मेथा 1
1
येशुगी दुङग्यु
(लुका ३:२३-३८)
1आब्राहामगी ग्युपा, ग्यावु दावीदगी ग्युपा, येशु मास्यीकागी दुङग्यु नी,
2आब्राहाम नी ईसाकगी आकी, ईसाक नी याकोबगी आकी धेनी याकोब नी याहुदा धाङ खी़ पी़नक्याई आकी,
3याहुदा नी फारेस धाङ जारागी आकी लाक। खुङक्याई आमा तामार लाक। फारेस हेसरोनगी आकी धेनी हेसरोन नी आरामगी आकी,
4आराम नी आमीनादाबगी आकी, आमीनादाब नी नाहासोनगी आकी धेनी नाहासोन नी सालमोनगी आकी लाक।
5सालमोनगो राहाबने झ्युजा बोआजगी आकी धेनी बोआजगो रुथने झ्युजा ओबेदगी आकी धेनी ओबेद नी येस्सेगी आकी,
6धेनी येस्से नी ग्यावु दावीदगी आकी धेनी दावीदगो उरीयागी युक्जामाने झ्युजा सोलोमोनगी आकी,
7धेनी सोलोमोन नी रेहाबआमगी आकी, रेहाबआम नी आबीयागी आकी धेनी आबीया नी आसागी आकी,
8आसा नी येहोस्याफातगी आकी, येहोस्याफात नी योरामगी आकी धेनी योराम नी उज्जीयागी आकी,
9उज्जीया नी योथामगी आकी, योथाम नी आहाजगी आकी धेनी आहाज नी हेजीकीयागी आकी,
10हेजीकीया नी मानास्येगी आकी, मानास्ये नी आमोनगी आकी धेनी आमोन नी योस्यीयागी आकी लाक।
11याहुदापा मीरीकला बाबीलोनदु पी़दी ताङगीन धी़गी एन्ला, योस्यीयाने येकोनीया धाङ खी़ नोक्या झ्युवालाक।
12बाबीलोनदु ठीक्ती श्युकला, येकोनीया नी स्येलतीएलगी आकी झ्युवालाक धेनी स्येलतीएल नी जेरुबबाबेलगी आकी,
13जेरुबबाबेल नी आबीहुदगी आकी, आबीहुद नी एल्याकीमगी आकी धेनी एल्याकीम नी आजोरगी आकी,
14आजोर नी जादोकगी आकी, जादोक नी आकीमगी आकी धेनी आकीम नी एलीउदगी आकी
15एलीउद नी एलआजारगी आकी, एलआजार नी मातथानगी आकी धेनी मातथान नी याकोबगी आकी।
16धेनी याकोब मीरीयामगी ख्योवा योसेफगी आकी लाक। मीरीयामने येशु ठुवालाक धेनी खोङबाराङ मास्यीका#१:१६ मास्यीका को़न्क्षोकगी दाम्दागो ॱनागीनगो लाक।
17देरे झ्येरी आब्राहामने दावीद थुक्पे मीराप च्युपश्यी, दावीदने बाबीलोनदु ठीक्ती श्याक्कीन थुक्पे मीराप च्युपश्यी धेनी बाबीलोनने मास्यीका ठुङगीन थुक्पे मीराप च्युपश्यी झ्युवालाक।
येशु मास्यीका ठुङगीनगी कोर
(लुका २:१-७)
