Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Ikyi&#7775;o lya Mndu Awekyeri Iruwenyi lya M&#7775;inga</div><div class="p"> 1Numa ya isho, Yesu kayenda Yerusalemu m&#7775;umoenyi o Wayuda. 2Na ipfo Yerusalemu kufuhi na moongo o moondo hawewo&#7769;e iruwa lya m&#7775;inga, lyekyelago Betisata ko m&#7769;e&#7769;ie o Kyiebrania, nalyo lyiwewo&#7769;e mbuo tsitaanu. 3Ipfo mbuonyi kuwewo&#7769;e wandu wafoi mnu waluoe wawelee pfo, shipfupfu&#7775;e, shiwete, na wapfiie ngapfu, [wechiwe&#7769;a m&#7775;inga uchemkye. 4Cha kyipfa kuwewo&#7769;e kyiyeri malaika ekyesoka awuka ruwewu, kai&#7769;a na kulya iruwenyi lya m&#7775;inga kapaaya na ifoga m&#7775;inga ulya. Kyasia ulya echiwa o kuwooka ii&#7769;a napfo numa ya m&#7775;inga-cho ifoika nawekyekyia ndo&#7775;e ilekoyammba&#7769;a.] 5Na iho hawewo&#7769;e mndu aweluoe kyiyeri kya maka makumi ga&#7775;aa&#7775;u na nyanya. 6Kyiyeri Yesu alewona mndu-chu alee, na Yesu aichi kye nawekyeri ku&#7769;o mfiri ifoi, nalemmbia, &#8220;Nukundi ichia?&#8221; 7Mndu ulya aweluoe kagaluo, kagamba, &#8220;Mndumii, inyi ngyiwo&#7769;e mndu mongyiwikyia ipfo iruwenyi lya m&#7775;inga kyiyeri malaika ekyepaaya na ifoga m&#7775;inga-pfo. Kyiyeri inyi ngacha, mndu ungyi nekyesonguo isokyia pfo.&#8221; 8Yesu kammbia, &#8220;Go&#7775;oka, uku&#7769;ikye ikondo&#7775;o lyapfo, uyende.&#8221; 9Cha ilyi mndu ulya kawa&#7769;a pfinya, kaku&#7769;ika ikondo&#7775;o lyakye, kayenda. Na mfiri-cho nyi-we mfiri o onyonya.</div><div class="p"> 10Kyipfa kya ikyo Wayuda wakawia ulya alekyi&#7775;o, &#8220;Inu nyi mfiri o onyonya, maa chi sungusinyi kopfo iku&#7769;ika ikondo&#7775;o-pfo.&#8221; 11Kawagaluo kagamba, &#8220;Ulya angyikyi&#7775;a nyi oe angyiwia, &#8216;Ku&#7769;ikye ikondo&#7775;o lyapfo, uyende.&#8217; &#8221; 12Kyasia wakammbesa, &#8220;Ulya akuwia &#8216;Ku&#7769;ikye, uyende,&#8217; nyi wui?&#8221; 13Kyaindi ulya alekyi&#7775;o alemmanya nyi wui-pfo; kyipfa Yesu nalekoamlekana nawo, cha kyipfa handu halya hawewo&#7769;e wandu wafoi. 14Numa ya isho Yesu kamkooya hekalunyi, kammbia, &#8220;Ambuya, ommba&#7769;a pfinya; ulawute-se wunyama&#7775;i, ulacheolokyio nyi kyindo kyiwicho ngose&#7775;a.&#8221; 15Mndu ulya kayenda, kaongoya Wayuda kye nyi Yesu amkyi&#7775;a. 16Cha kyipfa kya ikyo Wayuda wakalyisa Yesu wukyiwa, kyipfa nalewuta isho mfiri o onyonya. 17Kawagaluo, kawawia, &#8220;Awu oko nai&#7775;unda m&#7775;asa wulalu, na inyi ngyi&#7775;unda.&#8221; 18Kyasia kyipfa kya ikyo Wayuda wakaengye&#7775;a ilanga immbaaga, chi kyipfa alefunja iwawaso lya mfiri o onyonya tupu-pfo, indi hamwi na isho nalelaga Ruwa Awu okye, echikulo&#7775;a kye nalyingananyi na Ruwa.</div><div class="s">Wuchilyi wo Mono-Ruwa</div><div class="p"> 19Kyasia Yesu kagaluo kawawia, &#8220;Ny'kyaloi ngammbia, Mana ei&#7769;ima iwuta kyindo amonyi sile kyilya awonyi Awu ewuta-pfo; cha kyipfa shoose ekyewuta oe, nyisho Mana ekyewuta. 