Lukas 16
16
Kapalendano meintahano dhoi tapa melaano lalo
16:1-9
1Yesus nopugaumo toha ne anaguhuꞌino ambano, “Nandoo seemie hangkaea bhe mie mintahano kahangkaeano. Mie hangkaea maitu dofohatoe mie putae mintahano kahangkaeano naꞌa nopokamasaꞌaomo kanandoono. 2Nofetingke peda maitu, mintahano kahangkaea naꞌa nobhasiemo maka nofeenae ambano, ‘Peda ae bhahaa pofetingkeku ini, ingka dopulaoꞌao hintu? Soba buhi kanaꞌe bhahi-bhahiꞌae nehabumu kaomponano intaha kahangkaeaku ini, kapaꞌamo paemo membalia so mintahano kahangkaeaku.’ 3Dukuno lalono mie anaꞌa, ‘Aeafaꞌimo bhahaa? Ingka kafeompuꞌaku ini namosabu kanaumo. Aesaꞌera pae atumanggoa, aesalo-salo ingka aambano. 4Apandeꞌaanemo so nehabuku, neanomo ane damosabu kanau kaowu nandoo dua so tumahima kanau ne lambudo.’ 5Pada aitu nobhasimo kodosano ne kafeompuꞌano seemie-seemie. Ambano ne kabhao-bhao humatono, ‘Seꞌae gahaꞌa dosamu ne kafeompuꞌaku?’ 6Ambano mie anaꞌa, ‘O mina moꞌono wua gusi.’ Ambano toha ne mie anaꞌa, ‘Aini suhano dosamu itu, mengkoha maka fekahimba mebuhi suha buꞌou, dosamu lima fulu wua gusi kaowu.’ 7Pada anaꞌa nopugaumo dua ne seemieno, ‘Hintu seꞌae dosamu?’ Notobhoosimo mie aitu, ‘Moꞌono lambeha pae.’ Ambano toha, ‘Aini suhano dosamu itu, mehabu suha buꞌou dosamu alu fulu lambeha kaowu.’
8Kafeompuꞌano nopudhi sepaliꞌa mintahano kahangkaeano tapa melaano lalo naꞌa hampano kakoꞌakalano. Daanumo miendo dhunia ini dofoliu kakoꞌakalando ne mie bhaindo ane dopototoane bhe miendo kantalea. 9⸤ Ambano toha Yesus⸥ Amohatokoomu, pakeomu kanandoono dhunia ini #16:9 Sakotuꞌuno: Mamon pata melaano lalo; pedamo dua ne aeati 11. so posabhangkaomu mie bhaimiu, neanomo pae kaowu nakofahalaa kanandoono dhunia ini, hintimiu nandoo dua datumahimakoomu weo lambu kadadiꞌa suhue dhamani.”
Sabhaha kafoinaꞌu sigaoꞌano
16:10-18
10Ambano toha Yesus, “Ane seemie nembali doposahunaꞌaane giu mohobu, tetewei natiposahunaꞌao dua ne giu bhalano. Tamaka ane miina naembali daposahunaꞌaane giu mohobu, tetewei dua paise natiposahunaꞌao ne giu bhalano. 11Dadiꞌanomo ane pae naembali daposahunaꞌaangkoomu kahangkaeano dhunia, ingka tetewei pae dua daposahunaꞌaangkoomu kahangkaea sakotuꞌuno, ⸤ maꞌanano dadi buꞌou⸥ . 12Ane miina naembali daposahunaꞌaangkoomu kahangkaeando mie bhaimiu, namaꞌangko laꞌae bhahaa kahangkaeamu wutomu?
13Miina bhe bhatua dahodua kafeompuꞌano. Ane nada naꞌa tetewei seemie nabansie, seemie namasiane, tawa nakumampuu-mpuu lalono ne seemieno bhe seemieno miina nakumonaꞌie miea. Hintimiu pae naembali meompuomu ne Lahataꞌala bhe ne kahangkaeano dhunia.” #16:13 Sakotuꞌuꞌano: Mamon , maꞌanano o dhoi.
