Iivesi zeBhayibhile ezithandwayo ezisuka ᒉᓂᓯᐢ 1

Share

ᒥᓇ ᑭᓭᒪᓂᑐ ᑭ ᐃᑌᐧᐤ, ᒫᐦᑎ ᐅᓯᐦᐋᑖᐣ ᐊᔨᓯᔨᓂᐤ ᑭᐟ ᐃᓯᓈᑯᓯᐃᐧᓂᓈᕽ ᑭᑕ ᓇᐢᐱᑖᑯᔭᕽ, ᒥᓇ ᑭᔮᒼ ᐃᐧᔭᐋᐧᐤ ᑭᑕ ᑎᐯᔨᒣᐊᐧᐠ ᑭᓄᓭᐊᐧ ᑭᐦᒋᑲᒥᕽ ᒥᓇ ᐱᔦᓯᓴ, ᒥᓇ ᐊᐊᐧᑳᓇ, ᒥᓇ ᑲᐦᑭᔭᐤ ᐊᐢᑭ; ᒥᓇ ᑕᐦᑐ ᑳ ᐸᐹᒥᑖᒋᒧᒋᐠ ᐊᐧᐢᑭᑕᐢᑲᒥᐠ. ᐁᑯᓯ ᑭᓭᒪᓂᑐ ᑭ ᐅᓯᐦᐁᐤ ᐊᔨᓯᔨᓂᐊᐧ ᐃᐧᔭ ᐅᐟ ᐃᓯᓈᑯᓯᐃᐧᓂᕽ, ᑭᓭᒪᓂᑐ ᐅᐟ ᐃᓯᓈᑯᓯᐃᐧᓂᕽ ᑭ ᐃᓯ ᐅᓯᐦᐁᐤ; ᓈᐯᐊᐧᔭ ᒥᓇ ᐃᐢᑫᐧᐊᐧᔭ ᑭ ᐃᓯ ᐅᓯᐦᐁᐤ.

ᐁᑯᓯ ᑭᓭᒪᓂᑐ ᑭ ᓴᐁᐧᔨᒣᐤ ᒥᓇ ᑭᓭᒪᓂᑐ ᐅᒥᓯ ᑭ ᐃᑌᐤ, ᐃᐧ ᒥᔪ ᓂᐦᑖᐃᐧᑭᐦᐃᑐᐠ ᒥᓇ ᐃᐧ ᒥᐦᒉᑎᐠ, ᒥᓇ ᓵᑲᐢᑭᓇᐦᑖᐠ ᐊᐢᑭ ᒥᓇ ᓵᑯᑖᐠ, ᒥᓇ ᑎᐯᔨᒥᐦᑯᐠ ᑭᓄᓭᐊᐧᐠ ᑭᐦᒋᑲᒥᕽ, ᒥᓇ ᐱᔦᓯᓴ ᑳ ᐸᐹᒥᐦᐋᒋᐠ, ᒥᓇ ᑕᐦᑐ ᑫᑲᐧᐩ ᑳ ᐱᒫᑕᕽ ᑳ ᐊᐧᐢᑲᐃᐧᑖᒫᑲᕽ ᐊᐧᐢᑭᑕᐢᑲᒥᐠ.

ᒥᒋᒫᐨ ᐅᐦᒋ ᑭᓭᒪᓂᑐ ᑭ ᐅᓯᐦᑖᐤ ᑭᓯᐠ ᒥᓇ ᐊᐢᑭ.

ᐊᓂᒪ ᐊᐢᑭ ᓇᒪᐃᐧᔭ ᑭ ᑭᐢᑭᓇᐋᐧᓯᓈᑲᐧᐣ ᒥᓇ ᑭ ᐱᓯᓯᑳᐧᐤ; ᐁᑯᓯ ᐊᐧᓂᑎᐱᐢᑳᐤ ᑭ ᐊᔮᐤ ᑎᒥᕽ; ᐁᑯᓯ ᐅᐟ ᐊᐦᒑᐦᑲᐧ ᑭᓭᒪᓂᑐ ᑭ ᐸᐹ ᓱᐋᐧᑫᔨᐊᐧ ᐁ ᐊᐧᐢᑭᑎᐯᔮᑭ ᓂᐱᔭ.

ᑭᓭᒪᓂᑐ ᒫᑲ ᑭ ᐃᑌᐧᐤ, ᒫᐦᑎ ᑭᑕ ᐋᐧᓭᔮᐤ; ᐁᑯᓯ ᑭ ᐋᐧᓭᔮᐤ.