20Cha kyipfa Awu nakundi Mana na oe nekyemlo&#7775;a shoose ekyewuta; maa ma&#7775;unda gang'anyi kuta isho ngose&#7775;a nechimlo&#7775;a, kundu nyoe mui&#7769;ime i&#7775;iyio. 21Kyipfa chandu Awu ekye&#7775;utsa wapfu na iwaenenga moo, na wu&#7769;o Mana echienenga moo walya akundi iwawutia ku&#7769;o. 22Lyingyi-se Awu ekyeanduya mndu oose-pfo, indi naenengyie Mana ianduya lyoose; 23kundu wandu woose waindie Mana chandu wekyeindia Awu. Mndu alekyeindia Mana ekyeindia Awu ulya alem&#7769;uma-pfo. 24Ny'kyaloi ngammbia, ulya aicho &#7769;e&#7769;o lyako na ii&#7769;ikyia ulya alengyi&#7769;uma nawo&#7769;e moo o mlungana; maa echianduyo-pfo, indi ammbuka upfunyi na iira na moonyi o mlungana. 25Ny'kyaloi ngammbia, kyiyeri kyiicha, nakyo kyamcha, wapfu wechiicho &#7775;ui lya Mono-Ruwa, na walya wechilyia&#7769;anyia wechiwa&#7769;a moo. 26Kyipfa chandu Awu awo&#7769;e moo o mlungana, na wu&#7769;o aleenenga mana wui&#7769;imi wo wa&#7769;a moo o mlungana. 27Na oe kamwenenga wuchilyi wo ianduya kyipfa nyi Mono-Adamu. 28Mula&#7775;iyio kyipfa kya ma&#7769;e&#7769;o-ga; cha kyipfa kyiyeri kyiicha, kyiyeri wandu woose wakyeri shilomenyi wechiicho &#7775;ui lyakye. 29Nawo wechiwuka shilomenyi; walya walewuta shindo shicha wawone moo o mlungana na walya walewuta shiwicho waanduyo.&#8221;</div><div class="s">Yesu Ka&#7775;ingyishia</div><div class="p"> 30&#8220;Inyi ngyei&#7769;ima iwuta kyindo ngyimonyi-pfo. Chandu ngyekyeicho nyi wu&#7769;o ngyekyeanduya; na ianduya lyako nyi lya sungusinyi, cha kyipfa ngyekyewuta kyilya ngyikundi inyi-pfo, indi kyilya ulya alengyi&#7769;uma akundi. 31Inyi ngaku&#7775;ingyishia ngyimonyi wu&#7775;ingyishi woko chi loi-pfo. 32Kuwo&#7769;e ungyi aingyi&#7775;ingyishia; na inyi ngyiichi kye kyilya aingyi&#7775;ingyishia nyi kya loi. 33Nyoe mule&#7769;uma wandu ko Yohane, na oe ka&#7775;ingyishia wuloi. 34Kyaindi inyi ngyiambilyia wu&#7775;ingyishi ko wandu-pfo; indi ngyigamba ishi kundu nyoe mui&#7769;ime ikyia. 35Yohane nawekyeri cha taa iwuta ngyeela, na nyoe mulechihiyo kyipfa kya kyilya alegamba. 36Kyaindi wu&#7775;ingyishi ngyiwo&#7769;e inyi wung'anyi kuta wulya wo Yohane; cha kyipfa ma&#7775;unda galya Awu alengyienenga ngyiga&#7775;unde gangyi&#7775;ingyishia kye Awu nalengyi&#7769;uma. 37Na Awu ulya alengyi&#7769;uma nangyi&#7775;ingyishia. &#7774;ui lyakye mulandelyiicho kyiyeri kyoose maa fana yakye muleiwona-pfo. 38Maa ulogo lokye lukyeri mrimenyi konyu-pfo, cha kyipfa nyoe mui&#7769;ikyie ulya oe alem&#7769;uma-pfo. 39Mokyekulosha mbonyi tsa shi&#7775;eio shiele, cha kyipfa mokyekusa&#7775;a kye kyii&#7769;i kyasho mochiwona moo o mlungana; na shi&#7775;eio-sho shagamba mbonyi tsako. 40Maa mukundi icha na koko muwone moo o mlungana-pfo. 41Inyi ngyipfula i&#7775;umisho nyi wandu-pfo. 42Kyaindi ngamanya kye nyoe muwo&#7769;e ikunda lya Ruwa mrimenyi konyu-pfo. 43Inyi ngyilecha kui rina lya Awu oko kyaindi nyoe muingyiambilyia-pfo; ungyi kacha kui rina lyakye amonyi, icho mochimwambilyia. 44Moi&#7769;ima ku&#7769;a ii&#7769;ikyia nyoe mui&#7775;umishana nyoe wenyi ko wenyi, na kyi&#7775;umi kyilya kyiwukyie ko Ruwa alawo&#7769;e amng'anyie muikyipfula-pfo? 45Mulakusa&#7775;e kye inyi ngyechimshitakyi mbele ya Awu; kuwo&#7769;e echimshitakyi, nyi oe Mose, ulya muikusa&#7775;a nechimtarama. 46Cha kyipfa kokooya mulei&#7769;ikyia Mose, muwechingyii&#7769;ikyia inyi; cha kyipfa Mose nale&#7775;eia mbonyi tsako. 47Kyaindi mulandei&#7769;ikyie shi&#7775;eio shakye, mochii&#7769;ikyia ku&#7769;a ulogo loko?&#8221;</div>
 </div>
 </div>
</div>

New Testament in Kivunjo © Bible Society of Tanzania, 1999.

