧᤀᤠᤱ ᤔᤋᤢᤛᤣᤗᤴ ᤁᤡᤵ ᤏᤢᤛᤡᤀᤠᤱ ᤕᤧᤵᤐᤥᤱᤅᤠᤱ ᤏᤧᤳᤇᤡ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ 27ᤔᤋᤢᤛᤣᤗᤴ ᤁᤡᤵ ᤑᤠᤱᤛᤡᤀᤠᤱ ᤋᤢᤰᤐᤥᤱᤅᤠᤱ ᤑᤠᤱᤛᤡ ᤋᤱᤒᤣ ᤜᤡᤅᤧ. ᤜᤧᤰᤁᤩᤠᤱ ᤂᤢᤏᤧ᤹ ᤔᤠᤛᤡᤱ॥
28ᤗᤧᤔᤧᤰᤁᤧᤴ ᤁᤡᤵ ᤌᤡᤰᤁᤠᤱ ᤕᤧᤵᤐᤥᤱᤅᤠᤱ ᤏᤧᤳᤇᤡ ᤋᤱᤒᤣ ᤁᤧᤖᤧᤸᤗᤧ ᤂᤢᤏᤧ᤹ ᤕᤧᤶᤒᤡᤳᤇᤠ ᤛᤠᤎᤡᤰ ᤁᤳᤋᤢ॥ 29ᤗᤧᤔᤧᤰᤁᤧᤸᤗᤧ ᤀᤰᤂᤣ ᤐᤠ᤺ᤳᤋᤢᤀᤠᤱ ᤏᤢᤜ#᥋:᥈᥏ ᤁᤴ ᤏᤢᤜ ᤔᤡᤱᤅᤧᤴ ᤜᤡᤒᤪᤢᤀᤥ “ᤜᤠᤱᤜᤠᤱ ᤔᤧᤵᤔᤠ” ᤐᤥᤱ॥ ᤔᤡᤱ ᤘᤠ᤺ᤳᤋᤢ. “ᤕᤜᤘᤣ ᤍᤠᤱᤒᤧᤸᤗᤧ ᤛᤠᤱᤃᤪᤠ ᤔᤧᤳᤋᤢᤒᤠ ᤂᤠᤶᤒᤣ᤺ᤰᤔᤥ ᤀᤠᤏᤡ᤹ ᤀᤠᤈᤥᤃᤢᤶᤒᤠ ᤋᤢᤰᤂᤣᤗᤠᤰᤂᤣᤒᤠ ᤕᤠ᤺ᤶᤒᤰᤁᤥ ᤁᤴ ᤀᤅᤧ᤺ᤰᤘᤠ᤺ᤸᤗᤧ ᤀᤠᤏᤡ᤹ ᤜᤠᤱᤜᤠᤱ ᤀᤠᤔᤧᤳᤗᤥ॥” 30ᤏᤢᤜᤴ ᤘᤕᤧᤀᤠᤱ ᤗᤧᤔᤧᤰᤁᤧᤴ ᤁᤡᤵ ᤅᤠᤛᤡᤀᤠᤱ ᤑᤠᤱᤒᤥᤱᤅᤠᤱ ᤅᤠᤛᤡ ᤋᤱᤒᤣ ᤜᤡᤅᤧ॥ ᤂᤧᤸᤗᤧ ᤘᤣ᤹ ᤁᤢᤛ᤻ᤛᤠ ᤕᤧᤶᤒᤡᤳᤇᤠ ᤏᤢ ᤔᤧᤴᤇᤢᤔᤠᤜᤠ᤹ ᤔᤧᤒᤥ᤺ᤰᤂᤧ॥ 31ᤗᤧᤔᤧᤰᤁᤧᤴ ᤁᤡᤵ ᤏᤢᤛᤡᤀᤠᤱ ᤏᤢᤒᤥᤱᤅᤠᤱ ᤏᤢᤛᤡ ᤋᤱᤒᤣ ᤌᤠᤖᤡᤰ ᤜᤡᤅᤧ. ᤜᤧᤰᤁᤩᤠᤱ ᤂᤢᤏᤧ᤹ ᤔᤠᤛᤡᤱ॥
32ᤏᤢᤜᤴ ᤁᤡᤵ ᤅᤠᤛᤡ ᤋᤱᤒᤣ ᤁᤧᤖᤧᤸᤗᤧ ᤂᤢᤏᤧ᤹ ᤛᤣᤔ. ᤜᤠᤔ ᤏᤢ ᤕᤧᤐᤧᤍ ᤛᤢᤶᤛᤡ ᤁᤢᤛ᤻ᤛᤠ ᤔᤧᤘᤕᤧ॥
موجودہ انتخاب:
ᤋᤥᤗᤡᤱᤛᤥᤔᤢ 5: LIFOTNT
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2009, 2023, Wycliffe Bible Translators, Inc. All rights reserved.