Iivesi zeBhayibhile ezithandwayo ezisuka Mathayo 6

Share

Yaka ceŋde kan kɔɔr ku lajiŋde; ku keekake kedhia aabike gam week.

Yen duɔka ye leeth ne miak: miak abi leeth ne rɔt. Karɛc ke yekole aaye loi.

Yen we ya yɔɔk, Ya duɔka ye leeth ne piirduɔn ne ke bak cam ku ke bak dek; ku ne gupkuɔn ne ka ke ceŋ. Cie piir edit ne miɛth, ku guɔp ne ka ke ceŋ?

Ku yin, na ye lɔŋ, ke yin lɔ ɣot ne bian thin, ku na ca thok thiɛɛk, ke yin jal Wuur lɔŋ ne kuaakic, ku Wuur ye ke ci kuaak ŋem abi yin ya riɔp.

Yen yaka lɔŋ wuɔla; Awadan tɔ nhial, Rinku aabike ya riɛu. Cɔk ceŋdu cɔk bɔ. Ye piɔndu cɔk loi piny nom ne cit piny nhial.

Ye wɔ miɔc ne yekole buk ya cam.

Ye wɔ puɔl ne kanykuɔ, ci man ye wɔ kanykuɔ pal kɔc.

Duɔne wɔ cɔk ye them, ku ye wɔ luɔk ne kerac: ceŋ ee kedu, riɛr ee kedu, nuɔm ee kedu athɛɛr. Amen.

Na yaka kɔc puɔl ne karɛcken, ke Wuɔrduɔn abi we ya puɔl eya.

Yaka diɛt nhial ŋem, kaacie pok, ku kaacie tem, ku kaacie jok guk; ku kaaye Wuɔrduɔn nhial ke miɛɛth. Cie we ewar keek?

Duɔka weu ye tɔɔu ku muɔkka ke ne piny nom, te yee kek riak ne kɔm ku keth, ku te yee rueeny dhoŋ thin ku kuel; yaka weu tɔɔu ku muɔkka ke pan nhial, te yee kek ciɛk riak ne kɔm ku keth, ku te cii rueeny ye dhoŋ ku kuel. Te de weuku, yenekee te de yipiɔu eya.

Acin ran ye ka ke bany keerou leu ne luɔi: abi tok ya maan ku nhiɛr tok, abi tok ya gam ku reec tok. We ce Nhialic leu ne lui ku weu.

Yen na ye Nhialic wɛl ke ror piɔth yela, ka ye tɔ ne yekole, alamiak e ke cuɛte mɛɛc, ke ci we bi ya piɔth ne pioth war yepiothe, week we kɔc koor gam ke.

Na ye miɔc tek, ke yin duɔne ke ye ciɛn camdu loi ye cɔk nyic cuenydu: bi miɔcdu ya kuaak: ku Wuɔrduɔn ye ke ci kuaak ŋem abi yin ya riɔp.

Yaka roth ŋem duɔke we bi luɔiduɔn lajik ya loi ne kɔc nhiim, bik ŋem; kɛlke ariop de Wuɔrduɔn tɔ nhial bi liu.

Ku dɛne eya, na yaka thieel, ke we duɔka nyiin ye kuany, ci man de dudhuum. Aaye kenyiin jiit, bi kɔc ke ŋem lan thiel kek. We ya yɔɔk neyic, Ya kaaci ariopden kap. Ku yin, na yee thieel, ke yin ye yinom tɔc, ku yee yinyin piny; bi kɔc cuɔk thieldu ye ŋem, aye Wuur man ye tɔ ne kuaakic. Ku Wuur ye ke ci kuaak ŋem, abi yin ya riɔp.