ᑭᓭᒪᓂᑐ ᒫᑲ ᑭ ᐋᐧᐸᐦᑕᒼ ᑕᐦᑐ ᑫᑲᐧᐩ ᑳ ᑭ ᐅᓯᐦᑖᐟ, ᒋᐢᐟ ᒫᑲ, ᓇᐢᐱᐨ ᑭ ᒥᔮᐧᓯᐣ. ᐁᐊᐧᑯ ᐁ ᐅᑖᑯᓯᐠ ᒥᓇ ᐁ ᑫᑭᓭᐹᔮᐠ ᓂᑯᑖᐧᓯᑳᐧᐤ ᐁ ᑭ ᑭᓯᑳᐠ.

ᑭᓭᒪᓂᑐ ᒫᑲ ᑭ ᐋᐧᐸᐦᑕᒼ ᐋᐧᓭᔭᐤ ᐁ ᒥᔮᐧᓯᓂᔨᐠ; ᐁᑯᓯ ᑭᓭᒪᓂᑐ ᑭ ᐱᐢᑭᐦᑎᓇᒼ ᐋᐧᓭᔮᐤ ᐊᐧᓂᑎᐱᐢᑳᐤ ᐅᐦᒋ.

ᑭᓭᒪᓂᑐ ᒫᑲ ᑭ ᐃᑌᐧᐤ, ᒋᐢᐟ, ᑭ ᑭ ᒥᔨᑎᓈᐋᐧᐤ ᑳ ᐃᑕᐦᑐ ᓵᑲᐢᑭᐠ ᑳ ᓂᐦᑖᐃᐧᑭᐦᒋᑫᒪᑲᕽ ᐊᐧᐢᑭᐨ ᒥᓯᐁᐧ ᐊᐢᑭᕽ ᑳ ᐊᔮᐠ, ᒥᓇ ᑳ ᐃᑕᑖᐧᐢᑯᓯᐟ ᒥᐢᑎᐠ, ᐊᓇ ᒥᐢᑎᐠ ᑳ ᓂᐦᑖᐃᐧᑭᐦᑖᐟ ᒥᓂᓴ; ᑭᔭᐋᐧᐤ ᑭ ᑲ ᐅ ᒥᒋᐃᐧᓂᓈᐋᐧᐤ.

ᑭᓭᒪᓂᑐ ᒥᓇ ᐁ ᐋᐧᓭᔮᔨᐠ ᑭᓯᑳᐤ ᑭ ᐃᓯᔨᐦᑳᑕᒼ, ᐁᑯᓯ ᐁ ᐊᐧᓂᑎᐱᐢᑳᔨᐠ ᑎᐱᐢᑳᐤ ᑭ ᐃᓯᔨᐦᑳᑕᒼ; ᐁᐊᐧᑯ ᐁ ᐅᑖᑯᓯᐠ ᒥᓇ ᐁ ᑫᑭᓭᐹᔮᐠ ᓂᐢᑕᒼ ᐁ ᑭ ᑭᓯᑳᐠ.

ᐁᑯᓯ ᑭᓭᒪᓂᑐ ᑭ ᐃᑌᐧᐤ, ᑭᔮᒼ ᑭᑕ ᐃᐦᑕᑲᐧᐣ ᐁ ᓇᔦᐊᐧᑕᑯᑌᐠ ᒣᑳᐧᐨ ᓂᐱᕽ, ᐁᑯᓯ ᑭᑕ ᐅᐦᒋ ᐱᐢᑭᐦᑎᓂᑳᑌᑭ ᓂᐱᔭ ᓂᐱᕽ ᐅᐦᒋ.

ᒥᓇ ᑳ ᐃᑕᓯᐟ ᐱᓯᐢᑭᐤ ᐊᐢᑭᕽ ᑳ ᐊᔮᐟ, ᒥᓇ ᑳ ᐃᑕᐦᑐ ᐸᐹᒥᐦᐋᐟ, ᒥᓇ ᑳ ᐃᑕᓯᐟ ᑳ ᐸᐹᒥᑖᒋᒧᐟ ᐊᐢᑭᕽ ᑳ ᐱᒫᑎᓯᐟ, ᑭ ᑭ ᒥᔨᑎᓈᐋᐧᐤ ᑳ ᐃᑕᐦᑐ ᐅᓵᐊᐧᐢᑲᐧᐢᑭᐠ ᑳ ᓵᑲᐢᑭᐠ ᑭᑕ ᐅ ᒥᒋᐃᐧᓂᔦᐠ; ᐁᑯᓯ ᒫᑲ ᑭ ᐃᐦᑭᐣ.

