LUK 6
6
Dumoalo Piigo mika Takaniiñ
(Mt 12.1-8; Mk 2.23-28)
1 #
Mt 12.1-8; Mk 2.23-28. Dumoalo lohe, mo emmo aji mi impo biila ila dokele, mohka henjeajiñ atañ elyañ nyetañ hokii tula lala diitii, mohluka alah lo kela lala. 2Hojalo Parisi tonge lutii, “Niimpa nunu hiila miidu nii mina dumoalo ho miikiñ manii?” 3Ho Jisu lusitii, “Nunu purimatopo David ka mohka haya lyiho hoka miiniiñmi, mohla ho mo agiñ hoka dabomonii atañ: 4niihtañpa mo Pinii ka ude ho ahtii, ho Piniiñ mika binii yatañ mi lala la ho diitii, nii mina kone hetḛr diila kema tiinii hojalo nyibu kontiisii diila kensu tiinii, ho hiimi mo agiñ hoka dabo monii atañ miilañmi bitii?” 5Ho mo mohlumi lutii, “Miyu ka Oho dumoalo ka attoh ke.”
Alah Lakuñnii Miyu
(Mt 12.9-14; Mk 3.1-6)
6 #
Mt 12.9-14; Mk 3.1-6. Dumoalo lohe yaho, mo sinagog ho ahbiila tonsḛr kiile, miyu kone hiikaho datii huka lahbi alahna lakuñ tiinii. 7Ho pagenii atañ la Parisi atañ mohmi kala datii, mohmi dumoalo ho miipya talyiha hiila kaka dupa hiila, niimpalukoda mohlu mohmi halii nanii meliñ dupa. 8Hojalo mo chintii mohluka heniiñ atañmi, ho mo lutii hiika miyu mi hukiina alah lakuñ tiinii, “Ahto ho so dato.” Ho mo guritii ho hiikaho datii. 9Ho Jisu mohlumi lutii, “Ngo nunumi takadu, nii yape miidiko dumoalo ho, aya miiniiñ yapeha malo ayamapa ka miiniiñ peha, sango biniiñ yapeha malo miidu niiya peha?” 10Ho mo miilañ rumi kahi kaso lala, ho mohmi lutii, “Niika alah mi lyuliñto.” Ho mo lyuliñtii, ho mohka alah hii hempyo tiiku. 11Hojalo mohlu hempḛr hadiitii ho taka siinyatii kone anyañmi niihpe Jisu mi miichi nii hiila.
Jisu Alyañlenye Kiiniñkonii mi kahe biido
(Mt 10.1-4; Mk 3.13-19)
12 #
Mk 3.13-19; Mt 10.2-4; Miin 1.13. #Lk 3.21; 5.16; 9.18,28; 11.1. Hiika allo ho mo putoo ho chatii kudupa; ho ayoh yoteje mo Pinii mi kula dutii. 13Ho allo kukele, mo mohka henjeajiñ atañmi gyotii, ho hiika hokii alyañlenye mi kahetii, humina mo kiiniñkonii hiila myantiinii; 14Saimon, humina mo Pitar hiila myantiinii, ho Andrew mohka anu, ho Jems la Jon nyi, Pilip, ho Bartolomiu, 15ho Methu, ho Tomas, ho Jems Alpayas ka oho, ho Saimon humina Zealot hiila gyotiinii, 16ho Judas Jems ka oho, ho Judas Iskariot, huna golluniipa lyitiinii.
Jisu Tonsḛrtii ho Miipyatii
(Mt 4.23-25)
17 #
Mt 5.1-2; 4.24-25; Mk 3.7-12. Ho mo mohluka agiñho akañ ho totii ho hapa lengo ho datii, abuje mohka henjeajiñ atañ ho hempḛr miyu taro Judia hokii ho Jerusalem hokii Tayer la Sidon nyika siimie siilyo hokii, mohka luniiñmi tadupa ho mohluka achih-ahe atañ hokii miipya kodupa hiila ahtii; 18ho hutiina kacho yajiyallo lo miihimiire kotiinii miipya kotii 19Ho hikha miyuatañ mohmi tene dupa hiila metii, niimpalukoda mohkokii harchichike hii lintii ho miilañru miipya kotii.
