Luka 22
22
Mbobakapangana shakucaya Jesu
(Mate 26:1-5; Maako 14:1-2; Joni 11:45-53)
1Ono bushiku bwakusekelela kulya Cimaande, ubo bwalinga kwiitwa ayi bushiku bwa Pasika bwakwiibaluka kusotokela, bwakalinga kuya cishikila.#Kulo 12:1-27 2Bamatanjilili ba bapailishi abafundishi ba Milawo bakalinga kuyandoola nshila yakucailaamo Jesu cabushishi ceebo bakalinga kuloonda bantu.
Judasi mbwaakasumina kwaaba Jesu
(Mate 26:14-16; Maako 14:10-11)
3Lyalo Satana wakenjila muli Judasi, wiitwa ayi Isikalyoti, uyo wakalinga womwi wa bashikwiiya bali likumi abobilo. 4Aboobo Judasi wakaya mukulwiita bamatanjilili ba bapailishi abeshikulindilila Ŋanda yakwe Lesa mbuli mbweenga waaba Jesu kuli mbabo. 5Mpomunyaawo bakakondwa abuumbi, lyalo bakasuminishanya kwaamba ayi inga bamulipila maali. 6Mpeeke wakasumina, akulangoola ciindi ceelete kumwaabilaawo bantu kabateshi.
Jesu mbwaakalibambila kulya Pasika
(Mate 26:17-25; Maako 14:12-21; Joni 13:21-30)
7Bwakashika bushiku bwakusekelela kwakulya Cimaande pakalinga kucailwa twana twa mbelele twakwiibaluka bushiku bwakusotokela. 8Lyalo Jesu wakatuma Pita aJoni, wabaambila ayi, “Kamuya mubambe cakulya ca bushiku bwa Pasika kwaamba ayi tulye.”
9Balo bakamwiipusha ayi, “Nkuli nkomusuni kwaamba ayi tubambile?” 10Wakabaambila ayi, “Amunyumfwe, mwenjilabo mundabala inene mutookumanya musankwa uyumwite nongo ya maanshi, mumukonkele kushikila muŋanda mweshi aye enjile. 11Lyalo mukaambile mwine ŋanda ayi, ‘Bafundishi besu batokwiipusha ayi ino cili kuli cipinda mweshi ndite cakulya ca bushiku bwa Pasika abashikwiiya bangu?’ 12Lyalo utoomutondesha cipinda cinene ca peculu cibambitwe kale. Umo mweenka mweshi muye mubambile cakulya.” 13Mpeeke bakaya akucana shintu shoonse bweenka mbuli mbwaakabaambila Jesu. Lyalo bakabamba cakulya ca bushiku bwa Pasika bwakwiibaluka kusotokela.
Mulalilo wa Mwaami
(Mate 26:26-30; Maako 14:22-26; 1 Koli 11:23-25)
14Mpeeke ndicakashika ciindi, Jesu wakekala abatumwi bakwe kwaamba ayi balye. 15Lyalo Jesu wakabaambila ayi, “Ndakalinga kusuni amoyo wangu woonse, kwaamba ayi ndye cakulya ici ca bushiku bwa Pasika bwa kwiibaluka kusotokela, pantu pomwi amwebo kaantana kupenshekwa. 16Mukwiinga ntoomulwiita ayi teshi nkalye cakulya ici alimwi kushikila cikasansululwe muBweene bwakwe Lesa.”
17Mpomunyaawo Jesu wakabwesa nkomeshi, walumba Lesa, mpeeke wabaambila ayi, “Amutambule munweemo noonse, 18ceebo ntoomulwiita ayi kuswa sunu teshi nkanwe lyobilo maanshi a shisepo sha minyansa, kushikila Bweene bwakwe Lesa bwaakwisa.”
