Iivesi zeBhayibhile ezithandwayo ezisuka uLuka uLuka 23

Share

Wathi ke uYesu, Bawo, baxolele; kuba abayazi into abayenzayo. Babelana ngeengubo zakhe, benza amaqashiso.

uYesu wathi kuye, Inene, ndithi kuwe, Namhlanje uya kuba nam eParadisi.

Wathi kuYesu, Uze undikhumbule, Nkosi, xa uthe weza usebukumkanini bakho.

Wadanduluka ngezwi elikhulu uYesu, wathi, Bawo, ndiyawunikela ezandleni zakho umoya wam. Akuba etshilo, waphuma umphefumlo.

Bakufika kwindawo leyo kuthiwa luKakayi, bambethelela emnqamlezweni khona apho uYesu, kwanabenzi bobubi abo, omnye ngasekunene, nomnye ngasekhohlo.

Ke kaloku, kwakumalunga nelixa lesithandathu, kwaza kwakho ubumnyama phezu kwawo umhlaba uphela, kwada kwalilixa lesithoba. Laba mnyama ilanga, lasuka ikhuselo lengcwele lakrazuka kubini.

Ke kaloku umthetheli-khulu, akukubona okuhlileyo, wazukisa uThixo, esithi, Inene, lo mntu ubelilungisa.