Hempyo la Heru
(Mt 5.1-12)
20 #
Mt 5.3-12. Ho mo mohka amee mi mohka henjeajiñ atañmi kacha lala, ho lutii:
“Lyanko kendo nunu arro miyuhii, niimpalukoda Pinii ka raddeganda hii nunukii.
21“Lyanko kendo nunu siisi ka hayanii, niimpalukoda nunu khe biikiñdo.”
“Lyanko kendo nunu siisi ka khenii, niimpalukoda nunu ngarkiñ do.
22 #
1 Pit 4.14; Jn 9.22; 16.2. Lyanko kendo nunu niida nunumi miyuatañ kanamapa miichi, ho nunu mika khiipa liilyiho ho nyapalyiho, ho nunuka armyañ mi diimmah hiila khiipa liilyiho, miyu Oho ka piigopa! 23Hiika allo ho hempyo tolya, ho hempyola podu tolya, niimpalukoda kato, niipaka ajunii dariiganda ho kaye kendo; hiichulipa mohluka aba atañ nyibuhenii atañmi miitii.
24 #
Lk 10.13-15; 11.38-52; 17.1; 21.23; 22.22. #Lk 16.25; Jem 5.1-5; Mt 6.2. “hojalo aiya hiila hembido nunu mingo atañmi, niimpalukoda nunu nunuka sampyo sangomi santiiku.
25“Aiya hiila hembido nunumi siisi ka poteje doniimi, niimpalukoda nunu haya kendo.
“Aiya hiila hembido nunu siisika ngarnii atañmi, niimpalukoda nunu herukendo ho khekiñdo.
26“Aiya hiila hembido nunumi, hikha miyu atañka nunumika assañ lyiho, hiichulipa mohluka aba atañ tiirḛ amuh nyibuhenii atañmi assañne.
Ahha-banii Paka Heniiñ
(Mt 5.38-48; Mt 7.12)
27 #
Mt 5.39-44; Rom 12.17; 1 Kor 6.7. “Hojalo Ngo tanii atañmi lukoso, Nunuka ahha-banii mi hento, huna niimi kanañ mapa miidonii hiipa aya miibito, 28lyanto huna nunumi bedonii, huna niimi ayamapa miidonii hiipa kubito. 29Hiimi huna niika moru ho pita donii, pache dalyi miilañmi mohii bitolya; ho huna niika pulye mi labii talyinii nunuka tarii miilañ miya bitolya. 30Kone abimi bitolya huna nunukokii myado talyinii; ho huna nunuka drih mi labii talyinii mohluko hokii laku biilya kuyo. 31#Mt 7.12. Ho niihtañpa nunu hendo miyuatañ nunupa miibi dokoda hiila, mohlupa hiila miibito.
32“Nunu matiirḛ nunumika henniimi hendo koda, nunu nii miibitii? Niimpalukoda ingyamiigyanii atañ tiirḛ mohlumi ka henniimi hensi sudu. 33Ho nunu matiirḛ nunu paka aya miibi niimi ayamiisi bidokoda, nunu nii miibitii? Niimpalukoda ingyamiigyanii atañ tiirḛ hiila miisuda. 34Ho nunu matiirḛ huna nunumi bili lakiñ donii hiimi nalya dokoda, nunu nii miibitii? Ingyamiigya atañ tiirḛ ingyamiigya atañmi nalya siidu, abu yapa laku biidupa hiila. 35#Mt 5.9. Hojalo nunumika ahha baniimi hentolya, ho aya miibito, ho narto, hang lakutalyi ku hiila helyayo; ho nunupaka ajunii ano kaye kendoke, ho nunu kayejaka oho pa lyikiñ doke; niimpalukoda mo helakala duke henchiñ manii mila ho henchi hehi henii bomi. 36Aroh tolya, nunuka Aba tiirḛ aroh niike.
