LUK 4
4
Jisu mika Tenkalarka niiñ
(Mt 4.1-11; Mk 1.12-13)
1 #
Mt 4.1-11; Mk 1.12-13. Ho Jisu, Darii Yajiyallo poteje giitola, Jordan hokii ahkur tiiku, ho Yajiyallo lo ingii kotii 2allo loalyañpiilye zabyo ho, igii lo tenkalarka kotii. Ho mo hang diimatii hiika myoduho; ho mohlu tenkalarka tenja kukele, mo haya ritii. 3Igii mohmi lutii, “No matiirḛ Pinii ka Oho milo, siika yalañ siimi yatañ lyitote hiila luto.” 4Ho Jisu lusitii mohmi, Hiila ketola do, Miyu mi diigo kontii sangii make. 5Ho igii mohmi ayoh ho chagiitii, ho hikha dohadolo daka raddeganda mi kakiñtii ichuche myoduho, 6#1 Jn 5.19. ho mohmi lutii, “Niimi ngo hikha siika otority la tatukatu mi biso; niimpalukoda siika siimi ngiimi bitii, ho ngo humi bina do ngo bichi. 7No matiirḛ, hokoda, ngiimi herii lyimilo, siika miilañja niipa lyikiñ doke.” 8Ho Jisu lusitii mohmi, Hiila ketola do,
Nunu Niika Pinii Attoh mi heriito,
ho mohmi kontii miihoto.
9Ho mo Jisu mi Jerusalem ho chagiitii, ho piniiude ka mantu jaho dake nentii, ho mohmi lutii, “No matiirḛ Pinii ka oho milo, sokiila no atoh atoh huhi huka he; 10niimpalukoda hiila ketola do,
‘Mo mohka miidopopi atañmi niipa lubi kendoke, niimi dagur biiniipa,’
11ho
‘Niimi mohlu mohluka ahla lo jotu biilyi diike,
hiila makoda no tiihala niika liidu mi yalañ ho tiike nendiila hiila.’”
12Ho Jisu lusitii mohmi, Hiila lutola do, “‘Nunu niika Pinii Attoh mi tenka la miiyo.’” 13#Lk 22.28. Ho igii hikha tenkalarka mi tenka tenja kulala, mo mohkokii intiiku myodu aya ahniiñmi kalyala.
Jisu Galili hokii Mohka Miigo Miiri Biitii
(Mt 4.12-17; Mk 1.14,15)
14 #
Mt 4.12; Mk 1.14; Mt 9.26; Lk 4.37. Ho Jisu ahkur tiiku Galili ho Yajiyallo ka harchichike mi giitola, ho mohka piigomi hikha aruñare daka gandaho tapa tatii patii. 15#Mt 4.23; 9.35; 11.1. Ho mo mohluka sinagog atañ ho tonsḛrtii, miilañ rulo assañkotii.
Jisu mi Nazaret ho Khiipatii
(Mt 13.53-58; Mk 6.1-6)
16 #
Mt 13.53-58; Mk 6.1-6; Miin 13.14-16. Ho mo Nazaret ho ahtii, nohna mohmi sucha tiinii; ho mo sinagog ho ahtii, mohka dumiñ miijuho, dumoalo ho. Ho ridupa guritii; 17ho hiiko mohmi nyibuhenii Aijaya ka kheta keniiñ mi bitii. Mo kheta mi bekotii ho hoka ketolaka doniimi kappatii,
18“Attoh ka Yajiyallo ngiiko do,
niimpalukoda ngiimi mo arrḛyartiiku
aya puyu mi arro atañmi
tonsḛrkhenyo kiine dupa.
Mo ngiimi kiiniñtii gyuko niipa
miyudornii atañ mika tupya kosaniimi
ho micha atañka mida kusaniimi,
hutiina hensḛrkadu la danii hiimi
dasḛrpa dake nendupa hiila,
19Attoh ka talii lasanii anyañ mika gyuko niipa.”
