Iivesi zeBhayibhile ezithandwayo ezisuka Génesis 3

Share

Ari amenanaquero chochoqui, oneacameetsataquero. Oneveshireanacaro ocoanaque oyearo aisati ocoanaque ioyetanaquero cameetsayetatsiri aisati caari cameetsayetatsi. Irosati ojireantacaro oacaro aisati opaqueri iriori ojime, yoacaro.

Yora maranque ionirotasanotatsiri catsini, yanaacojeitaqueri maaroni itsipapee poshiniripee jeri coquiyetatsiri yora yovetsicajeitaqueri Tasorentsi. Isampitaquero tsinane, icantiro: —¿Queariompa icantajeitaquempi Tasorentsi: ‘Eiro poajeitarotsi chochoquipee, oca panquirentsimashiquiniri’?

Nomatacayempi pinquisanaquero tsinane aisati onquisanaquempi iroori. Aisati pinquempeteri oshanincatajeari iroori, pinquisanaqueri iriori, aisati inquisanaquempi avirori. Yora oshanincatajeari coajica iraatiquempi piitoqui aisati avirori pantsiqueri iititsonoitiqui.

Ari icantiro iroori tsinane: —Meeca avirori, ariorica pintimeri pitomi oshequi ompomerentsitimotempi, pinquemaatsicatearo iatsica. Aisati pincoasanotanaque incavintsayempi pijime aisati impincatsariventempi.

Pincanteani pimasavitimentero poajeiteari, irosati pincamanteari. Ariorica pincamaque, pimpeanajea quipatsi; tempa avirotaque quipatsi novetsicaqueri. Irotaque icantaqueriri.

Impoiji icantiri iriori shirampari: —Piquemisantaquero pijina poantacarori avirori chochoqui nocantavetaquempiri: ‘Eiro poarotsi.’ Avirotaque cantacaacarori, meeca oca quipatsi eiro ocameetsatasanotanajitsi. Irosatiquera panei, pincanteani pimpomerentsiventearo pantaveete ontimanteari poyeari.

Irosati isampitantacari: —¿Jaanicampa camantaquempiri piotantacari picaaratsempequitaque? ¿Poacarompa chochoqui nocantavetaquempiri: ‘Eiro poarotsi’?

Yoimisoquijantacariri atiri, yoaque inampirepee iquenapainta catsirincaiteri, shenteroneri ivanquiremashi, aisati saviri shiarori paamari parashetatsiri. Irotaque oshoncapinitaquero ticaacoventaquerori ivanquire, eiro imatantajatsi atiri iraajero oitsoqui inchato oaneantatsiri.

Ari ipajitaquero Adán ijina Eva. Irotaque intanacarori otimayetaqueri otomipee, irosati ishequiajeitantanaca atiripee.