LUK 5
5
Jisu Gyotu Japa Hanjeajiñ Atañ mi gyobiido
(Mt 4.18-22; Mk 1.16-20)
1 #
Mt 4.18-22; Mk 1.16-20; Jn 1.40-42; 21.1-19. Miyu atañ mohmi nenje nenge biilyinii Pinii aguñmi tadupa hiila, mo Genesaret ka siimie ho datii. 2Ho mo hulu tanye siimie ho kappatii; hojalo ngiiyyi lanii atañ intiiku ho mohluka pakhe atañmi asela dotii. 3#Mt 13.1-2; Mk 4.1. Hulu tare ho chala, niihna Saimon kiitiinii, mo lubiido mohmi siilyo hokiila ichuche adho dopa miito. Ho mo dutii ho miyu atañmi hulu hokiila tonsḛrtii. 4Ho mo luja kulala, mo lutii Saimon mi, “Urañ dalyiho khohato ho niika pakhe mi kuloto hadupa.” 5#Lk 8.24,45; 9.33,49; 17.13. Ho Saimon lusitii, “Atoh, ngunu siyo yoteje hakatii ho hang habiima! Hojalo niika lukopa ngo pakhemi kulo talyike.” 6Ho mohlu hiila miikele, mohlu hempḛr ngiiyyi soro abuje habiido; mohluka pakhe lohepa bare giipa miitii, 7mohlu mohluka ajiñ atañmi hoyetii mohluka huluho ahla mohlumi hembyuñpe hiila. Ho mohlu ahtii ho hulu tanye ruho poteje latii, hopa mohlu huhapa miitii. 8Hojalo hiimi Saimon Pitar kappa lala, mo Jisu ka liibañ ho chuha tii, lubiidola, “Ngiiko hokii adho insa heku, niimpalukoda ngo ingyamiigyanii miyu ke, O Attoh.” 9Niimpalukoda mo hempḛr kamutii, ho hikha mo agiñ hoka danii atañ miilañ, mohluka ngiiyyi laniiñ atañmi; 10ho hii chulipa Jems la Jon nyi miilañ, Zebedi ka oho anye, mo anye Saimon ka ajiñ paka danii. Ho Jisu lutii Saimon mi, “Biisoyo; siisi kiija nunu miyu mike gyokiñ donii.” 11Ho mohlu hulu mi kiiddi ko kholiñ kulala, mohlu kapanehemi apatela ho mo kiiliñ ho imbo montii.
Jisu miyu Kone mi Miipya Biido
(Mt 8.1-4; Mk 1.40-45)
12 #
Mt 8.1-4; Mk 1.40-45; Lk 17.11-19. Mo citi kone ho dakele, hiiko miyu kone tahikoya giitola ahtii; ho mo Jisu mi kappa lala, mo mohka nyimo mi chuki lala ho mohmi kutii, Attoh, no matiirḛ hendo koda, no ngiimi darii dopa miila kendo. 13Ho mo mohka alah mi lyuliñtii, ho tennetii, lubiidola, “Ngo hendo; dariitoku.” Ho ohepada tahikoya giiniiñhii hempyo datiiku. 14Ho mo kone mitrḛ luko lyayo hiila mohmi lubiido; hojalo “inge ho no atohmi nyibu mi kakiñ siinge, ho binge Mose ka luniiñ chulipa Pinii mi niimi ka miipya kuko hopa, miyuatañ mika luko lutiñnaniiñ pa.” 15#Lk 4.14,37; Mt 9.26. Hojalopa abuyapa ya mohka piigomi adhoganda ho tapala lyitii; ho abuje miyu dakuñ nyatii tadupa ho mohluka achih-ahe hokii miipya kodupa hiila. 16#Lk 3.21; 6.12; 9.18,28; 11.1. Hojalo mo hokii zabyo ho ingiitiiku ho kutii.
