لوقا 24
24
عیسا زٚنده بِه
1یکشنبه روج، صُبٚ دٚم، زنأکأن خوشبو زومأت و عطرأنَ کی حأضیرَ کوده بود، خوشأنی اَمرأ اوسأدٚد بوشؤده قبرٚ ور. 2وختی اویَه فأرٚسِده، بیدِده او سنگ کی قبرٚ جولو نٚهأ بو ایتأ کنأره گرأدأ بوبوسته. 3بأزین قبرٚ دورون بوشؤده امّا عیسای خوداوندٚ جنأزه‌یَ اویَه نیأفتٚد!
4اَشأن مأت و قأقَ بوسته بئیسأده، فیکر کودأندوبود کی جنأزه سٚر چی بلأ بأمؤ. نأخٚوٚرکی دوتأ مٚردأی کی اوشأنٚ لیوأسأن جَا نور دتأوستی و چوم دکٚف بو اوشأنی ورجأ ظأهیرَ بوستٚد. 5او زنأکأن زهله بوکودٚد و اوشأنَ تعظیم بوکودٚد.
او دوتأ مردأی وأورسئده: «چٚره مورده‌یأن دورونی زٚنده آدمٚ دونبأل گردیدی؟ 6اون اَیَه نئیسأ! اون ویریشته! بٚخأطر بأوٚرید هو گبأنی کی جلیل دورون شٚمٚره بوگفته کی 7اینسأنٚ پٚسر، ینی عیسا وأستی گونأکأرٚ مردوم دٚس تسلیمَ بٚه، صلیبٚ جؤر بیمیره و سیومی روج ویریزه!»
8بأزون زنأکأن عیسا گبأنَ بٚخأطر بأوٚردٚد. 9پس دفأتن قبرٚ جَا وأگردٚستٚد کی او یأزده‌تأ شأگرد و البأقیأنَ جٚه اَ مأجیرأ وأخبدأرَ کونٚد.
10زنأکأنی کی قبرٚ سٚر بوشؤبود اَشأن بود، مریمٚ مجدلیه، یونا، یعقوبٚ مأر مریم و چنتأ دِه زنأکأن. 11امّا شأگردأن زنأکأنٚ گبأنَ هٚذیأن بٚدأنستٚد و اوشأنی گبأنَ قوبیل نوکودٚد.
12امّا پطرس بودووٚسته قبرٚ ور کی بیدینه چی ایتفأقی دکفته. وختی اویَه فأرٚسِه فوچومٚسته و دیقتٚ اَمرأ قبرٚ دورونَ فأندرسته. تنأ چیزی کی بیدِه فقد کتأنٚ کفنٚ نوأرأن بو کی عیسا جنأزه دؤر وأپِخته بود، امّا اَسه خألی بود! اون مأت و قأقَ بوسته وأگردسته بٚخأنه.
عموآسٚ رأ میأن
13هو یکشنبه روج، دوتأ جٚه عیسا شأگردأن عموآسٚ دیهأتٚ رأ شؤئؤندوبود کی اورشلیمٚ اَمرأ ده کیلومتر فأصله دأشتی. 14رأ میأن او چن روجٚ مأجیرأیأن جَا گب زِئندوبود 15کی ایوأرکی عیسا خودش جٚه رأ فأرٚسِه و اوشأنی اَمرأ رأ دکفته. 16امّا اوشأنی چومأن دٚوٚسته بدأشته بوبوسته کی اونَ نشنأسٚد.