Mi Mika Haliiniiñ
(Mt 7.1-5)
37 #
Mt 7.1-2; Rom 2.1. “Haliiyo, ho nunu mitrḛ halii kemake; khiipayo, ho nunu mitrḛ khiipa kemake; helloto, ho nunu mitrḛ hello kendoke; 38#Mk 4.24; Miin 20.35.bito, hiika hiimi niimi tiirḛ bikiñ doke; ayapa tuka biidola, nanti biidola, rongeta huka biidola, palepapo dopa, niika alah ho atii bikiñ doke. Niimpalukoda niihtañpa no tukatii hiitañpa niimi tiirḛ tuka tusi kendo.”
39 #
Mt 15.14. Mo lutiñnaniiñ miilañ mohlumi luko biido: Micha miyu konehii micha miyu konemi ingii lakiñ dopeha? Mo anye pakaho giihi kemasa ehna? 40#Mt 10.24-25; Jn 13.16; 15.20. Henjeajiñ hii tonsḛrbo mi kahe yamake, hojalo kone abi niida mohmi aya loda tonsḛr kochiku hosu tonsḛrbo chuli mo chikañ lyikiñ siidonii. 41#Mt 7.3-5. Niimpa nunu nunuka anuabañ atañka amee daka miju mi kaha nyada, hojalo nunuka atoh amee daka sampoporo pohe giiniiñ miya hempa siinya mapa? 42Malo niihtañpa nunu nunuka anubarmii mi lula kendo, Anu barmii, nii niika amee daka miju mi lapa toso, nunu atoh amee daka sampokane poro giiniiñ miya kappa siima pa? Nunu apukahi, kapyopa nunuka amee daka sampo poro bomi ya lapa siitorañ, ho hoke nunu nunuka anubarmii atañka amee daka mijumi kadḛrpa lapa lakiñ donii.
Sannii la Hiika ahee
(Mt 7.16-20; Mt 12.33-35)
43 #
Mt 7.18-19; 12.33-35; Jem 3.11-12. Niimpalukoda aya sannii hii ayamanii ahee hima ke, hiichuli ayamanii sannii hii aya ahee himadu; 44niimpalukoda sannii buhe abimi hiika ahee hiniiñlo kaladu. Taro ahee hii tare atañ ho giiliñma, malo roahee hii manii tammi ho giiliñma. 45#Mk 7.20. Miyu denki hii mohka ahha aya henju loka atii tiikuñ niilo aya mi lingiidu, ho diimmah miyu hii mohka diimmah mika atii tiikuñ nii hokii diimmah mi lingiidu; niimpalukoda ahha hoka pote lyikuho nyachu ho luliñ nyadu.
Ude Penii Anye
(Mt 7.24-27)
46 #
Mt 7.21. “Niimpa nunu ngiimi gyodu ‘Attoh, Attoh,’ ho ngo nii miito luto hiimi miima dola? 47#Mt 7.24-27; Jem 1.22-25. Kone abi huna ngiiko ahla ho ngiika luniiñmi tala ho hiimi miichinii, Ngo niimi kakiñ talyike mo niihtañ hiila: 48mo hiika ude miinii miyu chulike, huna urañpa heliilala, ho yalañ ayoh hoka penchanii; ho yasie tuha jalo, ude mi kiiley tuha biisu jalo, ho hang hiimi abyu lama, niimpalukoda hiikahii hempḛr aya pentii. 49Hojalo huna tasu lala ho hiimi miimanii hii hiika miyu chulido huna ude pensu lala urañpa aya helii mapaka peniiñ chuli; ho yasie tuhatii, ho ohepada hii giipa yudatii, ho hiika udeka yadu yuniiñ hempḛr uro kendo.”
