Iivesi zeBhayibhile ezithandwayo ezisuka Maatiyu 6

Share

Ammaa arande ɗaɓɓitee Laamu Allah e aadilaaku maako, nden ɗum ɓeydanay'on fuu fii ɗu'um.

Ngam non, to' on ngannu e jaango, ngam jaango e woodi wannaare muuɗum. Koo ndeye nyalnde e woodi wannaare mayre keƴayndende.

“Ngam non, e mi wi'a'on, to' on ngannu dow jonde mooɗon, waato dow ko nyaamoton, koo ko njaroton, koo ko ɓornotooɗon. Naa' yonki ɓurii nyamndu? Nden naa' ɓandu ɓurii kolte?

Ammaa taa waɗay do'aare, nattu suudu maaɗa maɓɓaa dammugal, toroɗaa Nyaako maaɗa Mo Dow mo yi'ataake. Nden kanko gi'oowo ko waɗetee e suuɗe o hokkete mbarjaari.

Raa no ngaɗirton do'aare, ‘Yaa Allah Nyaako amin Mo Dow, inde maaɗa ceniinde mawninee. Laamu maaɗa wara, ko ngiɗɗaa waɗee nder duuniyaaru, no ɗum waɗirtee e dow.

Hokkumin ko min nyaamata hande.

Yaafanamin hakkeeji amin no min njaaforantoo gaɗanɓemin ko wooɗaa.

Taa' alu min njaha to min ngaɗata hakke, ammaa hisnumin daga Kalluɗo.’

“Ngam to on njaafanake gaɗanɓe'on ko wooɗaa, Nyaako mooɗon Mo Dow maa yaafanto'on.

Ndaaree colli! Ɗi aawataa, ɗi pe''ataa, ɗi ngalaa to ɗi ndesata nyamndu. Fuu e non Nyaako mooɗon Mo Dow e nyamnaɗi. Naa' on ɓurii colli daraja?

“To' on ndesan ko'e mooɗon jawdi e duuniyaaru to mooƴu wonnatandi, koo ndi nyola, koo to wuyɓe pusata natta ngujjandi. Ammaa ndesanee ko'e mooɗon jawdi ton dow to mooƴu wonnataandi, koo ndi nyola, to wuyɓe mbaawataa pusa natta ngujjandi. Ngam to jawdi maaɗa woni, ton ɓernde maaɗa maa so''otoo.

“Walaa baawayɗo jagganaaki joomu wuro'en ɗiɗo. Koo o wanya go'oto o yiɗa go'oto, koo o mawnina go'oto o yawana go'oto. Non onon maa, on mbaawataa jagganaaki Allah e jagganaaki jawdi carel go'o.

To Allah e mo''itinira pindi ladde nihi, hande e ndi ɗon, jaango ndi wulee, hakko onon, o ɓuray non ɓornuki'on, onon kooliiɓemo seɗɗa!

Ammaa taa hokkay mo walanaa caahu, taa' jaɓu jungo nano maaɗa anda ko jungo nyaamo maaɗa waɗata. Hokku caahu maaɗa e suuɗe, nden Nyaako maaɗa Mo Dow anduɗo koo ɗume gaɗaaɗum e suuɗe, o hokkete mbarjaari.

“Paamee to' ngaɗon kuuɗe aadilaaku mooɗon yeeso yimɓe ngam ɓe ngi'a. Ngam to on ngaɗii non, on keɓataa mbarjaari to Nyaako mooɗon Mo Dow.

“To on cuumii, to' on mbonnu geece mooɗon no munaafuki'en ngaɗata, ngam kamɓe e ɓe mbonna geece maɓɓe ngam ɓe kolla yimɓe e ɓe cuumii. E mi wi'a'on goonga, ɓe njaadake ɓe keɓii mbarjaari maɓɓe. Ammaa taa suumii, sulma, moytanaa hoore maaɗa nebbam. Taa waɗii non, walaa andayɗo a suumii, sey ni Nyaako maaɗa Mo Dow mo yi'ataake. Nden kanko gi'oowo ko waɗetee e suuɗe, o hokkete mbarjaari.