17عیسا وأوٚرسِه: «هطو کی نمأیه حیسأبی گب گب کودأندرید! شیمی گبٚ مأجیرأ چیسه؟»
او دو نفر بئیسأده. غم و غورصه اوشأنی دیمٚ سٚر وأرستی. 18ایتأ جٚه اوشأن کی «کلئوپاس» نأم دأشتی، جوأب بٚدأ: «تو وأستی اَ شهرٚ دورون تنأ کسی بیبی کی اَ چن روج ایتفأقأن جَا خٚوٚر نأری»
19عیسا وأوٚرسِه: «کو مأجیرأ؟»
بوگفتد: «هو مأجیرأیی کی عیسای ناصری رِه ایتفأق دکفته! اون ایتأ پیغمبر و ایتأ پور قودرت معلم بو؛ کأرأن و عجأیب غرأیب موجیزه‌یأن انجأم دٚئی و خودا و اینسأنٚ چوم اونی رو نٚهأ بو. 20امّا پیله کأهینأن و اَمی دینٚ پیله کسأن اونَ بیگیفتٚد و فأدأده کی مرگٚ رِه محکوم و مصلوب بٚبه. 21امّا اَمأن خٚیلی اومید دأشتیم کی اون هو مسیح ایسه کی وأستی بأمؤبی کی ایسرأییلٚ قومَ نیجأت بٚده. تومأمٚ اَشأنٚ اَمرأ هسأ سه روج جٚه اَ مأجیرأ گوذره، 22چنتأ جٚه اَمی جمَ زنأکأن اَمٚرَه خوشأنٚ گبأنٚ اَمرأ قأقَ کودٚد، چونکی اوشأن صُبٚ دٚم قبرٚ سٚر بوشؤده، 23امّا اونی جنأزه‌یَ نیأفتٚد. اوشأن بأمؤده و اَمٚرَه بوگفتد: کی فٚرٚشته‌يأنَ بیدِده کی اوشأنَ بوگفتد اون زٚنده بوسته! 24پس چن نفر جٚه اَمی مردأکأن قبرٚ سٚر بوشؤده و بیدِده کی هر چی زنأکأن بوگفتد رأست بو، امّا عیسایَ نیدِ‌ده.»
25بأزون عیسا اَشأنَ بٚفرمأسته: «چندر شومأن بی‌عقلید! چٚره اَندر شِمِره سخت ایسه کی پیغمبرأنٚ گبأنَ ایمأن بأوٚرید؟ 26آیا اوشأن روشن و دقیق جٚه قبل اعلام نوکودٚد کی مسیح پیشتر جٚه اَنکی خو جلال و عیزتَ فأرٚسٚه وأستی تومأمٚ اَ زحمتأنَ بیدینه؟» 27بأزین تومأمٚ گبأنی کی جٚه قبل اونی جَا موسا تورأت میأن و البأقی پیغمبرأنٚ کیتأبأنٚ دورون بینیویشته بوبوسته، اوشأنی رِه وأگویا بوکوده.
28هو وخت فأرٚسِده عموآسٚ دیهأت کی اوشأنی سٚفر تومأنٚ بوستی و عیسا خأستی کی خو رأیَ ایدأمه بٚده. 29امّا چونکی هوا کم کمِی تأریک دکفتأندوبو، او دوتأ مردأی حقٚ سعی اَمرأ ایلتیمأس بوکودٚد کی شب اوشأنی ورجأ بئیسه. پس عیسا بوشؤ اوشأنی خأنه. 30وختی سٚفره سٚر بینیشتٚد، عیسا نأنَ اوسأد و شوکر بوکود هر کودأمَ ایتأ تیکه فأدأ. 31ایوأرکی اوشأنی چومأن وأزَ بوسته و عیسایَ بشنأختٚد! هو وخت عیسا غیبٚ بوسته.
32او دو نفر کس‌کسٚ بوگفتد: «بید‌ِیی وختی رأ میأن آسمأنی کیتأب جَا گب زِئی، چوطو اَمی دیلأنَ تاپ‌تاپ دکفته بو و بٚذوق بأمؤییم؟»
33پس دفأتن وأگردٚستٚد اورشلیم و بوشؤده عیسا او یأزده‌تأ شأگردٚ ورجأ کی اونی البأقی پیروأنٚ اَمرأ جمَ بوسته بود 34و گفتأندوبود: «رأس‌رأسِی خوداوند زٚنده بوسته! پطرسٚم اونَ بیدِه!» 35بأزون او دو نفرم خوشأنی مأجیرأیَ وأگویا بوکودٚد و بوگفتد کی چوطو عیسا رأ میأن اوشأنی رِه ظأهیرَ بوسته و چوطو سٚفره سٚر نأنَ تکٚس تکٚس کودنٚ وخت اونَ بشنأختٚد.
