Iivesi zeBhayibhile ezithandwayo ezisuka Matayi 6

Yabelana

Nzila mwanzajʼishinamwene shakwe Mulungu nuvugolosu vwakwe, vwe vutalile vuvwo, pe muliyaga ṿwonti naṿiniṿi akuvonjezya pamwanya.

Mwe mumwo mutakutanaje nzila iṿwa ndavi, shʼilya ndavi likuyikutanilʼiṿwakwe. Amanda gonti gali nuvupotwe ilʼuvwakwe ilʼuvwakwe.

Mwe mumwo nkuvavuzya nkuti: Mutakutanajʼuvulanzi vwinyu iṿwa kulya niṿwa kungʼwela, havili namavili ginyu aga kuzwala. Nuvulanzi niṿintu, amwe vute vupiti vwe vulanzi, numuvili naga kuzwala, amwe ate mupiti we muvili?

Nkandʼiwe ingʼuvusilʼukuputa, pʼuyinjile muhayumba haho aha kuziho, uyigalile nakushilyango, kwʼuputaje kwa So wʼali kukwilu, pʼuSo wʼakwenya nakwe kukwilu alikupanga.

Ilelʼimwe inga mukuputa pe mutinji: Tata witu wa kumwanya; izina lyaho lifinjilwaje, uvumwene vwaho vwinzaje, zyʼukasimʼiwe zye zivombelwaje napansʼipa fwe kwe kumwanya.

Niṿwa musanyʼunʼiṿintʼutupanje, tuyanane naṿwo.

Uswile namalandu gitu, inza she naswe tukuswilʼamalandu ga vamwitu.

Utahatuvishe mulutazyo, nkandʼutuposhe nakumbivi. [She vwahʼuvumwene, namaha gaho, nuvupiti vwaho wenewe shimashima. Amen.]

Shengʼavantu mukuswilʼamalandu gavo, pe namwʼuSo wa kumwanya wope akuswilʼaginyu.

Simwenyʼinyunyi zya kumwanya. Shʼizyene pope nashe zitakuvwala, nashe zitakuṿuna, nashe munkoma zitakusezezya, popʼuwenʼuSo wa kumwanya akuzizuvilʼiṿintu. Imwe lelo mutakuzilusyʼizyenʼuvugomu?

Mutayilonchelʼiṿwuma iṿwa kulundila munsi umu, mwe ninyenze zikudovola nuvusimu vukulya, mwe naviva vakuhana vakwiha. Simuyilonchelʼiṿwuma iṿwa kulundila kumwanya, kwe ninyenze zitakudovola nuvusimu vutakulya, kwe naviva vatakubana vatakwiva. She kwe shilʼishuma shaho, kwʼali wopʼumwoyo waho.

Numʼatamanyile ukuvavombelʼavamwene vavili. Pamo angamupata wokʼuno, pʼangamukundʼuwamwavʼula; pamo angamwumishizya wokʼuno, pʼangamusyoshelʼuwamwavʼula. Mukupotwʼukuvavombela ve vavili nuMulungu nuvudumbwe.

Apene lelʼuMulungu ingʼazwisile vovulo isole lya mwilala lyʼumusanyʼuno lilipo lye indavi likupwʼulupwa, pʼatinji asitʼukupitilizyʼukuvazwihʼimwe lelo, mwe valwitihʼulupupusʼimwe?

Nkandʼiwe ingʼuvusilʼukuvapʼavantu iṿwa shikunzi, pʼumuhono waho wa kumumongo atalolaje huho hʼakuvombʼuwamwavo wa kumulilo, iṿwa shikuku ṿwaho ṿivanje ṿwa kukwilu. PʼuwenʼuSo wʼakwenya nakukwilu alikulipila.

Mwandaje lelo izya vugolosu vwinyu mutazivombelaje mwe vakwenyʼavantu, lwe mukuti vasukumilaje vuvo, shenga lwe mukuhonzya vovulo, pe mutali niṿwa kuvalipila uSo kumwanya.

Shenga mukufungʼiṿwa kulya, mutayiholanyaje navalumilenga ve vakuyiswimilizya kuminso shʼavene vakuyigalula kuṿweni she vakuti, mwe vatumanyilajʼavantu ukuti vafunzilʼiṿwa kulya shinishi. Nalyoli lyoli nkuvavuzya nkuti: Vayinyatuliye nzila iṿwa kuvalipila. Nkandʼiwe ingʼukufungʼiṿwa kulya, pʼupahalaje kwitwe, ugezaje nakuminso, ukuti avantu vatamanyaje ukuti ukufungʼiṿintu, akumanyaje weka we So wʼali kukwilu. PʼuSo wʼakwenya nakukwilu alikulipila.