Mǒhtûlû̌hǎhtûsa 16
16
Mǒ̤haga kû̌ Khûishômelǎ
1KhûAbra ama Mǒ̤sarè̌ nî̌ a shôdôphû̌ dě a phû̌ô̌lò̤nṳ̌ tôpwa̤ tô̤̌. Bǎbǎkǎlè ajû̌ Ijî̌ khlilèphû̌ ô̌cu lû̌û tôpwa̤ dě ami̤ kû̌ Mǒ̤haga. 2Pô̤̌nudě a hî̌ awṳ̂ Khûabra kû̌, “Cǒmara tûjû̌pwa̤ noshôdôphû̌ he hǒ. Cû̌hǎmôô̌ mò̌ kû̌ he jû̌mǒ̤nu. He nǐ̤bǎ tutṳ̌ kû̌ hephû̌pwa̤khû kû̌ a akhû̌khî pě kǎlè.” Dě Khûabra jû pô̤̌ ama Mǒ̤sarè̌ hî̌ lû̌nu. 3Dě Mǒ̤sarè̌ ǐ ajû̌mǒ̤ Mǒ̤haganu kû̌ awṳ̂ dǒ a gǔ htû lû̌ma tôpwa̤. Hǒomî̌ a htûhtò̌ bǎ Khûabra cû̌ô̌ dǒ Khanagǎkû behtò̌ aněshǐ akhanu hǒ. 4Pô̤̌nudě Khûabra hǎmôô̌ kû̌ Mǒ̤haga dě a mǒ̤dohtò̌.
Bǎ a sî̌ganǎ̤ kû̌ a mǒ̤dohǒ akhanu, a phî̌htò̌lǒ anǎ̤ dě a gènè̤ pî̌tî̌kè aběcǎmǒ̤ Mǒ̤sarè̌. 5Hǒtôplǎ dě Mǒ̤sarè̌ hî̌ Khûabra kû̌, “Mǒ̤haga gènè̤pî̌tî̌ he numî̌ dǒ nata̤sǔ akhû̌akhî pwǎ. Pô̤̌khô a gǔ htû nama ayanu, he ǐ a kû̌ henǎ̤ bǎbǎkǎlè khònò̤̌dě a sî̌ganǎ̤ kû̌ a mǒ̤dohǒ dě a gènè̤ pî̌tî̌kè he. Ma̤pô̤̌nudě he kû̌ nadě bǎtè tôpwa̤ta atô khlo nu, Cǒmara tûjû̌pwa̤ cî̌htò̌ pû pa pě nî̌.”
6Dě Khûabra hî̌shǔ lû̌û kû̌, “Awô̌ hǒ, a mî̌ na jû̌mǒ̤ kû̌ nanǎ̤, a ô̌ dǒ nacǔdekû, na gènè̤ kû̌ awô̌lǒ hî̌tènu, jû̌ tûû̌ na ma̤ a rǒ.” Hǒtôplǎ dě Mǒ̤sarè̌ ma̤jî̌ma̤jû̌ Mǒ̤haga dě a hǎhtò̌ khlè̌cû̌ kè Mǒ̤saralǎ̤.
7Cǒmara tûjû̌pwa̤ amǒkhû̌tanaphû̌ kè̌shǐ Mǒ̤haga bǎ gǎshashigǎ shipǒ̤hǎhtò̌ kòshî̌ tôkû. Gûlǎ̤ nutôkû mî̌ a ô̌ bǎ klè̌ lǎ̤cû̌ dǒ Shǔragǎ nutôbô alô̤. 8Dě a hî̌ lû̌û kû̌, “Mǒ̤sarè̌ ajû̌mǒ̤ Mǒ̤haga, na ô̌ bǎtè hè, dě na glè̌ cû̌ bǎtè?”
Dě Mǒ̤haga hî̌ shǔ lû̌kû̌, “He hǎhtò̌ khlè̌cû̌ kè he běcǎmǒ̤ Mǒ̤sarè̌ alǎ̤.”
9Dě Cǒmara tûjû̌pwa̤ amǒkhû̌tanaphû̌ hî̌ geshî̌shǔ lû̌û kû̌, “Ge htû tîkhîsô̌ mò̌ ajû̌nu.” 10Dě a hî̌ lû̌û kû̌, “He no ô̌wô̤̌ô̌dû̌htò̌ nakhlinalè tokhlǒ pě dě tôpwa̤ mî̌ kòyò gǔ dô̌bò̌ pè̤̌ asî tô̤̌nu pě.
11Na phû̌ô̌ phû̌pwa̤khû tôpwa̤ pě,
dě na bǎ kaǎ ami̤ kû̌ Khûishômelǎ pě. (Ishômelǎ yô̤̌sǎyô̤̌mû mî̌ Cǒmara tûjû̌pwa̤ ganǎ̤de.)
