Iivesi zeBhayibhile ezithandwayo ezisuka Matiö 18

Yabelana

‑A ‑gɛn ‑mü ꞊dhɛ ‑dhɛ 'ö mɛ ꞊plɛ "ɛɛn mɛ ‑yaaga 'wo ‑ya ‑sü 'ka wo kpö 'ka‑ ‑bha n 'tɔ 'gü, kö a‑ ‑nu kpö 'gü.

A‑ ‑pö ka ‑dhɛ 'pö ꞊dhɛ: Kö mɛ ꞊plɛ ‑wʋ ‑yö kë 'wɔn 'gü do ka kpö 'gü "kpʋng ꞊taa yö, kö ‑wo bhɛa" n Dë Atanna ‑dhɛ pë "ʋʋ pë 'kö‑ ‑wɔn 'gü, yö 'ö ‑ya ‑sü 'ka dhang‑ ‑nu 'gü bha, ‑yö ‑dho ‑a nu‑ ‑nu ‑dhɛ.

꞊Dhɛ 'ö ꞊waa‑ dhɛɛ" bha‑ 'kpɔ "dhʋ̈, 'yö Yesu ‑yö 'në 'në 'dɛdɛ 'në do ‑dhɛ, 'yö‑ dɔ‑ ‑nu wëëdhö 'yö‑ pö: «‑Ka ‑dhɛ ‑ga, a‑ ‑pö ka ‑dhɛ tɛan‑ ꞊dede 'ka ꞊dhɛ kö 'kii ka zuë" slëë‑ kö 'ka "wɩ 'wɔn ‑bha ꞊dhɛ 'në 'sɛnsɛn 'në ‑nu 'dhö 'kii 'dho ka ‑duɛ ‑zian ꞊slɔɔ Atanna ‑bha ‑gblüdëdhɛpö 'ö dhang‑ 'gü bha‑ 'gü.

‑A ‑gɛn ‑mü ꞊dhɛ 'mɛ 'ö‑ ‑duɛ 'dhö 'kpii‑ Atanna ‑bha ‑gblüdëdhɛ bha‑ 'gü, yö ‑mü 'mɛ 'ö‑ "tʋ 'yaa kë ö ‑dɩ ‑wɔn ‑bha ꞊dhɛ 'në 'ö ya‑ 'dhö bha ꞊në‑ 'ka.

'Mɛ 'ö dho 'në ‑nu 'ö‑ ‑nu suu 'dhö ya‑ ‑nu ‑dhɛng bun n ‑wɔn 'gü, kö ‑yö ma ꞊në n ‑dhɛng bun bha.»

'Yö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ: Mɛ "ʋʋ mɛ 'ö ka dho‑ 'tɔng‑ ‑ya ‑ta Atanna ‑bha zian ‑ta "kpʋng ꞊taa yö, 'tɔng‑ ‑dho kë‑ ‑mɛ ‑ta dhang‑ 'gü. "Ɛɛn mɛ "ʋʋ mɛ 'ka dho‑ ‑mawɔn 'to "kpʋng ꞊taa yö, Atanna ‑dho ‑a ‑mɛ ‑mawɔn 'to dhang‑ 'gü.

'Yö Yesu ‑ya pö ö ‑bha ꞊klang ‑nu ‑dhɛ: «꞊Ya kë ꞊dhɛ 'mɛ 'ka "dhʋ̈ 'do 'do 'ka 'kii ka dheebhang ‑mawɔn 'to ka zuë" ꞊gban 'ka, n Dë 'ö ‑ya ‑sü 'ka dhang‑ ‑nu 'gü, ‑yö ‑dho ka kë ‑kɔ do bha ꞊në‑ 'gü.

'Yö‑ pö: «Mɛ "ʋʋ 'mɛ 'ö dho kë 'në ‑nu 'wo 'dhang bho n "dhiʋ̈ "dhʋ̈ bha‑ mɛ do ‑zian ‑pö 'wɔn yaa 'gü ‑mɛ 'ka, ‑a fië‑ ‑to kö ‑wo ‑gwë kpö 'gbiin‑ do dun‑ ‑mɛ bhɔ ‑bha kö ꞊wa ‑zuö 'ka ꞊weeyi ꞊bhaa kö ‑ya zë ('wɔn 'ö Atanna dho‑ wɔ‑ ‑ta bha‑ ‑bha).

"Ɛɛn ꞊ya kë ꞊dhɛ "bhlaa këng do ꞊ya kë mɛ do ‑gɔ kö ‑a do ‑yö ꞊dhɛng, 'yii 'dho‑ ‑kaɔng "sueisiö ga "sueisiö ‑kpɛa 'ö to‑ 'to ‑tɔn ꞊gbin‑ 'ö dho ‑a 'dhɛ 'ö ꞊dhɛng bha‑ mɔɔ‑ ‑dhɛ 'gü ‑ee? "Ɛɛn 'yaa "dhʋ̈ ‑ee?