Iivesi zeBhayibhile ezithandwayo ezisuka ILUKU 23

Share

Ụka ọọwa, iJisọsị raabwọ ha Ohe Oluhye chajị nya angịlẹ kị nwọọ ụ-ụwa yẹkẹẹ, “Ohe Oluhye Adada, chuchuu, hịnyọhi ọhọbịrị nya angịwẹ haa, chajị ịwa ayịdang á jẹ́ ang ọlẹ kị wẹẹ họ datị kpong-kpong ka.” Ụka kị gwoo iloo kpá lẹ, ịsọja ịwẹ a go ịwụrụ nya iJisọsị gịla awụlẹ, juwa diwo jwaa ụ-ụwa lẹlẹ.

IJisọsị wẹ byoo yẹkẹẹ, “Nya ịlẹhị-ịlẹhị, m bying yẹkẹẹ, alẹ oleeri ọlẹ, am bala ahụ ka bá hụhụ la awụlẹ ẹ-ẹpwụ nya okpunyi ọlẹ ká Ohe Oluhye nwụlanọ gbe angịlẹ kọ chịda ọlẹ kị wụrụ ‘ịParadayịsị.’ ”

Ụka kọ yalibyi la ọngọ oheeye nyamwụ kpá lẹ, ọ byi iJisọsị yẹkẹẹ, “Ayịbahị iJisọsị ee, Aa chuchuu, ká kpịtịya nyam ụka ọlẹ ká ka tịrẹkpẹ warị la ọngịrị nya adịrahụ oriri nyang chẹẹ mẹ, Adam!”

Ọọwa lẹ, iJisọsị a chị eko la omyi o-gboo yẹkẹẹ, “Ahụ Ohe Oluhye Adam ee, Ahụ, m lẹẹ, tụụbwọ hi olegu nyam ju ụ-ụbwọ lẹlẹ!” Ịnyị, ụka ká iJisọsị ya ịnyị kpá lẹ, ọ chị ẹjẹ lẹlẹ.

Ịnyị, ụka kị kpa iJisọsị jẹ pwụ ẹga ọlẹ kị wụrụ ịKalavarị ká etu nyamwụ ri “ogo nya egbeju” lẹ, ị gwoo iloo ba okoji ụ-ụwa lẹlẹ. I gu angị inyibyi ịwẹ iloo ba okoji ụ-ụwa ịkịka nya iJisọsị ịnyịnyị. Ọngọhẹ ji koye upwuriri nya iJisọsị. Ọngọkịla ji koye ụpụpịla nyamwụ.

Ụka ká oje iwo kụrụ imiiye nya ẹnụ họ lẹ, ukpowu ọtụka-ọtụka a chị kpem-kpem ụ-ụwa ọ-ọpyị nya ala iJuu wuu gbee ju ka ụka nya oje ịta nya obyi lẹlẹ. Ịnyị, apwụ ọtụka ọlẹ kị ya ke ẹ-ẹpwụ nya ube ọlịgọgọ ọgụgụ olube ịgọgọ ọtụka nya Ohe Oluhye nya ala iJuu, a gu ene imiiye bwu uhye-ọgba lalala kaka gu eji lụka ọọwa lẹlẹ.

Ọọwa lẹ, ụka ká olegbeju ọgbahị nya ịsọja ohu ịrụ ọlẹ kọ godayị rịrị ụ-ụwa, yẹ ịngịịwẹ wuu kị họ lẹ, ọ juwa gwogbo ha Ohe Oluhye, juwa yẹkẹẹ, “Nya ẹla nya ịlẹhị ịnyị! Ọlẹng ọlẹ a ri oku lẹ! Ọ́ da ẹlẹlẹhẹ onyobyi ka ịnyịlẹhị!”