Iivesi zeBhayibhile ezithandwayo ezisuka Lucas 5

Share

Buhetuha, Jesu Simore õpa arĩpʉ: —Deco ñari sĩwiuque. Eropirã mʉhʉ, mʉ wapi mera mʉa wejẽdi yucʉre mehyuque wai ñeamorã, arĩpʉ Jesu.

Ĩgʉ eroparĩcʉ̃ peegʉ Simo Jesure yʉhripʉ: —Opʉ, wai wejẽbutahmuarabʉ gʉa dohpagã ñamire. Eropiiquererã ta waire wejẽbiraca gʉa. Eropa wejẽbiriquererã ta mʉ dorero dopa ta mehyu ĩarãra, arĩ yʉhripʉ Simo. Eropa arĩtuha erã mehyuñorã. Erã eropa mehyucʉ̃ irigʉ wejẽdigʉre bajarã wai ñajañorã. Bajarã erã ñajacʉ̃ wejẽdigʉ yehguea wariyoro.

Erã eropa ejaquerecʉ̃ ta Jesu masa marirogue Goãmʉ ĩgʉ Pagʉre serẽgʉ waha wapʉ.

Eropigʉ “Ñerã ãhraa,” arĩrã dihtare erã ñero iirare bʉjaweredore, õaripʉre gohrotocʉ̃ iigʉ aribʉ yʉhʉ. Erã basi “Õarã ãhraa gʉa,” arĩ pepirãre itamugʉ aribiribʉ yʉhʉ, arĩpʉ Jesu.

Simo Pedro eropa wai bajarã ñajacʉ̃ ĩagʉ, Jesu pohro mereja, ĩgʉre werepʉ: —Yʉ opʉ, mʉ mera árĩbogʉ árĩbeaa yʉhʉ. Ñegʉ ãhraa. Eropigʉ yʉre duhuque, arĩpʉ Simo Jesure.

Erã eroparĩcʉ̃ peegʉ Jesu yʉhripʉ erãre. —Dorecʉbirã duhturure amabeama. Dorecʉrã dihta duhturure ahmama. Dorecʉrã duhturu amaro dopa ta “Ñerã ãhraa,” arĩrã yʉre amarãcoma.

Ĩgʉ eropa arĩra pʉhrʉ erã erã gasire imiporo taramujupicã, erã ya árĩpehrerire ero ta apicã, Jesu mera waha wañorã.

Jesu gaji maca ĩgʉ árĩcʉ̃ cami boagʉ ĩgʉ pohrogue erapʉ. Eropigʉ ĩgʉ Jesure ĩagʉ mereja turaro serẽpʉ: —Opʉ, mʉhʉ yʉre õagʉ iidiagʉ yʉre õagʉ iimasia mʉhʉ, arĩ serẽpʉ. Ĩgʉ eropa arĩra pʉhrʉ Jesu ĩgʉre mohmepiñagʉ õpa arĩpʉ: —Irire iidiaa. Dohpaguere õagʉ árĩque mʉhʉ, arĩpʉ. Ĩgʉ eroparĩcʉ̃ ta ĩgʉ cami boara mʉra yaria wayoro.

“Werebita,” ĩgʉ arĩquerecʉ̃ ta árĩpehrerogue masa ĩgʉ iirare weresiripehoñorã. Erã eropa quere peerã masa bajarã Jesu pohrogue ejañorã. Dorecʉrã õarã wadiarã erã sã ĩgʉ pohrogue ejañorã.