14Kosasawiꞌae naꞌa dofetingkee dua miendo Farisi tamaka tadebheu, hampano andoa ini sanea bhatuano dhoi. 15Nopugaumo Yesus ne andoa ambano, “Hintimiu ini fotiwoha wutomiu ne wisendo manusia peda mie banara, tamaka Lahataꞌala nopandeꞌaane totono lalomiu. Kapaꞌamo diu nekonando manusia foliunomo kakesa, nobansie Lahataꞌala. 16Kitabino Musa bhe Kitabino ana-anabii sadaa-daa nolaku ampa ne dhamanino Yohanes, tamaka notanda ne dhamanino Yohanes Kafopahintaꞌano Lahataꞌala dofoleleemo maka sabhaha mie dopogolo-golo damesua. 17Tamaka nandoo nomuda naosali lani bhe dhunia bhe nabatala nasetanda buhi weo Kitabino Musa.
18Sasuka humunsano hobhineno maka nogaa bhe hobhine sigaoꞌano mie aitu nomonsule, bhe sasuka gumaano bhe hobhine nehunsano moꞌaneno, mie aitu nomonsule dua.”
Mie hangkaea bhe Lasarus kumadee-deeno
16:19-31
19Nopugaumo toha Yesus ambano, “Nandoo seemie hangkaea sadhia nepake dhuba biludhu bhe kai alusu. Kaꞌosano kahangkaeano seꞌo-seꞌoleo nohame-hame. 20Nandoo dua seemie kumadee-dee, neano Lasarus. Mbadhano noponoꞌao kanda, nendole-ndole ne wiseno fointono lambuno mie hangkaea naꞌa. 21Nowoha kapondawuno maiꞌaono ne medhano mie hangkaea naꞌa, Lasarus ini gaono tanaomaamo nakoiꞌiꞌao kaowu handano. Gahaꞌa domaiꞌiemo dua daꞌu dodelapi kandano. 22Kaowu mie kumadee-deeno naꞌa nomatemo, maka doampee malaꞌekati te awino Abraham. 23Gahaꞌa mie hangkaea naꞌa nomatemo dua maka dokobuhue. We dhuniando mie mate nokadee-dee sepaliꞌa. Wakutuu nototohana, gahaꞌa nowohamo Abraham te mokodoꞌoꞌano noꞌawi Lasarus. 24Mie hangkaea naꞌa nokeimo ambano, ‘Amaku Abraham, mobhela kanau lalo! Tudu kanaumo Lasarus namolondo wunano limano ne oe maka namekahindima lelaku hampano notolau kakadee-deeku weo hendeno efi ini.’
25Tamaka Abraham tanopugau ambano, ‘Anaku, tandaiꞌe hintu padamo namisie sabhaha mombakaꞌano weo dadimu, tamaka Lasarus nonamisi sabhaha mopaꞌiꞌano. Ampa aini anoa notilawesimo lalono ne ini, tamaka hintu notolau kakadee-deemu. 26Pakade olotano insaodi bhe hintimiu nandoo kantie tapa tilempagi, neanomo so kumalano maiꞌao ne ini pae damoolia dapolimba we hintimiu, tawa maiꞌaono we hintimiu itu pae damai te ini.’ 27Ambano mie hangkaea naꞌa, ‘Ane nada naꞌa, aesalo tudu Lasarus nakumala we ndo amaku, 28kapaꞌamo nandoo kakutaꞌaku tadolidima, neanomo namodhagada mpuu keana dopesua bhe andoa weo kakadee-dee aini.’ 29Tamaka ambano Abraham, ‘Ingka nandoo Kitabino Musa bhe Kitabindo anabii ne andoa, hunsaꞌanomo dametingke kafoinaꞌu anaꞌa.’ 30Tamaka ambano dua mie hangkaea naꞌa, ‘Paise amaku Abraham, ane nandoo mie mate so sumuli dumadino maka nakumala namodhagada, tetewei dametompaꞌao dhosando.’ 31Ambano toha Abraham, ‘Ane pae dametingke kafoinaꞌuno anabii Musa bhe ana-anabii sigaoꞌano, teteweimo pae dua damarasaeaꞌa mahinggamo nahumatoda seemie manuno maiꞌao ne mate.’ ”
موجودہ انتخاب:
Lukas 16: mnbSD
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2022, Wycliffe Bible Translators, Inc. All rights reserved.