Iivesi zeBhayibhile ezithandwayo ezisuka Ipakilya 1

Share

N’awulyi Anyambyè inè: Azwè ga vang’ôma gw’edidi zazô, ni nt’ar’egolaṉi zazô, ko waô pangiṉ’intyuwè si mbeṉe, n’inyoṉi s’ôrôṽa, n’inyam̃a, n’ezom̃’edu gô ntye, n’eza zi dandalanda gô ntye. N’avangi Anyambyè ôma n’egolaṉi zèmè; avangyè yè n’egolaṉi z’Anyambyè; avangi yè ôṉôm̃e n’ômwantô.

N’azaviṉô waô n’Anyambyè, n’awulinyô waô ne Anyambyè inè: Yaṉaṉi ko buṉaṉi, ayônye ntye, n’avangiṉa yô; lwaṉaṉi ewônjô gôr’intyuwè si mbeṉe, na gôr’inyoṉi s’ôrôṽa na gôr’evuginy’edu zi dandalanda gô ntye.

Gw’ipakilya avangi Anyambyè ôrôṽa ni ntye.

Ni ntye y’avegag’eyangeyang’erevô; ni mpiri y’avegagi g’ôzô w’ôronga, n’iṉiṉa ny’ Anyambyè ny’avegagi g’ôlômba w’aṉingô.

N’awulyi Anyambyè inè: Ga lwaṉ’ôzange, n’arweṉ’ôzange.

N’ayeṉi Anyambyè ezom̃’edu z’avangyô yè; na vôna, z’avegag’eṽya pôlô. N’arweṉi nkôlô, n’arweṉi kè ibanga: yô ne ntyugu y’ôrôṽa.

N’ayeṉi Anyambyè ôzange inè, wi r’ômbya; n’ageri Anyambyè ôzange avila gô mpiri.

N’awulyi Anyambyè inè: Vôna, mi pa ṉwè agônjô môdu mi jaṉ’ilônda mi re g’ôzô wi ntye yôdu, n’erery’edu zi re n’ilônda y’erere g’ôkuṽi wèmè na zi jaṉ’ilônda; ziṉo zi be dwaṉ’inya gôre ṉwè.

N’aweyi Anyambyè ôzange inè, ôm̃anda, aweye mpiri inè, ôgwèra; n’arweṉi nkôlô, n’arweṉi kè ibanga: yô ne ntyugu nônga.

N’awulyi Anyambyè inè: Ga lwaṉ’igom̃a gô gare y’aṉingô; nyi ga ger’aṉingô avila gw’aṉingô.

Na gô nyam̃y’edu yi ntye, na gô nyony’edu y’igôṉô, na gw’ezom̃’edu zi dandalanda gô ntye, zi re n’ômwèy w’em̃èṉo, mi pa sô agônjô ambezô môdu gô nya; n’arweṉi yeṉo.

N’awulyi Anyambyè inè: Ga lwaṉe izange gw’igom̃a ny’ôrôṽa gô ker’ômanda avila g’ôgwèra; yi ga lwaṉe vo lemba ni gômbe v’intyugu n’impum̃a

Avila vovo awulyi Anyambyè inè: Ntye yi ga yaṉe am̃aṉi, agônjô mi jaṉ’ilônda, n’erere z’ilônda zi jaṉ’ilônda ôṉongo wèmè, ilôndi yè yi re gô zômè gô ntye; n’arweṉi yeṉo.

N’avangi Anyambyè igom̃a, ager’aṉingô m’avegagi g’ôdôlôngô w’igom̃a avila gw’aṉingô m’avegagi gw’igôṉô ny’igom̃a; n’arweṉi yeṉo.

N’ayaṉi ntye am̃aṉi, agônjô mi jaṉ’ilônda ôṉongo wèmè, ni rere yi jaṉ’ilônda yi jaṉ’ilônda yômè ôṉongo wèmè. N’ayeṉi Anyambyè inè, yô yi re mbya.

N’avangi Anyambyè izang’impôlô imbaṉi: ôzange ômpôlômè gô pangiṉ’ôm̃anda, n’ôzange ômwangô gô pangiṉ’ôgwèra; n’avangi yè igègèṉi kè.

N’awulyi Anyambyè inè: Aṉingô mi re g’ôdôlôngô w’ôrôṽa mi ga lataṉe gô mbôra mô, ko ntye ya kaka bôm̃unya; n’arweṉi yeṉo. N’aweyi Anyambyè mbôra ya kaka inè, ntye; n’idataṉa ta s’aṉingô aweyi sô inè, intyuṽa. N’ayeṉi Anyambyè inè, yô yi re mbya.

N’azaviṉô yô n’Anyambyè inè: Yaṉaṉi ko buṉaṉi, ayôny’aṉingô gô ntyuṽa ralyè; n’inyoṉi si ga wuṉe gô ntye.

N’awulyi Anyambyè inè: Ntye yi ga wuṉiz’inyam̃a sa bo ôṉongo wè, n’inyare, ni ya yi dandalanda, n’inyam̃a si ntye ôṉongo wè; n’arweṉi yeṉo.

N’awulyi Anyambyè inè: Aṉingô mi ga wuṉize vugiṉa yi dandalanda na yi fwel’ômwèy, n’inyoṉi si dôgwa gw’igôṉô nyi ntye gw’igom̃a ny’ôrôṽa.

N’avangi Anyambyè vugiṉa yi ntye ôṉongo wè, ni nyare ôṉongo wè, n’ezom̃’edu zi dandalanda gô ntye. N’ayeṉi Anyambyè inè, yô yi re mbya.