HAGONEGAHANI 6:1-4

Matena na enoni ka ama ni rakorako nga, ngaira ka totoko suria na maveta hagenani. Ngaira ka aparara na kare hehene, ga bâkoro era. Tani na ataro ka bâsira na kere gete bâkoro ngegê ma ka êragira na ani ga tenira. Ma na Araha ki tako ki vi: “Na mauriha gê vatera na enoni ngaia ki pe araria vige gâga tare. Ngaira ka oga tanga ga meme. Haganega tenia i ngekê ngaia ki asa, vige mêri arihu teharigi na harisi 120.” Igê na matena ngekana ma i muri me nikâ ka gâga i maveta na mane ga bagararaha. Ngaira ka na kareta na gete ma na ataro. Na mane ga bagararaha ngegana ngaira ka na maneraha i nago, i rongo raha na atata.