Firim fafu fal Aláemit

<div class="version vid1300 iso6393bqj" data-vid="1300" data-iso6393="bqj">
 <div class="book bkJHN">
 <div class="chapter ch14" data-usfm="JHN.14">
 <div class="label">14</div><div class="s">Y&#233;su o aamme bulago babu b&#225;jaenume me bi ni &#11363;aaya</div><div class="p"> 1Y&#233;su nabba&#241; aah ulagorol : &#171; Jambi j&#250;holi. J&#237;inen n&#8217;Al&#225;emit, ban &#7549;o&#7549; j&#237;inen n&#8217;&#237;nje. 2Guto&#331; gagu gumme&#331;e d&#243; ni ya&#331; &#11363;ayom ; kanenut mo me, mat&#8217;iogul ban ijow iki icokorul ti&#241; to jijae me erobo. 3Ike me icokorul furobo fafu iban, &#7549;an &#237;bba&#241;ul, ban &#7549;an i&#331;arorul min mbi to &#237;nje iomme, buru may n&#8217;j&#237;ni to. 4Ban to nijae me, jiffase bulago babu bajow me bi to. &#187;</div><div class="p"> 5Toma naagol : &#171; Ataw, jiffasut hani bay nujae bo. &#209;er bu j&#250;jue jiffas bulago babu ? &#187; 6Y&#233;su naagol : &#171; Inj&#233; iomme bulago babu, maagen mamu ni buro&#331; babu. An &#225;juut ajow bi ni &#11363;aaya o m&#8217;b&#225;joumut n&#8217;&#237;nje. 7Jiffasom me, &#7549;an jiffas &#7549;o&#7549; &#11363;ayom. Ban &#241;er maer jiffasol ban jujugol. &#187;</div><div class="p"> 8F&#237;lip naagol : &#171; Ataw, ugiten&#243;li &#11363;aaya min &#7549;ilo&#243;li. &#187; 9Y&#233;su naagol : &#171; &#11363;ioe fa&#331; no &#237;nje iom ni buru, &#241;er aw F&#237;lip uffaserutom ? An ajugom me, o &#11363;aaya najuh mee. Bu kane &#241;er nuogom igitenul &#11363;aaya ? 10U&#237;nenut b&#250;oh &#237;nje umu ni &#11363;aaya, ban &#11363;aaya umu n&#8217;&#237;nje ? Gurim gagu go nilobeul me gujoumulat n&#8217;&#237;nje, bare ni &#11363;aaya ; a&#265;ila aamme n&#8217;&#237;nje o aam n&#8217;ekan burokol. 11J&#237;inenom &#237;nje baager &#237;nje umu ni &#11363;aaya ban &#11363;aaya umu n&#8217;&#237;nje. In&#237; j&#237;inenut gurimom, j&#237;inenom &#241;er mala waf wauwu wo nikane mee.</div><div class="p"> 12Maagen, &#237;nje ilobul yo : an &#225;inen me n&#8217;&#237;nje &#7549;an akan &#7549;o&#7549; waf waw wo nikane me. &#11363;an akan may wafa&#331;e g&#225;jalo, mata ban ijow bi ni &#11363;aaya. 13&#209;er w&#225;fowaf wo jijae &#233;cin ni gajaom, &#7549;an ikan wo, min mbi b&#225;jalo &#11363;aaya bura&#331; ni b&#250;kanum bal A&#241;olol. 14Inj&#233; ilobul yo, w&#225;fowaf wo j&#237;cine ni gajaom, &#7549;an ikan wo. &#187;</div><div class="s">Y&#233;su o n&#8217;elob mala &#233;bo&#241;ul yay yaa Biinum Banabe</div><div class="p"> 15&#171; In&#237; j&#250;bboliom, &#7549;an j&#250;ttun gurim gagu go nilobeul me. 16&#11363;an &#237;cin &#11363;aaya min asenul an ace ajoulul me eramben, ban &#7549;an &#225;ni to manur ni buru bi n&#225;nonan. 17O aamme Biinum babu baa maagen. Bugaa mof g&#250;juut guyabol : gujugutol, ban &#7549;o&#7549; guffasutol. Bare buru jiffasol mata umu n&#8217;etulul, ban &#7549;an &#225;ni ni &#225;noan ni buru bi n&#225;nonan. 18Mat&#8217;ihalul nevonul ti &#250;sugaten ; &#7549;an &#237;bba&#241;ul bi ni buru. 19Mati &#7549;io min bugaa mof mati gubba&#241; gujugom ; bare buru &#7549;an jibba&#241; jujugom mata &#237;nje umu m&#8217;buro&#331;, ban buru &#7549;an juro&#331; &#7549;o&#7549;. 