If you have would like a copy of this version please contact info@davarpartners.org

The Datooga Old Testament

<div class="version vid3050 iso6393tcc" data-vid="3050" data-iso6393="tcc">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Hean ghwahit humng'eeda ea ng'eanyiida, ea haleanjeadaanyi sean. 2Ama muchu eaweeteaba ispwa ea niihiit ASEETA gadiyeadaanyi heeta sin, ak gafuuf eaweeteaba ispwa aba gadiyoojigaaschi sean heeta sin. 3Ng'ata ghoamiidu ASEETA eaweeteaba ispwa ak ghoaghaydiit, aba gideaba eaweecheanji gafuuf ASEETA aba gadiyoojigaaschi sean nisin damanda bwada ng'eanyiida.</div><div class="s">Boostaaneeda Edeeni</div><div class="p"> 4Nih gida sibwata humng'eeda ea ng'eanyiida gil.</div><div class="p">Aba eaweeda sina NG'UTAMIIDA was ASEETA ng'eanyiida ea humng'eeda, 5nea abeeda ea manda geeta dareabeeta nirdu aba jeeda ng'eanyiida ak ea manda seenga dareabeeta nirdu aba gideaba mii ghwanung' NG'UTAMIIDA was ASEETA gwaroobassa ng'eanyiida roopta, ak ea manda siida jea ghabwar ng'eanyi; 6amadu gwadiyeadawa dung'usta badayda ng'eanyiida ak gwaroobassa badayda ng'eanyiisean, 7ng'ata gwasin NG'UTAMIIDA was ASEETA siida aba sigeeda ng'eanyiida, ak gaguusa sareenuuka jeameeda eadu eaweega; ak ghwanyas siida eaweega. 8Ak gwahista NG'UTAMIIDA was ASEETA boostaani aba Edeeni mida heeda ghayeawa; ak ghwayiin siidida heeta siniin. 9Amadu aba badayda ng'eanyiida gooruudu NG'UTAMIIDA was ASEETA giliwas geeta miy aba gheang'da ak aamiy aba agita, ea geeta eaweega earada ghwayiin bugusta boostaani, ea geeta sinala gidamiy ea gidamuy.</div><div class="p"> 10Gaguldeawa eenda Edeeni ak gagulsa boostaani, ak gabearshi ak ghoah eeni ang'wan. 11Gheawunga dea madeeda geeguura Bishoni; nea eenda gulda nea gwaneaweesa ng'eanyiisean bea Hafila, mida dahaabu; 12nea dahaabu bea ng'eanyiita aamiyaas; lagheanga ng'ooreadi ea lagheanga haw sheayeat gwanda sean hoowa. 13Nea gheawunga ghealoodeaba iyeenya geeguura Gihoni; gulda nea gwaneaweesa ng'eanyiisean bea Gushi. 14Ak gheawunga ghealoodeaba samwagu geeguura Hidekeli, ak iissa gagulda nea gwasik gayeewda Ashuru. Ak ghealoodeaba ang'wan geeguura Furati.</div><div class="p"> 15Ak gageanu NG'UTAMIIDA was ASEETA siidida ak ghwayiin jeeda boostaaneeda Edeeni ak ghabwar nea gwasisin. 16Ak gwayeesha NG'UTAMIIDA was ASEETA siida, &#8220;Giimuusi aga giliwas geat aba jeeda madamnyeanda; 17amadu geeta sinala gidamiy ea gidamuy adiidu giyaagi, aba gideaba eaweeda iyaagi gaymeawa.&#8221;</div><div class="p"> 18Amang'ata gwayi NG'UTAMIIDA was ASEETA, &#8220;Mii miy gideaba gaygwandeawa siida geaw; gaydasissa niny siida jea gaweechi uurji niny.&#8221; 19Ak gwasina NG'UTAMIIDA was ASEETA giliwas diyeayda jarooda ea giliwas dariideanda humng'eeda, amang'ata gweadu heeda siida gang'asa gheawunga; ak gheawunga ng'assa siida gilinyoo ea diyeayda mideawa eaweega gil, ghoah gheawungaaschi. 20Ak gang'asa siida dugwa sean gheawunga, ea dariidaka humng'eeda, ea giliwas diyeayda dareabeeta; nea siida ea mwanyasa dea jea ghaweat niny. 21Ng'ata ghwanung' NG'UTAMIIDA was ASEETA goobissa siida ruweanga ng'weani, amadu nea gwalil gageanda gisheajeandaanyi agi ak gwadukuteawa seawadeedida banyeega; 22nea gisheajeandida geana NG'UTAMIIDA was ASEETEAN heeda siidean gwasin ghoah gatmooda ak gweadu heeda siida. 23Amang'ata gwayi siida,</div><div class="q1">&#8220;Nih ghamneawa aba huuydeanda geapkeeda leabu jeeda geakeasu</div><div class="q2">nea saseeda gwaleabu saseedeanyu;</div><div class="q1">ak gajeeguura Gatmooda,</div><div class="q2">aba gideaba gwaleabu heeda Ng'eedeeda.&#8221;</div><div class="m"> 24Asi siida gaygwanung'usa heeda ghwaan ea ghaamwat ak gwandeayi sea gatmoadaanyi, ak ghoah fiisu siyagi. 25Nea abeeda siida ea gatmoadaanyi ea dawiiri duwaawi, nea manda baspaseega.</div>
 </div>
 </div>
</div>

The Bible in Datooga © Bible Society of Tanzania, 2015.