Currently Selected:
LUK 6: APATBSI
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
LUK 6
6
Dumoalo Piigo mika Takaniiñ
(Mt 12.1-8; Mk 2.23-28)
1 #
Mt 12.1-8; Mk 2.23-28. Dumoalo lohe, mo emmo aji mi impo biila ila dokele, mohka henjeajiñ atañ elyañ nyetañ hokii tula lala diitii, mohluka alah lo kela lala. 2Hojalo Parisi tonge lutii, “Niimpa nunu hiila miidu nii mina dumoalo ho miikiñ manii?” 3Ho Jisu lusitii, “Nunu purimatopo David ka mohka haya lyiho hoka miiniiñmi, mohla ho mo agiñ hoka dabomonii atañ: 4niihtañpa mo Pinii ka ude ho ahtii, ho Piniiñ mika binii yatañ mi lala la ho diitii, nii mina kone hetḛr diila kema tiinii hojalo nyibu kontiisii diila kensu tiinii, ho hiimi mo agiñ hoka dabo monii atañ miilañmi bitii?” 5Ho mo mohlumi lutii, “Miyu ka Oho dumoalo ka attoh ke.”
Alah Lakuñnii Miyu
(Mt 12.9-14; Mk 3.1-6)
6 #
Mt 12.9-14; Mk 3.1-6. Dumoalo lohe yaho, mo sinagog ho ahbiila tonsḛr kiile, miyu kone hiikaho datii huka lahbi alahna lakuñ tiinii. 7Ho pagenii atañ la Parisi atañ mohmi kala datii, mohmi dumoalo ho miipya talyiha hiila kaka dupa hiila, niimpalukoda mohlu mohmi halii nanii meliñ dupa. 8Hojalo mo chintii mohluka heniiñ atañmi, ho mo lutii hiika miyu mi hukiina alah lakuñ tiinii, “Ahto ho so dato.” Ho mo guritii ho hiikaho datii. 9Ho Jisu mohlumi lutii, “Ngo nunumi takadu, nii yape miidiko dumoalo ho, aya miiniiñ yapeha malo ayamapa ka miiniiñ peha, sango biniiñ yapeha malo miidu niiya peha?” 10Ho mo miilañ rumi kahi kaso lala, ho mohmi lutii, “Niika alah mi lyuliñto.” Ho mo lyuliñtii, ho mohka alah hii hempyo tiiku. 11Hojalo mohlu hempḛr hadiitii ho taka siinyatii kone anyañmi niihpe Jisu mi miichi nii hiila.
Jisu Alyañlenye Kiiniñkonii mi kahe biido
(Mt 10.1-4; Mk 3.13-19)
12 #
Mk 3.13-19; Mt 10.2-4; Miin 1.13. #Lk 3.21; 5.16; 9.18,28; 11.1. Hiika allo ho mo putoo ho chatii kudupa; ho ayoh yoteje mo Pinii mi kula dutii. 13Ho allo kukele, mo mohka henjeajiñ atañmi gyotii, ho hiika hokii alyañlenye mi kahetii, humina mo kiiniñkonii hiila myantiinii; 14Saimon, humina mo Pitar hiila myantiinii, ho Andrew mohka anu, ho Jems la Jon nyi, Pilip, ho Bartolomiu, 15ho Methu, ho Tomas, ho Jems Alpayas ka oho, ho Saimon humina Zealot hiila gyotiinii, 16ho Judas Jems ka oho, ho Judas Iskariot, huna golluniipa lyitiinii.
Jisu Tonsḛrtii ho Miipyatii
(Mt 4.23-25)
17 #
Mt 5.1-2; 4.24-25; Mk 3.7-12. Ho mo mohluka agiñho akañ ho totii ho hapa lengo ho datii, abuje mohka henjeajiñ atañ ho hempḛr miyu taro Judia hokii ho Jerusalem hokii Tayer la Sidon nyika siimie siilyo hokii, mohka luniiñmi tadupa ho mohluka achih-ahe atañ hokii miipya kodupa hiila ahtii; 18ho hutiina kacho yajiyallo lo miihimiire kotiinii miipya kotii 19Ho hikha miyuatañ mohmi tene dupa hiila metii, niimpalukoda mohkokii harchichike hii lintii ho miilañru miipya kotii.