19Kuswawaawo wakabwesa cimaande, walumba Lesa, lyalo wacikomoona akupa bashikwiiya bakwe akwaamba ayi, “Uyu ngumubili wangu [uyo waabwa ceebo ca ndimwe. Kamucita ceeci mukunjibaluka.” 20Mbweeke ubo, ndibakamana kulya mulalilo, Jesu wakapa bashikwiiya bakwe nkomeshi akubaambila ayi, “Nkomeshi iyi ncecipangano cipya cakwe Lesa ca mubulowa bwangu bweshi bukatiilwe ceebo ca ndimwe.]#Jele 31:31-34
21“Sombi amubone! Uyo utoongaba ntoolyaakwe pano peenka!#Kulu 41:9 22Mukwiinga MwanaaMuntu ulaakufwa bweenka mbuli Lesa mbwaakayanda, sombi mapensho kumuntu uyo utoomwaaba!”
23Mpomunyaawo bashikwiiya bakatalika kuliipusha weenga wacita boobo pakati kabo.
Munene kwiinda bamwi mbwaaelete kuba
24Lyalo bashikwiiya bakatalika kupikishanya makani akwishiba munene pakati kabo.#Mate 18:1; Maako 9:34; Luka 9:46 25Mpomunyaawo Jesu wakabaambila ayi, “Baami ba mucishi ca panshi balicite nkusu pabantu babo alimwi abo batondesha nkusu pabantu babo, balisuni kwiitwa ayi, ‘Beshikucita shibotu kubantu.’ 26Sombi mwebo tabushi mbomweelete kuba ubo, sobwe. Munene pali ndimwe ulyeelete kuba mbuli mwanike alakwe mweendeleshi ulyeelete kuba musebenshi wanu noonse.#Mate 23:11; Maako 9:35#Mate 20:25-27; Maako 10:42-44 27Ino munene ngani? Sa ngulya uletelwabo shakulya na ngumusebenshi shikubamba shakulya? Ncakwiila ngooyo uletelwabo. Sombi nebo kuli ndimwe ndi anga ngumusebenshi.#Joni 13:12-15
28“Mwebo mwekala anebo mumasunko angu oonse. 29Ono bweenka mbuli baTa mbobakampa nkusu shakweendelesha, anebo mbweshi nkamupe amwebo. 30Mulaakulya akunwa pantu pomwi anebo muBweene bwangu alimwi mulaakwikala pashuuna sha bwaami akoombolosha mishobo likumi ayobilo ya Isilaeli.#Mate 19:28
Jesu mbwaakaambila Pita ayi ulaakunkaka
(Mate 26:31-35; Maako 14:27-31; Joni 13:36-38)
31“Simoni, Simoni, nyumfwa! Satana wasuminishikwa kumusunka bweenka mbuli mulimi mbwaapupulusha maila. 32Sombi ndakupailila kwaamba ayi lushomo lutamaani. Ono waakupilukila kuli ndime ukayumye babyo.” 33Sombi Pita wakakumbula ayi, “Nkambo, nebo ndilibambite kuya amwebo muntolongo nabibo kufwa.”
34Jesu wakakumbula ayi, “Ntookulwiita Pita ayi sunu lyeenka kombwe kaatana kulila, utokwaamba mankanda otatwe ayi toonshi.”
Shakunyamuna mpotomona, coola amupeeni
35Jesu wakeepusha bashikwiiya bakwe ayi, “Lilya ndindakamutuma kamutacite mpotomona, coola nabi nsapato, sa kuli ncemwakapenga?” Balo bakakumbula ayi, “Taaku.”#Mate 10:9-10; Maako 6:8-9; Luka 9:3; 10:4
36Lyalo wakabaambila ayi, “Ono bulya uyo woonse ucite mpotomona nabi coola, anyamune. Alakwe uyo utacite mupeeni, aulishe cakufwala cakwe ca peculu kwaamba ayi aule. 37Cililembetwe ayi, ‘Alakwe bakamubelengela pantu pomwi abamucita shibi.’ Ntoomulwiita ayi Malembo aya alyeelete kucitika cancinencine muli ndime. Ceebo shoonse shilembetwe pali ndime shili pafwaafwi kucitika.”#Isa 53:12 38Bashikwiiya bakaamba ayi, “Amubone Nkambo, tulicite mipeeni yobilo.” Jesu wakakumbula ayi, “Njiinji yeenka iyo.”
