Iivesi zeBhayibhile ezithandwayo ezisuka MATTHEW 5

Yabelana

Subung thaophari sao hi khamphlu jang phungkhlip hi dengya, boni dengthan ha se deng re; odese noh bising ni khrip subung jnama khe nu ba. Olei jasosi ning nisi ni jnama subung ni muh ha jna thing; odese, nisi hamba khusi dangyaba buthu khe bonsi nu ma, ode, nisi ni bupha, sorgo ha dongyaba khe bakhan khlai phu ma.

Nisi habsao ni jnama se. Hadingkhro ha nolei dongyaba khe hui hi deng phuya.

Khah gatharrao de khophal hambi, Bonsi Madai khe nu ma se.

Dormo ha hukhri hi dih gangjaoyarao de khophal hambi, Bonsi ni khah gablai ma se.

Thikhabo, ang de nisi khe thi du, nisi ni sotrurao khe khasao lah; nisi khe dukhu riyarao ne Madai bi ri lah.

Sere bese ha jar khe dukhisa thi hi mithi layarao de bonsi ni khophal hambi, sorgo raji de bonsi ni se.

Milima slamyarao de khophal hambi, Bonsi Madai ni basarao thijao ma se.

Khah baiyarao de bonsi ni khophal hambi, Bonsi shanti jang dong ma se.

Dormo ni khlai hi dukhu rijaoyarao de bonsi ni khophal hambi, Sorgo raji de bonsi ni se.

Malai ni basao ha maya-doya khlaiyarao de khophal hambi, Bonsi maya-doya khlaijao ma se.

Ani khlai hi malai jang nisi khe jojao nang, ode, dukhu rijao nang, ode, niya niya mosol jang nisi khe gajai ri khade, nisi ni khophal hamba se. Khaja hi bai lah, sorgo ha nisi ni khlai hi yaosandi bang bi. Bede thikhade, olei jasosi ning nisi ni sagang ha gorasali dongyaraobo dukhu rijao ba se.

Maigru gruyarao de bonsi ni khophal hambi Phirthi ni don khe bonsi mai ma se.

Nisi phirthi ni sem se; thikhabo, sem brabya kha la bede brab riphin ma? Dangkhlai hi subung buthu jang gasep jaoba khe gar hide musibo khusi habo nangya kha.

Odebani, nisi ni bupha, sorgo ha dongyaba ham ba lai nisi ham ma nang ma.

Jakha nisi thi khade jakha ja thing, jaya nisi thikha de jaya ja la thing. Bang bang side hamya se baigo ma.

Muthai ni baslai ha muthai, hathai ni baslai ha hathai thiyaba grao khe nisi khna kha. Thikhabo, ang de nisi khe thi du, subung hamyayaba khe da badai. Nini yaoda gede ning khe bakhao lai ri khade, yaosi gede bo ajao lah.

Odehe, nini yaoda ni muthai jang ning khe khuda hi galai ri khade khaikho hi dangkhlai lah. Nini saomang norok ha dangsing jao hi dong ba thane, nini saomang ni masi jamba se nini khlai hi hamdao. Nini yaoda jang ning khe doda ri du thikhade, bo khe dainso hi dangkhlai lah. Nini saomang khrip norok ha dangsing jaoba thane nini yao gongsi giriba se nini khlai hi hamdao.