Hempyo la Heru
(Mt 5.1-12)
20 #
Mt 5.3-12. Ho mo mohka amee mi mohka henjeajiñ atañmi kacha lala, ho lutii:
“Lyanko kendo nunu arro miyuhii, niimpalukoda Pinii ka raddeganda hii nunukii.
21“Lyanko kendo nunu siisi ka hayanii, niimpalukoda nunu khe biikiñdo.”
“Lyanko kendo nunu siisi ka khenii, niimpalukoda nunu ngarkiñ do.
22 #
1 Pit 4.14; Jn 9.22; 16.2. Lyanko kendo nunu niida nunumi miyuatañ kanamapa miichi, ho nunu mika khiipa liilyiho ho nyapalyiho, ho nunuka armyañ mi diimmah hiila khiipa liilyiho, miyu Oho ka piigopa! 23Hiika allo ho hempyo tolya, ho hempyola podu tolya, niimpalukoda kato, niipaka ajunii dariiganda ho kaye kendo; hiichulipa mohluka aba atañ nyibuhenii atañmi miitii.
24 #
Lk 10.13-15; 11.38-52; 17.1; 21.23; 22.22. #Lk 16.25; Jem 5.1-5; Mt 6.2. “hojalo aiya hiila hembido nunu mingo atañmi, niimpalukoda nunu nunuka sampyo sangomi santiiku.
25“Aiya hiila hembido nunumi siisi ka poteje doniimi, niimpalukoda nunu haya kendo.
“Aiya hiila hembido nunu siisika ngarnii atañmi, niimpalukoda nunu herukendo ho khekiñdo.
26“Aiya hiila hembido nunumi, hikha miyu atañka nunumika assañ lyiho, hiichulipa mohluka aba atañ tiirḛ amuh nyibuhenii atañmi assañne.
Ahha-banii Paka Heniiñ
(Mt 5.38-48; Mt 7.12)
27 #
Mt 5.39-44; Rom 12.17; 1 Kor 6.7. “Hojalo Ngo tanii atañmi lukoso, Nunuka ahha-banii mi hento, huna niimi kanañ mapa miidonii hiipa aya miibito, 28lyanto huna nunumi bedonii, huna niimi ayamapa miidonii hiipa kubito. 29Hiimi huna niika moru ho pita donii, pache dalyi miilañmi mohii bitolya; ho huna niika pulye mi labii talyinii nunuka tarii miilañ miya bitolya. 30Kone abimi bitolya huna nunukokii myado talyinii; ho huna nunuka drih mi labii talyinii mohluko hokii laku biilya kuyo. 31#Mt 7.12. Ho niihtañpa nunu hendo miyuatañ nunupa miibi dokoda hiila, mohlupa hiila miibito.
32“Nunu matiirḛ nunumika henniimi hendo koda, nunu nii miibitii? Niimpalukoda ingyamiigyanii atañ tiirḛ mohlumi ka henniimi hensi sudu. 33Ho nunu matiirḛ nunu paka aya miibi niimi ayamiisi bidokoda, nunu nii miibitii? Niimpalukoda ingyamiigyanii atañ tiirḛ hiila miisuda. 34Ho nunu matiirḛ huna nunumi bili lakiñ donii hiimi nalya dokoda, nunu nii miibitii? Ingyamiigya atañ tiirḛ ingyamiigya atañmi nalya siidu, abu yapa laku biidupa hiila. 35#Mt 5.9. Hojalo nunumika ahha baniimi hentolya, ho aya miibito, ho narto, hang lakutalyi ku hiila helyayo; ho nunupaka ajunii ano kaye kendoke, ho nunu kayejaka oho pa lyikiñ doke; niimpalukoda mo helakala duke henchiñ manii mila ho henchi hehi henii bomi. 36Aroh tolya, nunuka Aba tiirḛ aroh niike.