عیسا شأگردأن رِه ظأهیرَ بِه
36هو وخت کی گب زِئنَ موشغول بود، نأخٚوٚرکی عیسا اوشأنی میأن بٚپأ بئیسأ و سلأم بوکوده. 37امّا همٚتأن وأشٚت بوکودٚد، چونکی فیکر بوکودٚد کی روح دِئِندٚرٚد!
38عیسا بٚفرمأسته: «چٚره بترسئید؟ چٚره شک بوکودید و نخأئید قوبیل بوکونید کی خودم ایسٚم! 39می دٚس و پأ سٚر مِخأنٚ زخمأنٚ جأیَ فأندٚرید! بیدینید کی رأس‌رأسِی خودم ایسٚم. مٚرَه دٚس بٚزنید و شیمی خأطر جم بٚبه کی من روح نییٚم، چونکی روح، خأش و گوشت نأرِه، امّا هطو کی دینید من دأرم.» 40هطو کی گب زِئندوبو، خو دٚسأن و پأیأنَ اَشأنَ نیشأن بٚدأ. 41اوشأن خوشأل و قأق بود و نٚتأنٚستٚد اونچی کی دِئندوبودَ قوبیل بوکونٚد.
عیسا اوشأنی جَا وأوٚرسِه «آیا اَیَه ایچی خوردنٚ رِه دأریدی؟ 42اوشأن ایپچه بٚپخته مائی اونَ فأدأده. 43اونم اَشأنی قأقَ بوسته چومأن ورجأ اونَ بوخورده.
44بأزون، اوشأنَ بٚفرمأسته: «آیا بٚخأطر دأرید کی پیشتر جٚه می مٚردن وختی شیمی اَمرأ بوم، بوگفتم هر چی کی موسا تورأت و پیغمبرأنٚ کیتأبأن و داوودٚ زبورٚ دورونی می جَا بینیویشته بوبوسته همٚتأ وأستی انجأم بٚبه؟ هسأ اونچی کی مِرِه ایتفأق دکفته، همٚتأ انجأم بوبوسته!» 45بأزون اوشأنی ذهنَ وأزَ کود کی همٚتأ آسمأنی کیتأبأنٚ پیشگویی‌یَ بفأمٚد.
46بأزون بٚفرمأسته: «هطویه جٚه قدیمأن، پیغمبرأنٚ کیتأبأن دورونی بینیویشته بوبوسته بو کی او مسیح کی وأستی بأمؤبی وأستی رنج و زحمت بیدینه، خو جأنَ فأده و سیومی روج زٚنده بٚه 47و اَن ایسه هو نیجأتٚ پیغأم کی وأستی جٚه اورشلیم همٚتأ قومأنَ فأرٚسِه "همٚتأ اوشأنی کی خوشأنی گونأیأنٚ جَا توبه بوکونٚد و می ورجأ وأگردٚد، بٚبخشه بٚده." 48شومأن فأندرستیدی و گووأ دیهید کی همٚتأ اَ گبأن کی جٚه قبل اعلام بوبوسته ایتفأق دکفته.
49«اَسه من او روح‌القدسَ کی می پئر شٚمٚره وعده بٚدأ، شِمِره اوسه کونم. جٚه اَ خأطر کی پیشتر اَ نیجأتٚ پیغأمَ البأقیأنٚ رِه وأگویا بوکونید، اورشلیم دورونی بئیسید کی روح‌القدس بأیٚه و شٚمٚره آسمأنٚ جَا ایلاهی قودرتٚ اَمرأ آمأده کونه.»
عیسا آسمأنَ صعود کونه
50بأزون عیسا اوشأنَ خو اَمرأ تأ «بیت عنیا» نیزدیکی ببرده. اویَه خو دٚسأنَ آسمأنٚ ور رأستَ کوده و اَشأنَ برکت بٚدأ 51و هطویی، اَشأنَ هویه بٚنأ و آسمأنَ بوجؤر ببرده بوبوسته. 52شأگردأن اونَ عیبأدت بوکودٚد و خٚیلی خوشألی اَمرأ وأگردٚستٚد اورشلیم 53و معبدٚ دورونی بوشؤد. اوشأن همیشٚک اویَه بئیسأد و خودایَ شوکر و عیبأدت بوکودٚد.
