Những câu Kinh Thánh phổ biến từ लूका 23

Chia sẻ

ता यीशुऐ बल्लू, “हे पिता, ईयां जो माफ करै, कजो कि ऐह ना जाणदै कि ऐह कै करू करदै हिन?” तियैं कपड़ै तांयें चिट्ठी पाई की कसिओ कै कै मुळदा, अतै अप्पू मन्ज बन्डी लै।

यीशुऐ तैस जो बल्लू, “अऊँ तिजो सितै सच बलदा कि, अज ही तुद मिन्जो सोगी स्वर्गलोक मन्ज भूणा।”

ता फिरी सो यीशु सितै बलणा लगा, “यीशु जी जैहणै तुसै अपणै राज्य मन्ज इल्लै ता मेरी सुध जरूर लैं।”

यीशुऐ जोरा सितै हक्क पाई करी बल्लू, “हे पिता प्रमात्मां, अऊँ अपणी आत्मा तेरै हत्था मन्ज दिन्दा।” अतै तूणा बलदै ही प्राण निकळी गै।

जैहणै सो खोपड़ी नां री जगहा पुजै ता तियैं यीशु अतै तियां दूँ अपराधी जो क्रूसा पुर टुन्गी दिता। अक्क अपराधी सज्जै कनारी टुन्‍गू अतै दुआ खब्बै कनारी टुन्‍गू।

कोई दिन रै त्रियै पैहरा तिकर सारै देशा मन्ज घोर नैहरा भूच्ची गो। अतै सूरज नैहरा भूच्ची गो। यहूदी मन्दरा मन्ज पवित्र जगह रा पर्दा मन्जा थऊँ फटी करी दुई हिस्‍सै भुच्‍ची गो।

ऐह हेरी करी फौजा रा अफसर प्रमात्मां री जय-जयकार करीके बलणा लगा, “जरूर ऐह मणु धर्मी थू।”