18येशु मास्यीका ठुङगीनगी कोर नी, देरे हो़तालाक। खोङबागी युम मीरीयाम योसेफमुला ॱलोङछाङ तासारती, खुङ ॱङीउ ॱमाछाम्गीन एन्लाराङ, धाम्पे थुक्ङीगी थोक्ने मीरीयामगी फोवाला टु क्षाक्कीनगो क्षा झ्युवालाक। 19धेनी मी़ ख्योवा योसेफ मी ढाङपो च्यीक झ्येरी, मोला ङोछारु च्युक्ङी मादो़पा, खाबा खा डायेला थाक च्येपालाक। 20हीना खो देरे साम्लो ताङी धेती घाङला, चोवो को़न्क्षोकगी भाङछेन च्यीक खी़ ॱमीक्लाम नाङला ज्यारी, देरे सुवालाक, “दावीद ग्युपागी योसेफ, मीरीयामला राङगी केमी शोयेला माजीक घीझ्येरी ॱनाना मी़ ली़ला ॱनेगीन दे, धाम्पे थुक्ङीगी थोक्ने लाक। 21मोने से च्यीक ठुङगीलाक धेनी ख्यी़ खोङबागी छेनला येशु ताक्कीलाक घीझ्येरी ॱनाना खोङबागी राङगी मीक्याला, खुङक्याई धीक्पाक्याने क्योप्कीलाक।”
22दे घीरी चोवोगी ॱङो़नस्येखेनगी थोक्ने, सुङगीन दे डुप्तु च्युक्येला झ्युवालाक,
23“तो़दाङ, नाच्युङ चाङमा च्यीकला टु क्षाक्ती, मोने से च्यीक ठुङगीलाक
धेनी खोङबागी छेन ईम्मानुएल ॱनेरी भो़गीलाक”#यस्याया ७:१४ (देगी दो़नगो “को़न्क्षोक होराङमुला”)।
24धेनी योसेफ ॱङी सेदी स्याम्ला, खी़ चोवो को़न्क्षोकगी भाङछेनगी का सुङगीन च्योक्रे झ्येवालाक। धेनी मीरीयाममुला ॱनामा लेन्बालाक। 25हीना मोने से ॱमाठुङगीन थुक्पे, खो मी़मुला माढेवालाक। धेनी खी़ सेगी़ छेनला येशु ताक्पालाक।
موجودہ انتخاب:
मेथा 1: LOY
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2023, Wycliffe Bible Translators, Inc. and Nepal Bible Society
मेथा 1
1
येशुगी दुङग्यु
(लुका ३:२३-३८)
1आब्राहामगी ग्युपा, ग्यावु दावीदगी ग्युपा, येशु मास्यीकागी दुङग्यु नी,
2आब्राहाम नी ईसाकगी आकी, ईसाक नी याकोबगी आकी धेनी याकोब नी याहुदा धाङ खी़ पी़नक्याई आकी,
3याहुदा नी फारेस धाङ जारागी आकी लाक। खुङक्याई आमा तामार लाक। फारेस हेसरोनगी आकी धेनी हेसरोन नी आरामगी आकी,
4आराम नी आमीनादाबगी आकी, आमीनादाब नी नाहासोनगी आकी धेनी नाहासोन नी सालमोनगी आकी लाक।
5सालमोनगो राहाबने झ्युजा बोआजगी आकी धेनी बोआजगो रुथने झ्युजा ओबेदगी आकी धेनी ओबेद नी येस्सेगी आकी,
6धेनी येस्से नी ग्यावु दावीदगी आकी धेनी दावीदगो उरीयागी युक्जामाने झ्युजा सोलोमोनगी आकी,
7धेनी सोलोमोन नी रेहाबआमगी आकी, रेहाबआम नी आबीयागी आकी धेनी आबीया नी आसागी आकी,
8आसा नी येहोस्याफातगी आकी, येहोस्याफात नी योरामगी आकी धेनी योराम नी उज्जीयागी आकी,
9उज्जीया नी योथामगी आकी, योथाम नी आहाजगी आकी धेनी आहाज नी हेजीकीयागी आकी,
10हेजीकीया नी मानास्येगी आकी, मानास्ये नी आमोनगी आकी धेनी आमोन नी योस्यीयागी आकी लाक।
11याहुदापा मीरीकला बाबीलोनदु पी़दी ताङगीन धी़गी एन्ला, योस्यीयाने येकोनीया धाङ खी़ नोक्या झ्युवालाक।