موجودہ انتخاب:
لوقا 24: GLK_NT
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2024 Transform Iran
لوقا 24
24
عیسا زٚنده بِه
1یکشنبه روج، صُبٚ دٚم، زنأکأن خوشبو زومأت و عطرأنَ کی حأضیرَ کوده بود، خوشأنی اَمرأ اوسأدٚد بوشؤده قبرٚ ور. 2وختی اویَه فأرٚسِده، بیدِده او سنگ کی قبرٚ جولو نٚهأ بو ایتأ کنأره گرأدأ بوبوسته. 3بأزین قبرٚ دورون بوشؤده امّا عیسای خوداوندٚ جنأزه‌یَ اویَه نیأفتٚد!
4اَشأن مأت و قأقَ بوسته بئیسأده، فیکر کودأندوبود کی جنأزه سٚر چی بلأ بأمؤ. نأخٚوٚرکی دوتأ مٚردأی کی اوشأنٚ لیوأسأن جَا نور دتأوستی و چوم دکٚف بو اوشأنی ورجأ ظأهیرَ بوستٚد. 5او زنأکأن زهله بوکودٚد و اوشأنَ تعظیم بوکودٚد.
او دوتأ مردأی وأورسئده: «چٚره مورده‌یأن دورونی زٚنده آدمٚ دونبأل گردیدی؟ 6اون اَیَه نئیسأ! اون ویریشته! بٚخأطر بأوٚرید هو گبأنی کی جلیل دورون شٚمٚره بوگفته کی 7اینسأنٚ پٚسر، ینی عیسا وأستی گونأکأرٚ مردوم دٚس تسلیمَ بٚه، صلیبٚ جؤر بیمیره و سیومی روج ویریزه!»
8بأزون زنأکأن عیسا گبأنَ بٚخأطر بأوٚردٚد. 9پس دفأتن قبرٚ جَا وأگردٚستٚد کی او یأزده‌تأ شأگرد و البأقیأنَ جٚه اَ مأجیرأ وأخبدأرَ کونٚد.
10زنأکأنی کی قبرٚ سٚر بوشؤبود اَشأن بود، مریمٚ مجدلیه، یونا، یعقوبٚ مأر مریم و چنتأ دِه زنأکأن. 11امّا شأگردأن زنأکأنٚ گبأنَ هٚذیأن بٚدأنستٚد و اوشأنی گبأنَ قوبیل نوکودٚد.
12امّا پطرس بودووٚسته قبرٚ ور کی بیدینه چی ایتفأقی دکفته. وختی اویَه فأرٚسِه فوچومٚسته و دیقتٚ اَمرأ قبرٚ دورونَ فأندرسته. تنأ چیزی کی بیدِه فقد کتأنٚ کفنٚ نوأرأن بو کی عیسا جنأزه دؤر وأپِخته بود، امّا اَسه خألی بود! اون مأت و قأقَ بوسته وأگردسته بٚخأنه.
عموآسٚ رأ میأن
13هو یکشنبه روج، دوتأ جٚه عیسا شأگردأن عموآسٚ دیهأتٚ رأ شؤئؤندوبود کی اورشلیمٚ اَمرأ ده کیلومتر فأصله دأشتی. 14رأ میأن او چن روجٚ مأجیرأیأن جَا گب زِئندوبود 15کی ایوأرکی عیسا خودش جٚه رأ فأرٚسِه و اوشأنی اَمرأ رأ دکفته. 16امّا اوشأنی چومأن دٚوٚسته بدأشته بوبوسته کی اونَ نشنأسٚد.