20Funah faufu &#7549;an jiffas me b&#250;oh &#237;nje ni &#11363;ayom nem, ban may buru n&#8217;&#237;nje jom ti &#237;nje iomme ni buru. 21An aba&#331; me gurimom ni biinumol ban n&#225;kanum go, an ahumu &#225;bboliom me. &#11363;ayom &#7549;an &#225;bboli an ahu &#225;bboliom me ; &#237;nje fa&#331;aom &#7549;an &#237;bboliol ban &#7549;an ikanol min affasom. &#187;</div><div class="p"> 22&#209;er Yudas (&#225;bulo me ni Yudas Isikariot) naagol : &#171; Ataw, wa u&#265;ile numa&#331; ukan&#243;li n&#8217;jiffasi, min uhabo bugagu &#7549;e ? &#187; 23Y&#233;su naagol : &#171; An &#225;bboliom me &#7549;an &#225;kanum gurimom. An ahumu &#11363;ayom &#7549;an &#225;bboliol ; &#237;nje ni &#11363;ayom &#7549;an j&#250;joul bi ni o, ban &#7549;an j&#237;ni ni o. 24An &#225;bboliutom me, m&#225;t&#8217;&#225;kanum gurimom. Ban wo juunom me ilob, let n&#8217;&#237;nje ujoumulo, bare ni &#11363;ayom abo&#241;ulom me.</div><div class="p"> 25D&#225;uru &#7549;e nilobulyolob &#237;nje &#7549;an baro&#331;er ni buru. 26Arambena ahu, aamme Biinum Banabe o &#11363;aaya ajae me ebo&#241;ulul ni gajaom, o &#7549;an aligenul waf waw &#7549;e, ban &#7549;an aosenul &#7549;ee&#7549;e wo nilobeul me.</div><div class="p"> 27Nihalul ni g&#225;sumay, nisenul g&#225;sumay gagu g&#250;mbam. G&#250;mbam gunnamut ni gagu go bugaa mof gusene me. Jambi uinumul &#250;guo, jambi j&#250;gogor ! 28Juunom min iogul me &#237;nje umu n&#8217;ejow ban &#7549;an &#237;bba&#241;ul bi ni buru. Kan me j&#250;bboliomboli, juote j&#237;sangor min iomme n&#8217;ejow bi ni &#11363;aaya, mata &#11363;ayom nafa&#331;om f&#250;f. 29Ilobul yo maer balama waf wauwu u&#265;igul, min mbi no ujae me e&#265;igul n&#8217;j&#237;inen n&#8217;&#237;nje. 30Mat&#8217;ibba&#241; ilob &#241;amme&#331;e ni buru, mata Seytane aamme afan ahu ala mof umu n&#8217;&#233;joul bi ekan burokol. Abajut sembe s&#225;nosan n&#8217;&#237;nje, 31bare wajae me ebaj, &#7549;an ubaj min mbi bugaa mof guffas b&#250;oh n&#237;bbolibboli &#11363;aaya, ban nikanekan ti nalobom yo me. Jiilo, &#250;&#7549;ural tale. &#187;</div>
 </div>
 </div>
</div>

Yésu nabbañ aah ulagorol : « Jambi júholi. Jíinen n’Aláemit, ban ᵽoᵽ jíinen n’ínje. Gutoŋ gagu gummeŋe dó ni yaŋ Ᵽayom ; kanenut mo me, mat’iogul ban ijow iki icokorul tiñ to jijae me erobo. Ike me icokorul furobo fafu iban, ᵽan íbbañul, ban ᵽan iŋarorul min mbi to ínje iomme, buru may n’jíni to. Ban to nijae me, jiffase bulago babu bajow me bi to. »
Toma naagol : « Ataw, jiffasut hani bay nujae bo. Ñer bu jújue jiffas bulago babu ? » Yésu naagol : « Injé iomme bulago babu, maagen mamu ni buroŋ babu. An ájuut ajow bi ni Ᵽaaya o m’bájoumut n’ínje. Jiffasom me, ᵽan jiffas ᵽoᵽ Ᵽayom. Ban ñer maer jiffasol ban jujugol. »
Fílip naagol : « Ataw, ugitenóli Ᵽaaya min ᵽiloóli. » Yésu naagol : « Ᵽioe faŋ no ínje iom ni buru, ñer aw Fílip uffaserutom ? An ajugom me, o Ᵽaaya najuh mee. Bu kane ñer nuogom igitenul Ᵽaaya ? Uínenut búoh ínje umu ni Ᵽaaya, ban Ᵽaaya umu n’ínje ? Gurim gagu go nilobeul me gujoumulat n’ínje, bare ni Ᵽaaya ; aĉila aamme n’ínje o aam n’ekan burokol. Jíinenom ínje baager ínje umu ni Ᵽaaya ban Ᵽaaya umu n’ínje. Iní jíinenut gurimom, jíinenom ñer mala waf wauwu wo nikane mee.
