Iivesi zeBhayibhile ezithandwayo ezisuka Chiyambo 1

Share

Ndipo Chiuta wanguti, “Tiyeni tilenge munthu mu chikozgu chidu, wakukozgana nafwe; ndipo watufuliye somba zamu nyanja ndi viyuni vya mude, ndi ng'ombe ndi pa charu chose chapasi; ndi pa chakukwaŵa chose cho chikwaŵa pa charu chapasi.” Viyo Chiuta wangulenga munthu mu chikozgu cha mweneko, mu chikozgu chaku Chiuta ndimu wangumulenge; munthurumi ndi munthukazi wanguŵalenga.

Ndipo Chiuta wanguŵatumbika, ndi wanguti kwaku wo, “Papanane ndi mwandane, ndi muzaze charu ndi muchithereske, ndipo muŵe ndi mtufu pa somba zamu nyanja, ndi pa viyuni vya mude, ndi pa chamoyo chose cho chitenda pa charu chapasi.”

Mu chiyambo Chiuta wangulenga kuchanya ndi charu chapasi.

Charu chapasi chengavi kanthu ndi chenga chambuuya; ndipo mdima wenga pachanya pa ndimba; ndi mzimu waku Chiuta waŵatamanga pa maji.

Ndipo Chiuta wanguti, “Kuŵi ukweru”; ndipo kunguŵa ukweru.

Ndipo Chiuta wanguwona chose cho wanguchita, ndipo chenga chamampha ukongwa. Ndipo kwenga mazulo, ndi kwenga mlenji, zuŵa la chinkhonde ndi chimoza.

Ndipo Chiuta wanguwona kuti ukweru wenga wamampha, ndi wangupatuwa ukweru ku mdima.

Ndipo Chiuta wanguti, “Awonani ndakupaskani mbeu yose yakupasa chipasi yo yepa charu chose chapasi, ndi muti we wose wakuŵa ndi nje mu chipasi chake vikaŵanga kurgha kwinu.

Chiuta wangudana ukweru, msana ndi mdima wangudana, usiku. Ndipo kwenga mazulo ndi kwenga mlenji, zuŵa limoza.

Ndipo Chiuta wanguti, “Uŵepo mtambo pakati pa maji ndi upatuwe maji ku maji.”

Ndi ku nyama yose ya pa charu chapasi ndi ku chiyuni chose cha mude ndi ku chose chakukwaŵa ndi chakuŵa ndi mvuchi wa umoyo, ndapereka chakume chose chiŵisi kuŵa chakurgha.” Ndipo kunguŵa viyo.

Ndipo Chiuta wanguti, “Ghaŵepo malumbuni mu mtambo kuchanya, ghakupatuwa msana ku usiku; ndipo ghaŵenge gha visimikizgu ndi gha zinyango ndi gha mazuŵa, ndi virimika

Ndipo Chiuta wanguti, “Charu chibuske vyakume, mbeu yakupasa vipasi, ndi miti yakupasa vipasi mwaku vyo mwe nje zake, we wose kwakuyana ndi mtundu wake, pa charu.” Ndipo kunguŵa viyo.

Ndipo Chiuta wanguchita mtambo ndi wangupatuwa maji gho ghenga pasi pa mtambo ku maji gho ghenga pachanya pa mtambo. Ndipo kunguŵa viyo.

Charu chingubuska vyakume, mbeu yakupasa vipasi vyakuyana ndi mtundu wake, ndi miti yakupasa vipasi mwaku vyo mwe nje zake, we wose kwakuyana ndi mtundu wake. Ndipo Chiuta wanguwona kuti kwenga kwamampha.

Ndipo Chiuta wanguchita malumbuni ghaŵi ghakuru, lumbuni likuru kuwusa ndi msana, ndi lumbuni limana kuwusa ndi usiku. Wanguchita so nyenyezi.

Ndipo Chiuta wanguti, “Maji gha pasi pa mtambo ghaunjikike pamoza mu malo ghamoza, kuti uwoneke mtunda uyumu.” Ndipo kunguŵa viyo. Ndipo Chiuta wangudana mtunda uyumu, charu, ndi kuunjikana kwa maji wangudana zinyanja: ndipo Chiuta wanguwona kuti nkhwamampha.

Ndipo Chiuta wanguwona kuti chenga chamampha, ndipo Chiuta wanguvitumbika wanguti, “Papanane ndi mwandane, ndi muzaze maji mu zinyanja. Ndipo viyuni vyandane pa charu chapasi.”

Ndipo Chiuta wanguti, “Mu charu muŵe vyamoyo kwakulingana ndi mitundu yawo: ng'ombe ndi vyakukwaŵa, ndi nyama zapa charu chapasi kwakulingana ndi mitundu yawo.” Ndipo kunguŵa viyo.

Ndipo Chiuta wanguti, “Mu maji muŵe vyakutapata vyamoyo, ndipo viyuni viphururuke pachanya pa charu chapasi mude pachanya pa mtambo.”

Ndipo Chiuta wanguchita vinyama vyapa charu chapasi kwakulingana ndi mitundu yawo, ndi ng'ombe nazo kwakulingana ndi mitundu yawo, ndi chose chakukwaŵa pasi pa dongo kwakulingana ndi mtundu wake. Ndipo Chiuta wanguwona kuti chenga chamampha.