Numa ya isho, Yesu kayenda Yerusalemu mṟumoenyi o Wayuda. Na ipfo Yerusalemu kufuhi na moongo o moondo hawewoṙe iruwa lya mṟinga, lyekyelago Betisata ko mṙeṙie o Kyiebrania, nalyo lyiwewoṙe mbuo tsitaanu. Ipfo mbuonyi kuwewoṙe wandu wafoi mnu waluoe wawelee pfo, shipfupfuṟe, shiwete, na wapfiie ngapfu, [wechiweṙa mṟinga uchemkye. Cha kyipfa kuwewoṙe kyiyeri malaika ekyesoka awuka ruwewu, kaiṙa na kulya iruwenyi lya mṟinga kapaaya na ifoga mṟinga ulya. Kyasia ulya echiwa o kuwooka iiṙa napfo numa ya mṟinga-cho ifoika nawekyekyia ndoṟe ilekoyammbaṙa.] Na iho hawewoṙe mndu aweluoe kyiyeri kya maka makumi gaṟaaṟu na nyanya. Kyiyeri Yesu alewona mndu-chu alee, na Yesu aichi kye nawekyeri kuṙo mfiri ifoi, nalemmbia, “Nukundi ichia?” Mndu ulya aweluoe kagaluo, kagamba, “Mndumii, inyi ngyiwoṙe mndu mongyiwikyia ipfo iruwenyi lya mṟinga kyiyeri malaika ekyepaaya na ifoga mṟinga-pfo. Kyiyeri inyi ngacha, mndu ungyi nekyesonguo isokyia pfo.” Yesu kammbia, “Goṟoka, ukuṙikye ikondoṟo lyapfo, uyende.” Cha ilyi mndu ulya kawaṙa pfinya, kakuṙika ikondoṟo lyakye, kayenda. Na mfiri-cho nyi-we mfiri o onyonya.
Kyipfa kya ikyo Wayuda wakawia ulya alekyiṟo, “Inu nyi mfiri o onyonya, maa chi sungusinyi kopfo ikuṙika ikondoṟo-pfo.” Kawagaluo kagamba, “Ulya angyikyiṟa nyi oe angyiwia, ‘Kuṙikye ikondoṟo lyapfo, uyende.’ ” Kyasia wakammbesa, “Ulya akuwia ‘Kuṙikye, uyende,’ nyi wui?” Kyaindi ulya alekyiṟo alemmanya nyi wui-pfo; kyipfa Yesu nalekoamlekana nawo, cha kyipfa handu halya hawewoṙe wandu wafoi. Numa ya isho Yesu kamkooya hekalunyi, kammbia, “Ambuya, ommbaṙa pfinya; ulawute-se wunyamaṟi, ulacheolokyio nyi kyindo kyiwicho ngoseṟa.” Mndu ulya kayenda, kaongoya Wayuda kye nyi Yesu amkyiṟa. Cha kyipfa kya ikyo Wayuda wakalyisa Yesu wukyiwa, kyipfa nalewuta isho mfiri o onyonya. Kawagaluo, kawawia, “Awu oko naiṟunda mṟasa wulalu, na inyi ngyiṟunda.” Kyasia kyipfa kya ikyo Wayuda wakaengyeṟa ilanga immbaaga, chi kyipfa alefunja iwawaso lya mfiri o onyonya tupu-pfo, indi hamwi na isho nalelaga Ruwa Awu okye, echikuloṟa kye nalyingananyi na Ruwa.

