Iivesi zeBhayibhile ezithandwayo ezisuka Matiu 5

Share

Puliala maba inio o pakeka ko juke ni mola sau o kati opoeka, melai vota o vaekou ko ṉaviko papupapu topi tu kota ko talolou tu zakaremu ko imou se koa pade ko poro kale amu. Meta soa talolo emo meko kalo kale maba poso kasi tu seta ke kelo meko uri ama iruruputo ni seta ke ilusivou mevo aukale ala Mama,” ma kiolake.

Meta kiadama maba peuru ma peuru kale amu ko zakaremu mela. Ko sopu kale ama peuru ta pui kopa mutailou.

“Keta zoleiva tisoiko se bulebule ama bulo kale ama zario samu, ako seta ke velou sole vo Baṉara.

“Keta zoleiva tisoiko se kekai matu zariani ereko vo Baṉara okai zariako quli, ako vo Baṉara ta o tauvemou se matuvole sole.

Melai aṉata a bazuemela me, meta me roquevou mevo kana ni me mati vararaitou seke naquemelani me.

“Keta zoleiva tisoiko se kekai nianiiani seko ozaoza elo seko auvana kale, ako seta o ṉavi Baṉara ko lekasa puo kale amu sole.

“Keta zoleiva tisoiko se bulezato ko maba madu, ako vo Baṉara ta o ṉaviko meqora poso ma kiovou se sole.

“Keta zoleiva tisoiko se upotuqu ke evani, ako Baṉara ta o patukimou se sole.

“Keta zoleiva tisoiko seke naquivani, seko ereko kale avo vo Baṉara oka zariani, ako seta o ṉavi Baṉara ko lekasa puo kale amu sole.

“Keta zoleiva tisoiko se keta ma akoekani edolomu ko sarueko, ako vo Baṉara ta ota ma akoekou seko sarueko sole.

“Ni meta me zoleilou kiadama taku, so keru maba poso ke mauluemelou keru ni ke naquemelou keru ni ke melai kuirikou keru kiadama lipalipa kama quli kale aṉako luluelo ko kio kale avo. Melai meta matu zoleimo, ako meko reketekete aukale ama ta matu ko elou sole. Ako koa omadeuvo inio lulavo ke imevo jari se poropita madu, ni vo Baṉara ta o katimake se poropita madu matuma reketekete, so sole vota mata o katimelou me matuma reketekete.

“Keta zoleiva tisoiko seke zarazaraivani, ako seta ke kovou sole ko uri ama quli vo Baṉara oma inainaekema.

“Meta kiadama maba peuru ma peuru kale amu ko soloti mela. Ko soloti ta kota ka mumailou koko kava roquroqu tea, maba pui kopa roveovou mata kava elo. Ni koa soloti ta utube ama, so sole kota ko ṉamuilou kupele ni maba poso ta kekai lojolou.

Melai meta uria sidopu emo, ni roquemomo kiadama maba poso meko pado ama bulo kale, omadeuvo jari mevo aukale ala Mama ta sidopu ala ni vota soa roquemo inio o evani sea kiadamu.”

‘Uri’ kimevou ti ‘Uri’ pala kiomo, ‘Pui’ kimevou ti ‘Pui’ pala kiomo, melai meta pui me qasekou mata kama quli, ako kama quli maulu meqai pikou, ta kota vo Setani kasi azo ko kuevako ikio sole.”

Ni vo Jisu ta obeta olake voko bazubazuto kale, ni eri kiolake sekasi, “Meta lula me viqa ko bazu ko eri kikovema, ‘Kala maba ta ota ṉa pazokou kama rana ṉoko vilu, ta mata tava pazoka voko vilu kama rana, ni kala maba ta ota ṉa lopaekou kama pado ṉoko taka, ta mata tava lopaeka kama pado voko taka,’ kikovema. Melai aṉata a bazuemela me, meta pui me besiekou ko ruqe ruqe kale, sole kala maba ta ota ṉa pazokou ṉoko palo rana ari tu o quratiṉo ubutiania, ta mata kativa ṉoko made rana ari tu ota ṉa pazoko.

Ni kama quli ṉoko saevo kale ama ta sarueko saṉa ko iṉou ṉo, ta ṉota ṉo ṉamukou ko. Kota tapata tu ṉamuko ko, melai uri tu ṉamuka, ako matu tapata kio tu ṉoko pado ama saevo ta ko ṉamuilou heli kale sole. Omadeuvo ṉota ṉo ṉamuka jari ṉoko palo rana vilu, ko ruqe ama zario saṉa ko iṉako ṉo, ma ṉota ṉo ṉamuka jari ṉoko palo rana ṉase ko ruqe ama kalo saṉa ko iṉako ṉo. Ako pui uri tu kiadama ṉoko saevo ta ko ṉamuilou heli kale omadeu pado ṉoko ruqe ama kalo ko saruilo kale.”