Jisu Liikuñnii Miyu Kone Mi Miipya Biido
(Mt 9.1-8; Mk 2.1-12)
17 #
Mt 9.1-8; Mk 2.1-12; Jn 5.1-9. #Mt 15.1; Mk 5.30; Lk 6.19. Allo lohe, mo tonsḛrla dokele, hiiko Parisi atañ la dapo ka tonsḛrbo atañ aruñare ho dutii, hiika atañ Galili ho Judia ho Jerusalem lemba kone abi hokii ahnii; ho Attoh ka miipya nanii harchichike hii mohko giitii. 18Ho kato, miyuatañ dota naniiñ ho liikuñnii miyu kone mi jolii biido, ho mohlu mohmi ura ho jolii biinatii ho Jisu ka aruñho atii nantii; 19hojalo uraho jolii biiko lembo kappa matii, miyuabuje dako hopa, mohlu malo ayoho chatii ho hokiila dota naniiñ mi jota lola santa mi khoko lala punko jaho Jisu ka hataho jolo bitii. 20#Lk 7.48-49. Ho mo mohluka henje mi kappa lala mo lutii, “Miyu, niika ingyamiigyanii atañmi hello tiikuke.” 21Ho pagenii atañ la Parisi atañ taka ritii, lubiidola, Huna siika miyu si pinii mi nipadanii? Hu ingyamiigya niimi hello lakiñdo hojalo Pinii kontiisii? 22Jisu mohluka takanii atañmi hempa lala, mo lusitii mohlumi, “Niimpa nunu taka siinyada nunuka ahha ho? 23Niihpe lupyo lyakiñ doniiñ, ludupa, ‘Niika ingyamiigyanii atañmi hello tiikuke,’ malo hiila luniiñ yapeha, ‘Gurito ho into’? 24Hojalo nunu hiila chingiihe Miyu ka Oho ko kiiddi-apiñ daka ingyamiigya atañmi hello nanii otority giido hiila” mo lukuñlamu bomi lutii “Ngo niimi ludu, gurito, niika pepu mi khebii kula ude ho ingeku.” 25Ho ohepada mo guridatii mohluka hataho, ho mohka dotananii mi khebii tiiku, ho ude ho intiiku, Pinii mi assañ biidola. 26Ho miilañrumi hemur dopa miitii, ho mohlu Pinii mi assañtii ho biiso nyatii, lubiidola, siilo kapuñ drih kappatii.
Jisu Levi mi Gyobiido
(Mt 9.9-13; Mk 2.13-17)
27 #
Mt 9.9-13; Mk 2.13-17. Siika hiibaho mo agoho lintiiku, ho biijokajo myanii kone kappatii, hiika armyañ Levi hiila, biijokajo myako ude ho dupa; ho mo mohmi lutii, “Ngiika kiiliñ ho imboto.” 28Ho mo amanehemi apatii, ho guritii ho mohmi imbo montii.
29Ho Levi mohka ude ho hempḛr kayepa mohmi diigo hotii; ho hiiko abuje biijokajo myanii atañ ho khiibemiyu miilañ mohluka agiñho diitananii ho dubo montii. 30#Lk 15.1-2. Ho Parisi atañ la pagenii atañ mohka henjeajiñ atañmi budubudu lunyatii, lubiidola, “Niimpa nunu diidu tandu biijokajo myanii atañ la ingyamiigyanii atañ agiñho?” 31Ho Jisu mohlumi lusitii, “Huna dasḛr la dunii hii datḛr mi anna make, hojalo huna achih nyadonii; 32#1 Tim 1.15. Ngo denki mi gyopa amake, hojalo ingyamiigyanii atañ misuke henkur kiine dupa hiila.”
Nyoniiñ Piigo mika Takaniiñ
(Mt 9.14-17; Mk 2.18-22)
33 #
Mt 9.14-17; Mk 2.18-22. #Lk 7.18; 11.1; Jn 3.25-26. Ho mohlu mohmi lutii, “Jon ka henjeajiñ atañ kiirañ nyodo ho kuniiñ mi kiirañ kudo, ho hii chulipa Parisi ka henjeajiñ atañ tiirḛ, hojalo niikii diido-tando.” 34Ho Jisu mohlumi lutii, “Mihie millo lasu lyiho hoka nyibo ahnii atañmi nunu nyoke nela kendo peha mohluka agiñho mihie lasabo durañpa? 35#Lk 9.22; 17.22. Allo loliñ kendoke, niidana mihie lasa bomi mohluka agiñ hokii ira giichinii, ho mohlu nyola kendo hiika allo ho.” 36Mo mohlumi lutiñnaniiñ miilañ lukotii: “Kone tiirḛ pulye niti hokii sarliñ lala ho hiimi pulye khu ho ripo liima; mo matiirḛ hiila miidokoda, mo niti miya sarche kendo, ho niti hokiika ripo liiniiñ hii khu ho kapo kema. 37Ho kone hetḛr roalha ajañ mi dije khu ho hiliima; mo matiirḛ hilii dokoda, roalha ajañ hii dije alyo mi buche giikiñdo ho ubu hopa bipa linkiñdo, ho alyo miya ayamapa miikiñdo. 38Hojalopa roalha ajañ mi dije niti hosu hilii kensu donii. 39Ho kone tiirḛ roalha khu mi tala lala niti hokii tanado hiila henkiñma; niimpalukoda mo ludo, ‘Khu hii ayado.’”