Mi Mika Haliiniiñ
(Mt 7.1-5)
37 #
Mt 7.1-2; Rom 2.1. “Haliiyo, ho nunu mitrḛ halii kemake; khiipayo, ho nunu mitrḛ khiipa kemake; helloto, ho nunu mitrḛ hello kendoke; 38#Mk 4.24; Miin 20.35.bito, hiika hiimi niimi tiirḛ bikiñ doke; ayapa tuka biidola, nanti biidola, rongeta huka biidola, palepapo dopa, niika alah ho atii bikiñ doke. Niimpalukoda niihtañpa no tukatii hiitañpa niimi tiirḛ tuka tusi kendo.”
39 #
Mt 15.14. Mo lutiñnaniiñ miilañ mohlumi luko biido: Micha miyu konehii micha miyu konemi ingii lakiñ dopeha? Mo anye pakaho giihi kemasa ehna? 40#Mt 10.24-25; Jn 13.16; 15.20. Henjeajiñ hii tonsḛrbo mi kahe yamake, hojalo kone abi niida mohmi aya loda tonsḛr kochiku hosu tonsḛrbo chuli mo chikañ lyikiñ siidonii. 41#Mt 7.3-5. Niimpa nunu nunuka anuabañ atañka amee daka miju mi kaha nyada, hojalo nunuka atoh amee daka sampoporo pohe giiniiñ miya hempa siinya mapa? 42Malo niihtañpa nunu nunuka anubarmii mi lula kendo, Anu barmii, nii niika amee daka miju mi lapa toso, nunu atoh amee daka sampokane poro giiniiñ miya kappa siima pa? Nunu apukahi, kapyopa nunuka amee daka sampo poro bomi ya lapa siitorañ, ho hoke nunu nunuka anubarmii atañka amee daka mijumi kadḛrpa lapa lakiñ donii.
Sannii la Hiika ahee
(Mt 7.16-20; Mt 12.33-35)
43 #
Mt 7.18-19; 12.33-35; Jem 3.11-12. Niimpalukoda aya sannii hii ayamanii ahee hima ke, hiichuli ayamanii sannii hii aya ahee himadu; 44niimpalukoda sannii buhe abimi hiika ahee hiniiñlo kaladu. Taro ahee hii tare atañ ho giiliñma, malo roahee hii manii tammi ho giiliñma. 45#Mk 7.20. Miyu denki hii mohka ahha aya henju loka atii tiikuñ niilo aya mi lingiidu, ho diimmah miyu hii mohka diimmah mika atii tiikuñ nii hokii diimmah mi lingiidu; niimpalukoda ahha hoka pote lyikuho nyachu ho luliñ nyadu.
Ude Penii Anye
(Mt 7.24-27)
46 #
Mt 7.21. “Niimpa nunu ngiimi gyodu ‘Attoh, Attoh,’ ho ngo nii miito luto hiimi miima dola? 47#Mt 7.24-27; Jem 1.22-25. Kone abi huna ngiiko ahla ho ngiika luniiñmi tala ho hiimi miichinii, Ngo niimi kakiñ talyike mo niihtañ hiila: 48mo hiika ude miinii miyu chulike, huna urañpa heliilala, ho yalañ ayoh hoka penchanii; ho yasie tuha jalo, ude mi kiiley tuha biisu jalo, ho hang hiimi abyu lama, niimpalukoda hiikahii hempḛr aya pentii. 49Hojalo huna tasu lala ho hiimi miimanii hii hiika miyu chulido huna ude pensu lala urañpa aya helii mapaka peniiñ chuli; ho yasie tuhatii, ho ohepada hii giipa yudatii, ho hiika udeka yadu yuniiñ hempḛr uro kendo.”
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.