Iivesi zeBhayibhile ezithandwayo ezisuka Mathiu 6

Share

Mero aiupan maitkoigen niko tahan mene tehwaga ut tahan, an naremnar min uk kapofena mun kam kamiar.

Mero in ka nekimiar reshopukan nian tolauk; mero in ka nian tolauk terakahmo atu in. Nahwohwean te nian karena ribor ton.

Mero in ka tiakani to kamiar, tenesareginan to nemihwan temiar moma neta tenakarkin wa tenakaramnum, mene to nubalakamiar moma neta tenakarviu kamiar lan. Nemihwan iravit kama naunganan, an nubalakitil iravit kama nar kamava lan.

Mero ik takama tenakahwak uan imwa taham hmarig in tapin an mohwak kam Remam ierem remarik maniwan, an Remam ierem terahm maniwan terepofena nemrin kam ik.

Mero in ka tona tenakaihwak moklan, Remimar le neai, Netigam terausim. Neremerean taham terua, Nakeikeian taham terol moma le neai ne le ten.

Ofa towe nar tiakarkin towe.

Mosita netetan temar an iemarosita netetan te ierem ramomakin kamar.

An tenesiran kamar to nofenofenan, mero os miuh kamar to ieremitat.

Mero in ka takama tenakarosita netetan te neremim, Remimiar le neai raposita mun netetan temiar.

Aihm ru nemenuk le neai, kasarhiwan mesewaian, mesarhwafugenpenan imwa, an Remimiar le neai ramaugen ilar. Kamiar nakarut mun kama ilar.

Teneseitkauigenan nauta temiar le ten uk iken uin mene namtean kaitaken, an nakihla takahipu nar maikihla in. Mero tenakaitkauigen nauta temiar le neai iken uin mene namtean kasaitakenan, an nakihla kasahipuan nar maikihla in. Mero in ka iken nauta taham ramarik iken an nekim mun iken.

Ieremim ker to resolatkokunan nar to ieremera kiu. Mero in ka to rapomakin ker an molkeikei ker; wa repehapatin nowa taha ker an mepeseniapkisan ker. Kamiar nesaisanenan to nolatkokunan nar to Wuhgin mene naremnar le ten uk.

Mero takama Wuhgin remeviu nuhwal te ten mok lan ierem revia towe an tolauk kofen le nekam, an resolan mun moma tereviu kamiar, kamiar nerem nuparhienan temiar resuas?

Mero ama tenakofen atu nar ker tenesolan nelimam mul rhinatin neta nelimam matu ramol. Moma tenakofen atu maniwan an Remam ierem terahm maniwan terepofena nemrin kam ik.

Takamaihmena tenesarolan tehwaga ut temiar le nemrin neremim moma ilar takaihm; mero in ka tenesarosan nemrin to Remimiar le neai.

An ama nakaimek tenesarolan nemrimiar rait tat kama nerem kamaiusit ilar; mero in ka ilar kamarol nemrin ilar retat moma neremim takaihm moma kamaimek. Nuparhien tiakani to kamiar, ilar kenarosita nemrin tenilar. Mero ik takama tenakamek ol kaluk le tamkapa an hmapel nemram. Moma neremim tesaihman mama nakamek, mero Remam terahm maniwan, an Remam ierem terahm maniwan terepofena nemrin kam ik.