Currently Selected:
LUK 5: APATBSI
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
LUK 5
5
Jisu Gyotu Japa Hanjeajiñ Atañ mi gyobiido
(Mt 4.18-22; Mk 1.16-20)
1 #
Mt 4.18-22; Mk 1.16-20; Jn 1.40-42; 21.1-19. Miyu atañ mohmi nenje nenge biilyinii Pinii aguñmi tadupa hiila, mo Genesaret ka siimie ho datii. 2Ho mo hulu tanye siimie ho kappatii; hojalo ngiiyyi lanii atañ intiiku ho mohluka pakhe atañmi asela dotii. 3#Mt 13.1-2; Mk 4.1. Hulu tare ho chala, niihna Saimon kiitiinii, mo lubiido mohmi siilyo hokiila ichuche adho dopa miito. Ho mo dutii ho miyu atañmi hulu hokiila tonsḛrtii. 4Ho mo luja kulala, mo lutii Saimon mi, “Urañ dalyiho khohato ho niika pakhe mi kuloto hadupa.” 5#Lk 8.24,45; 9.33,49; 17.13. Ho Saimon lusitii, “Atoh, ngunu siyo yoteje hakatii ho hang habiima! Hojalo niika lukopa ngo pakhemi kulo talyike.” 6Ho mohlu hiila miikele, mohlu hempḛr ngiiyyi soro abuje habiido; mohluka pakhe lohepa bare giipa miitii, 7mohlu mohluka ajiñ atañmi hoyetii mohluka huluho ahla mohlumi hembyuñpe hiila. Ho mohlu ahtii ho hulu tanye ruho poteje latii, hopa mohlu huhapa miitii. 8Hojalo hiimi Saimon Pitar kappa lala, mo Jisu ka liibañ ho chuha tii, lubiidola, “Ngiiko hokii adho insa heku, niimpalukoda ngo ingyamiigyanii miyu ke, O Attoh.” 9Niimpalukoda mo hempḛr kamutii, ho hikha mo agiñ hoka danii atañ miilañ, mohluka ngiiyyi laniiñ atañmi; 10ho hii chulipa Jems la Jon nyi miilañ, Zebedi ka oho anye, mo anye Saimon ka ajiñ paka danii. Ho Jisu lutii Saimon mi, “Biisoyo; siisi kiija nunu miyu mike gyokiñ donii.” 11Ho mohlu hulu mi kiiddi ko kholiñ kulala, mohlu kapanehemi apatela ho mo kiiliñ ho imbo montii.
Jisu miyu Kone mi Miipya Biido
(Mt 8.1-4; Mk 1.40-45)
12 #
Mt 8.1-4; Mk 1.40-45; Lk 17.11-19. Mo citi kone ho dakele, hiiko miyu kone tahikoya giitola ahtii; ho mo Jisu mi kappa lala, mo mohka nyimo mi chuki lala ho mohmi kutii, Attoh, no matiirḛ hendo koda, no ngiimi darii dopa miila kendo. 13Ho mo mohka alah mi lyuliñtii, ho tennetii, lubiidola, “Ngo hendo; dariitoku.” Ho ohepada tahikoya giiniiñhii hempyo datiiku. 14Ho mo kone mitrḛ luko lyayo hiila mohmi lubiido; hojalo “inge ho no atohmi nyibu mi kakiñ siinge, ho binge Mose ka luniiñ chulipa Pinii mi niimi ka miipya kuko hopa, miyuatañ mika luko lutiñnaniiñ pa.” 15#Lk 4.14,37; Mt 9.26. Hojalopa abuyapa ya mohka piigomi adhoganda ho tapala lyitii; ho abuje miyu dakuñ nyatii tadupa ho mohluka achih-ahe hokii miipya kodupa hiila. 16#Lk 3.21; 6.12; 9.18,28; 11.1. Hojalo mo hokii zabyo ho ingiitiiku ho kutii.