17عیسا وأوٚرسِه: «هطو کی نمأیه حیسأبی گب گب کودأندرید! شیمی گبٚ مأجیرأ چیسه؟»
او دو نفر بئیسأده. غم و غورصه اوشأنی دیمٚ سٚر وأرستی. 18ایتأ جٚه اوشأن کی «کلئوپاس» نأم دأشتی، جوأب بٚدأ: «تو وأستی اَ شهرٚ دورون تنأ کسی بیبی کی اَ چن روج ایتفأقأن جَا خٚوٚر نأری»
19عیسا وأوٚرسِه: «کو مأجیرأ؟»
بوگفتد: «هو مأجیرأیی کی عیسای ناصری رِه ایتفأق دکفته! اون ایتأ پیغمبر و ایتأ پور قودرت معلم بو؛ کأرأن و عجأیب غرأیب موجیزه‌یأن انجأم دٚئی و خودا و اینسأنٚ چوم اونی رو نٚهأ بو. 20امّا پیله کأهینأن و اَمی دینٚ پیله کسأن اونَ بیگیفتٚد و فأدأده کی مرگٚ رِه محکوم و مصلوب بٚبه. 21امّا اَمأن خٚیلی اومید دأشتیم کی اون هو مسیح ایسه کی وأستی بأمؤبی کی ایسرأییلٚ قومَ نیجأت بٚده. تومأمٚ اَشأنٚ اَمرأ هسأ سه روج جٚه اَ مأجیرأ گوذره، 22چنتأ جٚه اَمی جمَ زنأکأن اَمٚرَه خوشأنٚ گبأنٚ اَمرأ قأقَ کودٚد، چونکی اوشأن صُبٚ دٚم قبرٚ سٚر بوشؤده، 23امّا اونی جنأزه‌یَ نیأفتٚد. اوشأن بأمؤده و اَمٚرَه بوگفتد: کی فٚرٚشته‌يأنَ بیدِده کی اوشأنَ بوگفتد اون زٚنده بوسته! 24پس چن نفر جٚه اَمی مردأکأن قبرٚ سٚر بوشؤده و بیدِده کی هر چی زنأکأن بوگفتد رأست بو، امّا عیسایَ نیدِ‌ده.»
25بأزون عیسا اَشأنَ بٚفرمأسته: «چندر شومأن بی‌عقلید! چٚره اَندر شِمِره سخت ایسه کی پیغمبرأنٚ گبأنَ ایمأن بأوٚرید؟ 26آیا اوشأن روشن و دقیق جٚه قبل اعلام نوکودٚد کی مسیح پیشتر جٚه اَنکی خو جلال و عیزتَ فأرٚسٚه وأستی تومأمٚ اَ زحمتأنَ بیدینه؟» 27بأزین تومأمٚ گبأنی کی جٚه قبل اونی جَا موسا تورأت میأن و البأقی پیغمبرأنٚ کیتأبأنٚ دورون بینیویشته بوبوسته، اوشأنی رِه وأگویا بوکوده.
28هو وخت فأرٚسِده عموآسٚ دیهأت کی اوشأنی سٚفر تومأنٚ بوستی و عیسا خأستی کی خو رأیَ ایدأمه بٚده. 29امّا چونکی هوا کم کمِی تأریک دکفتأندوبو، او دوتأ مردأی حقٚ سعی اَمرأ ایلتیمأس بوکودٚد کی شب اوشأنی ورجأ بئیسه. پس عیسا بوشؤ اوشأنی خأنه. 30وختی سٚفره سٚر بینیشتٚد، عیسا نأنَ اوسأد و شوکر بوکود هر کودأمَ ایتأ تیکه فأدأ. 31ایوأرکی اوشأنی چومأن وأزَ بوسته و عیسایَ بشنأختٚد! هو وخت عیسا غیبٚ بوسته.
32او دو نفر کس‌کسٚ بوگفتد: «بید‌ِیی وختی رأ میأن آسمأنی کیتأب جَا گب زِئی، چوطو اَمی دیلأنَ تاپ‌تاپ دکفته بو و بٚذوق بأمؤییم؟»
33پس دفأتن وأگردٚستٚد اورشلیم و بوشؤده عیسا او یأزده‌تأ شأگردٚ ورجأ کی اونی البأقی پیروأنٚ اَمرأ جمَ بوسته بود 34و گفتأندوبود: «رأس‌رأسِی خوداوند زٚنده بوسته! پطرسٚم اونَ بیدِه!» 35بأزون او دو نفرم خوشأنی مأجیرأیَ وأگویا بوکودٚد و بوگفتد کی چوطو عیسا رأ میأن اوشأنی رِه ظأهیرَ بوسته و چوطو سٚفره سٚر نأنَ تکٚس تکٚس کودنٚ وخت اونَ بشنأختٚد.
