Iivesi zeBhayibhile ezithandwayo ezisuka Matiu 5

Share

Lampa te gabu ibege ai gulewa ta fabuihomo. Haba aba fataꞌaina yai te tole, be dodoga luma yai mala ya feledi. Gonogonowana doha, em mala bena ya sina dodoga ai lisidi, be haba ginauli loholohodi wa ginaulidi sa itadi haba Tamam galewa yai sa fadebasae.

Yo umi mate tanoꞌubu mahudoꞌina ana mala. Yena siti uduhuli yai sa ginauli hige gonowana ti simo.

Salumadi nuwadi sa aꞌa, nuwadi ti kwade, paꞌana Yaubada haba sa ita!

Salumadi dudulai guliyamna yo gadomaguna lisidi yai, mate nuwadi ti kwade! Yaubada haba ya famohafudi.

Inmoho, E falibamiu: <<Am waiyunu u fanuha, yo saluma sa liba fafaheyayam, enehedi u lauꞌuꞌula.>>

Iyen, Salumadi yaluwa yai sa deha, nuwadi ti amna wananaha, Galewa Aba Baꞌisa Nuꞌuna mate iti enehedi.

Tau laulau bili salumadi, nuwadi ti kwade. Paꞌana Yaubada haba ya kawa natuwedi!

Salumadi sa nuwa heyaya, nuwadi ti amna wananaha. Paꞌana Yaubada haba nuwadi ya liba fataludi.

Salumadi dudulai debana yai sa ankamkamna, nuwadi ti amna wananaha, paꞌana Galewa Aba Baꞌisa Nuꞌuna iti enehedi!

Tau nuwatohatoha, nuwadi ti amna! Paꞌana Yaubada haba ya nuwatohatohaedi hinaga!

Salumamiu dodoga sa liba faheyayamiu, sa fakamkamnamiu yo liba bwalabwala yai wasamiu sa faheyayadi yau debagu yai mate, au kwade. Laulauna eseꞌesegana sa ginauli peloweta bwaꞌidi lisidi yai Nuwamiu ti amna yo au kwade, paꞌana maisamiu laꞌilaꞌi galewa yai ya otaꞌota.

Tau nuwa lidilidi nuwadi ti amna! Paꞌana Yaubada haba tanoꞌubu ya feledi!

Umi mate dodoga adi alita. Inmoho yena alita ni amnana ya ofi, haba sidohana faꞌamna fuyoina? Ya heyaya, haba peina moho be dodoga ai hewana sa bwaꞌi.

Bena inonomiu sa loholoho wananaha doha Tamamiu galewa yai inonona sa loholoho.

Bena wa liba moho uwen, <<Ii–>> o <<Higeꞌe.>> Somo hesa wa libaen, mate Diyabolo lisina yai ya laoma.

Laugagayo beyabeyana ganahewana yai haꞌa ami sibai. Sa libaen, tiyen, <<Yena sai matam ya oigolu, mate dogana matana hinaga u oigolu. Yo yena sai moꞌam ya oitutu, mate hinaga moꞌana hinaga u oitutu.>> Inmoho, ahoꞌite E falibamiu: Sai somo lisim yai ya ginauli faheyaya, mate tabu am hala u abi. Yena sai ya lau-papalinim, tefa hesa u felen be ainiya i oi hinaga.

Be yena matam tefa sibam ya falauponom, u limofahi, be u pei! Ibe taum mahudoꞌina i faheyaya be u alagolu ai oyagi alaꞌalana. Be yena nima sibam ya falauponom, u ibo motu be u pei! Doꞌata taum mahudoꞌina ya faheyaya be wa alagolu ai oyagi alaꞌalana hesana Gehena.