فِلپّیوں 9:2-11

شئیر

فِلپّیوں 9:2-11 کِتابِ مُقادّس (URD)

اِسی واسطے خُدا نے بھی اُسے بُہت سر بُلند کِیا اور اُسے وہ نام بخشا جو سب ناموں سے اعلیٰ ہے۔ تاکہ یِسُوعؔ کے نام پر ہر ایک گُھٹنا جُھکے۔ خَواہ آسمانِیوں کا ہو خَواہ زمِینِیوں کا۔ خَواہ اُن کا جو زمِین کے نِیچے ہیں۔ اور خُدا باپ کے جلال کے لِئے ہر ایک زُبان اِقرار کرے کہ یِسُوع مسِیح خُداوند ہے۔

فِلپّیوں 9:2-11 اُردو ہم عصر ترجُمہ (UCV)

اِس لیٔے خُدا نے حُضُور عیسیٰ کو نہایت ہی اُونچا درجہ دیا، اَور حُضُور عیسیٰ کو وہ نام عطا فرمایا جو ہر نام سے اعلیٰ ہے، تاکہ حُضُور عیسیٰ کے نام پر ہر کویٔی گُھٹنوں کے بَل جُھک جائے، چاہے وہ آسمان پر ہو، چاہے زمین پر، چاہے زمین کے نیچے۔ اَور ہر ایک زبان خُدا باپ کے جلال کے لیٔے اقرار کرے، کہ حُضُور عیسیٰ المسیؔح ہی خُداوؔند ہیں۔

فِلپّیوں 9:2-11 ہولی بائبل کا اردو جیو ورژن (URDGVU)

اِس لئے اللہ نے اُسے سب سے اعلیٰ مقام پر سرفراز کر دیا اور اُسے وہ نام بخشا جو ہر نام سے اعلیٰ ہے، تاکہ عیسیٰ کے اِس نام کے سامنے ہر گھٹنا جھکے، خواہ وہ گھٹنا آسمان پر، زمین پر یا اِس کے نیچے ہو، اور ہر زبان تسلیم کرے کہ عیسیٰ مسیح خداوند ہے۔ یوں خدا باپ کو جلال دیا جائے گا۔