ᒥᓇ ᑭᓭᒪᓂᑐ ᑭ ᐃᑌᐧᐤ, ᒫᐦᑎ ᑭᑕ ᐊᔮᐊᐧᐠ ᑫ ᐋᐧᓭᔮᓯᑫᒋᐠ ᐁ ᓇᔦᐊᐧᑕᑯᑌᐠ ᑭᓯᐠ, ᑭᑕ ᐱᐢᑭᐦᑎᓂᑳᑎᐠ ᑭᓯᑳᐤ ᑎᐱᐢᑳᕽ ᐅᐦᒋ; ᑭᔮᒼ ᒫᑲ ᐁᐊᐧᑯᓂᐠ ᑭᑕ ᑭᐢᑭᓇᐋᐧᒋᐦᒋᑲᓂᐃᐧᐊᐧᐠ ᒥᓇ ᑭᑕ ᐅᐦᒋ ᐋᔨᐢᐱᑖᐊᐧᕽ, ᒥᓇ ᑭᑕ ᑲᑭᓯᑳᐠ, ᒥᓇ ᑭᑕ ᐊᔭᐢᑭᐊᐧᕽ

ᒥᓇ ᑭᓭᒪᓂᑐ ᑭ ᐃᑌᐧᐤ, ᒫᐦᑎ ᐊᐢᑭ ᑭᑕ ᓂᐦᑖᐃᐧᑭᐦᑖᒪᑲᐣ ᒪᐢᑯᓯᔭ, ᒥᓇ ᒥᓂᓵᐦᑎᐠ ᒥᓇ ᑳ ᓵᑲᐢᑭᐠ ᑫ ᓂᐦᑖᐃᐧᑭᐦᒋᑫᒪᑲᕽ ᑫ ᒥᓂᓯᐃᐧᐟ ᐁ ᑐᐃᐧᑳᓂᐃᐧᐟ, ᑎᐱᔭᐤ ᑫ ᓂᐦᑖᐃᐧᑭᐦᐃᓱᐟ ᐊᐢᑭᕽ; ᐁᑯᓯ ᑭ ᐃᐦᑭᐣ.

ᑭᓭᒪᓂᑐ ᒫᑲ ᑭ ᐅᓯᐦᑖᐤ ᐁ ᓇᔦᐊᐧᑕᑯᑌᐠ, ᐁᑯᓯ ᑭ ᐱᐢᑭᐦᑎᓇᒼ ᐊᓂᐦᐃ ᓂᐱᔭ ᓯᐹ ᑳ ᓇᔦᐊᐧᑕᑯᑌᐠ ᑳ ᐊᔮᑭ, ᐊᓂᐦᐃ ᓂᐱᔭ ᐅᐦᒋ ᐃᐢᐱᒥᕽ ᐃᓯ ᑳ ᓇᔦᐊᐧᑕᑯᑌᐠ ᑳ ᐊᔮᑭ; ᐁᑯᓯ ᒫᑲ ᑭ ᐃᐦᑭᐣ.

ᐁᑯᓯ ᐊᐢᑭ ᑭ ᓂᐦᑖᐃᐧᑭᐦᑖᒪᑲᐣ ᒪᐢᑯᓯᔭ, ᒥᓇ ᑳ ᓵᑲᐢᑭᐠ ᑳ ᓂᐦᑖᐃᐧᑭᒋᑫᒪᑲᕽ ᐁ ᑐᐃᐧᑳᓂᐃᐧᐠ, ᒥᓇ ᒥᐢᑎᐠ ᑳ ᒥᓂᓯᐃᐧᐟ ᑎᐱᔭᐤ ᑳ ᓂᐦᑖᐃᐧᑭᐃᓱᐟ, ᐁ ᑐᐃᐧᑳᓂᐃᐧᐟ; ᐁᑯᓯ ᑭᓭᒪᓂᑐ ᑭ ᐋᐧᐸᐦᑕᒼ ᐁ ᒥᔮᐧᓯᐠ.

ᐁᑯᓯ ᑭᓭᒪᓂᑐ ᑭ ᐅᓯᐦᐁᐤ ᓂᓱ ᐁ ᑭᐦᒋ ᐋᐧᓯᓱᔨᐟ; ᐊᓇ ᐊᔨᐋᐧᐠ ᑳ ᑭᐦᑳᔮᓴᐁᐧᐟ ᑭᑕ ᑎᐯᔨᐦᑕᕽ ᑭᓯᑳᐤ, ᐊᓇ ᒫᑲ ᓄᐦᑕᐤ ᑳ ᐃᐢᐱᑖᓴᐁᐧᐟ ᑭᑕ ᑎᐯᔨᐦᑕᕽ ᑎᐱᐢᑳᐤ; ᐊᒐᐦᑯᓴ ᒥᓇ ᑭ ᐅᓯᐦᐁᐤ.