Jesu mbwaakapaila mumuunda wa Getisemani
(Mate 26:36-46; Maako 14:32-42)
39Jesu wakaswaamo mundabala inene akuya kuKalundu ka Olifi bweenka mbwaakalinga kushibite, abalo bashikwiiya bakwe bakamukonkela. 40Ndyaakashikabo kumusena uyo Jesu wakabaambila ayi, “Amupaile kwaamba ayi mutenjili mumasunko.”
41Lyalo Jesu wakabashiya weendakobo paniini wafukama wapaila. Wakaamba ayi, 42“Ta, na mulisuni, amukushe nkomeshi ya mapensho iyi pali ndime, nakubi boobo mutaciti kweelana akuyanda kwangu, sombi amucite kuyanda kwanu.” [ 43Mpomunyaawo munjelo wakesa kuswa kwiculu akumuyumya. 44Ceebo cakupenshekwa bunene mumoyo, wakapaila cankusu kwiinda pakutaanguna. Lyalo nkasaalo yakwe yakalinga anga njimindoondo ya bulowa itoolokela panshi.]
45Ndyaakaswa mukupaila wakaboolela kubashikwiiya bakwe botatwe abo akucana balilete ceebo bakalinga kulemete abuumbi kubuumba. 46Jesu wakabeepusha ayi, “Ceebonshi mulilete? Amubuke, mupaile kwaamba ayi mutenjili mumasunko.”
Jesu mbwaakacatwa
(Mate 26:47-56; Maako 14:43-50; Joni 18:3-11)
47Jesu ndyaakalinga kucaamba, likoto lya bantu lyakesa kalitanjilitwe aJudasi, womwi wa bashikwiiya bali likumi abobilo. Judasi wakasena pafwaafwi kwaamba ayi afyonte Jesu. 48Sombi Jesu wakamwaambila ayi, “Judasi, sa utokwaaba MwanaaMuntu kwiinda mukufyonta?”
49Ono bashikwiiya bakalinga aJesu ndibakabona cakalinga kucitika, bakeepusha ayi, “Nkambo, sa tubayase mipeeni?” 50Lyalo umwi wa bashikwiiya wakasutula kutwi walulyo musha wa mupailishi munene. 51Sombi Jesu wakaamba ayi, “Amucileeke kulwana!” Mpomunyaawo Jesu wakacata kutwi wa muntu uyo akumushilika.
52Mpomunyaawo Jesu wakaambila bamatanjilili ba bapailishi, beshikulama kuŊanda yakwe Lesa abamaloba ba baJuda abo bakesa mukumucata ayi, “Ino mweshitanshi amipeeni ankooli anga ndi mwiipi? 53Ndaalinga amwebo muŊanda yakwe Lesa lyoonse, sombi tamukwe kuncata. Anu ici nceciindi ncemwasuminishikwa kwaamba ayi mwaami wa munshinshe atondeshe nkusu shakwe.”#Luka 19:47; 21:37
Pita mbwaakakaka Jesu
(Mate 26:57-58, 69-75; Maako 14:53-54, 66-72; Joni 18:12-18, 25-27)
54Mpomunyaawo bakacata Jesu akumutola kuŋanda ya mupailishi munene. Alakwe Pita wakalinga kuya cikonkela Jesu palaale. 55Ono ndibakakunka mulilo pakati kalubansa lwa ŋanda ya mupailishi, boonse bakekala, alakwe Pita wakekala ambabo. 56Lyalo mwanakashi musebenshi wa mupailishi munene ndyaakabona Pita kaayota mulilo, wakamulangishisha akwaamba ayi, “Uyu musankwa alakwe wakalinga aJesu!” 57Sombi Pita wakakaka akwaamba ayi, “Sobwe omwanakashi, nshimwishiiwo muntu uyo!” 58Ndipakeendakobo ciindi ciniini musankwa umwi alakwe wakamubona akumwaambila ayi, “Te awebo walinga kweenda aJesu?” Sombi Pita wakakumbula ayi, “Tau, teshi ndime!” 59Ndipakeenda ciindi cineneeko aumwi muntu wakaamba cankusu ayi, “Ncakwiila muntu uyu walinga kweenda aJesu mukwiinga ngumwine Galili.” 60Sombi Pita wakakumbula ayi, “Sobwe, ayo makani ngootokwaamba nsheeshi nebo napaceyi!” Lyalo Pita kaacaamba kombwe wakalila. 61Mpomunyaawo Mwaami Jesu wakapiluluka akulangilisha Pita. Lyalo alakwe wakeebaluka maswi a Mwaami mbuli mbwaakamwaambila ayi, “Kombwe kaatana kulila sunu, webo Pita utoonkaka mankanda otatwe.” 62Lyalo wakaswita pansengwe, waya walila abuumbi.