20Ho mo kheta mi bepiñ tiiku, ho hiimi hoka dabii bomi bikur tiiku, ho duha tiiku; ho hikha sinagog hoka dunii atañka amee mohmi kadi nyatii. 21Ho mo luritii mohlumi, “Siilo siika piniipota hii lyipe lyike nunuka tadopa.” 22#Jn 6.42; 7.15. Ho miilañja mohmi ayado lunyatii, ho hemur nyatii mohka nyachu hokiika hiimkane tapyo aguñ goliñ niimi; ho mohlu lutii, Siikasi Josep ka oho masuha ehna? 23#Mk 1.21; 2.1; Jn 4.46. Ho mo mohlumi lutii, “Nunu ngiipa siika nitiñhormi mi ludasiinedo, ‘Datḛr, atoh miya miipya siito; ngunu niihiila niimi tapato Keparnam hoka miiniiñmi, hiimi so niika atoh ganda hotiirḛ miito.’” 24#Jn 4.44. Ho mo lutii, “Jijeloda, Ngo nunumi lukoso, nyibuhenii kone hetḛr mo atoh gandaho khiiko ma. 25#Jem 5.17-18. Hojalopa jije mi Ngo nunumi lukoso, Elija ka myodu ho Isrel ho hiimie abuje dutii, yapuñ ka danyi nyahiñhe la piilo barkhe ngepiñ lyiho, hikha kiiddi hoka hempḛr uro diime ahlyi ho; 26ho Elija mi mohluka agiñho kone kotrḛ kiiniñma hojalo Zarepat ko kontiisii, Sidon gandaho, annii akha hiimie kone ko. 27Ho hiiko hempḛr abuje tahikoya giinii Isrel ho dutii nyibuhenii Elisha ka myodu ho; ho kone mitrḛ darii dopa miimatii, hojalo Syria daka Naman mi kontiisii.” 28Hiimi mohlu tapa lala, hikha sinagog hoka dunii atañ hadii ritii. 29#Miin 7.58. Ho mohlu gurila ho mohmi citi ka agoho jopa lintii, ho mohmi putoo ka ayoh jaho chagiitii nohna mohluka citi mi pentiinii, niimpalukoda mohlu mohmi hokiila chukupa jopa lodupa hiila. 30#Jn 8.59; 10.39. Hojalo apur hokii mohlumi limpo biila mo intiiku.
Miyu kone Diimmah Yajiyallo Giitola
(Mk 1.21-28)
31 #
Mk 1.21-28. Ho mo Keparnam ho totii, Galili ka citi ho. Ho mo dumoalo ho mohlumi tonsḛrtii; 32#Mt 7.28; 13.54; 22.33; Mk 11.18; Jn 7.46. ho mohlu hemur nyatii mohka tonsḛr niimi, niimpalukoda mohka aguñ goliñ niiho otority giitii. 33Ho sinagog ho miyu kone dutii huko hona igii kacho yajiyallo giitiinii; ho mo hempḛr goropa gyuritii, 34“Oha! No ngunumi nii miipa, Nazaret daka Jisu? No ngunumi pyadu lopa ahdu nii? Ngo chindo no hu hiila, Pinii ka Darii Kone.” 35Hojalo Jisu mohmi gatii, lubiidola, “Aduyo, ho mohkokii linto ku!” Ho igii mohmi mohluka punkoho ripa lolala, igii mohkokii lintiiku, mohmi hang heru miipa mapa. 36Ho mohlu hikha aluñ nyatii ho lusu nyatii kone anyañmi, “Siika aguñ si niihpe? Niimpalukoda mo otority la harchichike giitola kacho yajiyallo mi lubiine, ho mohlu linnya neku.” 37#Lk 4.14; 5.15; Mt 9.26. Ho mohka piigo mi hikha aruñare daka gandaho tapa tatii patii.
Jisu Abuje Miyu mi Miipya Biido
(Mt 8.14-17; Mk 1.29-34)
38 #
Mt 8.14-17; Mk 1.29-34. Ho mo guri kula ho sinagog hokii intiiku, ho Saimon ka ude ho ahtii. Siisi Saimon ka ayyobo hempḛr uropa doli chila dotii, ho mohlu mohpa mohmi mebitii. 39Ho mo mohka aruñho dala dolimi gatii, ho hii mohmi apatiiku; ho ohepada mo guri tiiku ho mohlumi miihotii.
40Siisi danyi ahku kiile, Hikha hutiina ponsa ponsa achih-ahe giinya tiinii mohko ahgii bitii; ho mo mohka alah mi kone abiko tenkatii ho mohlumi miipya bitii, 41Ho igii tiirḛ abuje miyu kokii lintiiku, gyunya biidola, “No Pinii ka Oho!” Hojalo mo mohlumi gatii, ho kone mitrḛ luke nematii, niimpalukoda mohlu chintii mo Kristo hiila.
Jisu Sinagog atañ ho Tonsḛrkhenyotii
(Mk 1.35-39)
42 #
Mk 1.35-38. Ho allo kukele mo intiiku ho jirara myokoh ho intii. Ho miyuatañ mohmi metii ho mohko ahtii, ho mohlumi apatela inke nenku matii; 43hojalo mo mohlumi lutii, “Ngo Pinii raddeganda ka aya puyu mi pongelya citi atañ miilañ ho tonsḛrkhenyo kendoke; niimpalukoda ngiimi siika piigo pake kiiniñ tiinii.” 44#Mt 4.23; Mk 1.39; Mt 9.35. Ho mo Judia daka sinagog atañ ho tonsḛrkhenyo tii.
