Iivesi zeBhayibhile ezithandwayo ezisuka IsiThyilelo IsiThyilelo 22

Share

Mna ndinguAlfa no-Omega, isiqalo nesiphelo, owokuqala nowokugqibela.

Yabona, ndiyeza kamsinya; umvuzo wam unam, wokuba ndivuze elowo njengoko umsebenzi wakhe uya kuba njalo.

uMoya nomtshakazi bathi, Yiza. Lowo uvayo makathi, Yiza. Lowo unxaniweyo makeze; nosukuba ethanda, makawathabathe amanzi obomi ngesisa.

Banoyolo abo bayenzayo imithetho yakhe, ukuze babe negunya kuwo umthi wobomi, bangene ngamasango kuwo umzi.

Yabona, ndiyeza kamsinya; unoyolo lowo uwagcinayo amazwi esiprofeto sayo le ncwadi.

Akuyi kubakho busuku khona; abafuni sibane, nakukhanya kwelanga; ngokuba iNkosi uThixo iya kuzikhanyisela, zilawule ngonaphakade kanaphakade.

Uthi lowo uzingqinayo ezi zinto, Ewe, ndiyeza kamsinya. Amen. Ewe, yiza, Nkosi Yesu. Ubabalo lweNkosi yethu uYesu Kristu malube nani nonke. Amen.

Kuba ndiyangqina kubo bonke abawevayo amazwi esiprofeto sale ncwadi, ukuba, Ukuba uthe umntu wongeza kwezo zinto, uThixo uya kongeza kuye izibetho ezibhaliweyo kule ncwadi; Ukuba ke uthe umntu wasusa kuwo amazwi encwadi yesi siprofeto, uThixo uya kusisusa isabelo sakhe encwadini yobomi, nakuwo umzi ongcwele, nakuzo izinto ezibhaliweyo kule ncwadi.