Ma̤titèhî̌dě Cǒmara tûjû̌pwa̤ ganǎ̤de nasǎphlǒ gû̌gè̌ dě na yî̤̌kǒhtò̌nu hǒ.
12Bǎbǎkǎlè naphû̌pwa̤khû hǒtôpwa̤ nî̌ a gǔ sô̌sô̌kû̌ tîsî̌mi̤ pě,
a ma̤shǔ htoshǔ bò kòyò pṳ̂̌ tôpwa̤ pě,
dě kòyò pṳ̂̌ tôpwa̤ ma̤shǔ htoshǔ bò lû̌pěpě.
a ô̌tepheyî̤ khô̌kè kû̌ akhlialè tokhlǒ pě.”#Mǒhtûlû̌hǎhtûsa 25:18
13Mǒ̤haga kaǎgǔ Cǒmara tûjû̌pwa̤ dǒ a hî̌bǎ kû̌ lû̌û nutôpwa̤ ami̤ kû̌, na mî̌ Cǒmara dǒ a kè̌shǐ he nutôpwa̤ hǒ. Dě a hî̌lò̤ tûû̌ anǎ̤ kû̌, “Ǒ! Khònò̤̌dě he kè̌shǐ bǎ Cǒmara dǒ a kè̌shǐ he nutôpwa̤ hǒ.” 14Htodě shiû̌ nutôû̌ nî̌ kòyò kaǎ lû̌mi̤ kû̌, Beralahèrû̌. Shiû̌ nî̌ a ô̌ bǎ Kadeshǎ shipǒ̤htò̌ gûlǎ̤ kû̌ Wî̤̌berè̌ aplǎkûnu tǒ̤lò̤ khònò̤̌. (Beralahèrû̌ yô̤̌sǎyô̤̌mû mî̌ pwa̤htûpwa̤ dǒ a kè̌shǐ he nutôpwa̤ ashiû̌.)#Mǒhtûlû̌hǎhtûsa 24:62, 25:11
15Dě Mǒ̤haga phû̌ô̌ bǎ PhaAbra phû̌pwa̤khû tôpwa̤, dě PhaAbra kaǎ lû̌mi̤ kû̌ Khûishômelǎ.#Galatǐ 4:22 16Bǎ Mǒ̤haga kû̌ PhaAbra phû̌ô̌lò̤ Khûishômelǎ akhanu, PhaAbra ně ô̌ shilǐ̤sô̌ kû̌ ně susô̌ hǒ.
موجودہ انتخاب:
Mǒhtûlû̌hǎhtûsa 16: KXF
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Mǒhtûlû̌hǎhtûsa 16
16
Mǒ̤haga kû̌ Khûishômelǎ
1KhûAbra ama Mǒ̤sarè̌ nî̌ a shôdôphû̌ dě a phû̌ô̌lò̤nṳ̌ tôpwa̤ tô̤̌. Bǎbǎkǎlè ajû̌ Ijî̌ khlilèphû̌ ô̌cu lû̌û tôpwa̤ dě ami̤ kû̌ Mǒ̤haga. 2Pô̤̌nudě a hî̌ awṳ̂ Khûabra kû̌, “Cǒmara tûjû̌pwa̤ noshôdôphû̌ he hǒ. Cû̌hǎmôô̌ mò̌ kû̌ he jû̌mǒ̤nu. He nǐ̤bǎ tutṳ̌ kû̌ hephû̌pwa̤khû kû̌ a akhû̌khî pě kǎlè.” Dě Khûabra jû pô̤̌ ama Mǒ̤sarè̌ hî̌ lû̌nu. 3Dě Mǒ̤sarè̌ ǐ ajû̌mǒ̤ Mǒ̤haganu kû̌ awṳ̂ dǒ a gǔ htû lû̌ma tôpwa̤. Hǒomî̌ a htûhtò̌ bǎ Khûabra cû̌ô̌ dǒ Khanagǎkû behtò̌ aněshǐ akhanu hǒ. 4Pô̤̌nudě Khûabra hǎmôô̌ kû̌ Mǒ̤haga dě a mǒ̤dohtò̌.
Bǎ a sî̌ganǎ̤ kû̌ a mǒ̤dohǒ akhanu, a phî̌htò̌lǒ anǎ̤ dě a gènè̤ pî̌tî̌kè aběcǎmǒ̤ Mǒ̤sarè̌. 5Hǒtôplǎ dě Mǒ̤sarè̌ hî̌ Khûabra kû̌, “Mǒ̤haga gènè̤pî̌tî̌ he numî̌ dǒ nata̤sǔ akhû̌akhî pwǎ. Pô̤̌khô a gǔ htû nama ayanu, he ǐ a kû̌ henǎ̤ bǎbǎkǎlè khònò̤̌dě a sî̌ganǎ̤ kû̌ a mǒ̤dohǒ dě a gènè̤ pî̌tî̌kè he. Ma̤pô̤̌nudě he kû̌ nadě bǎtè tôpwa̤ta atô khlo nu, Cǒmara tûjû̌pwa̤ cî̌htò̌ pû pa pě nî̌.”