Jesu mbobakamuweluluka akumuuma
(Mate 26:67-68; Maako 14:65)
63Mpeeke basankwa bakalinga kulindilila Jesu bakamuweluluka akumuuma. 64Lyalo bakamufweka pameenso, bakamuuma akumwiipusha ayi, “Twaambile, ino ngani wakuuma?” 65Bakamwaambila aamwi maswi aanji a mucobwe.
Jesu mbwaakatolwa kunkuta
(Mate 26:59-66; Maako 14:55-64; Joni 18:19-24)
66Ndibwakaca, bamaloba ba baJuda, bamatanjilili ba bapailishi, abafundishi ba Milawo bakabungana. Mpeeke Jesu wakatolwa kuli mbabo. 67Bakamwiipusha ayi, “Tulwiite na ndiwe Usalitwe wakwe Lesa.” Sombi wakabakumbula ayi, “Na mulwiite, teshi mushome, sobwe. 68Na mwiipushe, teshi munkumbuleewo. 69Sombi kuswa sunu MwanaaMuntu unanooshiite kulubasu lwalulyo lwakwe Lesa Shinkusu shoonse.”
70Lyalo boonse bakeepusha ayi, “Sa nkokwaamba ayi ndiwe Mwanaakwe Lesa?” Alakwe wakakumbula ayi, “Mwacaamba nobeene.”
71Mpomunyaawo bakaamba ayi, “Sa apa inga katuciyandoola abamwi bakamboni? Twalinyumfwila kale mbwaalyaambilila mwiine.”
موجودہ انتخاب:
Luka 22: BBBLI
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Lenje Bible with Deuterocanon © Bible Society of Zambia, 2003.
Luka 22
22
Mbobakapangana shakucaya Jesu
(Mate 26:1-5; Maako 14:1-2; Joni 11:45-53)
1Ono bushiku bwakusekelela kulya Cimaande, ubo bwalinga kwiitwa ayi bushiku bwa Pasika bwakwiibaluka kusotokela, bwakalinga kuya cishikila.#Kulo 12:1-27 2Bamatanjilili ba bapailishi abafundishi ba Milawo bakalinga kuyandoola nshila yakucailaamo Jesu cabushishi ceebo bakalinga kuloonda bantu.
Judasi mbwaakasumina kwaaba Jesu
(Mate 26:14-16; Maako 14:10-11)
3Lyalo Satana wakenjila muli Judasi, wiitwa ayi Isikalyoti, uyo wakalinga womwi wa bashikwiiya bali likumi abobilo. 4Aboobo Judasi wakaya mukulwiita bamatanjilili ba bapailishi abeshikulindilila Ŋanda yakwe Lesa mbuli mbweenga waaba Jesu kuli mbabo. 5Mpomunyaawo bakakondwa abuumbi, lyalo bakasuminishanya kwaamba ayi inga bamulipila maali. 6Mpeeke wakasumina, akulangoola ciindi ceelete kumwaabilaawo bantu kabateshi.
Jesu mbwaakalibambila kulya Pasika
(Mate 26:17-25; Maako 14:12-21; Joni 13:21-30)
7Bwakashika bushiku bwakusekelela kwakulya Cimaande pakalinga kucailwa twana twa mbelele twakwiibaluka bushiku bwakusotokela. 8Lyalo Jesu wakatuma Pita aJoni, wabaambila ayi, “Kamuya mubambe cakulya ca bushiku bwa Pasika kwaamba ayi tulye.”
