NEHUM 3
3
1Maguga na mboka ya makiya! e ndi yěhěpi ti na bojowa na iputaniya; ebwelě yà věngěměkě.
2Njohoko ya ukasa, na njohoko ya elunja ya belape; na kabala i kwělěběněkě, na ndabo ja belepe i pemanakidě;
3Bamo ba kabala ba bapamaka, na ukwala u kwědimaka, na ikângâ i vělimaka; na bwinge bwa myongo, na ukondo uněně mua bekengo: na mebimba me ’bě n‘ ihuku; ba kâbâkâ o mebimba meabu;
4Ikabojana o pělě ya bwinge bwa bevovidi bea evove ya elanga eitě, nyangw‘‐utimbo, a hambakidě betomba na bevovidi beaju, na mbanda na metimbo meaju.
5Hilakěte, Mbi těnidi na nâvě, Jěhova ya Ndumba nd‘ A vâkě, n‘ Umba‐Mbi ka duwandi sin‘ ’âvě o boho bwâvě; Mbi ka leviděndi betomba uhamba muâvě, na beghândâ ihâni viâvě.
6N‘ Umba‐Mbi ka uhwand‘ âvě sěkě ya mainya, n‘ Umba‐Mba panga ’vě o bevaka, Mbi ka těděnd‘ âvě pani‐ka elekebwě.
7E ka diyandi, na, ba ka tamuwě âvě běhěpi ba ka kweyiyand‘ âvě, na bâ, na, Niniva a jongoliyendi! a lě nj‘ a ka yě mâ? mbi ka duwa lě bayâdidi baju na ove?
8O ndi bwamu wa na No‐Amon, e diyaki tadwěngo o liho lo jadi, e diyakidi miba yâ ulwaniděngo; e diyakidi Viho ka jěkě jaju, na Manga ka kâtâ ’aju.
9Ethiopia na Ijipt ba diyakindi ngud‘ ’aju, na yâ‐e diyaki nyongwě; Put na Lubim ba diyakindi bahani bâvě.
10Ndi, a valanakudwěte, a kěkit‘ o mbwedi: na betumbě beaju bea bana be vanjanganakudwěte bepěhi o mabolo ma mehěngě meěhěpi: ba ’hwakiyete bamo baju ba hekakudwě kwayi, na bamo baju baněně běhěpi ba katakudwěte na mehinganakano.
11O ka diya tepě peyango, o ka diyi kutamango; o ka vaha tepě budu bokolo, ikabojana ndoba.
12Loboko lâvě lokolo lěhěpi lo ka diyi ka bele bea fig na bebuma bea fig be takě na veya: oninge be ninganudwěngě, be kwakand‘ o udumbu mua ujeyi.
13Hilakěte, bato bâvě o hanganě ’âvě ba i bajo; mebiyâ mea ehe ’âvě me dubwudwěndi kaje o ndoba jâvě i jadi: veya vi hiniděndi mepimbilo meâvě.
14Dangakidě miba o pělě ya ipetwě, yâdâkidě loboko lâvě lokolo; kěkě o ikona, wa bunda laso, yâdâkidě diyâ i tumbakě malale ma brik.
15Omě nd‘ o veya vi ka hinid‘ âvě; ukwala u ka lenanand‘ âvě kya, u ka jand‘ âvě pani‐ka pâhě; pangaka nyolo ’âvě bwinge ka pâhě, pangaka nyolo ’âvě bwinge ka mesěběni.
16O vuhěngo maseni mâvě wa na nyětěti ja oba; pâhě e jongolakiděndi, na yâ‐ya věvě.
17Ibâvě ba bâtudwěngo korowa ba te ka mesěběni, na balěndi bâvě pani‐ka makinga ma mesěběni, me batamakě o mekako o buhwa bw‘ ivěvu, ndi o joba i pumakě na meâmea kweyanidě, na iboko viabu vi diyakě vià ’waně.
18Upolo mua Asiria‐O! batati bâvě ba medâmbě ba tikakandi; ibâvě ba weyango ba běnd‘ o iyâjâ; bato bâvě ba pajanganindi o mekodi, o ’bě na a ka yolě bâ.
19Ijuuka jâvě jà vâtâniye; ivenge jâvě i ndi ngobwě; ba yokakě sango ’âvě běhěpi ba bomakiyand‘ âvě kobi; jambojana a lě ka nja wa bobe bwâvě bo diyakidi bò tombe egombe ka ’gombe?
موجودہ انتخاب:
NEHUM 3: BNG1895
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the American Bible Society in 1895, 1926.
