Iivesi zeBhayibhile ezithandwayo ezisuka WƖAA DƖ-SUOMUŊ 1

Share

Ŋɩɩ nɛ Wɩa bɩra bʋl, “Leŋ dɩ la ŋaa nuhuobiine dɩ ʋ nagɛla, a leŋ dɩ ʋ tɩɩ chenfile-la sɩ hɛ mʋgʋ-balɩŋ tʋɔŋ arɩ fille-la kala sɩ hɛ wɩa-nyuŋ arɩ pʋsʋ-la kala sɩ hɛ tinteeŋ arɩ tintee-tuuroo kala.” Ŋɩɩ nɛ Wɩa ŋaa nuhuobiinee ba nagʋ, baal arɩ haal.

Wɩa pɛ ba lɛ aŋ bʋla pɩba, “Má kɛŋ doho a pʋŋa su tinteeŋ, má tɩɩ kʋŋ na-kala sɩ hɛ mʋgʋ-balɩŋ arɩ fille-la kala sɩ hɛ wɩa-nyuŋ arɩ kɩalɩŋ kala sɩɩ tuuri tinteeŋ.”

Dɩ-suomuŋ Wɩa ŋaa wɩa-nyuŋ arɩ tinteeŋ nɛ.

Dʋnɩa fa bɩ kʋŋkala naga, ʋ fa pɩŋ hoi nɛ. Leriŋ kala fa bire nɛ, ka Wɩa Dɩma zɩzaarɛ lɩɩŋ nyuŋ.

Ŋɩɩ nɛ Wɩa bʋl, “Leŋ dɩ pʋlʋmʋŋ chaanɛ,” ŋɩɩ nɛ ʋ chaanɛ.

Ŋɩɩ nɛ Wɩa bee na kɩalɩŋ kala ʋ sɩ ŋaa dɩ ba zɔmɔ woruŋ. Ŋɩɩ nɛ wɩa jʋʋ dɩdaanɩŋ, taŋ pʋl chʋchʋɔŋ, chɛ-dʋmʋŋ nɛ ŋɩɩ.

Wɩa na pʋlʋmʋŋ zɔmɔ, ʋ kɛŋ pʋlʋmʋŋ arɩ birimiŋ kaa pɔrɛ dɔŋɔ lɛ.

Ŋɩɩ nɛ Wɩa bʋl, “Mɩ joŋ kʋnɛnɛɛ arɩ tɩɩnɛnɛɛ kala pɩma nɛ, ba jaŋ ŋaa ma kʋdiilee.

Ŋɩɩ nɛ Wɩa kɛŋ pʋlʋmʋŋ kaa yɩyɩrɛ wɩɩhɛyɛ aŋ kɛŋ birimiŋ ma yɩyɩrɛ tɩtaŋɩŋ. Wɩa jʋʋ dɩdaanɩŋ, taŋ pʋl chʋchʋɔŋ, chɛ-bumbuŋ nɛ ŋɩɩ.

Ŋɩɩ nɛ Wɩa bʋl, “Leŋ dɩ lɩɩŋ kpaa balɩa aŋ ka wuoluŋ pɩŋ.”

Mɩ joŋ pɩpaarɩŋ arɩ yaŋ a pɩ bagɩlaa, pʋsʋŋ, tinteeŋ tuuroo arɩ fillee kala sɩ hɛ wɩa-nyuŋ. Kɩalɩŋ kala sɩɩ wiesu, kɩaa deemba nɛ jaŋ ŋaa ba kʋdiilee. Ŋɩɩ sɛnɛ ŋaa.”

Ŋɩɩ nɛ Wɩa bɩra bʋl, “Leŋ dɩ pʋlʋmʋŋ chaanɛ wɩa-nyuŋ a kɛŋ wɩɩhɛyɛ arɩ tɩtaŋɩŋ pɔrɛ dɔŋɔ lɛ, a magɩlɛ tapʋlaa, chɛnsɩŋ arɩ jɩsɩŋ dɩ-suomuŋ

Ŋɩɩ nɛ Wɩa bʋl, “Leŋ dɩ kʋŋkala sɩɩ nɛŋ, yaŋ arɩ tɩɩsɩŋ, nyʋ.” Ŋɩɩ sɛnɛ ŋaa.

Ŋɩɩ nɛ ʋ kpaa, aŋ ka wuoluŋ, dɔŋɔ hɛ nyuŋ, dɔŋɔ ma hɛ bʋbʋɔŋ.

Ŋɩɩ nɛ yaŋ arɩ tɩɩsɩ-la nyʋ a kɛŋ doho. Ʋ na dɩ ba kala zɔmɔ.

Ŋɩɩ nɛ Wɩa ŋaa pʋlʋŋ balaa balɩa, ba tʋɔŋ kʋbalɩŋ pʋpɔsɛ wɩɩhɛyɛ, ka kʋbie ma pʋpɔsɛ tɩtaŋɩŋ, a ŋaa chɛnwʋlaa ma.

Ŋɩɩ nɛ Wɩa bʋl, “Leŋ dɩ lɩɩŋ kala sɩ hɛ bʋbʋɔŋ kʋ hɛ dɔŋɔ lɛ aŋ ka tintee-hɩlɩŋ,” ŋɩɩ nɛ ʋ ŋaa. Ŋɩɩ nɛ Wɩa kɛŋ dɩ-hɩlɩɩ-la kaa yɩyɩrɛ tinteeŋ aŋ kɛŋ lɩɩ-la sɩ hɛ bʋbʋɔŋ ma yɩyɩrɛ mʋgʋ-balɩŋ. Wɩa na dɩ ʋ zɔmɔ.

Wɩa pɛ ba lɛ aŋ bʋl, “Má pʋŋa su lɩɩŋ kala aŋ ka fillee ma pʋŋa su tinteeŋ.”

Ŋɩɩ nɛ Wɩa bʋl, “Leŋ dɩ bagɩlaa arɩ pʋsʋŋ kala arɩ kɩalɩŋ kala sɩɩ tuuri tinteeŋ kɛŋ doho.” Ba kala hɛ nɩmɛ a kɛŋ doho. Ŋɩɩ sɛnɛ ŋaa.

Ŋɩɩ nɛ Wɩa bʋl, “Leŋ dɩ kɩalɩŋ sɩ jaŋ hɛ lɩɩŋ tʋɔŋ a kɛŋ mɩɩsɩŋ kɔ, dɩ wɩa-nyuŋ fillee maa zaarɛ.”

Wɩa sɩ ŋaa ba kala, ʋ tʋɔŋ tɔrɛ ba nyuŋ.