Iivesi zeBhayibhile ezithandwayo ezisuka Svun Juan 3

Share

Ti Rioxe isc'an tajmec crixchanoetic ta sba balamil, yech'o ti iyac' ti junjun Xch'amale, scotol ti much'utic ta xch'unique mu xbatic ta ch'ayel ta xcuxiic ta sbatel osil.

Ti istac tal li' ta sba balamil Xch'amal ti Rioxe, ma'uc tal yac'be castico li crixchanoetique, yu'un tal stojbe smul.

Ti Jesuse ja' yech iyalbe chac li'i: —Ta melel chacalbe, ti much'u mu xcha'ayan ta ach'e, mu xu' xba sq'uel yo' bu tspas mantal ti Rioxe ―x'utat.

»Ti much'u ta xch'un ti ja' chtojbat smul yu'un li xch'amal Rioxe, mu xba stoj smul; yan ti much'u mu xch'une, jmoj sc'oplal chbat yich' castico, ja' ti mu xch'un ti ja' yaj coltavanej ti junjun xch'amal ti Rioxe.

Ti much'utic mu xch'unique jp'el sc'oplal chba stoj smulic, ja' ti naca chopol c'usitic ta spasique, ti c'alal ital li luz li' ta sba balamile ja' mu sc'anic, ja' isc'anic li ic' osile.

Li stuque ja' xa más ta x'ich'e ta muc', yan li vo'one ta c'unc'un xa ta xbic'taj ech'el jc'oplal.

Scotol ti much'utic ja' tspasic li c'usitic chopole, toj chopol chilic li luze, mu sc'an xnopojictal yo bu li luze, yu'un ja' mu sc'anic mi chvinaj li c'usitic tspasique.

Ti much'utic ta xch'unic ti ja' Xch'amal ti Rioxe, ta xcuxiic ta sbatel osil; yan ti much'utic mu xch'unique, mu xcuxiic ta sbatel osil, ch-ac'batic tsots castico yu'un ti Rioxe.

Ja' chac c'u cha'al isjipan ta te' sloc'ol quiletel chon ta xocol balamil ti Moisés ti ta más vo'nee, ja' no'ox yech chisjipanic uc, vo'on ti Xch'amal crixchano li c'ote

Li totile lec sc'anoj li xch'amale, iyac'be syu'el, ja' scuentainoj scotol li c'usitic oye.