Iivesi zeBhayibhile ezithandwayo ezisuka iEksodus iEksodus 16

Share

Bathi oonyana bakaSirayeli kubo, Ukuba besife sisandla sikaYehova ezweni laseYiputa, xa sasihleli ngasezimbizeni zenyama, sidla izonka ezininzi; ngokuba nisikhuphele kule ntlango, ukuze nilibulale lonke eli bandla ngendlala. Wathi uYehova kuMoses, Uyabona, ndiya kunisa isonka siphuma ezulwini; yaye abantu bayaphuma baze baqokelele umlinganiselo othile imihla ngemihla, ukuze ndibavavanye enoba baya kuhamba emthethweni wam okanye akunjalo kusini na.

Labakrokrela ooMoses noAron lonke ibandla loonyana bakaSirayeli entlango apho.

Wathi uMoses, Ekuninikeni kukaYehova inyama ngokuhlwa, noyidla, woninika ngomso isonka nenyama; ngokuba uYehova uyakuva ukukrokra kwenu enikhala ngako. Kwaye siyintoni? anixhalabelanga thina, kodwa nimkhalazela uYehova.

Ndikuvile ukukrokra koonyana bakaSirayeli. Uthethe kubo uthi, Lakutshona ilanga nodla inyama, ngomso nodla isonka; nazi ukuba ndinguYehova uThixo wenu.