Hean ghwahit humng'eeda ea ng'eanyiida, ea haleanjeadaanyi sean. Ama muchu eaweeteaba ispwa ea niihiit ASEETA gadiyeadaanyi heeta sin, ak gafuuf eaweeteaba ispwa aba gadiyoojigaaschi sean heeta sin. Ng'ata ghoamiidu ASEETA eaweeteaba ispwa ak ghoaghaydiit, aba gideaba eaweecheanji gafuuf ASEETA aba gadiyoojigaaschi sean nisin damanda bwada ng'eanyiida.

Nih gida sibwata humng'eeda ea ng'eanyiida gil.
Aba eaweeda sina NG'UTAMIIDA was ASEETA ng'eanyiida ea humng'eeda, nea abeeda ea manda geeta dareabeeta nirdu aba jeeda ng'eanyiida ak ea manda seenga dareabeeta nirdu aba gideaba mii ghwanung' NG'UTAMIIDA was ASEETA gwaroobassa ng'eanyiida roopta, ak ea manda siida jea ghabwar ng'eanyi; amadu gwadiyeadawa dung'usta badayda ng'eanyiida ak gwaroobassa badayda ng'eanyiisean, ng'ata gwasin NG'UTAMIIDA was ASEETA siida aba sigeeda ng'eanyiida, ak gaguusa sareenuuka jeameeda eadu eaweega; ak ghwanyas siida eaweega. Ak gwahista NG'UTAMIIDA was ASEETA boostaani aba Edeeni mida heeda ghayeawa; ak ghwayiin siidida heeta siniin. Amadu aba badayda ng'eanyiida gooruudu NG'UTAMIIDA was ASEETA giliwas geeta miy aba gheang'da ak aamiy aba agita, ea geeta eaweega earada ghwayiin bugusta boostaani, ea geeta sinala gidamiy ea gidamuy.
Gaguldeawa eenda Edeeni ak gagulsa boostaani, ak gabearshi ak ghoah eeni ang'wan. Gheawunga dea madeeda geeguura Bishoni; nea eenda gulda nea gwaneaweesa ng'eanyiisean bea Hafila, mida dahaabu; nea dahaabu bea ng'eanyiita aamiyaas; lagheanga ng'ooreadi ea lagheanga haw sheayeat gwanda sean hoowa. Nea gheawunga ghealoodeaba iyeenya geeguura Gihoni; gulda nea gwaneaweesa ng'eanyiisean bea Gushi. Ak gheawunga ghealoodeaba samwagu geeguura Hidekeli, ak iissa gagulda nea gwasik gayeewda Ashuru. Ak ghealoodeaba ang'wan geeguura Furati.
Ak gageanu NG'UTAMIIDA was ASEETA siidida ak ghwayiin jeeda boostaaneeda Edeeni ak ghabwar nea gwasisin. Ak gwayeesha NG'UTAMIIDA was ASEETA siida, “Giimuusi aga giliwas geat aba jeeda madamnyeanda; amadu geeta sinala gidamiy ea gidamuy adiidu giyaagi, aba gideaba eaweeda iyaagi gaymeawa.”
Amang'ata gwayi NG'UTAMIIDA was ASEETA, “Mii miy gideaba gaygwandeawa siida geaw; gaydasissa niny siida jea gaweechi uurji niny.” Ak gwasina NG'UTAMIIDA was ASEETA giliwas diyeayda jarooda ea giliwas dariideanda humng'eeda, amang'ata gweadu heeda siida gang'asa gheawunga; ak gheawunga ng'assa siida gilinyoo ea diyeayda mideawa eaweega gil, ghoah gheawungaaschi. Ak gang'asa siida dugwa sean gheawunga, ea dariidaka humng'eeda, ea giliwas diyeayda dareabeeta; nea siida ea mwanyasa dea jea ghaweat niny. Ng'ata ghwanung' NG'UTAMIIDA was ASEETA goobissa siida ruweanga ng'weani, amadu nea gwalil gageanda gisheajeandaanyi agi ak gwadukuteawa seawadeedida banyeega; nea gisheajeandida geana NG'UTAMIIDA was ASEETEAN heeda siidean gwasin ghoah gatmooda ak gweadu heeda siida. Amang'ata gwayi siida,
“Nih ghamneawa aba huuydeanda geapkeeda leabu jeeda geakeasu
nea saseeda gwaleabu saseedeanyu;
ak gajeeguura Gatmooda,
aba gideaba gwaleabu heeda Ng'eedeeda.”
Asi siida gaygwanung'usa heeda ghwaan ea ghaamwat ak gwandeayi sea gatmoadaanyi, ak ghoah fiisu siyagi. Nea abeeda siida ea gatmoadaanyi ea dawiiri duwaawi, nea manda baspaseega.

Phulaphula i GIING'EETA 2