6Dě Khûabra hî̌shǔ lû̌û kû̌, “Awô̌ hǒ, a mî̌ na jû̌mǒ̤ kû̌ nanǎ̤, a ô̌ dǒ nacǔdekû, na gènè̤ kû̌ awô̌lǒ hî̌tènu, jû̌ tûû̌ na ma̤ a rǒ.” Hǒtôplǎ dě Mǒ̤sarè̌ ma̤jî̌ma̤jû̌ Mǒ̤haga dě a hǎhtò̌ khlè̌cû̌ kè Mǒ̤saralǎ̤.
7Cǒmara tûjû̌pwa̤ amǒkhû̌tanaphû̌ kè̌shǐ Mǒ̤haga bǎ gǎshashigǎ shipǒ̤hǎhtò̌ kòshî̌ tôkû. Gûlǎ̤ nutôkû mî̌ a ô̌ bǎ klè̌ lǎ̤cû̌ dǒ Shǔragǎ nutôbô alô̤. 8Dě a hî̌ lû̌û kû̌, “Mǒ̤sarè̌ ajû̌mǒ̤ Mǒ̤haga, na ô̌ bǎtè hè, dě na glè̌ cû̌ bǎtè?”
Dě Mǒ̤haga hî̌ shǔ lû̌kû̌, “He hǎhtò̌ khlè̌cû̌ kè he běcǎmǒ̤ Mǒ̤sarè̌ alǎ̤.”
9Dě Cǒmara tûjû̌pwa̤ amǒkhû̌tanaphû̌ hî̌ geshî̌shǔ lû̌û kû̌, “Ge htû tîkhîsô̌ mò̌ ajû̌nu.” 10Dě a hî̌ lû̌û kû̌, “He no ô̌wô̤̌ô̌dû̌htò̌ nakhlinalè tokhlǒ pě dě tôpwa̤ mî̌ kòyò gǔ dô̌bò̌ pè̤̌ asî tô̤̌nu pě.
11Na phû̌ô̌ phû̌pwa̤khû tôpwa̤ pě,
dě na bǎ kaǎ ami̤ kû̌ Khûishômelǎ pě. (Ishômelǎ yô̤̌sǎyô̤̌mû mî̌ Cǒmara tûjû̌pwa̤ ganǎ̤de.)
Ma̤titèhî̌dě Cǒmara tûjû̌pwa̤ ganǎ̤de nasǎphlǒ gû̌gè̌ dě na yî̤̌kǒhtò̌nu hǒ.
12Bǎbǎkǎlè naphû̌pwa̤khû hǒtôpwa̤ nî̌ a gǔ sô̌sô̌kû̌ tîsî̌mi̤ pě,
a ma̤shǔ htoshǔ bò kòyò pṳ̂̌ tôpwa̤ pě,
dě kòyò pṳ̂̌ tôpwa̤ ma̤shǔ htoshǔ bò lû̌pěpě.
a ô̌tepheyî̤ khô̌kè kû̌ akhlialè tokhlǒ pě.”#Mǒhtûlû̌hǎhtûsa 25:18
13Mǒ̤haga kaǎgǔ Cǒmara tûjû̌pwa̤ dǒ a hî̌bǎ kû̌ lû̌û nutôpwa̤ ami̤ kû̌, na mî̌ Cǒmara dǒ a kè̌shǐ he nutôpwa̤ hǒ. Dě a hî̌lò̤ tûû̌ anǎ̤ kû̌, “Ǒ! Khònò̤̌dě he kè̌shǐ bǎ Cǒmara dǒ a kè̌shǐ he nutôpwa̤ hǒ.” 14Htodě shiû̌ nutôû̌ nî̌ kòyò kaǎ lû̌mi̤ kû̌, Beralahèrû̌. Shiû̌ nî̌ a ô̌ bǎ Kadeshǎ shipǒ̤htò̌ gûlǎ̤ kû̌ Wî̤̌berè̌ aplǎkûnu tǒ̤lò̤ khònò̤̌. (Beralahèrû̌ yô̤̌sǎyô̤̌mû mî̌ pwa̤htûpwa̤ dǒ a kè̌shǐ he nutôpwa̤ ashiû̌.)#Mǒhtûlû̌hǎhtûsa 24:62, 25:11
15Dě Mǒ̤haga phû̌ô̌ bǎ PhaAbra phû̌pwa̤khû tôpwa̤, dě PhaAbra kaǎ lû̌mi̤ kû̌ Khûishômelǎ.#Galatǐ 4:22 16Bǎ Mǒ̤haga kû̌ PhaAbra phû̌ô̌lò̤ Khûishômelǎ akhanu, PhaAbra ně ô̌ shilǐ̤sô̌ kû̌ ně susô̌ hǒ.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in