Iivesi zeBhayibhile ezithandwayo ezisuka UJWANISI 19

Yabelana

Kwathi bona uJesu amukele isibharha, wathi: “Sekuphethekile!” Wakhothamisa ihloko, wafa.

Emva kwalokhu uJesu sele asazi bona koke sekuphethekile, nokobana kuzakuzaliseka umtlolo, wathi: “Ngomile.”

Kwathi lokha uJesu nakabona unina nomfundi egade amthanda ajame hlanu komma loyo, wathi kunina: “Mma, naso indodanakho!” Godu wathi emfundini: “Nango ummakho.” Kusuka lapho umfundi loyo wamthatha wamusa emzinakhe.

Kodwana kwathi lokha nafika kuJesu, amfumana sele afile. Yeke azange asaphula imilenzakhe. Kunalokho omunye wamajoni wagwaza ihlangothi lakhe ngomkhonto, khonokho kwaphuma iingazi namanzi.

Lokhu kwenzeka khona kuzakuzaliseka imitlolo ethi: “Alikho nalinye ithambo lakhe elizakwephulwa.” Kukhona omunye umtlolo othi: “Abantu bazamqala loyo abamgwazileko.”

Waphuma azitjathele isiphambano sakhe, waya endaweni ekuthiwa yiKhakhayi, (ebizwa ngesiHebheru bona yiGolgotha.)

Amajoni aluka isihlohlo sameva amthwesa sona; amembesa iphuraphura ebubende.