عیسا شأگردأن رِه ظأهیرَ بِه
36هو وخت کی گب زِئنَ موشغول بود، نأخٚوٚرکی عیسا اوشأنی میأن بٚپأ بئیسأ و سلأم بوکوده. 37امّا همٚتأن وأشٚت بوکودٚد، چونکی فیکر بوکودٚد کی روح دِئِندٚرٚد!
38عیسا بٚفرمأسته: «چٚره بترسئید؟ چٚره شک بوکودید و نخأئید قوبیل بوکونید کی خودم ایسٚم! 39می دٚس و پأ سٚر مِخأنٚ زخمأنٚ جأیَ فأندٚرید! بیدینید کی رأس‌رأسِی خودم ایسٚم. مٚرَه دٚس بٚزنید و شیمی خأطر جم بٚبه کی من روح نییٚم، چونکی روح، خأش و گوشت نأرِه، امّا هطو کی دینید من دأرم.» 40هطو کی گب زِئندوبو، خو دٚسأن و پأیأنَ اَشأنَ نیشأن بٚدأ. 41اوشأن خوشأل و قأق بود و نٚتأنٚستٚد اونچی کی دِئندوبودَ قوبیل بوکونٚد.
عیسا اوشأنی جَا وأوٚرسِه «آیا اَیَه ایچی خوردنٚ رِه دأریدی؟ 42اوشأن ایپچه بٚپخته مائی اونَ فأدأده. 43اونم اَشأنی قأقَ بوسته چومأن ورجأ اونَ بوخورده.
44بأزون، اوشأنَ بٚفرمأسته: «آیا بٚخأطر دأرید کی پیشتر جٚه می مٚردن وختی شیمی اَمرأ بوم، بوگفتم هر چی کی موسا تورأت و پیغمبرأنٚ کیتأبأن و داوودٚ زبورٚ دورونی می جَا بینیویشته بوبوسته همٚتأ وأستی انجأم بٚبه؟ هسأ اونچی کی مِرِه ایتفأق دکفته، همٚتأ انجأم بوبوسته!» 45بأزون اوشأنی ذهنَ وأزَ کود کی همٚتأ آسمأنی کیتأبأنٚ پیشگویی‌یَ بفأمٚد.
46بأزون بٚفرمأسته: «هطویه جٚه قدیمأن، پیغمبرأنٚ کیتأبأن دورونی بینیویشته بوبوسته بو کی او مسیح کی وأستی بأمؤبی وأستی رنج و زحمت بیدینه، خو جأنَ فأده و سیومی روج زٚنده بٚه 47و اَن ایسه هو نیجأتٚ پیغأم کی وأستی جٚه اورشلیم همٚتأ قومأنَ فأرٚسِه "همٚتأ اوشأنی کی خوشأنی گونأیأنٚ جَا توبه بوکونٚد و می ورجأ وأگردٚد، بٚبخشه بٚده." 48شومأن فأندرستیدی و گووأ دیهید کی همٚتأ اَ گبأن کی جٚه قبل اعلام بوبوسته ایتفأق دکفته.
49«اَسه من او روح‌القدسَ کی می پئر شٚمٚره وعده بٚدأ، شِمِره اوسه کونم. جٚه اَ خأطر کی پیشتر اَ نیجأتٚ پیغأمَ البأقیأنٚ رِه وأگویا بوکونید، اورشلیم دورونی بئیسید کی روح‌القدس بأیٚه و شٚمٚره آسمأنٚ جَا ایلاهی قودرتٚ اَمرأ آمأده کونه.»
عیسا آسمأنَ صعود کونه
50بأزون عیسا اوشأنَ خو اَمرأ تأ «بیت عنیا» نیزدیکی ببرده. اویَه خو دٚسأنَ آسمأنٚ ور رأستَ کوده و اَشأنَ برکت بٚدأ 51و هطویی، اَشأنَ هویه بٚنأ و آسمأنَ بوجؤر ببرده بوبوسته. 52شأگردأن اونَ عیبأدت بوکودٚد و خٚیلی خوشألی اَمرأ وأگردٚستٚد اورشلیم 53و معبدٚ دورونی بوشؤد. اوشأن همیشٚک اویَه بئیسأد و خودایَ شوکر و عیبأدت بوکودٚد.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2024 Transform Iran