Currently Selected:
LUK 4: APATBSI
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
LUK 4
4
Jisu mika Tenkalarka niiñ
(Mt 4.1-11; Mk 1.12-13)
1 #
Mt 4.1-11; Mk 1.12-13. Ho Jisu, Darii Yajiyallo poteje giitola, Jordan hokii ahkur tiiku, ho Yajiyallo lo ingii kotii 2allo loalyañpiilye zabyo ho, igii lo tenkalarka kotii. Ho mo hang diimatii hiika myoduho; ho mohlu tenkalarka tenja kukele, mo haya ritii. 3Igii mohmi lutii, “No matiirḛ Pinii ka Oho milo, siika yalañ siimi yatañ lyitote hiila luto.” 4Ho Jisu lusitii mohmi, Hiila ketola do, Miyu mi diigo kontii sangii make. 5Ho igii mohmi ayoh ho chagiitii, ho hikha dohadolo daka raddeganda mi kakiñtii ichuche myoduho, 6#1 Jn 5.19. ho mohmi lutii, “Niimi ngo hikha siika otority la tatukatu mi biso; niimpalukoda siika siimi ngiimi bitii, ho ngo humi bina do ngo bichi. 7No matiirḛ, hokoda, ngiimi herii lyimilo, siika miilañja niipa lyikiñ doke.” 8Ho Jisu lusitii mohmi, Hiila ketola do,
Nunu Niika Pinii Attoh mi heriito,
ho mohmi kontii miihoto.
9Ho mo Jisu mi Jerusalem ho chagiitii, ho piniiude ka mantu jaho dake nentii, ho mohmi lutii, “No matiirḛ Pinii ka oho milo, sokiila no atoh atoh huhi huka he; 10niimpalukoda hiila ketola do,
‘Mo mohka miidopopi atañmi niipa lubi kendoke, niimi dagur biiniipa,’
11ho
‘Niimi mohlu mohluka ahla lo jotu biilyi diike,
hiila makoda no tiihala niika liidu mi yalañ ho tiike nendiila hiila.’”
12Ho Jisu lusitii mohmi, Hiila lutola do, “‘Nunu niika Pinii Attoh mi tenka la miiyo.’” 13#Lk 22.28. Ho igii hikha tenkalarka mi tenka tenja kulala, mo mohkokii intiiku myodu aya ahniiñmi kalyala.
Jisu Galili hokii Mohka Miigo Miiri Biitii
(Mt 4.12-17; Mk 1.14,15)
14 #
Mt 4.12; Mk 1.14; Mt 9.26; Lk 4.37. Ho Jisu ahkur tiiku Galili ho Yajiyallo ka harchichike mi giitola, ho mohka piigomi hikha aruñare daka gandaho tapa tatii patii. 15#Mt 4.23; 9.35; 11.1. Ho mo mohluka sinagog atañ ho tonsḛrtii, miilañ rulo assañkotii.
Jisu mi Nazaret ho Khiipatii
(Mt 13.53-58; Mk 6.1-6)
16 #
Mt 13.53-58; Mk 6.1-6; Miin 13.14-16. Ho mo Nazaret ho ahtii, nohna mohmi sucha tiinii; ho mo sinagog ho ahtii, mohka dumiñ miijuho, dumoalo ho. Ho ridupa guritii; 17ho hiiko mohmi nyibuhenii Aijaya ka kheta keniiñ mi bitii. Mo kheta mi bekotii ho hoka ketolaka doniimi kappatii,
18“Attoh ka Yajiyallo ngiiko do,
niimpalukoda ngiimi mo arrḛyartiiku
aya puyu mi arro atañmi
tonsḛrkhenyo kiine dupa.
Mo ngiimi kiiniñtii gyuko niipa
miyudornii atañ mika tupya kosaniimi
ho micha atañka mida kusaniimi,
hutiina hensḛrkadu la danii hiimi
dasḛrpa dake nendupa hiila,
19Attoh ka talii lasanii anyañ mika gyuko niipa.”
