Iivesi zeBhayibhile ezithandwayo ezisuka iEksodus iEksodus 17

Share

Wasiphakamisa uMoses isandla sakhe, boyisa oonyana bakaSirayeli; wathi akuthambathisa isandla sakhe, kweyisa uAmaleki. Zaba nzima ke izandla zikaMoses; Bathabatha ilitye, balibeka phantsi kwakhe, wahlala phezu kwalo; Baziphakamisa ooAron noHure izandla zabo, omnye engapha, omnye engaphaya; zaza izandla zakhe zomelela lada latshona ilanga.

Yabona, ndiya kuma nawe khona, phezu kweliwa laseHorebhe; yaye uya kulibetha iliwa, kuphume amanzi kulo ukuze basele abantu. Wenjenjalo ke uMoses phambi kwamadoda amakhulu akwaSirayeli. Wathi igama laloo ndawo yiMasa neMeribha, ngenxa yengxabano yoonyana bakaSirayeli, nangenxa yokubuza kwabo kuYehova, besithi, uYehova uphakathi kwethu, akakho, kusini na?