Iivesi zeBhayibhile ezithandwayo ezisuka Mark 10

Share

“Tebyan ge Terere Mleng Gentin Vanten, tōlō me tebyan ge vanten nyer efe ōm mwenan, te nge ma me tebyan ge nge eb ōmne nyer. Te eb sene mwenan myuran eb yen wuluwul ge mo fooku vanten lam an metenen jenjenan ge he ene ktu tebyan mwenar rruan hakbe.”

Iyesu te ter konone nyer, te te fe, “Vanten tōlō ngrengre eb halku nge hobōn. Yafukon nga mwe yekya eba rrwene, tebyan ge sese te hu tōlō hel e Yafukon. Nge ma kya eba rrwene sese bonga.”

Ngate Iyesu te fe byanen, “Ō vya, mwenam rrinketean ma rrwene ge ōm wu mōl.” Byaho nga, nge te teter mōl, te te rrutō Iyesu to hal.

“Tebyan ōman mwena Yafukon, ha ge Yafukon myu byulsine, vanten ne tan ge fyan te hu tōlō ngrengre eb nga ling hōhōō ne.”

Iyesu te ter konone nge lon lol jejee, te te fe byanen, “Ōm rronrron e sese hu ma nga rru bwe. Fō a, te fō foone hilngim bonga, te fō sene buverr nan byanen lol hanglam nyer. Ge he efō rrwene sese ge li, hilngim eve lol lon tōngtōng, ngate fō me rrutōng.”

Ngate Iyesu te fe, “Ōm temelole ha nge ena rrwene byane neng?” Vanten ge a te fe, “Vanten ne Wuhuran, long mwe jeene ge fō rrwene ni ena teter mōl.”

“A lon tobol e gimi, mwenami rruan eba mnimnii. Ge hu ge lon mwe jeene eba me e yafu ne vanten rrute, mwenan rrinrrinan eba me fyan te eba me e vanten ne ōman mwenan vanten rrute.

“Nam rrō fe fetinan byane gimi, vanten hu ge lolon ma mrom ne limhian mwena Yafukon mwe yen terere ge nyer a, ma kya e vya lon limhian mwena Yafukon. Te ge he lolon eb lōne mrom ne limhian mwena Yafukon eb yen terere ge nyer a, eb lōn vya lon limhian mwena Yafukon.”

“Te vanten lol ge em bemō ho lon ge a, efe nga me eve te tebyan ge lor sa ni te rral ge rrwu, a vanten lol ge em be te ho lon ge a, efe nga me eve mō.”

“Lon tang baritean, bone ge Yafukon te rrō rrwene tan ge fyan ge li, Tuuankon me fe, “ ‘Yafukon te rrwene vanten te e ru, meleng te vehen.’ “Tebyan sese ge le, nge rrō rrwene ge meleng eba lngilngi temyan a rahen, te eb byulti mwenan tarirr, te ebrō me e hu nga lon ribii. “ ‘Sese ge le nge, ma rrwene ge tōrō rrlō nga e ru, te mōrō me e hu nga lon ribii.’