20Ho mo kheta mi bepiñ tiiku, ho hiimi hoka dabii bomi bikur tiiku, ho duha tiiku; ho hikha sinagog hoka dunii atañka amee mohmi kadi nyatii. 21Ho mo luritii mohlumi, “Siilo siika piniipota hii lyipe lyike nunuka tadopa.” 22#Jn 6.42; 7.15. Ho miilañja mohmi ayado lunyatii, ho hemur nyatii mohka nyachu hokiika hiimkane tapyo aguñ goliñ niimi; ho mohlu lutii, Siikasi Josep ka oho masuha ehna? 23#Mk 1.21; 2.1; Jn 4.46. Ho mo mohlumi lutii, “Nunu ngiipa siika nitiñhormi mi ludasiinedo, ‘Datḛr, atoh miya miipya siito; ngunu niihiila niimi tapato Keparnam hoka miiniiñmi, hiimi so niika atoh ganda hotiirḛ miito.’” 24#Jn 4.44. Ho mo lutii, “Jijeloda, Ngo nunumi lukoso, nyibuhenii kone hetḛr mo atoh gandaho khiiko ma. 25#Jem 5.17-18. Hojalopa jije mi Ngo nunumi lukoso, Elija ka myodu ho Isrel ho hiimie abuje dutii, yapuñ ka danyi nyahiñhe la piilo barkhe ngepiñ lyiho, hikha kiiddi hoka hempḛr uro diime ahlyi ho; 26ho Elija mi mohluka agiñho kone kotrḛ kiiniñma hojalo Zarepat ko kontiisii, Sidon gandaho, annii akha hiimie kone ko. 27Ho hiiko hempḛr abuje tahikoya giinii Isrel ho dutii nyibuhenii Elisha ka myodu ho; ho kone mitrḛ darii dopa miimatii, hojalo Syria daka Naman mi kontiisii.” 28Hiimi mohlu tapa lala, hikha sinagog hoka dunii atañ hadii ritii. 29#Miin 7.58. Ho mohlu gurila ho mohmi citi ka agoho jopa lintii, ho mohmi putoo ka ayoh jaho chagiitii nohna mohluka citi mi pentiinii, niimpalukoda mohlu mohmi hokiila chukupa jopa lodupa hiila. 30#Jn 8.59; 10.39. Hojalo apur hokii mohlumi limpo biila mo intiiku.
Miyu kone Diimmah Yajiyallo Giitola
(Mk 1.21-28)
31 #
Mk 1.21-28. Ho mo Keparnam ho totii, Galili ka citi ho. Ho mo dumoalo ho mohlumi tonsḛrtii; 32#Mt 7.28; 13.54; 22.33; Mk 11.18; Jn 7.46. ho mohlu hemur nyatii mohka tonsḛr niimi, niimpalukoda mohka aguñ goliñ niiho otority giitii. 33Ho sinagog ho miyu kone dutii huko hona igii kacho yajiyallo giitiinii; ho mo hempḛr goropa gyuritii, 34“Oha! No ngunumi nii miipa, Nazaret daka Jisu? No ngunumi pyadu lopa ahdu nii? Ngo chindo no hu hiila, Pinii ka Darii Kone.” 35Hojalo Jisu mohmi gatii, lubiidola, “Aduyo, ho mohkokii linto ku!” Ho igii mohmi mohluka punkoho ripa lolala, igii mohkokii lintiiku, mohmi hang heru miipa mapa. 36Ho mohlu hikha aluñ nyatii ho lusu nyatii kone anyañmi, “Siika aguñ si niihpe? Niimpalukoda mo otority la harchichike giitola kacho yajiyallo mi lubiine, ho mohlu linnya neku.” 37#Lk 4.14; 5.15; Mt 9.26. Ho mohka piigo mi hikha aruñare daka gandaho tapa tatii patii.
Jisu Abuje Miyu mi Miipya Biido
(Mt 8.14-17; Mk 1.29-34)
38 #
Mt 8.14-17; Mk 1.29-34. Ho mo guri kula ho sinagog hokii intiiku, ho Saimon ka ude ho ahtii. Siisi Saimon ka ayyobo hempḛr uropa doli chila dotii, ho mohlu mohpa mohmi mebitii. 39Ho mo mohka aruñho dala dolimi gatii, ho hii mohmi apatiiku; ho ohepada mo guri tiiku ho mohlumi miihotii.
40Siisi danyi ahku kiile, Hikha hutiina ponsa ponsa achih-ahe giinya tiinii mohko ahgii bitii; ho mo mohka alah mi kone abiko tenkatii ho mohlumi miipya bitii, 41Ho igii tiirḛ abuje miyu kokii lintiiku, gyunya biidola, “No Pinii ka Oho!” Hojalo mo mohlumi gatii, ho kone mitrḛ luke nematii, niimpalukoda mohlu chintii mo Kristo hiila.
Jisu Sinagog atañ ho Tonsḛrkhenyotii
(Mk 1.35-39)
42 #
Mk 1.35-38. Ho allo kukele mo intiiku ho jirara myokoh ho intii. Ho miyuatañ mohmi metii ho mohko ahtii, ho mohlumi apatela inke nenku matii; 43hojalo mo mohlumi lutii, “Ngo Pinii raddeganda ka aya puyu mi pongelya citi atañ miilañ ho tonsḛrkhenyo kendoke; niimpalukoda ngiimi siika piigo pake kiiniñ tiinii.” 44#Mt 4.23; Mk 1.39; Mt 9.35. Ho mo Judia daka sinagog atañ ho tonsḛrkhenyo tii.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.