Những câu Kinh Thánh phổ biến từ SENESIS 25

Chia sẻ

KAUN-O eri mahsanihong, “Tohn wehi riau me mihmi nan kapehdomw. Ke pahn naitikihada tohn wehi riau me pahn uhpene nanpwungara. Ehu pahn kehlail sang ehu; oh me laudo pahn liduwih me tikitiko.”

E ahpw ndahng Seikop, “I inenen duhpeklahr, kihdo mahs kenei kis konomw sali weitahtahn.” (Ihme e adanekihki Edom.)

Pwehki Repeka eh sohte neitik, Aisek ahpw kapakapohng KAUN-O. KAUN-O ahpw kupwurehla eh pekipek, Repeka eri liseianda.

Esau ahpw sapeng, ketihtihki, “I nektehn mehla, dah katepehiong ie ei sohso?” Seikop eri sapeng, nda, “Nna, kahukihla mahs me ke pahn kihdo omw sohso.” Esau eri kahula oh inoukihong Seikop pwungen eh sohso.

Ni rieo eh pil ipwidi, e kolokol teng keimwin nehn Esauo; iei me irail kihongki ede Seikop. Seri ko ipwidi ni ahnsou me Aisek sounpar 60.

Aisek ahpw kesempwalkihla Esau pwehki eh kin perenki sakan mahn me Esau kin kasikihdi; a Repeka kin mwohneki Seikop.