9Balo bakamwiipusha ayi, “Nkuli nkomusuni kwaamba ayi tubambile?” 10Wakabaambila ayi, “Amunyumfwe, mwenjilabo mundabala inene mutookumanya musankwa uyumwite nongo ya maanshi, mumukonkele kushikila muŋanda mweshi aye enjile. 11Lyalo mukaambile mwine ŋanda ayi, ‘Bafundishi besu batokwiipusha ayi ino cili kuli cipinda mweshi ndite cakulya ca bushiku bwa Pasika abashikwiiya bangu?’ 12Lyalo utoomutondesha cipinda cinene ca peculu cibambitwe kale. Umo mweenka mweshi muye mubambile cakulya.” 13Mpeeke bakaya akucana shintu shoonse bweenka mbuli mbwaakabaambila Jesu. Lyalo bakabamba cakulya ca bushiku bwa Pasika bwakwiibaluka kusotokela.
Mulalilo wa Mwaami
(Mate 26:26-30; Maako 14:22-26; 1 Koli 11:23-25)
14Mpeeke ndicakashika ciindi, Jesu wakekala abatumwi bakwe kwaamba ayi balye. 15Lyalo Jesu wakabaambila ayi, “Ndakalinga kusuni amoyo wangu woonse, kwaamba ayi ndye cakulya ici ca bushiku bwa Pasika bwa kwiibaluka kusotokela, pantu pomwi amwebo kaantana kupenshekwa. 16Mukwiinga ntoomulwiita ayi teshi nkalye cakulya ici alimwi kushikila cikasansululwe muBweene bwakwe Lesa.”
17Mpomunyaawo Jesu wakabwesa nkomeshi, walumba Lesa, mpeeke wabaambila ayi, “Amutambule munweemo noonse, 18ceebo ntoomulwiita ayi kuswa sunu teshi nkanwe lyobilo maanshi a shisepo sha minyansa, kushikila Bweene bwakwe Lesa bwaakwisa.”
19Kuswawaawo wakabwesa cimaande, walumba Lesa, lyalo wacikomoona akupa bashikwiiya bakwe akwaamba ayi, “Uyu ngumubili wangu [uyo waabwa ceebo ca ndimwe. Kamucita ceeci mukunjibaluka.” 20Mbweeke ubo, ndibakamana kulya mulalilo, Jesu wakapa bashikwiiya bakwe nkomeshi akubaambila ayi, “Nkomeshi iyi ncecipangano cipya cakwe Lesa ca mubulowa bwangu bweshi bukatiilwe ceebo ca ndimwe.]#Jele 31:31-34
21“Sombi amubone! Uyo utoongaba ntoolyaakwe pano peenka!#Kulu 41:9 22Mukwiinga MwanaaMuntu ulaakufwa bweenka mbuli Lesa mbwaakayanda, sombi mapensho kumuntu uyo utoomwaaba!”
23Mpomunyaawo bashikwiiya bakatalika kuliipusha weenga wacita boobo pakati kabo.
Munene kwiinda bamwi mbwaaelete kuba
24Lyalo bashikwiiya bakatalika kupikishanya makani akwishiba munene pakati kabo.#Mate 18:1; Maako 9:34; Luka 9:46 25Mpomunyaawo Jesu wakabaambila ayi, “Baami ba mucishi ca panshi balicite nkusu pabantu babo alimwi abo batondesha nkusu pabantu babo, balisuni kwiitwa ayi, ‘Beshikucita shibotu kubantu.’ 26Sombi mwebo tabushi mbomweelete kuba ubo, sobwe. Munene pali ndimwe ulyeelete kuba mbuli mwanike alakwe mweendeleshi ulyeelete kuba musebenshi wanu noonse.#Mate 23:11; Maako 9:35#Mate 20:25-27; Maako 10:42-44 27Ino munene ngani? Sa ngulya uletelwabo shakulya na ngumusebenshi shikubamba shakulya? Ncakwiila ngooyo uletelwabo. Sombi nebo kuli ndimwe ndi anga ngumusebenshi.#Joni 13:12-15
28“Mwebo mwekala anebo mumasunko angu oonse. 29Ono bweenka mbuli baTa mbobakampa nkusu shakweendelesha, anebo mbweshi nkamupe amwebo. 30Mulaakulya akunwa pantu pomwi anebo muBweene bwangu alimwi mulaakwikala pashuuna sha bwaami akoombolosha mishobo likumi ayobilo ya Isilaeli.#Mate 19:28
Jesu mbwaakaambila Pita ayi ulaakunkaka
(Mate 26:31-35; Maako 14:27-31; Joni 13:36-38)
31“Simoni, Simoni, nyumfwa! Satana wasuminishikwa kumusunka bweenka mbuli mulimi mbwaapupulusha maila. 32Sombi ndakupailila kwaamba ayi lushomo lutamaani. Ono waakupilukila kuli ndime ukayumye babyo.” 33Sombi Pita wakakumbula ayi, “Nkambo, nebo ndilibambite kuya amwebo muntolongo nabibo kufwa.”
