Những câu Kinh Thánh phổ biến từ लूका 19

Chia sẻ

किजोकी मणू रा पुत्तर, जे मैं ही है तेरे जदेय होर भी मणूआं जो हमेसा री सजा का बचाणे तांइ आए रा है।

धन्न है से राजा, जे प्रभु रे नां कने आंदा, स्वर्ग बिच सांती अते आसमान बिच परमेश्वर री जे जे कार हो

यीशु ने तिसजो बोल्लेया, अज्ज तेरा अते तेरे घरे वालेयां रा छुटकारा होया है किजोकी अज्ज तू अब्राहम औलाद बणेया।

जां यीशु तिस्स तिस रस्ते का होई करी जाणा लग्गे जित्ते से बूट्टा थिया तां तिन्हा ने बूट्टे पर जक्कई जो दिख्खेया, अते तिसजो बोल्लेया, ओ जक्कई, झट्ट थल्ले उतर किजोकी अज्ज तेरा घरे रैणा जरुरी है जक्कई झट्ट तिस बूट्टे का थल्ले उतरेया अते बड़ी खुसी कने यीशु कने मिलेया अते तिन्हा जो अपणे घरे लेई गेया।

जां यीशु ते तिन्हेरे चेल्‍ले तिसेरे घरे रोट्टी खाया करदे थिये तां जक्कई खड़े होई गेया अते यीशु जो बोलणा लग्गेया, ओ प्रभु जी, मैं अपणी धन-दौलत रा अद्दा हिस्सा गरीबां बिच्च बन्डी दैणी अते प्रभु जी मैं जिन्हा मणूआं जो ठग्गी करी तिन्हा का जरुरत का जादा लित्ते दा है तिन्हा जो मैं चार गुणा मोड़ी दिह्गां।

तां यीशु रे पीच्छे चलणे वाले मणूआं बिच किच्‍छ फरीसी भी थिये अते से बोल्णा लगे, ओ गुरु जी, ए जे बोल्लेया करदे हिन इस गल्ल तांइ अपणे चेल्‍लेयां जो झिडको। यीशु ने जवाब दित्ता जे ए मणू चुप होई गे तां रस्ते रे बट्टेयां ने बोल्ली पैणा।