12बाबीलोनदु ठीक्ती श्युकला, येकोनीया नी स्येलतीएलगी आकी झ्युवालाक धेनी स्येलतीएल नी जेरुबबाबेलगी आकी,
13जेरुबबाबेल नी आबीहुदगी आकी, आबीहुद नी एल्याकीमगी आकी धेनी एल्याकीम नी आजोरगी आकी,
14आजोर नी जादोकगी आकी, जादोक नी आकीमगी आकी धेनी आकीम नी एलीउदगी आकी
15एलीउद नी एलआजारगी आकी, एलआजार नी मातथानगी आकी धेनी मातथान नी याकोबगी आकी।
16धेनी याकोब मीरीयामगी ख्योवा योसेफगी आकी लाक। मीरीयामने येशु ठुवालाक धेनी खोङबाराङ मास्यीका#१:१६ मास्यीका को़न्क्षोकगी दाम्दागो ॱनागीनगो लाक।
17देरे झ्येरी आब्राहामने दावीद थुक्पे मीराप च्युपश्यी, दावीदने बाबीलोनदु ठीक्ती श्याक्कीन थुक्पे मीराप च्युपश्यी धेनी बाबीलोनने मास्यीका ठुङगीन थुक्पे मीराप च्युपश्यी झ्युवालाक।
येशु मास्यीका ठुङगीनगी कोर
(लुका २:१-७)
18येशु मास्यीका ठुङगीनगी कोर नी, देरे हो़तालाक। खोङबागी युम मीरीयाम योसेफमुला ॱलोङछाङ तासारती, खुङ ॱङीउ ॱमाछाम्गीन एन्लाराङ, धाम्पे थुक्ङीगी थोक्ने मीरीयामगी फोवाला टु क्षाक्कीनगो क्षा झ्युवालाक। 19धेनी मी़ ख्योवा योसेफ मी ढाङपो च्यीक झ्येरी, मोला ङोछारु च्युक्ङी मादो़पा, खाबा खा डायेला थाक च्येपालाक। 20हीना खो देरे साम्लो ताङी धेती घाङला, चोवो को़न्क्षोकगी भाङछेन च्यीक खी़ ॱमीक्लाम नाङला ज्यारी, देरे सुवालाक, “दावीद ग्युपागी योसेफ, मीरीयामला राङगी केमी शोयेला माजीक घीझ्येरी ॱनाना मी़ ली़ला ॱनेगीन दे, धाम्पे थुक्ङीगी थोक्ने लाक। 21मोने से च्यीक ठुङगीलाक धेनी ख्यी़ खोङबागी छेनला येशु ताक्कीलाक घीझ्येरी ॱनाना खोङबागी राङगी मीक्याला, खुङक्याई धीक्पाक्याने क्योप्कीलाक।”
22दे घीरी चोवोगी ॱङो़नस्येखेनगी थोक्ने, सुङगीन दे डुप्तु च्युक्येला झ्युवालाक,
23“तो़दाङ, नाच्युङ चाङमा च्यीकला टु क्षाक्ती, मोने से च्यीक ठुङगीलाक
धेनी खोङबागी छेन ईम्मानुएल ॱनेरी भो़गीलाक”#यस्याया ७:१४ (देगी दो़नगो “को़न्क्षोक होराङमुला”)।
24धेनी योसेफ ॱङी सेदी स्याम्ला, खी़ चोवो को़न्क्षोकगी भाङछेनगी का सुङगीन च्योक्रे झ्येवालाक। धेनी मीरीयाममुला ॱनामा लेन्बालाक। 25हीना मोने से ॱमाठुङगीन थुक्पे, खो मी़मुला माढेवालाक। धेनी खी़ सेगी़ छेनला येशु ताक्पालाक।
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2023, Wycliffe Bible Translators, Inc. and Nepal Bible Society