NEHUM 3
3
1Maguga na mboka ya makiya! e ndi yěhěpi ti na bojowa na iputaniya; ebwelě yà věngěměkě.
2Njohoko ya ukasa, na njohoko ya elunja ya belape; na kabala i kwělěběněkě, na ndabo ja belepe i pemanakidě;
3Bamo ba kabala ba bapamaka, na ukwala u kwědimaka, na ikângâ i vělimaka; na bwinge bwa myongo, na ukondo uněně mua bekengo: na mebimba me ’bě n‘ ihuku; ba kâbâkâ o mebimba meabu;
4Ikabojana o pělě ya bwinge bwa bevovidi bea evove ya elanga eitě, nyangw‘‐utimbo, a hambakidě betomba na bevovidi beaju, na mbanda na metimbo meaju.
5Hilakěte, Mbi těnidi na nâvě, Jěhova ya Ndumba nd‘ A vâkě, n‘ Umba‐Mbi ka duwandi sin‘ ’âvě o boho bwâvě; Mbi ka leviděndi betomba uhamba muâvě, na beghândâ ihâni viâvě.
6N‘ Umba‐Mbi ka uhwand‘ âvě sěkě ya mainya, n‘ Umba‐Mba panga ’vě o bevaka, Mbi ka těděnd‘ âvě pani‐ka elekebwě.
7E ka diyandi, na, ba ka tamuwě âvě běhěpi ba ka kweyiyand‘ âvě, na bâ, na, Niniva a jongoliyendi! a lě nj‘ a ka yě mâ? mbi ka duwa lě bayâdidi baju na ove?
8O ndi bwamu wa na No‐Amon, e diyaki tadwěngo o liho lo jadi, e diyakidi miba yâ ulwaniděngo; e diyakidi Viho ka jěkě jaju, na Manga ka kâtâ ’aju.
9Ethiopia na Ijipt ba diyakindi ngud‘ ’aju, na yâ‐e diyaki nyongwě; Put na Lubim ba diyakindi bahani bâvě.
10Ndi, a valanakudwěte, a kěkit‘ o mbwedi: na betumbě beaju bea bana be vanjanganakudwěte bepěhi o mabolo ma mehěngě meěhěpi: ba ’hwakiyete bamo baju ba hekakudwě kwayi, na bamo baju baněně běhěpi ba katakudwěte na mehinganakano.
11O ka diya tepě peyango, o ka diyi kutamango; o ka vaha tepě budu bokolo, ikabojana ndoba.
12Loboko lâvě lokolo lěhěpi lo ka diyi ka bele bea fig na bebuma bea fig be takě na veya: oninge be ninganudwěngě, be kwakand‘ o udumbu mua ujeyi.
13Hilakěte, bato bâvě o hanganě ’âvě ba i bajo; mebiyâ mea ehe ’âvě me dubwudwěndi kaje o ndoba jâvě i jadi: veya vi hiniděndi mepimbilo meâvě.
14Dangakidě miba o pělě ya ipetwě, yâdâkidě loboko lâvě lokolo; kěkě o ikona, wa bunda laso, yâdâkidě diyâ i tumbakě malale ma brik.
15Omě nd‘ o veya vi ka hinid‘ âvě; ukwala u ka lenanand‘ âvě kya, u ka jand‘ âvě pani‐ka pâhě; pangaka nyolo ’âvě bwinge ka pâhě, pangaka nyolo ’âvě bwinge ka mesěběni.
16O vuhěngo maseni mâvě wa na nyětěti ja oba; pâhě e jongolakiděndi, na yâ‐ya věvě.
17Ibâvě ba bâtudwěngo korowa ba te ka mesěběni, na balěndi bâvě pani‐ka makinga ma mesěběni, me batamakě o mekako o buhwa bw‘ ivěvu, ndi o joba i pumakě na meâmea kweyanidě, na iboko viabu vi diyakě vià ’waně.
18Upolo mua Asiria‐O! batati bâvě ba medâmbě ba tikakandi; ibâvě ba weyango ba běnd‘ o iyâjâ; bato bâvě ba pajanganindi o mekodi, o ’bě na a ka yolě bâ.
19Ijuuka jâvě jà vâtâniye; ivenge jâvě i ndi ngobwě; ba yokakě sango ’âvě běhěpi ba bomakiyand‘ âvě kobi; jambojana a lě ka nja wa bobe bwâvě bo diyakidi bò tombe egombe ka ’gombe?
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the American Bible Society in 1895, 1926.