Kyasia Yesu kagaluo kawawia, “Ny'kyaloi ngammbia, Mana eiṙima iwuta kyindo amonyi sile kyilya awonyi Awu ewuta-pfo; cha kyipfa shoose ekyewuta oe, nyisho Mana ekyewuta. Cha kyipfa Awu nakundi Mana na oe nekyemloṟa shoose ekyewuta; maa maṟunda gang'anyi kuta isho ngoseṟa nechimloṟa, kundu nyoe muiṙime iṟiyio. Kyipfa chandu Awu ekyeṟutsa wapfu na iwaenenga moo, na wuṙo Mana echienenga moo walya akundi iwawutia kuṙo. Lyingyi-se Awu ekyeanduya mndu oose-pfo, indi naenengyie Mana ianduya lyoose; kundu wandu woose waindie Mana chandu wekyeindia Awu. Mndu alekyeindia Mana ekyeindia Awu ulya alemṙuma-pfo. Ny'kyaloi ngammbia, ulya aicho ṙeṙo lyako na iiṙikyia ulya alengyiṙuma nawoṙe moo o mlungana; maa echianduyo-pfo, indi ammbuka upfunyi na iira na moonyi o mlungana. Ny'kyaloi ngammbia, kyiyeri kyiicha, nakyo kyamcha, wapfu wechiicho ṟui lya Mono-Ruwa, na walya wechilyiaṙanyia wechiwaṙa moo. Kyipfa chandu Awu awoṙe moo o mlungana, na wuṙo aleenenga mana wuiṙimi wo waṙa moo o mlungana. Na oe kamwenenga wuchilyi wo ianduya kyipfa nyi Mono-Adamu. Mulaṟiyio kyipfa kya maṙeṙo-ga; cha kyipfa kyiyeri kyiicha, kyiyeri wandu woose wakyeri shilomenyi wechiicho ṟui lyakye. Nawo wechiwuka shilomenyi; walya walewuta shindo shicha wawone moo o mlungana na walya walewuta shiwicho waanduyo.”

“Inyi ngyeiṙima iwuta kyindo ngyimonyi-pfo. Chandu ngyekyeicho nyi wuṙo ngyekyeanduya; na ianduya lyako nyi lya sungusinyi, cha kyipfa ngyekyewuta kyilya ngyikundi inyi-pfo, indi kyilya ulya alengyiṙuma akundi. Inyi ngakuṟingyishia ngyimonyi wuṟingyishi woko chi loi-pfo. Kuwoṙe ungyi aingyiṟingyishia; na inyi ngyiichi kye kyilya aingyiṟingyishia nyi kya loi. Nyoe muleṙuma wandu ko Yohane, na oe kaṟingyishia wuloi. Kyaindi inyi ngyiambilyia wuṟingyishi ko wandu-pfo; indi ngyigamba ishi kundu nyoe muiṙime ikyia. Yohane nawekyeri cha taa iwuta ngyeela, na nyoe mulechihiyo kyipfa kya kyilya alegamba. Kyaindi wuṟingyishi ngyiwoṙe inyi wung'anyi kuta wulya wo Yohane; cha kyipfa maṟunda galya Awu alengyienenga ngyigaṟunde gangyiṟingyishia kye Awu nalengyiṙuma. Na Awu ulya alengyiṙuma nangyiṟingyishia. Ṟui lyakye mulandelyiicho kyiyeri kyoose maa fana yakye muleiwona-pfo. Maa ulogo lokye lukyeri mrimenyi konyu-pfo, cha kyipfa nyoe muiṙikyie ulya oe alemṙuma-pfo. Mokyekulosha mbonyi tsa shiṟeio shiele, cha kyipfa mokyekusaṟa kye kyiiṙi kyasho mochiwona moo o mlungana; na shiṟeio-sho shagamba mbonyi tsako. Maa mukundi icha na koko muwone moo o mlungana-pfo. Inyi ngyipfula iṟumisho nyi wandu-pfo. Kyaindi ngamanya kye nyoe muwoṙe ikunda lya Ruwa mrimenyi konyu-pfo. Inyi ngyilecha kui rina lya Awu oko kyaindi nyoe muingyiambilyia-pfo; ungyi kacha kui rina lyakye amonyi, icho mochimwambilyia. Moiṙima kuṙa iiṙikyia nyoe muiṟumishana nyoe wenyi ko wenyi, na kyiṟumi kyilya kyiwukyie ko Ruwa alawoṙe amng'anyie muikyipfula-pfo? Mulakusaṟe kye inyi ngyechimshitakyi mbele ya Awu; kuwoṙe echimshitakyi, nyi oe Mose, ulya muikusaṟa nechimtarama. Cha kyipfa kokooya muleiṙikyia Mose, muwechingyiiṙikyia inyi; cha kyipfa Mose naleṟeia mbonyi tsako. Kyaindi mulandeiṙikyie shiṟeio shakye, mochiiṙikyia kuṙa ulogo loko?”

Phulaphula i Yohane 5