34Jesu wakakumbula ayi, “Ntookulwiita Pita ayi sunu lyeenka kombwe kaatana kulila, utokwaamba mankanda otatwe ayi toonshi.”
Shakunyamuna mpotomona, coola amupeeni
35Jesu wakeepusha bashikwiiya bakwe ayi, “Lilya ndindakamutuma kamutacite mpotomona, coola nabi nsapato, sa kuli ncemwakapenga?” Balo bakakumbula ayi, “Taaku.”#Mate 10:9-10; Maako 6:8-9; Luka 9:3; 10:4
36Lyalo wakabaambila ayi, “Ono bulya uyo woonse ucite mpotomona nabi coola, anyamune. Alakwe uyo utacite mupeeni, aulishe cakufwala cakwe ca peculu kwaamba ayi aule. 37Cililembetwe ayi, ‘Alakwe bakamubelengela pantu pomwi abamucita shibi.’ Ntoomulwiita ayi Malembo aya alyeelete kucitika cancinencine muli ndime. Ceebo shoonse shilembetwe pali ndime shili pafwaafwi kucitika.”#Isa 53:12 38Bashikwiiya bakaamba ayi, “Amubone Nkambo, tulicite mipeeni yobilo.” Jesu wakakumbula ayi, “Njiinji yeenka iyo.”
Jesu mbwaakapaila mumuunda wa Getisemani
(Mate 26:36-46; Maako 14:32-42)
39Jesu wakaswaamo mundabala inene akuya kuKalundu ka Olifi bweenka mbwaakalinga kushibite, abalo bashikwiiya bakwe bakamukonkela. 40Ndyaakashikabo kumusena uyo Jesu wakabaambila ayi, “Amupaile kwaamba ayi mutenjili mumasunko.”
41Lyalo Jesu wakabashiya weendakobo paniini wafukama wapaila. Wakaamba ayi, 42“Ta, na mulisuni, amukushe nkomeshi ya mapensho iyi pali ndime, nakubi boobo mutaciti kweelana akuyanda kwangu, sombi amucite kuyanda kwanu.” [ 43Mpomunyaawo munjelo wakesa kuswa kwiculu akumuyumya. 44Ceebo cakupenshekwa bunene mumoyo, wakapaila cankusu kwiinda pakutaanguna. Lyalo nkasaalo yakwe yakalinga anga njimindoondo ya bulowa itoolokela panshi.]
45Ndyaakaswa mukupaila wakaboolela kubashikwiiya bakwe botatwe abo akucana balilete ceebo bakalinga kulemete abuumbi kubuumba. 46Jesu wakabeepusha ayi, “Ceebonshi mulilete? Amubuke, mupaile kwaamba ayi mutenjili mumasunko.”
Jesu mbwaakacatwa
(Mate 26:47-56; Maako 14:43-50; Joni 18:3-11)
47Jesu ndyaakalinga kucaamba, likoto lya bantu lyakesa kalitanjilitwe aJudasi, womwi wa bashikwiiya bali likumi abobilo. Judasi wakasena pafwaafwi kwaamba ayi afyonte Jesu. 48Sombi Jesu wakamwaambila ayi, “Judasi, sa utokwaaba MwanaaMuntu kwiinda mukufyonta?”
49Ono bashikwiiya bakalinga aJesu ndibakabona cakalinga kucitika, bakeepusha ayi, “Nkambo, sa tubayase mipeeni?” 50Lyalo umwi wa bashikwiiya wakasutula kutwi walulyo musha wa mupailishi munene. 51Sombi Jesu wakaamba ayi, “Amucileeke kulwana!” Mpomunyaawo Jesu wakacata kutwi wa muntu uyo akumushilika.