Maagen, ínje ilobul yo : an áinen me n’ínje ᵽan akan ᵽoᵽ waf waw wo nikane me. Ᵽan akan may wafaŋe gájalo, mata ban ijow bi ni Ᵽaaya. Ñer wáfowaf wo jijae écin ni gajaom, ᵽan ikan wo, min mbi bájalo Ᵽaaya buraŋ ni búkanum bal Añolol. Injé ilobul yo, wáfowaf wo jícine ni gajaom, ᵽan ikan wo. »

« Iní júbboliom, ᵽan júttun gurim gagu go nilobeul me. Ᵽan ícin Ᵽaaya min asenul an ace ajoulul me eramben, ban ᵽan áni to manur ni buru bi nánonan. O aamme Biinum babu baa maagen. Bugaa mof gújuut guyabol : gujugutol, ban ᵽoᵽ guffasutol. Bare buru jiffasol mata umu n’etulul, ban ᵽan áni ni ánoan ni buru bi nánonan. Mat’ihalul nevonul ti úsugaten ; ᵽan íbbañul bi ni buru. Mati ᵽio min bugaa mof mati gubbañ gujugom ; bare buru ᵽan jibbañ jujugom mata ínje umu m’buroŋ, ban buru ᵽan juroŋ ᵽoᵽ. Funah faufu ᵽan jiffas me búoh ínje ni Ᵽayom nem, ban may buru n’ínje jom ti ínje iomme ni buru. An abaŋ me gurimom ni biinumol ban nákanum go, an ahumu ábboliom me. Ᵽayom ᵽan ábboli an ahu ábboliom me ; ínje faŋaom ᵽan íbboliol ban ᵽan ikanol min affasom. »
Ñer Yudas (ábulo me ni Yudas Isikariot) naagol : « Ataw, wa uĉile numaŋ ukanóli n’jiffasi, min uhabo bugagu ᵽe ? » Yésu naagol : « An ábboliom me ᵽan ákanum gurimom. An ahumu Ᵽayom ᵽan ábboliol ; ínje ni Ᵽayom ᵽan jújoul bi ni o, ban ᵽan jíni ni o. An ábboliutom me, mát’ákanum gurimom. Ban wo juunom me ilob, let n’ínje ujoumulo, bare ni Ᵽayom aboñulom me.
Dáuru ᵽe nilobulyolob ínje ᵽan baroŋer ni buru. Arambena ahu, aamme Biinum Banabe o Ᵽaaya ajae me eboñulul ni gajaom, o ᵽan aligenul waf waw ᵽe, ban ᵽan aosenul ᵽeeᵽe wo nilobeul me.
Nihalul ni gásumay, nisenul gásumay gagu gúmbam. Gúmbam gunnamut ni gagu go bugaa mof gusene me. Jambi uinumul úguo, jambi júgogor ! Juunom min iogul me ínje umu n’ejow ban ᵽan íbbañul bi ni buru. Kan me júbboliomboli, juote jísangor min iomme n’ejow bi ni Ᵽaaya, mata Ᵽayom nafaŋom fúf. Ilobul yo maer balama waf wauwu uĉigul, min mbi no ujae me eĉigul n’jíinen n’ínje. Mat’ibbañ ilob ñammeŋe ni buru, mata Seytane aamme afan ahu ala mof umu n’éjoul bi ekan burokol. Abajut sembe sánosan n’ínje, bare wajae me ebaj, ᵽan ubaj min mbi bugaa mof guffas búoh níbbolibboli Ᵽaaya, ban nikanekan ti nalobom yo me. Jiilo, úᵽural tale. »

Phulaphula i Saaŋ 14