Jisu Liikuñnii Miyu Kone Mi Miipya Biido
(Mt 9.1-8; Mk 2.1-12)
17 #
Mt 9.1-8; Mk 2.1-12; Jn 5.1-9. #Mt 15.1; Mk 5.30; Lk 6.19. Allo lohe, mo tonsḛrla dokele, hiiko Parisi atañ la dapo ka tonsḛrbo atañ aruñare ho dutii, hiika atañ Galili ho Judia ho Jerusalem lemba kone abi hokii ahnii; ho Attoh ka miipya nanii harchichike hii mohko giitii. 18Ho kato, miyuatañ dota naniiñ ho liikuñnii miyu kone mi jolii biido, ho mohlu mohmi ura ho jolii biinatii ho Jisu ka aruñho atii nantii; 19hojalo uraho jolii biiko lembo kappa matii, miyuabuje dako hopa, mohlu malo ayoho chatii ho hokiila dota naniiñ mi jota lola santa mi khoko lala punko jaho Jisu ka hataho jolo bitii. 20#Lk 7.48-49. Ho mo mohluka henje mi kappa lala mo lutii, “Miyu, niika ingyamiigyanii atañmi hello tiikuke.” 21Ho pagenii atañ la Parisi atañ taka ritii, lubiidola, Huna siika miyu si pinii mi nipadanii? Hu ingyamiigya niimi hello lakiñdo hojalo Pinii kontiisii? 22Jisu mohluka takanii atañmi hempa lala, mo lusitii mohlumi, “Niimpa nunu taka siinyada nunuka ahha ho? 23Niihpe lupyo lyakiñ doniiñ, ludupa, ‘Niika ingyamiigyanii atañmi hello tiikuke,’ malo hiila luniiñ yapeha, ‘Gurito ho into’? 24Hojalo nunu hiila chingiihe Miyu ka Oho ko kiiddi-apiñ daka ingyamiigya atañmi hello nanii otority giido hiila” mo lukuñlamu bomi lutii “Ngo niimi ludu, gurito, niika pepu mi khebii kula ude ho ingeku.” 25Ho ohepada mo guridatii mohluka hataho, ho mohka dotananii mi khebii tiiku, ho ude ho intiiku, Pinii mi assañ biidola. 26Ho miilañrumi hemur dopa miitii, ho mohlu Pinii mi assañtii ho biiso nyatii, lubiidola, siilo kapuñ drih kappatii.
Jisu Levi mi Gyobiido
(Mt 9.9-13; Mk 2.13-17)
27 #
Mt 9.9-13; Mk 2.13-17. Siika hiibaho mo agoho lintiiku, ho biijokajo myanii kone kappatii, hiika armyañ Levi hiila, biijokajo myako ude ho dupa; ho mo mohmi lutii, “Ngiika kiiliñ ho imboto.” 28Ho mo amanehemi apatii, ho guritii ho mohmi imbo montii.
29Ho Levi mohka ude ho hempḛr kayepa mohmi diigo hotii; ho hiiko abuje biijokajo myanii atañ ho khiibemiyu miilañ mohluka agiñho diitananii ho dubo montii. 30#Lk 15.1-2. Ho Parisi atañ la pagenii atañ mohka henjeajiñ atañmi budubudu lunyatii, lubiidola, “Niimpa nunu diidu tandu biijokajo myanii atañ la ingyamiigyanii atañ agiñho?” 31Ho Jisu mohlumi lusitii, “Huna dasḛr la dunii hii datḛr mi anna make, hojalo huna achih nyadonii; 32#1 Tim 1.15. Ngo denki mi gyopa amake, hojalo ingyamiigyanii atañ misuke henkur kiine dupa hiila.”
Nyoniiñ Piigo mika Takaniiñ
(Mt 9.14-17; Mk 2.18-22)
33 #
Mt 9.14-17; Mk 2.18-22. #Lk 7.18; 11.1; Jn 3.25-26. Ho mohlu mohmi lutii, “Jon ka henjeajiñ atañ kiirañ nyodo ho kuniiñ mi kiirañ kudo, ho hii chulipa Parisi ka henjeajiñ atañ tiirḛ, hojalo niikii diido-tando.” 34Ho Jisu mohlumi lutii, “Mihie millo lasu lyiho hoka nyibo ahnii atañmi nunu nyoke nela kendo peha mohluka agiñho mihie lasabo durañpa? 35#Lk 9.22; 17.22. Allo loliñ kendoke, niidana mihie lasa bomi mohluka agiñ hokii ira giichinii, ho mohlu nyola kendo hiika allo ho.” 36Mo mohlumi lutiñnaniiñ miilañ lukotii: “Kone tiirḛ pulye niti hokii sarliñ lala ho hiimi pulye khu ho ripo liima; mo matiirḛ hiila miidokoda, mo niti miya sarche kendo, ho niti hokiika ripo liiniiñ hii khu ho kapo kema. 37Ho kone hetḛr roalha ajañ mi dije khu ho hiliima; mo matiirḛ hilii dokoda, roalha ajañ hii dije alyo mi buche giikiñdo ho ubu hopa bipa linkiñdo, ho alyo miya ayamapa miikiñdo. 38Hojalopa roalha ajañ mi dije niti hosu hilii kensu donii. 39Ho kone tiirḛ roalha khu mi tala lala niti hokii tanado hiila henkiñma; niimpalukoda mo ludo, ‘Khu hii ayado.’”
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.