52Mpomunyaawo Jesu wakaambila bamatanjilili ba bapailishi, beshikulama kuŊanda yakwe Lesa abamaloba ba baJuda abo bakesa mukumucata ayi, “Ino mweshitanshi amipeeni ankooli anga ndi mwiipi? 53Ndaalinga amwebo muŊanda yakwe Lesa lyoonse, sombi tamukwe kuncata. Anu ici nceciindi ncemwasuminishikwa kwaamba ayi mwaami wa munshinshe atondeshe nkusu shakwe.”#Luka 19:47; 21:37
Pita mbwaakakaka Jesu
(Mate 26:57-58, 69-75; Maako 14:53-54, 66-72; Joni 18:12-18, 25-27)
54Mpomunyaawo bakacata Jesu akumutola kuŋanda ya mupailishi munene. Alakwe Pita wakalinga kuya cikonkela Jesu palaale. 55Ono ndibakakunka mulilo pakati kalubansa lwa ŋanda ya mupailishi, boonse bakekala, alakwe Pita wakekala ambabo. 56Lyalo mwanakashi musebenshi wa mupailishi munene ndyaakabona Pita kaayota mulilo, wakamulangishisha akwaamba ayi, “Uyu musankwa alakwe wakalinga aJesu!” 57Sombi Pita wakakaka akwaamba ayi, “Sobwe omwanakashi, nshimwishiiwo muntu uyo!” 58Ndipakeendakobo ciindi ciniini musankwa umwi alakwe wakamubona akumwaambila ayi, “Te awebo walinga kweenda aJesu?” Sombi Pita wakakumbula ayi, “Tau, teshi ndime!” 59Ndipakeenda ciindi cineneeko aumwi muntu wakaamba cankusu ayi, “Ncakwiila muntu uyu walinga kweenda aJesu mukwiinga ngumwine Galili.” 60Sombi Pita wakakumbula ayi, “Sobwe, ayo makani ngootokwaamba nsheeshi nebo napaceyi!” Lyalo Pita kaacaamba kombwe wakalila. 61Mpomunyaawo Mwaami Jesu wakapiluluka akulangilisha Pita. Lyalo alakwe wakeebaluka maswi a Mwaami mbuli mbwaakamwaambila ayi, “Kombwe kaatana kulila sunu, webo Pita utoonkaka mankanda otatwe.” 62Lyalo wakaswita pansengwe, waya walila abuumbi.
Jesu mbobakamuweluluka akumuuma
(Mate 26:67-68; Maako 14:65)
63Mpeeke basankwa bakalinga kulindilila Jesu bakamuweluluka akumuuma. 64Lyalo bakamufweka pameenso, bakamuuma akumwiipusha ayi, “Twaambile, ino ngani wakuuma?” 65Bakamwaambila aamwi maswi aanji a mucobwe.
Jesu mbwaakatolwa kunkuta
(Mate 26:59-66; Maako 14:55-64; Joni 18:19-24)
66Ndibwakaca, bamaloba ba baJuda, bamatanjilili ba bapailishi, abafundishi ba Milawo bakabungana. Mpeeke Jesu wakatolwa kuli mbabo. 67Bakamwiipusha ayi, “Tulwiite na ndiwe Usalitwe wakwe Lesa.” Sombi wakabakumbula ayi, “Na mulwiite, teshi mushome, sobwe. 68Na mwiipushe, teshi munkumbuleewo. 69Sombi kuswa sunu MwanaaMuntu unanooshiite kulubasu lwalulyo lwakwe Lesa Shinkusu shoonse.”
70Lyalo boonse bakeepusha ayi, “Sa nkokwaamba ayi ndiwe Mwanaakwe Lesa?” Alakwe wakakumbula ayi, “Mwacaamba nobeene.”
71Mpomunyaawo bakaamba ayi, “Sa apa inga katuciyandoola abamwi bakamboni? Twalinyumfwila kale mbwaalyaambilila mwiine.”
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Lenje Bible with Deuterocanon © Bible Society of Zambia, 2003.