ᒥᓇ ᑭᓭᒪᓂᑐ ᑭ ᐃᑌᐧᐤ, ᒫᐦᑎ ᓂᐱᔭ ᓯᐹ ᑭᓯᑯᕽ ᑳ ᐊᔮᑭ ᐯᔭᑲᐧᓄᕽ ᑭᑕ ᒫᐊᐧᓴᑯᐸᔨᐊᐧ ᒥᓇ ᑭᔮᒼ ᐊᓂᒪ ᐹᑲᐧᐢᑲᒥᐠ ᑭᑕ ᓄᑲᐧᐣ; ᐁᑯᓯ ᑭ ᐃᐦᑭᐣ. ᒥᓇ ᑭᓭᒪᓂᑐ ᐊᐢᑭ ᑭ ᐃᓯᔨᐦᑳᑕᒼ ᐊᓂᒪ ᐹᑲᐧᐢᑲᒥᐠ; ᒥᓇ ᐁ ᑭ ᒫᒪᐃᐧᐸᔨᑭ ᓂᐱᔭ ᑭᐦᒋᑲᒥ ᑭ ᐃᓯᔨᐦᑳᑕᒼ; ᐁᑯᓯ ᑭᓭᒪᓂᑐ ᑭ ᐋᐧᐸᐦᑕᒼ ᐁᐊᐧᑫᐧᔨᐤ ᐁ ᒥᔮᐧᓯᓂᔨᐠ.

ᐁᑯᓯ ᑭᓭᒪᓂᑐ ᑭ ᓴᐁᐧᔨᒣᐤ, ᐁ ᐃᑌᐧᐟ, ᐃᐧ ᒥᔪ ᓂᐦᑖᐃᐧᑭᐦᐃᑐᐠ ᒥᓇ ᐃᐧ ᒥᐦᒉᑎᐠ, ᒥᓇ ᓵᑲᐢᑭᓇᐦᑖᐠ ᓂᐱᔭ ᑭᐦᒋᑲᒥᕽ, ᒥᓇ ᑭᔮᒼ ᑳ ᐸᐹᒥᔮᐠ ᑭᑕ ᐃᐧ ᒥᐦᒉᑎᐤ ᐊᐢᑭᕽ.

ᒥᓇ ᑭᓭᒪᓂᑐ ᑭ ᐃᑌᐧᐤ, ᒫᐦᑎ ᐊᐢᑭ ᑭᑕ ᓂᐦᑖᐃᐧᑭᐦᑖᒪᑲᐣ ᐁ ᐱᒫᑎᓯᔨᐟ ᐅᓯᐦᒋᑲᓇ ᐁ ᑐᐃᐧᑳᓂᐃᐧᔨᐟ, ᐊᐊᐧᑳᐣ ᒥᓇ ᑫ ᐱᒥᑖᒋᒧᒋᐠ, ᒥᓇ ᐊᐢᑭᐃᐧ ᐱᓯᐢᑭᐤ ᐁ ᑐᐃᐧᑳᓂᐃᐧᐟ; ᐁᑯᓯ ᒫᑲ ᑭ ᐃᐦᑭᐣ.

ᒥᓇ ᑭᓭᒪᓂᑐ ᑭ ᐃᑌᐧᐤ, ᒫᐦᑎ ᐊᓂᐦᐃ ᓂᐱᔭ ᑭᑕ ᐁᐧᔪᒋ ᓂᐦᑖᐃᐧᑭᐦᐁᐊᐧᐠ ᐊᓂᐦᐃ ᐅᓯᐦᒋᑲᓇ ᐁ ᐊᐧᐢᑲᐃᐧᔨᐟ ᒥᓇ ᐁ ᐱᒫᑎᓯᔨᐟ, ᒥᓇ ᑫ ᐸᐹᒥᔮᐟ ᐊᐢᑭᕽ ᐃᐢᐱᒥᕽ ᐃᓯ ᓇᔦᐊᐧᒋᑭᓯᑯᕽ.

ᐁᑯᓯ ᒫᑲ ᑭᓭᒪᓂᑐ ᑭ ᐅᓯᐦᐁᐤ ᐊᐢᑭᐃᐧ ᐱᓯᐢᑭᐊᐧ ᐁ ᑐᐃᐧᑳᓂᐃᐧᔨᐟ ᒥᓇ ᐊᐊᐧᑳᓇ ᑳ ᑐᐃᐧᑳᓂᐃᐧᔨᐟ, ᒥᓇ ᑲᐦᑭᔭᐤ ᑳ ᐸᐹᒥᑖᒋᒧᐟ ᐊᐢᑭᕽ ᐁ ᑐᐃᐧᑳᓂᐃᐧᐟ; ᐁᑯᓯ ᑭᓭᒪᓂᑐ ᑭ ᐋᐧᐸᐦᑕᒼ ᐁ ᒥᔮᐧᓯᐠ.