Iivesi zeBhayibhile ezithandwayo ezisuka MATIUS 5

Share

Nimi hnon wesaʾ diniwoka mek gokna hmeiya lomok sam goʾ doknowoka beilinggulumak. Alda nim e lomok sam ulumeija nimi nidyaʾ yeblesululaʾ aboka laga diniwoka beillilimak. Anasonya neikek, ugunja dilinaʾ era nimi yok nim edyaʾ hogung ek sam laga yeblelulum. Dara ban adya, nimi yok nim era ugunja pe unulumunaʾ anyek, eiyiboka pelemak aboka, ugunja neyung be imik heikek ululanya bek gigilemnemak.”

”Ugunda sokok an dilinaʾ ululum. Mok soko meinik sam soseng heik era, goʾ doknowamenggom ulumla.

Nimi geisa ganya boboka ulumak nim era, Imik Neyung bek eibnemak anasa, pe ulumak!

Nimi gwaneng ok anaso uboka, Imik Neyung adya senelelanya nenyek hyak unulunob senelemak nim era, Imik Neyung adya sikenek gigiwoka eleganesil bok anasa, pe ulumak!

Bok wenera nadya ugunuk lebnesinaʾ ara, Ugunja isaʾ nang ek wanaʾ ulumunukanya, ugunuk lek senelesak nim emba heng uboka Imik Neyung ak mololelulum.

”Nimi hnon, nara ganya garan denaʾ nim enyaʾ senewoka ulumak nim era, sikda Imik Neyung wenesin heikek ulumnemakaʾ anasa, pe ulumak!

Nimi yuba sekoka hillilisak nim era, Imik Neyung adya ban ununanya nemba leboka pe laga nadya mabo henesilaʾ anasa, pe ulumak!

Igin ganya bolomak nim era, Imik Neyung adya sikenek ganya sangab eleganesil bok anasa, pe ulumak!

Nimi Imik Neyung adya senelelanya nenyek pe unulumakaʾ amba igina kweboka gweklemak nim era, sikda Imik Neyung wenesin heikek ulumnamakaʾ anasa, pe ulumak!” hyok.

Nimi yok nim ek angoo yadyek senewoka aralasak nim era, Imik Neyung adya sikbabya lunuwoka angoo senewoka arawanasil bok anasa, pe ulumak!

”Ugunda nasamba leboka yok nim edya ugunuk malya nenewoka, oboka, derewoka walasak dara, ugunda pe ululum. Ugun orokaʾ wenyek, ununumnaʾ lelemek nang eneba unu nauba olosik. Anasa, ugunuk neik so waboka obnesak dara, Wenelesilnya bedya ugunsamba deknaʾ beillilesilaʾ ara nauba anasa, ei-ei ganya boboka glololulum,” hyok.

Nimi ganya siklewoka namen ulumak nim era, Imik Neyung adya sikenek yoka unuwanasin amoknya nera gigiwoka unuwanasil bok anasa, pe ulumak!

”Ugun nong ak dara, sokok garam ululum! Garam ara angawom anaʾ anyek denghen dara, onsok saaboka angawom henemso de? Perob gom anasa, nim adya bobogoka yan ingib sabneseng.”

Ugunja neyung be imik heikek ululanya bera, hyak perob ok unulamla anasa, ugumbabya pe ganya kaboka perob ok unulumnulum,” hyok.

Yokaʾ-yokaʾ nauba dara, bisaʾ ak ab yalamla anasa, Yo gom, Orok gom, ok leblulum,” hyok.

”Ugunda yuba hnon ella ululumaʾ ara, henga soldowegeija dara, alba heng ak dirigolulum, si doluwegeija dara, alba si ak dirigolulum an yub ella ululum. Bok wenyek dara, nara ugunuk ban dib lebnesin, Ugunuk malya ulusak nim ek lunuwoka sikbabya onggom, mem. Alda nim adya ugunuk sirik sum ak waboka obsija dara, waneng sum eneba or obsululum aboka elegolulum.

Anjaʾ sirik heng enedya eiyiboka malya ul eleklenggelya dara, wera heng era kweboka boboganalam. Dara nong yokaʾ ak hnonok leboka deng an dara perob bok, ugunja nong gekman uka desin heikek goksilyek aboka lebna. Dara alda anjaʾ sirik soruk edya anak malya ul eleklenggelya dara, soruk era garabdangoka boboganalam. Nong gekman uka desin heikek gokgelyek anasa, soruk ak darasam leboka bobokdangoka ulumen dara, perob so ulumnesom,” hyok.