Iivesi zeBhayibhile ezithandwayo ezisuka Ioane 3

Share

Abele absaimarsaimar Ade ra omare gesepem, gako E ikuar abara Uerem netate, epe nole eud kak, abele le abi oituli, mamoro E nagri eded aseamur kak.

Ade nole emarida abara Uerem gesepem ko gesep mer barditug; epe mamoro gesep eded abielam.

Iesu etkalu, a abi detager, kega, Ageakar, ageakar, kaka mari natagere, Ese nerute le nole iako esmeda, E umer kak Ade ra baselaia dasmer.

Abele le abi oituli nole mer barditug abim: abele le nole oatur kak emetu mer barditug abim, abelelam E nole oatur kak abele nei Ade ra Uerem netate.

Abele mer barditug, datki gesepem tabarki, gaire le kupkup laglag tumem datki, abelelam uiaba dorge adud.

E ko bataili, kaka ko ekekeli.

Gaire le adud ikereda, uiaba datki derarteda, a nole datkim tabakeuare, uiaba dorge akmelam.

Abele le Ueremem oituli, E nagri eded aseamur kak: abele le nole Ueremem asor kak, E nole eded asmer kak, epe Ade ra urker abi tumge dikmerik.

Mokakalam Mose taba armem agisilu abele soge purge, pako mokakalam Le la Uerem ko arem agisilu

Abet abele Uerem omare, a gaire lu uridili abi tagem aisuer.